>,<

عاااادي ...
يمكن كان مضايق
وقال حق اخته اللي في خاطره
انتي تقدرين تتصلين عليها دام اهيا رفيجتج
ساليها شفيه بالضبط .. وشنو قالج ..
عشان لا تقول هاي ما تفتكر في خطيبها

والسالفه توها حاره ..
نطري لي ما تبرد
وانشالله كل شي بيرجع طبيعي ..
عطي السالفه مهله يوم يومين ولا تكثرين ..
عشان تكون في السالفه حراره شووي وتقدرون تتفاهمون ..
وعن اخته .. لو انا منج خذيت وعطيت اياها في الكلام .. دام اهيا صديقتي ..
وعادي .. اذا انتي ما طلع منج غلط ... ليش بطيحين في عينها ..
اخوها الي سوى وفعل ..
وانتي ما غلطتي ولا سويتي منكر ونكير ..
تفاهمي معاها .. بس لا تقولين لها شنو السالفه بالضبط
خلي اسرار بينج وبين ريلج وخصوصا في هالنوع من المشاكل



وتحياتي لج

ثانكس فديتج على الرد
شوفي اصلا وايد علاقتي اوك مع اخته
بس ماقعد اسولف لهاا عن اخوهاا
استحي والله
ويوم قلت مالي ويه
اكيد هي بتحط ف بالها اني انا مب مريحتنه
واني ممتعبه اخوهااااااا

والله مابا ارجع له
احس ذلني ومصخرني
الحين اهله بحطون في بالهممم انه هو مايباني بس انا اللي فاره عمري عليه :(

الصراحه حركته ابدااا مش حلوه
والمفروض لو بيدخل اخته بينكم يدخلها تصلح مو تقولك لا تتصلي بأخوي لانه تعبان
الحركه ما حبيتها ابدااااااااااااا وماادري انتي وش ردة فعلك بالضبط؟
هل انتي فقط متفشله من اخته او غضبانه انه خلى وسيط يقولك كلام يجرح؟
انصحك لا تتصلي فيه ابدا وخليه هو يدورك ويندم على فعلته واذا تصالحتوا اشرطي عليه
لو تتذابحون بسكاكين مايخلي اخته ولا غيرها يتدخل بينكم .
علشان لا تكبر المشاكل وتصير سيرتكم انتي وخطيبك على كل لسان.
تحياتي

مو حلو يدخل اخته صراااحه لا تقبليهااا ابد على نفسك عشاان ماتتكرر وهو ليش رسل اخته افهمي منه واتفااهمي معاه برواااقه وهدووووء

الله يفرج همك

الغيرة لها حدود

والرجال من طبعه اذا البنت تغار عليه زيادة عن اللزوم وتشك فيه وتحسسه طول الوقت بهالشي فخلاص يمل ويتعب واذا بعدهم ما متزوجين بيقول احسن لي اتركها اذا من اللحين هي تسوي كذا شلون بعد الزواج اكيد بتصير مثل الطوق في رقبتي. وانتي جلستي تعتبري الموضوع عادي وان شكك فيه وعتابك لادائم وغيرتك الشديدة امر طبيعي وكل شي بيرجع طبيعي وهذا اكبر غلط لانه اللي عندك بسيط هو عنده معقد.

نصيحتي الوحيدة انك تجلسين مع اخته وتفهمين منها الموضوع وخبريها السالفة . وشوفي هو شنو يبي اللحين بالضبط . وخبريها ان تخبره اذا ممكن يتصل وتتفاهمو بهدوء .

وانتي لازم تسيطري على نفسك واعصابك وغيرتك وتعرفي كيف تسيطري وتفكري بطريقة منطقية.

واذا هو غلط في شي لازم تكوني اولا متأكدة ما بس شكوك وثانيا اذا طلع فعلا غلطان او عليه حركات اتفاهمي معاه بهدوء وقولي له انت عندك الاختيار اما انا او المغازلات لاننا راح نبني حياتنا وهذا زواج مو لعب واذا حاس نفسك ما مستعد تتخلى عشاني عن بنات ثانيات فأنا لي القرار اما اظل او انفصل .

