موقف عمري ماانساه عن بلييز ادخلواا

السلام عليكم روحمة الله وبركااته
شلوونكم حوااامل انشالله بخير وباحسن حاال ياارب .. اليوم ابي اكتب لكم موقف صاار في المستشفى الصبح وانا عندي موعد بصراااحه عمري مارح انساااه .. طبعا اليوم موعدي كان 9.15 صباحا ونا موجوده وانتظر ينادوني وتاخرت مرره الين صاارت الساعه 11 ومحد ناداني وانا تعبت من الجلسه وظهري صاار يعورني بعدين رحت عند الممرضات في غرفة التحضير قلتلهم متى تنادوني خلاص تعبت انا قالتلي شوي مدام انتظري المهم طلعت وانا زعلانه ورجعت للغرفه شوي الا واسمع صرااخ والممرضاات بسرعه مستعجلاات يركضوون وجابوا سرير ودخلوة في غرفة لقياس نبض الجنين اللي يحطون فيها الحزام على البطن والحريم صااروا يطلعون من غرفة الانتظار يشوفون وانا طبعا بكريه ومو عارفه شي على طوول خفت مررره ودمووعي صاارت تنزل ومن جد خففت وصرت استغفر استغفر استغفر وبعدين طلعوا الحرمه من الغرفه وهي تصرخ من جد رعععب تحسينها تتالللم بقووة وانا انفجعت عمري ما انسى هالموقف وبعدين سكتت لان الحريم خافوا وفيه رجال بالسيب واقفين وكانت مسدوحه على السرير ولابسه عبايتها .. وبعدين يوم راحت وهدينا نادووني ودخلت على الدكتوور والدمووع والحااله حااله والدكتوور نفسه متوتر ولونه مخطووف وبعدين جلست اساله هذي بكريه قاللي اللي ولدت ؟؟ تخيلوا ماشالله بعد ماطلعوها بشوي ولدت الا يقولي لا عندها ولدين وهذي الولادة الثالثه عشان كذا ما تاخرت بس انها كانت معنا بغرفة الانتظاار تتالم وصابرة على نفسها الين اخر دقيقه مسكيينه المفروض ترووح طواريء مو تجي للدكتوور .. عاد الدكتوور هداني وطمني وقاللي امشي ضرووري عشان الولاده تكوون سهله وقالي العلامات اللي لمن تحسين فيها على طوول تجين المستشفىورح اقولها لكم عشاان ما تخافون وتتوترون وقت الولاده:
1- نزول المويه ومو كل الحريم تنزل عليهم مويه يعني مو شرط نزولها
2-وجوود الم اسفل البطن مع وجع بالظهر وهذا الطلق يعني الولاده قربت ولو صاار الالم كل ربع ساعه على طوول المستشفى
3-اذا تجمع بطنك في الوسط كانك بالعه حجر مع الم شديد فهذه من علامات الولاده
4- نزول ماده مخاطيه معرقه بالدم
وسالته بعد ابرة الولادة قالي موجوده ومالها اضرااار ابد عكس اللي سمعته انها تخدر الاعصااب يقولي لا مرره امنه وما تخووف بس ما تاخذينها الا اذا فتح الرحم 4 سم اكثر من كذا ما تقدرين ممنوع تاخذينها :o
وبس هذا اللي صاار اليوم من جد يووم مرعب وطويل بس انشالله ربي يسهل وعليكم الطلق والامه وتكوون ولاده طبيعيه ميسرة للكل والله يعيننا ويعطينا ساعة خير والله يرزق المحرومات والمتاخرات بالذرية الصاالحه ويهون عليهم ياارب
( ياحي ياقيوم برحمتك استغيث اصلح لي شاني كله ولا تكلني الى نفسي طرفة عين ) عااد هذا اللي صاار اتمنى تقروونه بتاني وتنتبهون لعلامات الولاده انا بكريه ومااعرف ويوم عرفت حبيت اقولكم عشان ما تخافوون مثلي والحمدلله على كل حاال.. عاااد ادعوولي بولااده سهله وميسره وانا بدعيلكم بظهر الغيب واذا عجبكم الموضووع قيمووني ..