مشكله بسيطه ولا انا مكبره الموضوع

يسعدني اكون اول واحدة ترد . هلا عاشقة،،فعلا فكرة الموضوع حلوة،،لان تيجي مواقف صغيرة ما تنحكي و لا بسطرين بس تجيب الجنان...:mad:

عموما زوجك شكله زعل عشان ما مشيتي معاه بخط الطنازة فلا تحملي الموضوع اكبر من طاقته لما يروح بعدين صالحيه...

اهلين اختي والله موضوعك حلو .. احيآنا الواحد يصير له موقف بسيط مايعرف وشلون يتصرف !

وحلو الموضوع لتشاور مابين بعضنآ ..

وان شاء الله يكون هالموضوع فعال ..

/

اختي اقول لك انك كبرتي الموضوع مرة وبعدين صعبه كذا يروح ويتغدا برا وهو زعلان عليج

علشان كذا انصحك انك تدقين عليه وتكلمينه عادي ولا كان شي صار

وقولي له انك مو رايحة تتغدين لين يصير موجود

وربي راح يطير كل اللي صار في الهواء

وبالتوفيق

موضوع جميل و الله يوفقك لما فيه الخير

يا حياتي لا تتنرفزي

صحيح الرجال يرفعو الضغط بس لازم نمشي بحياتنا لانه لو موقف صغير راح يتذكر زوجك هالموقف لو بعد سنه

انتي طنشي


وانا عندي حاجات كثيييييييييييره ودي احكيها بس ان شاء الله ليا باك



اذا رجع وقبل ما تنامي امسحي على راسه قولي ارضى عني يا ابو فلان

والله بيرضى على طول

حلو الموضوع و يا كثر المواقف اللي تنرفز
و انا اقولج مثل ما قالت الاخت روح انثى انتي كبرتي الموضوع المفروض كنتي تسايرينه وتخلينها نفس اللعبه مثل ما يعلق علقي عليه بس بسوالف و خلج تظحكين لا تزعلين لانه من ترظين انتي و ياه بتحسين الموضوع مب مستاهل و بتقعدين تظحكين على نفسج وسعي صدرج و كبري عقلج تكسبين زوجج تحيااااااااااااتي

مشكوورة عالموضوع

حلوو

وبالنسبه ل زوجك

ما عندي كلام اضيفه على كلام البنات :o

حلوه فكرة الموضوع ,,
والله احياناً الرجال يستخفون دمهم في وقت ماله دآآآعي !!
واذا عصبتي قال : انتي ماتحبين المزح !!
بس وش نسوي هذولا رجالنا ولازم نصبر عليهم والأجر من الله ,,
:)

عاشقة زوجي;10861741:

السلام عليكم ورحمة الله وبركاته

شخباركم اخواتي شمسووين عساااكم بخيرر

بصراحه حبيت اقترح عليكم هالفكرة واتمنى تعجبكم

في حياتنا اليومية ساعات تمر علينا مواقف تضايقنا بس نستحي نكتبها بالقسم

لانه ممكن الناس تشوفها مشكلة بسيطة ومايحتاج لها موضوع بروحه

ولاني اليوم مريت بموقف ضايقني ونرفزني وصارت منه مشكلة بس قلت الموقف مايستاهل

اني اكتب موضوع بروحه علشان جذي جاتني هالفكرة اني افتح هالتجمع ان اي وحده عندها

مشكلة بسيطة او موقف صادها وضايقها ممكن انها تفضفض اهني

وانه راح ابتدي بالموقف الي صادني اليوم مع زوجي وضاايقني

الصبح اتصل فيني واهو بالدوام وكنت نايمة رديته عليه وظل يمزح ويقلد على صوتي في البدايه ضحكت بس عقب تنرفزت لانه طول بالطنازة وقلت ليه يا فلان تكلم عدل خلاص وظل يعاند وقمت سكت عنه واهو سكت وظلينا فوق ربع ساعه ساكتين بالتلفون وعقب قال لي تلفون مافيه جارج وسكر وتنرفزززززززت بشكل مو طبيعي ومن شوي الظهر طرش لي مسج تغدي مابجي على الغدى وتضايقت اكثررررر

مادري انه عاطيه المووضوع اكثر من حجمه وله شسالفه بس عن جد تضايقت من الحركة الي سواها شنووو تشورون علي؟؟؟

اتمنى القى تفاعل في الموضوع

تحياااتي....

