علم البحرين على أظافري >>> حصرياً

أهلين يا حلوووات

كيف الحال؟!

مثل ما انتو عارفين 16\12 يوم مميز بدولتنا الحبيبة البحرين يكون عندنا يوم مميز كل واحد

يعبر عن حبة لوطنه بطريقته وهو يوم العيد الوطني:adore:

اليوم قلت بما ان هوسي صاير بالرسم على الأظافر ليش ما اجرب ارسم علم ديرتي على

اظافري علشان يوم العيد الوطني اطلع آكشخ فيه:cool:






يلا تعالوا أعلمكم أول شي شوو نحتاج من أغراض:

_نيل بولش أبيض

_نيل بولش أحمر

_نيل بولش شفاف

_عود أسنان

_اي ورقة مغلفه بورق حراري او اللي ما عندها تاخذ ورقة عادية

يلا تعالوا شوفوا معاي خطوة خطوة سويتها






ناخذ النيل بولش الأحمر ونصبغ فيها آظافرنا كامل

بهالشكل وننتظره يجف 5 دقايق علشان نقدر ناخذ راحتنا في الرسم بعدين






ناخذ لون ابيض خالص يعني مو مايل على البيج أحلى يكون

أنا استخدمت نيل بولش ماركة فلورمار






ناخذ شوي من اللون الابيض وبفرشاته نحط نقطه فوق الورق الحراري






ناخذ عود الأسنان نغمسه في اللون اللي حطيناه على الورق الحراري ونبدي نرسم الاسنان بس للأسف الشديد نسيت اصور لكم صورة الأسنان قبل لا اصبغ الاسنان بالأبيض

لكن اهم شي تتركون شوي مسافه وطبعا المسافة الا بتكون حمرا اكبر من اللي بتكون بيضا





بعدين ناخذ النيل بولش الأبيض وعلى خفيف نبدي نصبغ الجهة الصغيرة البيضا اللي بالعلم لكن انتبهو ما تخربوا الاسنان الا رسمتوها لين جيتوا بتلونوا ما بين الأسنان وداخل السن اللي بالعلم بعود الأسنان سوي نفس الطريقة يوم ترسمي ونقطي داخله وخلاص صار كامل:thumbs_up:






وهذي النتيجة النهائية






لكن اللي يحب يضيف إضافات يقدر يحط فوقه قلتر خفيف مثل قلتر فلور مار

يطلع شكله مرة ناعم صورته لكن للأسف موب طالع واضح:thumbs_down:






وبعد ما ينشف كل شي ما ننسى نحط نيل بولش شفاف حق ما يخرب لنا الدزاين وتكون فيه لمعة حلوة






أتمنى الدزاين يكون عجبكم واللي عجبها موضوعي تقيمني

وتدعي لي الله يوفقني بأمتحانات النهائي تراني من قلب محتاجة هالدعوة:thumbs_up:

مع حبي

مشتاقة ليك