تغيري المفاجيء

حبيبتي عمر حب الحيوان ماكان تافه يعني انا هم عمري 22 وبعد اموت بالقطط ومخططه اخذ لي وحده ان شاء الله ترى كلش عادي ماحسه شي تافه هاذي روح تعلم الحنان تعلمج المسؤليه وتاخذين اجر منها بعد ودامج واثقه من نفسج ومقتنعه بالشي اللي تسوينه او تحبينه ماعليج من الناس حبيبتي

شوفي اختى هالشي جدا عادي يعني انا مثلا اموت بالكتاكيت وقريب جبنا ارانب في البيت بغيت انهبل عليها صح ما امسكهم بس احبهم من بعيد لبعيد وانا بعمرك يعني عادي
الشي الي خلاكي تحبينهم ما اتعقد في سبب معين يعني الواحد منا احيانا يهتم باشياء ماكانت في باله يمكن بيبتعد عن الظغوطات الي تواجهه فيحب يغير وعادي انا سعوديه واعرف ناس كثير مربين حيوانات
بس اهم شي انتبهي من ناحيه الامراض وبالتوفيق ياعسل

انا احس هالشي عادي
بس يبي له مزاج وفضاوه زياااااااااااااااااااده ..
واايد في احسن من هالاشياااء
انا اقولج شوفي مستقبلج باللي ينفعج وهتمي بنفسج احسن ..
وانا شخصيا ماتعجبني هالسوالف وماله دخل العمر بهالسالفه
هذي شخصيتج وعقلج .. مع اني اصغر منج بسنتين ..


انا بعد امووت بالقطاوه بس مو لدرجه احط لي وحده بالبيت واهتم فيها ؟!!
العالم ف وين وانا ف وين .. شي ما راح ينفعني

وبالتوفيق لج اختي ... وهذا رايي

عادي عيشي حياتك وخذي حرييتك طالما ما تعدي على حياة الناس اللي معك
ويمكن عندك وقت فراغ او ملل وحابة التغيير ليش لأ

قبل ما تربين لج حيوان لازم تعرفين عنه

يعني هو مو لعبة محشية قطن تحطينها على حضنج وتضمينها

والقطط على كثر لطفها لكنها حيوانات كسوله واتحب اللي يخدمها

بالإضافة إلى أنها مجرد حيوان يعني ممكن بأي لحظة يخون ويتمرد ويخدش ويعض

ناهيك عن نسبة الأوساخ اللي تخلفها وطبعا ما تقدرين تلبسينها حفاظ ههههههه

هذا غير الوبر اللي راح يتناثر يمين ويسار
والقطط مشهوره بأنها تلعق شعرها وبعدين ترميه من فمها مع بعض السعابيل والقاذورات على هيئة كره شعر، بالإضافة إلى الترجيع (الزوووع المقرف) وتعالي يا فلانه ونظفي ههههههههه

حبيت انبهش ان شعر القطط اذا صار في الملابس لاتجوز الصلاة به
وطبعا هي بتمشي وبقط لش الشعر على كبر البيت ويمكن ماتلاحظينه لانه ناعم وصغار

نقطة ثانية: هي ممكن تبلل وتنجس وتوسخ !!

نقطة ثالثة: القطط تسبب الاجهاض وتشوهات الاجنة بالنسبة للحوامل

وقبل لاانسى تسبب حساسية وضيقة !!

انا مرة سمعت شيخ يقول اي حيوان فيه ريش ويحت ريشة فمعناته المكان 100% نجس

لان ريشة وصخ

انا بعد امووت بالقطاوه بس مو لدرجه احط لي وحده بالبيت واهتم فيها ؟!!
العالم ف وين وانا ف وين .. شي ما راح ينفعني

وبالتوفيق لج اختي ... وهذا رايي

أتوقع القطط يسببون العقم

فانتبهي

هم حلوين .. بس نجسين

انا اشوف انه الموضوع جدا عادى ولا فى مشكله

وعادى تشتريين قطوه وتربينها اهم شى تنتبهى لها وتعتنيين فيها

وحتى اذا عمرك 33 عادى

وتقدريين تحطينا فى التهويه (ساحة بيتكم) الحديقه

وتشتريين لها بيت او تحطين لها كرتونه

ترى حلو تربية القط وانا امووووت اربيهم مسليين جدا

اذا ماعندك خبره فى تربيه و العنايه تعلمي سوى بحث فى قوقل

فى فوائد للمربين القطط سوى بحث وتعرفينها

الصعب عليك اذا طارت نادر ماتهج من البيت

او اذا ماتت واه سألنى انا مجربه

اصلا انا من مربيين القطط احس كأنهم عيالى ^_^

تخيلى لدرجه انه اذا بلعب معاهم واحضنهم واسبحهم البس ملابس خاصه عشان شعرهم

واذا خلصت اروح اخذ لى شوار

اهم شى مثل ماقلت لك لازم تهتميين وتعتنيين فيهم اكلهم تسبحهم تدلعهم

انا بعض الاحيان اشترى ملابس لهم ههههههههههه

الصراحه وناسه تربيتهم

اقوول عيووني انتي تصفحي في النت ثااني يمكن تشوفي شي ثااني يغيرك وبعدها تغضي النظر عن القطط بس يااارب مايكوون المره دي فيل ولا حمااار وحشي الله يهديكي روحي شوفي شي انفع اش تبغين با القطط ووسخها

