مساء الخير ياحلووووين
كيفكم وشخباااركم وشعلووومكم وشمسوووووين
صار لي فترة ابي انزل لكم هالحلى بس الكسل خخخخخ
من فترة كنت ابي اسوي لخطيبي حلى ،،، واحترت وش اسوي
كنت ابي شي يكون فيه فراوله ،،، لحاجة في نفسي خخخخخ
شفت الحلى اللي سوته عسولة قلبه ،،، اخذت الفكرة منه
بس غيرت في المقادير ،،، وبدعت من خيالي خخخ
بس الحمد لله طلعت النتيجة رهييييييييييييييييييبه ،،، بشهادة الكل
تعالوا معاي شوفوا شسووويت
بس لازم اذكر
الموضوع مجهووود شخصي لا احلل نقله بأي شكل من الاشكال
يالله باسم الله نبدا
بس في البداية بقول لكم اني مابحط صورة كلية للمقادير
لاني قعدت اشتغل بدون مادري شنو بسوي
وصورت لكم الخطوات مثل ماسويتها خخخخ
اول شي اخذت علبتين جيلي بنكهة الفراولة
وسويتهم بالطريقة العادية ،،،،
انا اول شي اخذت كوب ونص ماي (كوب صغير )
خليتهم يغلون وبعدين حطيت معاهم الجيلي
وبعد ما برد حطيته في بايركس ودخلته في الفريزر
لاني ابيه بسرعه يجمدد
بعدها جبت هذي الطاسه
وغطيتها من داخل بورق نايلون ،،، في الاخير بتعرفون ليش
واستخدمت كيك امريكانا (سويس رول) ،،، الحجم الصغير
بنكهة الفراولة ،،، تقريبا استخدمت علبتين
طبعا ممكن تستخدمين الحجم الكبير ،،، حسب الرغبة
بس انا حسيت الصغير بيطلع شكله احلى
اخذته قطعته شرائح متساوية في الحجم وصفيتها في الطاسة
وخليت الطاسة على جنب
وبديت الحين اسوي خليط الكريمة ،،،، تعالوا شوفوا المقادير
المقادير:
4 اظرف دريم ويب
6 ملاعق طعام حليب نيدو
2 قيمر
حليب مركز ،،، تقريبا ثلاثة ارباع العلبة او حسب الرغبة
علبة فراولة طازجة
4 حبات جبن كيري
تعالوا شوفوا شلون سويتها
الطريقة:
اول شي خلطت الدريم ويب والحليب والقيمر والحليب المركز وجبن الكيري
خلطتهم مع بعض بالمضرب الكهربائي
لين صار الخليط جاهز
واخذت الفراولة قطعتها وحطيتها بالخلاط
خلطتها بس ما خليتها كلها تنهرس ،،،، خليت فيها شوية قطع صغيرة
وبديت اصب خليط الفراولة على خليط الكريمة
وبديت اخلطهم بشكل بسييييط مع بعض
لاحظوا اني ما خلطتهم عدل ،،،، خليت شوي من الكريمة ابيض
بعدها طلعت الجيلي من الفريزر بعد ما جمد
وبديت اقطعه بالشوكة لقطع صغيرة
وخلطته مع خليط الكريمة
وهذي صورة لخليط الكريمة بعد ما صار جاهز عندي
وحطيته في الطاسة فوق السويس روول
طبعا اللي قبل الطاسة كان حجمها كبيييير
عشان كذا سويت طاسة بحجم صغير لي ولخطيبي خخخخ
وخليتها في الفريزر تقريبا يوم كاااامل
ولما جيت اطلعها ،،،، كل اللي سويته اني حاولت ارفع ورق النايلون
وقلبتها في صحن التقديم
وهذا صار شكلها
شفتوا شلون شكلها طالع روووعه
فما كان يبي لها تزيين واااجد
فاكتفيت اني زينتها بقطع فراولة طازجة بهالشكل
وهذا شكلها عند التقديم ،،،، يمي يمي
شوفوا شلون من داخل ،،، باين قطع الجيلي وصلصة الفراولة
يمي يمي ،،،،،، روووعه
جربوها وان شاء الله بتعجبكم ،،،
وبالهنا والعافية على قلووووبكم
واللي عجبتها وصفتي ،،، ما عليها امر تضغط ع الميزان :o
مع خالص حبي ،،،،