(ملتقى العراقيات المغتربات)

هلوووو بنات
ام تومة رهييييييبه سالفة المصؤل هههههههههههههه
هاي ذكرتيني هنا بعمان سمعت بوحده دتتعلم سياقه عراقيه فتريد تفهم السايق الي يعلمها انه هي ناصيه بكعدتها مكاعده زين
فكلتله استاذ احس نفسي واطيه ههههههههههههههههه
رهيبين العراقيين من يحجون غير لغتهم نصها عراقي مجقلب سالفة المصؤل:p
ومرة وحده بت عمي تحجيلي تكول دخلت كدامي سالت ابو المحل لو سمحت اديش هاي الماسحة المطعوجه الي بره ههههههههههه
يعني بس الاديش الرجال فهمها حرام اذا عرف الوراها شكالت هههههههههه
نمنومه اني مثل موقفج تقريبا بس الفرق انتي رب العالمين ستر عليج ومحد انتبه اما اني فالشرطة المت عليه هههههههههههه
قبل مااجي لعمان يعني تقريبا قبل 6 سنين هيج شي اتعينت بالعراق
وشغل جان زين وفرحانه بيه
المهم
سويت المعامله بالوزاره طبعا واني بحياتي مرايحه مكان لوحدي حتى الكليه صدفه جنت ويه نفس صديقاتي بالمدرسه وجيرانه همين فجانت اهون
من اشتغلت لوحدي كمت اراجع المهم الله سهلها بالوزاره اصدقائنه جان ويايه وخلصت ورحت للكلية سويت الاوراق
ووصلت للدائرة الي راح اشتغل بيها نفسها
طبعا اني مسويه انجاز اني كل هذا سويته وصرت شويه جريئه
وداشتغل وداحس نفسي فيكة المكان راح اصير هههههههههه
طاووس دامشي ههههههههههه
خلصت شغله بالدائرة وطلعت اجيب من كشك فايل للاوراق
ورب العالمين راد يربيني شويه هههههههههه
المهم جيت داطلع اجيب الفايل واكفين شرطة حماية دوائر بره
واني شنو فتت من يمهم ماباوع عليهم حتى
شو مشيت يمكن مترين
ماحس نفسي غير صرت شي صاعد شي نازل جسمي هالحجي اني مشيت شويه والاحساس ديزيد
فوكفت كلت هاي شكو؟ المهم مااسمع غير شرطي واكف كلي ثووووول ههههههههههههههههه
طبعا برسيتيجي مسمحلي اني ابين اني فشلانه
رجعت بكل كبرياء شفت الكعب مكسور مال واحد منهم تكرمون وداخل بزرف بالرصيف وماشيه ومكسور وباقي
جان اشيله
واخليه بمكانه عود المهمه كلش سهله هههههههههه
فاكيد مثبت
ظليت احاول بكبررررياء
فواحد من الشرطة الواكفين واعتقد نفسه ابو الثول حسه بتئنيب الضمير كلي ها شنو انكسر
ابتسمت ابتسامه لطيييفه ابد مو نفسي الجنت شايفه روحي:o
كتله اييييي
فكلي تعالي
دخلني للاستعلامات وناس كاعده طبعا تنتظر واكو غرفة تفتيش نسائي بس صغيره هيج بس قاطع
دخلني يم الي تفتش
كلتلي ها مكسوور
صرت مثل بالكارتون الجفنه نازل وبس يرمش كتله اي :(
كالو هسه نجيب صمغ
جابو الصمغ
لزكو
كالو خلص امشي
رجعت الابتسامه الي
كلت يالله
كتلهم مثل الشاطره شكرااااااا:D
طلعت
بنفسسسسسسسسسسسسس المكان
وكع الكعب
كلولي هااااا
دخلوني ليجوة مرة ثانية هههههههههههه
ابو الاستعلامات ولد خطيه حباب باوع بوجهي ابتسم
ابتسمت بوجهه ابتسامه غبيه كتله هم انكسر;)
ضحك بس خطيه ضم ضحكته لاافشل فوك فشلي
والناس هالحجي تباوع
بس ولاباوعت بوجهم لان البيه كافيني ماريد المح احد ديضحك
كعدوني
كالو جيبو المنشار جيبو الجاكوج ناصبين عليه الشرطه ههههههههههه
واني بس افر براسي
كالو هياته الجاكوج راح اندكه بمسار للكعب
كالو زين شلون تبقين حافيه خطيه
جيبو تكرمون ( نعل ) ابو علي طبعا اني عيوني انفتحت هذا يانعل راح البس:-o وجماله مال ابو علي هههههههه
كالو لا مو ابو علي ديتوضه ولابسه:lol:\يعني حتى هذا هم محصلته
طبعا اني ماعرف اضحك ماعرف ابجي
المهم خطيه دكو صار زين
كالو بس شلون ترحين هيج اخاف همين ينكسر تعالي نوصلج
هذوله منو؟
الشرطة
بشنو يوصلوني؟
بسيارة الشرطة
راسا حسيت طلعت غيمة فوك راسي مثل الكارتون دافكر^o) اذا وكفت كدام بيتنه ونزلت من سيارة شرطه لو احلف ميت الف يمين اني انكسر حذائي محد راح يصدكني
فكلتهم لالالالالالالالالالالالالالالا دينتظرني السياق بره
فكالو ها زين لعد
طبعا طلعت اجر اذيال الفشله:'(
وماشيل راسي لااشوف احد ديضحك هههههههه
رجعت للبيت بس عاوجه راسي وساكته
كالو ها شلونج شنو تعبتي؟
اهز براسي انه اي
كالو يله ميخالف تتعودين
كتلهم بصوت نااااصي اريد اشتري حذاء
كالو اي هسه بس خلصي المعامله وننزل قبل لتداومين تشترين شغلاتج
كتلها لا اريد هسه هههههههههههه
طبعا محد يدري شكو
رحت نمت الظهر من البلايه الشفتها تعبت ههههههههههه
عاد كعدت المغرب حجيتهم
ومااحجيلكم الضحك طبعا ههههههههههههه
خلوها سكته
وليحد هسه اي ضايج وطالعه روحه بس احجيله هاي القصه ينسه همه ويكوم يضحك هههههههههه

ام تومة ماشاء الله جهالج كلش حلوين الله يحفظهم يارب
بس اني جهالي المشكله ابوهم راح مشوار لزحل ولسه مرجعش من يجي ان شاء الله اصورهم هههههههههههههه

لا نمنومه مداومة بس من اكو رايح جاي واكو شغل ماكدر افتح من يفرغ المكان واخلص شغل افتح بالختله ههههههههههه
والطبخ والله ماعرف لان ماما تسوي الغده واني اسم الله عليكم فلاونزا فمديعجبني كتلها سوي اي شي بس يكون شوربه وياه
بالعافيه تمن الاحمر والسمج
احنه تمن احمر وسمج الخميس لو الجمعه نسويه اكثر شي

ام تومة بنتج كل مااباوع عليها احس شايفتها او تشبه احد شايفته
مداعرف ليش
مع انه انتي كلتي معايشه بالعراق
سبحان الله شكلها مالوف

ها عجبتكم فشلتي ههههههههههه
يله ام تومة بنتظار الموقف
وانتو همين تذكرو منا منا
اني عندي شغله تصير ويايه بالشغل همين خلصوا واحجيلكمياها