عزي نفسج ولاتتصلين له ولا طرشين مسجاااااااااااااااات واختة ولا كانج تشوفينها ووعادي حبيبتي حقج ان زوجج مايشوووف غيرج كبري نفسج ووحاولي تغيرين من نفسك للافضل وترا الريال لما اي احج يصكر بوجة شياطيين الدنيا تتنطنط قدامه هو انقهر منج يوم سديتي الخط بوجهة ووهو يبي يقهرج ويصييحج سووا هالحركة

اختي لاتحطين في بالك ( ترى مشاكل هالدنيا اكبر واعظم )
يعني يمكن اخته قريبه منه ويفضفضض لها كل شي عن حياته وش اللي يضايقه
علشان كذا اقول لك اصبري والصبر مفتاح الفرج
اكيد راح يكلمك ويدق عليك وكلميه بهدوء وببساطة بدون تعقيدات
وفي نهائي الكلام وان شاء الله ترجع المياة لمجاريها
قولي له ( انكم المفروض تحلون مشاكلكم لوحدكم بدوون تدخل اي وسيط بينكم سوا من قريب او بعيد )
علشان مع الوقت مايتعود يروح يكلم احد ( الا إذا تسكرت الابواب من جميع الجهات )
وان شاء الله مو رايح يصير غير كل خير لك
على فكرة بم ان اخته معاك في الجامعه عادي روحي وتعالي معاها ولا كان في شي صار
خلي علاقتك معاها اوكي / لا تتأثر علاقتك معاها بسبب ان اخوها قال لها توصل كلام لك
تخيلي بعدين ترضيتي انتي معاه . وانتي كنتى متخاصمة مع اخته ؟ وش موقفك ؟
الله يوفقك وان شاء الله تسمع الاخبار الطيبه عما قريب
بالتوفيق والله يسعدك ويفرج همك

السلام عليكم روحمة الله وبركاته


اختي العزيزه

اكبر خطأ ان يتم ادخال طرف ثالث بين الرجل وزوجته ... حركته بايخه جدا جدا وعيب عليه اللي سواه
كان يقدر يطرش مسج ويقول انا تعبان لاتتصلين علي
بس انا اقولج شي

الغيره ادعي ربج ان الله يشيلها من قلبج
ثانيا يالغاليه
خلي الريال اهو اللي يركض وراج مو انتي اللي تركضين وراه
خلي يشتاق لج مو كل مافتح عيونه لقاج بوجهه خصوصا انتوا الحين في فتره الملجه
لاتدقين وايد عليه ... ولا تقطين نفسج عليه بالغيره الزايده والحنه خليج في مكانج زوجج اهو اللي راح ايي لج


ودمتم سالمين
اختكم شريفة

ثانكس لكل اللي رد علي
انا مستحيه من اخته وايد
ومستغربه من ردة فعله هاي
اصلا هو كان دايم يقول لي لا ادخلين حد بيناا
استغربت كيف اخته اتصلت فيني لتقول لي هالشي
وبعدين مب من النوع اللي يفضفض لاخته وايد
الله يستر بس
اليوم موووول ماتصلت له ولا بتصل
واذا اتصصصصصل
مابرد
بتصل باخته بقول لهااا قولي لاخوج لا يتصل على تلفوني انا احترمت قراره وماتصلت فخل هو يحترم قراري ( احس بنات من الحين جي عيل كيف عقب )
اشرايكممم بنات؟؟؟؟

لا طبعا لا تتصلي ولا تخلي العيبه تطلع منك
ابداااااااااااااااااا
سكوتك حاليا وتجاهلك له ولأخته افضل تصرف
وخليه هو يدور على نفسه ويتسائل وينها
وليه ما اتصلت؟
وليه ما اهتمت ولا انقهرت ؟
كذا افضل علشان يتأدب ولا عاد يعيدها.
ولما هو يتصل كلميه عادي وقولي له عن رأيك بتصرفه بكل ادب وذوق وبيني انك مستغربه
ان هالتصرف يصدر من رجل بالغ .
تحياتي

ثانكس حبيباتييييي
يعني ارد عليه اذا اتصل
بس غررررررررريبه ماتصل اليوووووووووم كلششششششش ( ياخوفي يكون صدق تعبان )
انا اروحي استغربت
وطبعا انا مابتصل له
نفسي ماتسمح لي
الله يعيييييين
بعدني كل ماتذكر اللي صار عيني تدمع :(

:'(والله مب قادره ارقد من السالفه

قهرررررررررررررررني والله :@

طرشت له مسج
انا مابا منك شي
بس الشي اللي سويته بيني وبين اختك حاول تصلحه
رد علي بمسسسسج يقهرر
اونه
لساني ولا لسانج
لساني وعلى كيفي
والا اقولج تعالي قوليلي شو اقول بعد
وبعدين انتي ماشفتي شي
عبالج بتم طول حياتي طيب
...


