الي مزوجه عن حب بليز تدخل

حلم العذارى;10853501:

مشكلتج طبيعية جداً

لأن وايد أمهات يغربلون ويآذون .. أزواج بناتهم

وفي أمهات مثل العسل .. يعدون زوج بنتهم ولدهم !..

*

الحلو في الموضوع إن إنتي وزوجج علاقتكم ممتازة ولله الحمد

وما بينكم خلافات ومرتاحين

وهو مسكين يدري بكلام أمج وساكت وصابر !..

علشان خاطر عيونج ولأنه يحبج .. فهو حاشم أمج ومحترمنها

[MARK="#333333"]يعني هذي شي يشكر عليه بصراحة .. ويستاهل منج كل تقدير وتضحية[/MARK]

*

المفترض قبل لا تفكرين في البيبي إذا كبر بيسمع من جدته كلام مب زين عن أبوه

تفكرين في زوجج هالفقير المسكين !..

شذنبه يتم يسمع هالحجي ومرته ساكتة وصابرة ؟!..

يعني فكري في ولدج وما فكرتي في أبوه ؟!.. ولد البطة السودة :-o

المفترض مثل ما هو يحترم إنتي بعد تحترمين مشاعره وتقدرينها ولا تسكتين

*

الجنة تحت أقدام الأمهات صحيح

لكن مب في كل شي نقول للأم إن شاء الله والغنيمة !..

مب كل شي تسويه يعني صح ونشاركها فيه

لأن وايد أمهات يغلطون في التفكير

مب كل أم تفكر في شي وتسويه يعني أهي الصح خلاص

*

خلج قوية .. و وقفي وقفة زوجة , مع زوجها

إنتي عارفة إن أمج مب متقبلة زوجج لأسباب تافهة ومالها معنى أو داعي

وعارفة إنها قاعدة تضغط عليج وعلى زوجج بكلامها الجارح

وهي الغلط وإنتوا الصح

*

ما بقولج كلميها

لأن الكلام شخصياً معاها ما ينفعج

راح تفهمها غلط

وتقول أكيد زوجها محرضنها علي

و .. و .. و

[MARK="#333333"]وبدل ما تصغر مشكلتج راح تتفاقم وتكبر[/MARK]

*

كلمي من عليه سلطة وكلمة على أمج

( أبوج , أخوج , خالج , خالتج , جدتج , أختج الكبيرة .. إلخ )

أي أحد قريب من امج وأمج تسمع وتقتنع بكلامه

كلميه بهدوء وتفاهم

وقولي له إن أمج وايد قاسية على زوجج

وإنج مرتاحة وسعيدة معاه ماله داعي تخرب حياتج بهالكلام

وإن في بيبي جاي في الطريق

من حقه يتربى تربية صح وما يسمع كلام يغث عن أبوه

هل أمج ترضى عمتج وحمواتج يآذونج ؟!.

طبعاً .. طبعاً لا

عيل إهي ليش مؤذية زوجج

حتى لو كانت تتمنى لج واحد غني مثلاً أو متعلم أو موظف بوظيفة راقية .. مهما إلي كانت تتمناه لج

إنتي قسمتج ونصيبج هلإنسان

بس خلاص لازم تكون قنوعة مثلج

ولا تكابر وتترفس عالنعمة

ترى المهم زوج خلوق تعيشين معاه حياة هنية وكريمة

*

و ترى الحين إنتوا بخير وسعادة

باجر مع قدوم البيبي يمكن تصير مشاكل .. زوجج بينفجر وبيقول أمج وأمج وامج

وعاد ساعتها محد يلومه لو شكى من امج

لأن معاه حق

*

فحلي هالمشكلة و وقفيها عند حدها

لأنها لين كبرت راح تخلق لج حاجز كبير بين زوجج وأمج

[MARK="#333333"]وحزتها بتتمنين لو إنج تكلمتي من البداية وما أنتظرتي هالسالفة تكبر وتوصل لهالحد[/MARK]

*

والله يوفقج

وييسر أمورج

starwing;10855716:
من رايك انك دايما تمدحين زوجك قدام امك وتبينيلها شكثر انتي مره مرتاحه معه ومتأكده انك ما بتكوني سعيده مع واحد غيرهز خبريها انه زوجك كثير يحبها ويقدرها اظن بالاول بتعاند وتاخذ انك طايحه ف حبه ولا تشوفين عيوبه بس اذا ستمريتي على ذا الحاله بتتأكد انك فعلا مرتاحه معه