إستفسارات بسيطة؟!

الله يخلي لك بنوتتك وتشوفيها أحلى عروسه ,,

بنتي تمت ثلاث شهور ودخلت شهر رابع صارلها أسبوع

بهذا العمر هل فيه وجبات إضافيه غير الحليب و اليانسون

تقدرين تعطينها اشياء خفيفه ,,
اتذكر انا اول شي أكلته ولدي ( زبادي ) ,, وبعدين لما خلص 4 شهور بديت اعطيه اكلات مهروسه ,,


ومتى أعلمها على الجلوس من أي شهر ؟

بهالعمر تقدرين تجلسينها في كرسي اطفال بس طبعاً ما تطول .. وبعدها بفتره اذا خلصت 6 شهور تحاولين تجلسينها عادي بدون كرسي ,,


و سيرلاك من أي أشهر أعطيها ؟
السيريلاك الظاهر مكتوب عليه من 6 شهور وأكثر

اختي ابتدي الاكل معاها من 6 شهور و حاسبي مب أقل من 6 اشهر

انا اقوول استني تكمل اربعه شهور وبهدين ابتدي معها في الاكل

انا الدكتورة قالت لي انه الزبادي مو زين للطفل في هالسن ولا قبل 8 او 9 اشهر >> انتبهي :) لانه مو زين لمعده الطفل

ومن الاشياء اللي تقدرين تعطينها في هالسن >> مهروس تفاحه او كمثرى
او عصير رتقال مخفف بالماي علشان ما تاثر حموضته على معده الطفل

انا بنتي عمرها الحين اربعه اشهر وقريب تكمل الخمس اشهر
وبديت وياها الفواكه هذي :)


والسريلاك مكتوب عليه مو قبل 6 اشهر


والله يخلي الحلوة يا رب وتشوفينها عروسة :)

اختي نصيحه لله لا تبدي بالزبادي
مو كويس لمعدة الطفل
انا عندي بنت بتاريخ 14 خلصت 3 اشهر والدكتوره قاليتلي على بداية الشهر الخامس ابدا معاها بالأكل الصلب
وطبعا مو اكل حلو لأنها ما رح ترجع تاكل اكل عادي يعني ممكن مهروي جزر وبطاطا وكوسا
وبعد ما تتعود نعطيها فواكه
الله يخليك بنتك

هلا خيتووو يعني ماتفقتو على شي معين هههه

شوفي الافضل بها العمر تذوقيه الاكل فقط

علشان تتعود عليه

واذا بتعطيها زبادي ملعقه او ملعقتين باليوم

وعلى الشهر الخامس ابدءي اهرسيلها الاكل زي البطاطس والكوسه والجزر وغيره والفواكه بس لاتكثر ثلاث ملاعق باليوم لان لازم تتدرج لان معدتها ماتتحمل

انا بنتي بديت معاها الاكل في نص الشهر الخامس وبديت بالخضر المسلوقة والمهروسة مثل البطاطا والقرعة والجزر والكوسا
ومرات بسكويت بلازمون للاطفال وفي الاخير دخلت الفواكه لانك لو دخلتي الفواكه من البداية ما راح تتقبل طعم الخضار
والحين هي في نص الشهر السابع ودخلت لها صفار البيض المسلوق وصارت تاكل من اكلنا العادي رز وخبزة بالرغم من انها ما طلعت اسنان لسه بس افتت لها الشي بايدي كويس وبعدين اطعمها
بس بنتي متعبتني كثير في الاكل يعني ما تاكل الا بالف ياويلاه لاني ما عودتها بكري ع الاكل وما تاكل اي شي مثل باقي الاطفال

وبالنسبة للكرسي انا بديت احطها في الكرسي الهزاز مع نهاية الشهر الثالث

والسيريلاك ما أدري عنه

انا عادة ابدأ معاهم الاكل في نهاية الشهر الرابع ...

والله راح تستغربين اني عيالي مساااااكين اعطيهم قطعة فارليز وأذوبها بالحليب وطبعا اتأكد من ذوبانها عدل عدل في الشهر الثاني يعني خلال الاربعين طبعا مرة وحدة باليوم ههههههههه مجرمه

بس الحمدالله الحافظ الله ... وعلى نياتكم ترزقون ... لا تقلديني وتسوينها ترى انا ما اشك والدنيا عندي حلوة اجرب بعيالي واتوكل على الله في كل شيء

العتب

مرررره شكرا على نصائح

والمرور يعطيكم العافيه

وجزاكم الله خير