مسائكم /صباحكم عسل
كيفكم ياسنعات
بما اني عجازة بس سنعة بسم الله علي
وشفت نفسي نشيطة شوي
قلت انزل لكم صور الحلويات الي ضيقت علي
بسم الله نبداء
سينمون كب كيك
لذيذة خصوصاً
لو حطيت الحشوة جالكسي بندق
يميي يمييي
::المقادير ::
جوز مكسر
3 ملاعق قرفه
خليط كيك شكولاته سوداء (أنا استخدمت فانيلا
واضفت لها 4 ملاعق كبيرة كاكاو بودرة)
شكولاته حبوب الهيرشي (او أي نوع شكولاته تحبيها
نحشي فيه الكب كيك وممكن نستغني عنه )
::الكريمة ::
8 كيري
4 ملاعق سكر باودر
ملعقتين زبده
نص ملعقة فانيلا
ربع حليب نستله
ملعقة قرفه
كاس كريمة خفق
::الطريقة::
نعمل خليط الكيك مع الزيت
والبيض والمويه
مثل ماهو مكتوب بالكرتونة
ثم نضيف لهم الجوز المكسر والقرفه
نرتب ااوراق البلاسيه ونحطهم بصينيه الكب كيك
قبل مانصب الخليط نحط كم حبه شوكلاته في كل كب
اواذا كانت الشوكلاته قطعة كبيرة مثل الجالكسي
نقسم الشكولاته قسم صغيرة ونحط في كل كب
ثم نصب خليط الكيك فوقه
ولا تعبون الورق كله لا نص الورق لانه اذا استوى بينتفش
ودخليه الفرن حد ما يستوي
ثلث ساعة تقريباً
وشوفي بعود هو استواء ولالا
اخطلي كل مقاادير الكريمة
( واذا حسيتيه سايح شوي فتتي وحدة من الكب كيك او ثنتين مع الخليط )
وحطيهآآ فكيس التزين وزيني الكب كيك
بعد ما يبرد وزينه بحبة جوز
وبالعافيه
لقطة أخرى :)
تشيز كيك
جربت كثييير كثييير
مالقيت الي اعجبتني مثل هالطريقة :confused:
روووعة بجد بس يمكن ماتضبط من اول مرة
جربيها اكثر من مرة ..
:: مقادير القاعدة::
2 كوب بسكويت دايجستف مطحون ..
5 ملاعق كبيرة سكر
ربع ملعقة صغيرة قرفة ..
اصبع زبدة | مذوبة ..
مقادير الحشوة :
600 غ جبنة فيلادلفيا ( أنا استخدمت المقاس الصغير 3 حبات )
كوب سكر
ربع ملعقة بشّر ليمونة طازجة ..
1 ملعقة صغيرة فانيلا
صفار 5 بيضات
ربع كوب كريمة خفق
بياض 5 بيضات
::الطريقة::
أول خطوة قبل نبدأ بأي شئ نشغل الفرن ع درجة حراره 350 ..
نخلط المقادير مع بعض ونرصها في قاع صينية التشيز كيك و جوانبها ( اللي قاعدتها متحركة )
وندخل الصينينة الفرن لمدة 6 دقائق حتى تتماسك معاي الطبقة ,
:طريقة الحشوة البيضا ::
نجيب الجبن والسكر وبشر الليمون والفانيلا ..
نخلطهم مع بعض لين يصيرون مثل الكريمة ,
نضيف عليهم صفار البيض والكريمة ونخلطهم
نخلط بياض البيض لحاله لين ينفش ويتماسك
الحين نجيب بياض البيض ونضيفه بالتدريج
ونحرك بملعقة خشب من فوق لتحت
عشان ما يهبط البياض،
لحد ما يتجانس الخليط ونصبه في الصينية
نحط الصينية في حمام مائي وندخله الفرن لمدة ساعة وربع..
خلوها تبرد تماماً، تقريباً ساعة ونص
بعدين حطوا عالوجه الحشوة اللي تحبون ..
أنا أستخدمت حشوة التوت
تدخلونها الثلاجة أقل شي 5 ساعات
كيك الجزر بالجالكسي
صح اني ما احب الجزر
وخصوصاً بالحلويات ماني متخيلة طعمه
بس هالكيكه طعمة ولذيذة بشكل
الجزر ماراح يبان فيها ابداً
اصلاً مستحيل الي ياكلها بيعرف ان فيها جزر
لذيذة
::المقادير::
2كاس جزر مبشور،
كاس حليب محموس،
ملعقة كبيرة شوكولاته بودر،
ملعقة صغيرة نسكافية،
5بيضات،
ثلاثة ارباع زيت،
نصف كاس سكر،
ملعقة كبيرة باكنج بودر،
رشة فانيليا
::مقادير صوص الكيك::
(3جالكسي سادة كبير،علبة قشطة) في حمام مائي
::الطريقة::
نخلط البيض اولا حتى يتغير لونه ثم نضيف الزيت والسكر بالتدريج
نضيف النسكافية والشوكولاته ثم الجزر والحليب المحموس والباكنج بودر مع استمرار الخلط
يسكب الخليط في صينية مدهونة بالزيت وتدخل الفرن درجة حرارة 180 درجة
مدة نصف ساعة او حتى تنضج
تخرج الكيكة من الفرن وتترك لتبرد ثم يسكب الصوص عليها وتدخل الثلاجة لتتماسك وتبرد
ثم تقدم وبالعااافية
