انهرده عملت حاجة غريبة شوية ومن اختراعي
وماكنتش عارفة اكتب ايه في عنوان الموضوع
هو يشبه الجاتوه
بس جوزي اطلق عليه ( اختراع عجيب )
بس في الاخر عجبه جدا والحمدلله كان طعمه حلو اوي
اولا المقادير للكيكة :
هي نفس مقادير الكيكة الاسفنجية بالظبط
5 بيضات
باكو بيكنج باودر
فانيليا
كوب سكر بودرة
كوب دقيق
هنضرب كل المقادير دي بالمضرب الكهربائي
وده شكلها بعد ما خلصت
بعد كده هندهن صينية مستطيلة بالزيت او السمن وبعد كده نرش عليها شوية دقيق عشان الكيكة مش تلزق
وندخلها الفرن
وده شكلها النهائي
للزينة :
شيكولاتة خام
شيكولاتة شيبسي ( هقول طريقتها )
كريم شانتيه
طريقة الشيكولا الشيبسي
بنجيب الشيكولاتة الخام ونحطها في صينية
بعد كده ممكن نعملها بالمبشرة وممكن نعملها بالسكينة كاننا بنبشرها بالظبط
يارب تكون الخطوة دي واضحة
بعد كده هنقسم العجينة نصفين يعني تبقى 2طبقة بالشكل ده
هنحط في اول طبقة الكريمة
وهنسيح الشيكولا طبعا كلنا عارفين طريقتها بحمام البخار اننا بنحط الشيكولا في طبق ونحط تحته حلة فيها ويه ونغطيها ونسيبها تغلي عالنار وده شكلها
بعد كده هنحط عليها شوية لبن صغننة عشان الشيكولا مش تجمد اوي لما نحطها على الكيكة
بعد كده هنحط في الطبقة التانية بتاعة الكيكة الشيكولاتة
وبعدين هنحط الطبقتين فوق بعض
وهندهن من فوق شيكولا وبعدين كريمة فوقها
وبعد كده هنقطعها
وبعدين هنرش الشيكولاتة الشيبسي
وده شكلها عند التقديم
وبالهنا والشفا
بجد بجد طعمها رائع والله وجميلة اوي
جربوها وادعووووووووووووووولي
F:F:F: