كيف تكسبين قلب زوجك - منتديات عروس

ر

روحي وليد

عروس مشرقة

19-12-2009 | 01:44 AM

بسم الله الرحمن الرحيم
مرحبا عروساتنا الحلوين شخباركم شمسويين؟:adore:
في حياتنا اليومية مع ازواجنا تمر علينا وايد مواقف ممكن تكون عادية بس ممكن نضيف لها شوية رومنسية ونغيرها لشي مميز وحلو وتقربنا من ازواجنا اكثر واكثر..
بقولج بعض الافكار اللي اطبقها شخصيا يمكن ماتكون يديدة على بعضكم بس يكفيني لو استفدتو منها ولو بالشئ القليل وهالموضوع بكون مفتوح اي وحده حابة تضيف اي فكرة ممكن نطبقها ونستفيد منها فحياها الله اكيدF:;)

(الهدايا)
من منا ما تحب زوجها يهديها شي اكيد كلنا نحب هالشي وداخلنا نحس بنطير من الفرحة لما نحصل اي شي من ازواجنا مو لقيمة الهدية لكن لقيمة ومكانة الشخص اللي يابها .هالشعور حلو لكن مو كفاية لازم تبينين لزوجج شكثر هداياه قيمة عندج حاولي تستخدمين الهدية في كل المناسبات المهمه اللي حابة تكشخين فيها وشوفي زوجج شكثر بيستانس وبطير من الفرحة بعد كل ماشافهم عليج حتى لو عندج شي تحسينه اكشخ ويلوق لهالمناسبة اكثر حاولي تتنازلين لخاطر عيونه ويكفي لما تشوفينه شلون مستانس عليج وانتي كاشخه بهديته حتى لو قدمت ومر عليها وقت..
لو مثلا هداج عطر حاولي بين كل فترة وفترة تردين تشترين نفسه حتى لو قدم ونزلت عطورات احلى منه ولاتكتفين بهالشي وخلاص كل مابتستخدمينه قولي له وكانج تسولفين معاه مثلا(اخ على ريحة هالعطر اموت عليها تهبل تدري ليش احبها؟برد عليج ليش :lol:قولي له بس لانها ذوقك وتذكرني فيك كل مابعدت عني ويعني من هالكلام انتي وشطارتج:D)وشوفي شلون بيتشقق كانه دعاية سيجنال2:lol:

(التسوق)
اغلب النسوان يحبون يتسوقون بروحهم خصوصا للسوالف الحميمية والخاصة بين الزوجين مثل قمصان النوم والكريمات وعطور الجسم وباقي اللوازم
ووايد يذبحون روحهم في الاختيار والتشري وفي الاخير تشتكي زوجي مايعجبه ذوقي زوجي مايهتم للي اسوي له ولاحتى يقولي حلو او اي كلمة حلوة ..الخ
برايي حل هالمشكلة اخذي زوجج معاج السوق صح مو بكل مره حلو تفاجاينه مرات يعني مره اشتري بروحجج وفاجايه ومره اخذي معاج السوق وسحبي منه الكلام الحلو:Dمثلا لو رحتو محل للانجري او حتى الثياب العادية قولي له شرايك بالقطعة الفلانية همسي في اذنه تخيل هاللون علي اكيد بكون حلو صح( بس حاسبي تاكدي انه محد يمكم:lol:)بتشوفينه لا اراديا شاق الحلج ويهز براسه وبيمدح من نفسه ولو رجعتي البيت ولبستيه قولي له توقعته بهالحلاوه علي طبعا قوليها بدلع وانتي تبتسمين؟! وانتظري رده اللي بخليج شاقه الحلج سنه:lol: ..

(النصائح)
اغلب الرياييل مايحبون زوجتهم تحن عليهم او تملي اوامرها ونصائحها عليه كانه ياهل بوسنتين:mad:لكن الريال طفل كبير لو حبيتي تقدمين له نصيحه بالمسايس والكلام الحلو اكيد مثلا زوجج دايما يخابط في البيت بدون شبشب او نعال وانتو بكرامه وانتي خايفة عليه من برودة الرخام او السيراميك اكيد مابيتقبل انه تقولينها له بهالطريقة كانه ياهل فقومي يبي له الشبشب ولبسي اياه وهمسي في اذنه بدلع (تدري اني اغار حتى من الارض اللي تلامس ريولك) مثلا ريلج يدخن وتبينه يقطع الجقارة حاولي تاثرين عليه بالكلام مثلا لما تشوفين جقارة اوشيشه بحلجه جربي منه وشيليها بهدوء وهمسي له(تدري شلون حياتي بدونك؟!ولاشي لا تحرمني من وجودك بسبب شي مايسوى واهو بيفهم قصدج اكيد) الزبدة ابتعدي نهائيا عن اسلوب الاوامر والنصائح واخذي بالكلمه الحلوه انتي وشطارتج حسب الموقف اللي يمر عليج

