ǁ♥ǁǁǁ تجهيزات عرائس { ليبيا } لشهر محرم 1431 - 2009 م / الجزء = 6 ǁǁǁ♥ǁ

السلام عليكم

عرايس ليبيا مبروك علينا الدويرة الجديده

نحسها دافيه اكثر من الاولى يارب تكون عتبه خير للكل ياااااااااارب

الفصول الاربعه بالنسبة للسيراميك نصيحتي خليه هو يختار حتو لو قالك انتي اختاري انتي قوليله مافي بعد ذوقك يكفي انك منقيني انا هههههه والله انا هكي قتله اقتنع وفرح بكلمتي ودارهم ليا حمام ومطبخ بيض ساده وانا بجد كنت نتمناهم بيض ساده عشان كل شي يجي عليهم وانا نديرلهم اللمسات بيكون شيء حلو وعلى فكرة انا مطبخي لوح مش اللامونيوم .

الحمام حشاكم بنديرله لمسات اصفر كله الفرش والستائر وكل شيء ,والمطبخ لوحي وبناخده سفرة آكل حمرا في اسود منظرها خيالي .

يا بنات اليوم انفجعت نحساب المنتدى سكر راهو نص البنات اكيد مش عارفات

شكرا عزيزتى فصول من غيرك كنت حايسة نحساب المنتدى سكر بس مش عارفة البنات وين ؟؟ ومتحيرش روحك حتى نحطيت فى نفس موقفك توكلت على الله وعديت لفيت على محلات السراميك اخترت المطبخ سماوى وابيض هو صاح غريب لكن انا منحبش البنى ودراجتة والتوالت بنفسجى وابيض والصالون لقيت ارضية فضية حلوة بكل اخترتها وباقى الحوش وغرف النوم اخترتلهم سراميك بيج فاااااااتح جدا موضوع ساهل كنت ماشية ومش عارف راس من كراعى لكن روحت بنتيجة

السلام عليكم:) مبروك علينا الجزء السادس عرايس وكل سنة وانتو طيبين وسنة هجرية مباركة و انشاء الله اللي مش خطوبة يجيها قسمها ويطيحها ربي في ولد الحلالF: والمخطوبات يحددولهن موعد العرسF: والمتزوجات ربي يهنيهم و يونسهم F: ا السراميك مش من الحاجات الساهلة يعني لو ماعجبك ماتقدريش تغيري ببساطة شوفي الموجود في المحلات لان فيه الوان واشكال مودرن خرافية و راقية وحتى الابيض حلو واي شي يمشي معاه بس اني مع الالوان والبساطه

امس عديت للسوق وهذى اول مرة نطلع نشرى فيه لجهازى وحبيت نحطلكن قائمة بالحاجات الى شريتهن والاسعار مش قائمة بمعنى الكلمة طشونة:o
طبعا الماركة كلها مولينكس فرنساوى باستثناء بعض الحاجات
1-خلاط مولينكس فرنساوى بالشيشمة =91 دينار
2-مضرب كهربائى مولينكس فرنساوى =65 دينار
3-مكينة تست =55دينار
4-مكنسة كهربائية =148 دينار
5-ميكرويف كين وود=188 دينار
6-حداد فيلبس اللون وردى تيفال =97 دينار

ها شنو رايكن فى القائمة ولة خلط الدنيا على بعضها غويدة برأة هايلة فصول نرجوسة اميرة جوهرة عروس ليبيا عريس صهيب وباقى الرفقة وينكن :confused::confused:

خير يا عرايس يامنورات انا قديمة معاكن لكت ليا فترة طووووووووووووويييييلة منقطعة
وتوا رديت والحمد لله اموركن كلها تمام
سؤال المخالفة بنات بنغازى شن رايكن فى احلى قاعة شنو اختارن خمسة بالترتيب

موناليزا الى الالن افخم قاعة - فنسيا- الف ليلة وليلة - بالنسبة لية هضوم الاحلى

وعلي سؤال القاعات

بصراحة هما يشكروا في موناليزا واجد بكل بكل ولاسف انا

مازالت ماشفتهيش وخاطري نشوفها ,,, فنيسيا كبيرة بس ,,,

لكن مش عاجبتني واجد ,,, الف ليلة وليله هيا بنسبة ليا بعد موناليزا

وحتي أميرة حلوة ومملمومة وهذا رأيي

في امان الله

Ghado;10853009:

مبروك علينا كلنا الصفحة الجديدة ...


و غادة موجودة و بالخدمة اليوم....

صباح الخير بنات و مبروك علينا الجزء الجديد انشاء الله فال طيب للجميع و بالنسبة للفصول الاربعه السميك حلو انك تختاريه ابروحك هو فعلا مسئولية بس يا روحي مش مشكلة الحوش حوشك و المام حشاك حمامك اختاري اللون الي يعجبك في الزرعي للحمام ايجنن بصراحه انا انحب الشطرنج كحولي و ابيض سماوي و اصفر انحب الالوان الجريئة بس الناس ما يشكروش فيه ايقولي يشهب بسرعه
بالنسبة للصالات انا بصراحه مش حاطه في بالي صاله معينه نبي اي صاله اقريبه من الحوش و خلاص

هنو الدلوعه;10853029:

هلا بالحلوين

مدامه في الخدمه وموجوده استلمي سؤالي وجاوبي طول هههههههههههه

نبي نعرف مكان فيه بدله صغيره وكبيرة يكون سعرهم معقول وفي متناول الجميع ضروري ؟

بيسا;10854521:

واخيرا ردت اللمة الحلوة ربى مايفرقنا اسمعن رانى عشرية واجد :badly::badly:
هنو الخلاط فية السونية الى بالقاعدة الحق يدى توجعنى لما نستعمل المضرب العادى غدغودة ومدمات اسالولنا على موضوع العربى حتى انا محيرينى^o)

هههههههههههههههههههههههههه

من محل الجورى الى فى الفويهات الغربية عروف بس تسألى اى حد يوريه لك بس معقولة ميبيعوش فيها فى طرابلس ؟؟؟؟

لمة بنسافر تركيا بنشرى المكياج من غادى وانا منعرفش نشريه حتى من هنا وديما عندى الحاجة الغالية هى الكويسة وديما ضاحكين عليا ونطلع بحاجات اعيه ومنعرف الماركة السمحة من الشينة ومشعارفة شنو نشرى بالزبط ياريت الى تكون خبيره فى هل موضوع تفيدنى وله الاجر ساد شوال البصل الصينى

بالنسبة للمكياج يا بيسا هضا اختصاصى نموت فى المكياج:adore:
طبعا كريستيا ديور
وقارلان
واف سان لوران
ولانكوم
وشانيل
هذينا التوب بصراحة لايعلى عليهن خوذى منهن الحاجات الاساسية وهى
الكونسيلر وكريم الاساس البودرة والماسكرا والكحل
والباقى تقدرى تاخذى حاجة كويسة لكن ماركة اقل;) زى
قوش
وديبورا
وبرجوا
وبوبا او لوريال
زى الارواج واقلام الحكل والشادو وتخطيط الفم
ونتمنى نكون افدتك
:-o:-o
يابنات على راس السنة ذكرى عقد قرانى ماعندكنش شى فكرة رومانسية نديرها للراجل:L::L::L: