المكتوب بااااين من عنوااانه
كم مره شريتي لزوجك هديه وحبيتي تفاجأينه فيها
لكن طريقه تقديمك كانت اعتياديه يااحطتها فووق السرير او على طاوله الصاااله
وصار تقديم الهديا شي روتيني مع الوقت
لكن في طرق تخلي الهديه مميزه وترسخ في الذهن ومن اهم الأمور طريقه تقديم الهديه
تعالي اعطيك افكار جديده اوقديمه ولكن معدله>>ههه حلووه
ويارب تعجبكم وتستفيدو منها وراح احط لكم بعض الصور من النت علشان أوصل لكم الفكرره
وعلى فكره كلها من افكاري وليست منقوووله
اولا
هاذي صاحبتي سوتها لزوجها وكانت فكرتي وجات نتايجها رووعه وتقول فعلا حست زوجها فرح كثير بالهديه الموهم انها جابت صندووق احمر وحطت داخله عطر ومجموعه للشور اوكي هاذي قديمه لكن الجديد انها خبتها بغساله الملابس ومثلت انها يوووه تضايقت وقالت له بسرعه روح شووف الغساله انا حطيت فيها بنطلوني وفيها الكارد حقي وماابي انصدم لواخترب روح شووف وش صار فيه طبعا هو راح ورجع فرحاااااااااان بالحركه طبعا الصندووق كان كبير شويه وبارز ولانسون تقفلون الغساله هههههه
ثانيا
ممكن تحطيها بالمكروويف وتقولين له انا صلحت لك
الطبخه الفلانيه في المكرويف روح اخذها وبيفتحها على باله طبخه وبيتفاجاْ
ثالثا
هاذي للهديا صغير الحجم
وتكون مثلا ساعه..ولاعه..مسباح.. ميداليه
تجيبين صحن
وقصدير
انتو ماعليكم من الصحن شوفو القصدير مالقيت صوره القصدير بالحاله ههههههه
وورد مجفف تلاقينه في محلات الهديا
ويكون بريالين او اكثر بشووي
الفكره انك تاخذين الصحن وتنثرين فيه الورد المجفف وتحطين الهديه وتقلفينها بقصدير
وتحطينها فوق طاوله الأكل وتقولين له انا سويت لك الطبخه اللي تحبها وهو بيستانس
وعلى باله انه الطبخه وبيشيل القصدير وبيلاقي الهديه واكيد بيفرح اكثر على باله طبخه وجاته هديه
رابعا
لوكنتي حابه تغيرين روتين الهديا الماديه
يمكن تستخدمين الفكره اللي فوق ولكن بدال الساعه اوغيرها
تحطين له كرت حلوو وتعزمينه على غداء اوعشاء وتكونين حاطه عندك ميزانيه
وياحبذا لوهو يختار المكان منها تكون طلعه رومانسيه ومنها ترتاحين من الطبخ
خامسا
وهاذي الفكره مميزه عشان تبدئين فيها سهره وتسوينها لوكنتي مغيره شي في شكلك قاصه شعرك او صابغته
طبعا بتكونين متفقه معاه انه بيكون في اليوم المحدد سهره وماتخلينه يشووف النيو لووك
وتعطينه خبر ان في هديه له تجهزين العشاء والحلى وكل شي للسهره وتحطين الشموع وتعطرين المكان يعني تسووين الأجواء المناسبه
وتكشخين وتحطين له كرت بحيث انه يكوون في مكان وااااضح ويشووفه اول مايدخل
وتقولين له تلاقي هديتك بالخزااانه او اي مكان تختارينه
طيب انتي ماعرفتي للحين وش الهديه صح؟؟
الهديه بتكوون انتي وبتاخذين الشرايط الكبيره من الستان وربطينها على خصرك بطريقه الفيونكا اللي تنربط فوق الهديا وتاخذين لون مخالف للون لبسك علشان يبان ان قصدك انتي هديته
يعني مثل طريقه هاذي الشريطه البيضاء
واكيد مو الكل راح يعمل الفكره لكنها طريقه
للمراء الجريئه اللي حب الأفكار الجديده والتغيير
طبعا هو اكيد بيتفاجأ من الحركه ومن النيووو لوك
خامسا
لويوم اني ماعندك ميزانيه وجابه تهدينه هديه
تعالي له وهو بيوم يكون رااااااااايق طبعا مو جاي من الشغل ومعصب علشان تلاقين رده فعل حلوه منه وهو بنفس الوقت من هاذي الفكره راح يحس بقيمتك ومنها بيضحك وبيحس انك خفيفه دم
قولي له حبيبي انا عندي لك هديه غااااليه وبصراحه انا متأكده مااحد راح يقدر يعطيك اياها بأذن الله غيري وانا تعبت كثير فيها واتمنى انك تحافظ عليها بالذاات هاذي الهديه غير عن كل الهداايا وقولي له لحظه بجيبها لك
لوكان عندك نونو صغير طفلك لبسيه وكشخيه وعطريه وبنفس الطريقه حطي عليه الفيونكا بنفس الطريقه اللي فوووق وعطيه النونو واكيييد بيفرح من هالهديه
ومو شرط تكون الهديه شي مادي انتي تشرينه
ممكن تكتبين قصيده اوخاطره تعبرين فيها عن مشاعرك بكل تلقائيه يكوون لها معنى اكبر من مليييون هديه:L:
هذا جهد مني حبيت افيدكم فيه
ولو الموضوع عجبكم ادعولي ربي يسخر لي زوجي ويسهل ولادتي
وباأنتظار تقييمكم وتشجيعكم لأنه اول موضوع اكتبه:o انا يعني من بنات افكاري ههه
وللي ينقله بليز يقوول منقول ويذكر المصدر