والله صدق ضايجه
حتى صارت تيني كوابيسسس عنه هو واخواته :(

حور الروح;10834830:

اختي انتي تبين هالخطبة تنفسخ وكل شي بينكم ينتهي ؟؟؟؟ هل هذا هو قرارك يعني ؟

اذا جوابك لا فهالحركة اذا سويتيها وهي انك تتصلي بأخته وتقولي لها خل اخوج ما يتصل بي معناه كل شي بينكم انتهى وهو بكذا بيقول البنت ما تبيني وبيطرش اهله يتصلوا في اهلج ويقولوا خلاص بنتكم قالت كذا وكذا ومعناه ما تبي ولدنا فكل شي انتهى. صحيح الواحد لما يحب خطيبته يراعيها ويسوي اي شي يسعدها بس اذا وصلت السالفة ان البنت تجلس تقول له ما تتصل بي وما ابي اشوفك وتسوي كل مرة مشكلة وسالفة بيقول كرامتي احسن وهي شكلها بايعتني .

اتصرفي بهدوء وما تستعجلي .

هلا حور الروح
ثانكس عالرد
بس تعرفين والله اني كرهتتتتتتتتتتتتته :@
كيييييف اكمل حياتي معاه
وهو جي ممصخرني
وذالني جدام اهله
ومحسس اهله اني اركض وراه
شو هالتصررررررررررررررفااااااااااااات
فاكيد مابا استمر معاااه
انا اصلا مب قايله لاهلي عن اللي سواه
مهما يكون ماباه يطيح من عينهم

سوري اذا اتاخرت عليكم بالرد
والا مارديت على كل وحده فيكممم
انا امر بفتره امتحانات فاينل
وتفكيري متششت
ومب قادره اركززز
ويزاكمممم الله الف خيير

مادري .!!
احس سالفه كل واحد معناد .. وراكب راسه ..
ويقول ما بتصل .. خل الطرف الثاني يتصل ..
ابد مو حل ..
لازم في تنازل من الطرفين ..
الريال طبعه عنيد . وقلبه صخر أكثر من المره ..
المره او البنت .. قلبها حنين .. تقدر بطيبه قلبها . تكسب قلب الريال بدون اي استأذان ..
انا اللي اجوفه .. عكس كلام كل الاخوات ..
اللي اجوفه .. ان تتصلين له وتتفاهمين معاه .. .
وجوفين شسالفته بالضبط ..
اوكي بتقولين مصرخني ونزل كرامتي وما بتصل له ..
بنقول اوكي . اعتبريها زعل ان ما يكلمج ولا يتصل عليج .. لا تعتبرينها كرامه .. ومسخره .. وهالاشياء ..
في العلاقه الزوجيه .. في تنازلت كثيره .. وهالشي اللي بتسوينه مجرد تنازل بسيييط جدا .. جدام التنازلات اللي بتسوينها في فترة الزواج
انتوا توكم في البر .. بعدج ما جفتي شي ..

من رايي .. اتصلي عليه .. وتفاهمي معاه .
خليه يقول ان هالانسانه تحبني .. واهتمت لي .. وما تركتني زعلان طول هالمده ..
عمليه ان الحياه تسامح ..
اخلقي له اعذار ..
لان مثل ما يقولون .. اختلق لصديقك سبعين عذر !!
وهاي ريلج .. اللي اكثر من صديقج

اذا اتصلي وما رد عليج ..
ذيج الحزه قولي .. ما بتصل له .. ومسخرني .. وما اهتم فيني ..

خليه يحس ان تزوج انسانه قلبها مب صخر .. وانها تهتم فيه ..
لان ساعات الريال يسووي هالحركات متعمد .. عشان يعرف قدره عند زوجته

عامليه جذي .. بالسيئه عطيه الحسنى ..
صدقيني .. يمكن يتعلم منج .. ويعاملج مثل ما تعاملينه ...

مادري يمكن كلامي ما بيعجب الاغلبيه من العضوات ..
بس لو انا كنت مكانج بسووي جذي ..
ولعلمج .. لو الطريقه اللي قلتها لج ما نفعت معاي ..
جان ما قلت لج سوي وفعلي ,,,



تحياتي لج .
وركزي في دراستج