(فاجأيه بحركاتج ودلعج)
مو شرط يكون في مناسبه عشان تفاجاينه بحركه حلوه خلي كل يوم في حياتكم مناسبه سعيده ولها ذكرى مميزة مثلا لو طلع مع ربعه بدل ماتحنين وتنكدين متى بترجع وتاخرت..الخ طرشي له مسج قصير ومعبر مثلا(احبك)(تدري انك وحشتني وايد)(تحمل بروحك ترى في ناس يحبونك ويخافون عليك)(جرب التلفون من اذنك واسمع دقات قلبي تقول انك واحشها)(جرب شاشة التلفون من خدك بعطيك هدية)...الخ:oاتصلي فيه ولما يسالج عن سبب الاتصال قولي له وحشني صوتك ولا انا ماوحشتك يعني لو ماوحشك صوتي خلاص بسكر(وبدلع طبعا)خمس دقايق وتلاقينه عندج في البيت(مجرب):lol:

لماتجهزين له ثيابه للدوام حطي له كاكو (شوكولاته) في مخباه وعقب اتصلي فيه او حطي له ورقة(طعم حياتي معاك بحلاوة هالكاكو واكثررررر):adore:وشوفي شكثر بيستانس بس عاد حاسبي لاتكثرين من هالحركة لا ينقلب لج حسين الجسمي قبل الرجيم:lol:

(شاركيه اهتماماته)
وايد نسوان يشكون من ادمان زوجهم على البلايستيشن او النت او المباريات..الخ مثلا وايد يدش على النت لما تشوفينه شابك اخذي لاب توبج و ينني على المسن كل شوي كتبي له شي وكثري من لكلام الحلو طبعا (وايد اسوي هالحركه مع زوجي وتره تطلع سوالف حدها فن وتصير القعده كلها لج ووياج):lol:لما يطالع مباراة لبسي ثياب سبور وشجعي وياه لو يابو قول استغلي الفرصه حضني بقوة وبوسيه يازعم تهنينه ع القول بطريقتج الخاصة :D:lol:معلي تحملي القعده حتى لوماتحبين كلها90دقيقة;)

:biggrin:وبس هذا اللي في بالي لحد الان لو تذكرت شي يديد بضيفه ومثل ماقلت الموضوع مفتوح لخبراتكم واضافاتكم

F:الموضوع من كتابتي الشخصية اللي بتنقله تذكر المصدر الله يرضى عليها دعواتكم الله يحفظ لي زوجي ويرزقنا الذرية الصالحة يارب

أختكم روحي وليد:adore:

ع

عسولة قلبه

مشرفة سابقة

19-12-2009 | 02:11 AM

ما شاء الله عليج يا رومانسية ..

فعلا كل كلمة قلتيها صح .. المفروض الهدايا تكون اي وقت مو بس وقت المناسبات عشان يحس انج تذكرينه بكل وقت ..

وبالنسبة للتسوق توني رادة على موضوع وحده من البنات .. من طبعي احب دايما اطلع مع ريلي للسوق اشوف شنو يعجبه .. مرات ما اشتري لما يقولي .. المهم عرفت رايه خلاص ارجع بعدين واخذه وافاجأه بعدين لابسته او حتى متعطرة منه .. واااايد يستانس ..

والحته ههههه صج اول الزواج كنت واايد احن عليه وكان يمل ومع الوقت عرفت انه الريال نقدر نسيطر عليه بالكلام الحلو والمسايس .. الحمدلله ألحين اذا قتله شي ما يتضايق ويدري انه اسوي هالشي لاني خايفة عليه ..

قريت فقرتج الاخيرة وعلى طوول دزيت مسج حقه لوووووول .. بما انه طالع وابيه يرجع .. ههههه .. اكيد حلوة الحركة وتأثر عليه ..

سوري عالقرقه الزايدة لووووول ويعطيج العافية خوووش موضوع وحبيت اسلوبج بالطرح ..

