السلام عليكم ورحمة الله وبركاته
شخباركم عرايس؟ هذا أول موضوع لي في المنتدى و أتمنى إنه يعجبكم.. مع إني متابعة
للمنتدى من سنتين تقريبا.. بس كنت اشارك بإسم اختي :D..
في الإسبوع الي فات كانت ذكرى مرور سنة كاملة على خطبتي .. فسويت مفاجأة لخطيبي وشريت له مجموعة هدايا..
شريت له قميص بنفسجي وتاي مناسب من G2000 و كبكات من محل في مجمع الدانة وبوك من MONT BLANC وميدالية بإسمه..
طبعا الموضوع حاطته عشان اوريكم تغليفي :cool: .. أول مرة أجرب أغلف والحمد لله الهدايا
عجبت خطيبي وايد.. بس سامحوني ماصورت خطوات التغليف لأن الكاميرا ماكان فيها جاررج..
وبعدين قررت أصور بكاميرا التلفون.. فبتحسون الصور مو واضحين وايد.. :)
ورق التغليف كان باللون البنفسجي الفاتح شريته من محل تغليف هدايا.. والشرايط الي
استخدمتها لونها فضي من النوع الضعيف و العريض وايد .. والورد والزينة باللون البنفسجي
والفضي والأبيض..كلهم من محل خمس دوائر و من فخر البحرين..
يلا نبتدي في الصور :thumbs_up:
هاي الكبكات..
وهذا البوووك
من زاوية ثاانية..
:)
:)
هذا القميص.. استخدمت للتزيين النوعين من الشرايط.. لأن نوع وايد ضعيف والثاني وايد عريض..
عن قرب.. لتوضيح تنسيق الزينة..
بعدين رتبتهم في سلة.. بس ماكفت للقميص لأن البوكس كبير.. فحطيت فيها بس الكبكات و
والبوك و دبدوب صغير شوي و شمعدان بنفسجي فيه شمعة بنفسجية .. وشوية خرابيط..
والسلة بعد زينتها بنفس الورد الي استخدمته لتزيين الهدايا ..
صورة مقربة لتزييني للسلة..
و هذي آخر صورة لما ولعت الشمعة في الشمعداان.. صار شكلها رهييب :adore: الضوا الي طلع لونه بنفسجي من لون الشمعدان..
وسلامتكم F:
أتمنى الموضوع عجبكم..
