أنا وزوجي وأولادي ... ودوامي

السلام عليكم ورحمة الله وبركاته

خواتي العزيزات ،، أعرض عليكم مشكلتي وكلي ثقة وأمل بنصايحكم وردودكم الطيبة

أنا صارلي متزوجة من سنتين ونص :o

وعندي طفل عمره سنة الله يخليه لي وحامل بالثاني وبولد الشهر القادم إن شاء الله

زوجي إنسان طيب وحنون ،، إتزوجته عن حب وقناعة :adore:

وأعيش في غرفة في بيت زوجي والحمد لله علاقتي طيبة مع الجميع وما بينا أي مشكله :thumbs_up:

أنا موظفة ( وهني تبدأ المشكلة ) ،، راتبي في حدود 16500 درهم

وزوجي راتبه في حدود 22000 درهم :$:

زوجي عليه قرض في حدود 220000 درهم ( قرض سياره ) ومع هذا أبد أبد ما قصر علي بشي وسوالي عرس رائع وفخم وقضينا شهر عسل جميل

بالنسبة لهالقرض يقطعون من راتب زوجي 3000 تقريبا وينزل له في الحساب 19000 درهم

والله الشاهد إنه ما عنده في حسابه ولا درهم واحد مع إنه يشتغل من 8 سنين تقريبا :thumbs_down::mad:

راتبه كله ضايع على الكماليات ( لبس ، سوع ، عطور ، لبس حق ولدي ، مطاعم ووووو ) وأبد ما يحب يفكر في مستقبلنا ومستقبل عيالنا

ودوووووم المعاش ما يتم أكثر من أسبوعين

أما أنا فإنسانة أفكر وأحاتي مستقبلنا وايد ( راتبي أحتفظ بثلاثة أرباعه في البنك وشهريا لازم أحط مبلغ في حساب ولدي )

أحاتي عيالي ومستقبلهم وأحاتي وضعنا في بيت أبوه

الحين عندي ولد واحد والغرفة ضيقة ولما بيي الثاني أكيد بتضيق أكثر ،، إتخيلوا لو حملت ويبت الثالث والله مستحيييييييييل مستحححححححححححيل أحصل له لو شبر في الغرفة

دوم أنصحه وأكلمه عن المستقبل وهو ولا على باله ويعصب علي من أفتح له هالمواضيع :confused:

المهم المشكله الأساسية أن زوجي يباني أستقيل عقب ما أولد بولدي الثاني يعني عقب شهر أو شهرين

والسبب إنه يباني أتفرغ لأولادي الإثنين ويقول ان الوضع بيصير صعب وما بقدر أداوم وانا عندي 2 صغار والفرق بينهم بس سنه

المشكله ان ماعندي خدامة وعمتي أم ريلي هي اللي كانت إتشوف ولدي في هاي الفترة وبصراحة أبد أبد ما قصرت معاي ومع ولدي حاطتنه في عيونها وبعمررررها ما زعلتني أو تضايجت من الوضع

بس أكيد الوضع بيصير أصعب في وجود طفلين وبضطر أييب خدامه تساعدها

انا وايد مستصعبة موضوع الإستقاله ،، مع إني عارفة اني مقصرة في حق ولدي وريلي بس والله أشتغل عشان مستقبلنا مب علشان أدلع عمري وأصرف مثل باقي البنات

لو ريلي من النوع المقتصد او اللي يفكر في مستقبله كان الموضوع بيكون هين علي

والقهر انه يبا ياخذ قرض ثاني عسب ياخذ سيارة يديدة لأن سيارته الحالية اندعمت وتبهدل شكلها ولأنها سيارة صغيرة ومب عملية او عائلية أبدا

يعني راتبه بيقل أكثر وأكثر وبنعيش في تقششششششششف

أنا دوامي متعب وطويل ومستعدة أستقيل وأدور على شغل حكومي مريح بس مب اني أستقيل وأيلس في البيت

هالشي معناته بنتم طول عمرنا في بيت أبوه وعيالي بيدرسون في مدارس عادية :mad:

أهلي يقولون لي بتندمين لو اسقلتي لأنهم عارفين هو كيف ما يحب يوفر ولا يحب يفكر في المستقبل

وشي مشكله ثانية انه ما يعطيني مصروف ثابت وما يحب هالشي ولا بعمره حط درهم واحد في حساب ولده 8o|:'(

بس هذا مب معناته انه بخيل او مقصر ،، لا حشا والله

لما نطلع يشتريلنا أي شي وبأغلى الأثمان وابد أبد مايقصر

قلتله اوكي بستقيل بس عطني مصروف ثابت وحط مبالغ شهرية في حساب الأولاد وما طاع قال لا تلزميني ولا تسبقين الأحداث والظروف ووووووووو :-#

والله ماعرف يا خواتي محتارة واااااااااايد واااااااااااااااااااايد :(

أبي أستقيل وأقعد أربي عيالي وأداري ريلي وأرتاح من ضغط الشغل بس وايد خايفة من باجر ومب متخيلة ان عيالي يكون وضعهم أقل من غيرهم او قاصرنهم شي

للعلم دوامي وااااااااااااااااااااااااااااااايد فيه ضغوطات وطويل نوعا ما وفيه مسؤولية وأنا وايد تعبانه في الدوام بس متحمله عشان مستقبلنا :worn_out::hysterical:

ساعدوني شو اسوي والله تعبااااانه وايد :'(