N

N O U R

مشرفة سابقة

19-12-2009 | 02:15 AM

تسلمين يا عسل علي هذة النصائح الراااااااااااااااااائعة

الله يرزقك الذرية الصالحة ويرزقني ويرزق كل محرررررومة يارب

F:

ر

روحي وليد

عروس مشرقة

19-12-2009 | 02:23 AM

عسولة قلبه;10851150:
ما شاء الله عليج يا رومانسية ..

فعلا كل كلمة قلتيها صح .. المفروض الهدايا تكون اي وقت مو بس وقت المناسبات عشان يحس انج تذكرينه بكل وقت ..

وبالنسبة للتسوق توني رادة على موضوع وحده من البنات .. من طبعي احب دايما اطلع مع ريلي للسوق اشوف شنو يعجبه .. مرات ما اشتري لما يقولي .. المهم عرفت رايه خلاص ارجع بعدين واخذه وافاجأه بعدين لابسته او حتى متعطرة منه .. واااايد يستانس ..

والحته ههههه صج اول الزواج كنت واايد احن عليه وكان يمل ومع الوقت عرفت انه الريال نقدر نسيطر عليه بالكلام الحلو والمسايس .. الحمدلله ألحين اذا قتله شي ما يتضايق ويدري انه اسوي هالشي لاني خايفة عليه ..

قريت فقرتج الاخيرة وعلى طوول دزيت مسج حقه لوووووول .. بما انه طالع وابيه يرجع .. ههههه .. اكيد حلوة الحركة وتأثر عليه ..

سوري عالقرقه الزايدة لووووول ويعطيج العافية خوووش موضوع وحبيت اسلوبج بالطرح ..

فديتج حبيبة قلبي منورة بردج عاد انتي ما يحتاج زعيمتنا في الرومانسية:D
ان شاء الله خمس دقايق وتشوفينه راد البيت:lol:
الله يعافيج حبيبتي ولو تمونين والله
والله يخلي لنا ازواجنا ويحفظهم يارب:o
مشكورة حياتي ع الرد العسل

ر

روحي وليد

عروس مشرقة

19-12-2009 | 02:25 AM

tommy girl;10851176:
تسلمين يا عسل علي هذة النصائح الراااااااااااااااااائعة

الله يرزقك الذرية الصالحة ويرزقني ويرزق كل محرررررومة يارب

F:

الله يسلمج يابعد قلبي
اللهم امين الله يسمع منج يارب

ط

طيوبه

عروس رائعة

19-12-2009 | 02:27 AM

موضوع رائع وقيم ومفيد

جزاج الله كل خير وربي يحقق لج كل امانيج ويتقبل دعواتج ويرزقج ذرية صالحه باره معافاه

ويرزق كل محرومه يارب اللهم امين

ر

روحي وليد

عروس مشرقة

19-12-2009 | 02:34 AM

طيوبه;10851236:

موضوع رائع وقيم ومفيد

جزاج الله كل خير وربي يحقق لج كل امانيج ويتقبل دعواتج ويرزقج ذرية صالحه باره معافاه

ويرزق كل محرومه يارب اللهم امين

ربي يجزيج الجنه حبيبتي:)
اللهم آمين الله يسمع منجF:

ع

عيون بن عون

عروس مبدعة

19-12-2009 | 03:02 AM

مشكوووورة يالغاليه على هالنصايح العجوبيه خخخخ
الله يسعدنا مع ازواجنا ولايحرمنا منهم ويبعد الحساد والعذال عنا

اللهم امين
تم تقييمج
ياروح وليد

ر

روحي وليد

عروس مشرقة

19-12-2009 | 03:07 AM

عيون بن عون;10851417:
مشكوووورة يالغاليه على هالنصايح العجوبيه خخخخ
الله يسعدنا مع ازواجنا ولايحرمنا منهم ويبعد الحساد والعذال عنا

اللهم امين
تم تقييمج
ياروح وليد

العفو حبيبة قلبي& يسلم لي ردج الحلو:L:
اللهم آمين
اللهم آمين
اللهم آمين
الله يسمع منج حبيبتي وتسلم يدج ع التقييمF:

د

دقات قلبFي

مشرفة سابقة

19-12-2009 | 03:17 AM

فديتك حبيبتي ع الموضوع وع الجهد الشخصي

لفت انتباهي شغله انتي ذكرتي اسمي بموضوعك 00

(جرب التلفون من اذنك واسمع دقات قلبي تقول انك واحشها))

من جد واحشني هههه

ههههه فديتك

موضوعك ناااااايس ملامس للواااااقع فعلا"