ايه والله زين انج فتحتي هالموضوع
على الاقل نريح قلوبنا ( الله يبعد الهم عنا يا رب )


موقفج احيانا يصيدني لما زوجي ايي ويتطنز .. بس بعدين انا اصالحه
يمكن هو متملل جذي متصل لج ويبي يمزح معاج
وانتي صرتي معاه جاده بآخر الوقت ف زعل عليج
ترى الرياييل يتغلون ويتدلعون
ف حني عليه وصالحيه لأنه الموضوع ما يستاهل زعل وعتاب
ربي يخليكم لبعض

والله مابتصدقين اني فكرت في هالموضوع لان في مشاكل ومواقف يوميه
بسيطه تصير ولا زم نفضفض شوي >>>مااحب اتكلم عن مشاكل لاي احد قريب واعرفه
الاسبوع اللي فات واللي قبله كان فيه توتر في بيتي وزعل على اتفه الاشياء وكنت جدا
متضايقه وفكرت في هالموضوع لكن الحمدلله مشيت الامور وعادت المياه لمجاريها و
سبقتيني وطرحتي الموضوع كانك قرأتي افكاري خخخخخخ
وبالنسبه لزوجك وكل الازواج ينطبق عليهم المثل >>ضربني وبكا وسبقني واشتكى<<
الله يعينا ويصبرنا ويسخرهم لنا
مشكوره ياعسل ولك احلا تقييم مني

الغالية الموضوع حلو جزاج الله خير ... بس حبوبة بالنسبة لزوجج لما اتصل فيج تراه كان فاضي والفاضي يعمل قاضي ههههه .... بس الحلو انه لجئ لج وهذا معناه حلو حبوبة لانه على الاقل يفكر فيج في كل لحظة ودقيقة ... وترى الرجال دمهم ثقيل عااااااادي يريدون يخففوه بأ طريقة بس هههههههه مساكين الدم الثقيل ما يتخفف عندهم بسهوله ....

الله يعين


انا بعد متضايقة اليوم لان زوجي بيسوي عملية بالرجل قرر له اليوم الدكتور عملية بس ما اعرف اليوم ولا الوقت المحدد حتى العيال يحليلهم تفاجئوا من سمعوا بالعملية ... بس احاتي ما تعرفين شو دكاترنا الله يهديهم واللي نسمعة منهم هههههه كلهم مشاكل جزاريين بس اللي يعون الموضوع علي الاية الكريمة العظيمة اذا عزمت فتوكل على الله.. والنعم بالله العلي العظيم



الله يعينا


العتب

حلو الموضوع بس مو تجمع هههههههه
عادي موقفج من زوجج اهو يحب المزح وانتي ماتحبين حاولي تصيرين مثلة
انا زوجي متفقة معاه على شي والحين يبي يغير اتفاقنا على رأي ابوه فهالشي مضايقني لانة ماله داعي التطويل في السالفة الي ابيه يسويها وابوه يبيه يطول

موضوع رائئع وفكرة تجنن ..اختي يمكن زوجك كان رااايق من جي زعل لان ما مزحتتتي معاه ..انا صرراحة ضاييق خللقي خاييفة ارسسب بالجاامعة بناات ادعولي اننجح في كل الموااد يارب

اختي ركن قضايا وحلول لا يقوم بالتجمعات وهناك ركن مجلس عروس خاص للتجمعات...

ثانيا يا اختي نحن لا نعارض اي نوع من انواع المشاكل ..حتى لو كانت ( غير مهمه بنظر البعض ) فالمهم بالموضوع انها مهمه لصاحبه الموضوع ..

لهذا اختي تم تعديل موضوعك لمشكله خاصه بك وحدك وليس ( تجمع ) لاننا لا نريد فتح باب لذلك .. ونفضل ان نحل كل مشكله على حده..

تحياتي لك واتمنى تفهم ذلك

ام جنى

والله شي بعد طول المكالمة يقلد بصوت ويطنز صج ماعنده عمل ههههههههههه
الله يعينج صلي ركعتين وهدي اعصابج وقطي كل شي ورى ظهرج
وماعليج من اللي قاله لج واذا رجع البيت جنه شي ماصار لالا تتكلمين بالموضوع نهائيا

والله احسك كبرتي الموضوع هو يمكن كان حاب يمزح معاك و زعل لما صدتيه فانت مشيلو مسج و قوليلو فيه كلام حلو و صالحيه بطريق غير مباشر وخلاص
والله يوفقك لما فيه الخير