انتبهي منها ترى تجيب الحساسيه

بس بهديك كم قطوه خخخخخخخ







تهبللللل الاخيره سبحان خالقهااااااا

عادي اختي خذي لك وحده بس الله يعينك على التنظيف مع ان القطط اذا حطي لها مكان وفيه تراب تعتبره الحمام حقها وتعرف ان هنااا حمامهاااا وانتي بكرامه

حبيبتي ابي انبهك لشئ ان القطط تسبب لك عقم فعلا ..

بنت خالتي كانت مجنونه قطط وعندها كثيرررر واللحين متزوجه وتعاني من عدم الانجاب للاسف والسبب عندها داء القطط .. ويمكن اشياء ثانيه مادري عنها

فديري بالج ولا تربين قطط ولا شئ لان ما يسوى عليج يوم تتزوجين ولا تجيبين عيال بسبب هالفكرة ... انا ماقولج شئ تافهه بالعكس انا احبب القطط خاصه الشيرازية بس من بعيد لبعيد ..

دوري لك حبيبتي شئ ثاني تسلي فيه .. وان شاء الله الله يرزقج بزوج صالح واطفال حلوييين تربينهم قولي ياارب ...:>

حبيبتي انا عمري 23 سنه واعشق القطط واي شي فيه فرو والا وبر ناعم وعندي بسه هاف بيكي مرررررره اعشقها ودحين افكر اشتري تانيه لان دي مره كبرت خلااص

أكتر شئ في حياتي اكرهه القطط
عندي فوبيا القطط وبرده مش عارفه لييييييه
لو لقيت قطه ادامي بلم الناس عليا

عادي اشتري قطه وربيها مفيش مشكله طالما بتحبيبها

نعمتان مغبون عليهما كثير من الناس(الصحه والفراغ)

عآدي انا جت لي فترة كذآ ..والحمدلله شريت لي أكثر من وحده ..سنتين وخلآص مليت ..لأنها تتعب مرة وتشغل..صحيح

انها كانت توسع صدري احيانا بس مسؤوليه ومصآآآآآريف.. كل شهر أدفع لها أكثر من 100 ..

وشسمه ترا في مواقع ومنتديات تبيع قطط تكون رخيصه أقل من 1000 وفي محلات رخيصه برضوو

اذا انتي بالرياض اعلمك عليهاا

واما عن مجتمعنا ..هذا طبع فيه ومانقدر نغيره ..

---------------------

انا مرة سمعت شيخ يقول اي حيوان فيه ريش ويحت ريشة فمعناته المكان 100% نجس

لان ريشة وصخ

أتوقع القطط يسببون العقم

فانتبهي

هم حلوين .. بس نجسين

معليش اخواتي ..

الكلام هذا خطأ×خطأ

لأن الرسول صلى الله عليه وسلم كان يتوضأ من الماء اللي تشرب منه القطط ويعتبره طآهر

غير كذا السيدة عائشه رضي الله عنها كانت تاكل من نفس الصحن اللي تاكل منه البسه

وغير كذا برضو ان الرسول قال بما معناه ان القطط طاهرة ومن الطوافين بالبيت..

واما عن انها تجيب العقم برضوو خطأ.. وخصوصا ان قريباتي كلهم ماشاءالله مربين قطاوة وهم

حوآآمل! والحمدلله ولدو بالسلآمه ..

لازم تتأكدون من المعلومة قبل نشرهاا

وبالتوفيق

انا كمان درست ان القطط ليس بنجس ورد احاديث عن الرسول صلى الله عليه وسلم , ان القطط من الطوافين علينا والطوافات :

أن أبا قتادة دخل فسكبت له وضوءا ، فجاءت هرة ، فشربت منه ، فأصغى لها الإناء حتى شربت . قالت كبشة : فرآني أنظر إليه ، فقال : أتعجبين ابنة أخي ؟ فقلت : نعم . فقال : إن رسول الله صلى الله عليه وسلم قال : إنها ليست بنجس ، إنها من الطوافين عليكم والطوافات
الراوي: أبو قتادة الأنصاري - خلاصة الدرجة: صحيح - المحدث: ابن دقيق العيد - المصدر: الاقتراح - الصفحة أو الرقم: 126