ابدعتي يالغلا تقبلي مروري لك وتقييمي على جهودك الخاصه

دمتي بود

ر

روحي وليد

عروس مشرقة

19-12-2009 | 03:22 AM

دقات قلبFي;10851459:
فديتك حبيبتي ع الموضوع وع الجهد الشخصي

لفت انتباهي شغله انتي ذكرتي اسمي بموضوعك 00

(جرب التلفون من اذنك واسمع دقات قلبي تقول انك واحشها))

من جد واحشني هههه

ههههه فديتك

موضوعك ناااااايس ملامس للواااااقع فعلا"

ابدعتي يالغلا تقبلي مروري لك وتقييمي على جهودك الخاصه

دمتي بود

:lol:هههههه تفداج العافية ياقلبي ياحلاة نكج وسط الكلام :lol:
النايس مرورج وردج حبيبتي F:

ق

قطر الندى1987

عروس جديدة

19-12-2009 | 03:51 AM

مشكوره
على الموضوع

ن

ندم

عروس جديدة

19-12-2009 | 07:42 AM

مشكوره تصدقون زوجي عمره ماقد اشترالي هديه؛؛؛:G: ؛؛؛؛يقول انتي روحي خذي الي تحبيينه ما اقتنع بذوقي..........
:'(

ر

روحي وليد

عروس مشرقة

19-12-2009 | 11:21 AM

قطر الندى1987;10851597:
مشكوره
على الموضوع

العفو غلاتي

ر

روحي وليد

عروس مشرقة

19-12-2009 | 11:35 AM

ندم;10852180:
مشكوره تصدقون زوجي عمره ماقد اشترالي هديه؛؛؛:G: ؛؛؛؛يقول انتي روحي خذي الي تحبيينه ما اقتنع بذوقي..........

:'(

العفو حبيبتي
معلي حبيبتي مرات بعض الرياييل ماعندهم رومنسيه او مايهتمون بموضوع الهديه براية لو اخترتي انتي بتختارين على ذوقج حل مشكلتج خطوتين حاولي تسوقين معاه عشان تعرفين ويعرف ذوقج وشنو تحبين ومثلا لمحي له بطريقة غير مباشرة مثلا هالعطر حلو لكن بكون احلى لو كان بذوقك ومن عندك يعني دلي على الشي اللي تحبينه وخل يشتري لج اياه وتدريجيا بيتعلم وبعرف شلون يختار هدية تحبينها ولو قالج جذي قولي له ذوقك يعجبني بكل شي اهم شي يكون الشي منك..
الخطوة الثانية بادري انتي بمناسبه وغير مناسبة خل يتعلم منج الرومنسية تره سالفة الرومنسيه معدية بين الزوجين كل ماكان طرف رومنسي بزيادة زادت رومنسية الطرف الثاني بعد :lol:ساليني انا من كثر مازوجي رومنسي ويحب يفاجاني بشغلات صرت استحي منه واحاول اكون مثله وشوي شوي قدرت الحمد لله فانتي بعد حاولي تغيرين زوجج تفنني بافكار الهدايا اللي تيبينها له وقدمي له هدية حتى لوبدون مناسبة وشوفي شلون راح يتغير راح يستحي من اللي تسوينه له وبحاول يسوي مثلج:adore:

n

nice-girl

عروس مبدعة

19-12-2009 | 12:07 PM

تسلمين على هالموضوع الحلو والله يخلي ازواجنا والله هلابلاي ستيشن ذابحتني .. وصج حركة المسج نفعت معااااااااااااي عدل

ر

روحي وليد

عروس مشرقة

19-12-2009 | 02:45 PM

nice-girl;10852723:
تسلمين على هالموضوع الحلو والله يخلي ازواجنا والله هلابلاي ستيشن ذابحتني .. وصج حركة المسج نفعت معااااااااااااي عدل

الله يسلمج حبيبتي&اللهم آمين
ههه مالج الا تلعبين معاه سوو دوري وتحدي تره وايد يستانسون على هالسوالف ومثلا هدية اللي يفوز يطلب من الطرف الثاني شي رومنسي نفس اللي في الالعاب الزوجية بدل اللعبة خلوها بالبلايستيشن والشغلات اللي يحبها:lol::D:adore:
فديت قلبج ماقصرتي ع الرد الحلو

ض

ضئ القمر

عروس ماسية

20-12-2009 | 02:23 AM

ز

زهرة الاشوااق

عروس مشرقة

20-12-2009 | 02:42 AM

ا

الاصيله55

عروس مشرقة

20-12-2009 | 02:45 AM

تستاهلين احلى تقييم على الموضوع الرائع