شوفوا زوجي شيقول عني؟

والله انا حاسه فيكى بس دكريه بحقوق الولدين عليه ومافى ماانع ادهوه قاله انا ماقدر قوليلها انا واديكى ووديهم وجيبهم وبتاخدى اجر

الله يعنينج حبيبتي بس عادي كلهم جذي مستحيل يطلعون روحهم غلطانين

قهر والله !
الله يعينك ماعندي فكرة بصراحة

عادي.. سوي الحال واحد وياهم
لين رحتين تتشرين اذكريهم بشغلة *يعني اشتري لو شي بسيط*
حثيه يزورهم ويوصلهم لو بغو .. الرجال يبغون يحسون انش تحبين اهلهم مو بس كلام
يعني مو بس تصبيغ له ..
وطنشي بعد
خبرش مو مني والطريق بيفكون ارتباطهم باهاليهم .. طبيعي الولاء بيكون ليهم مئة بالمئة

شوفي لاتقولين روح لهم وسوي لهم
لانه ان ماسوى لهم يمكن هم يلومونج او هو يلومج بعدين بتنقهرين بتقولين هذا انا الي اوصيه عليهم اخر شي ينقال هالكلام عني
ونفس الشي لاتمنعينه ان لو يبي يسوي لهم شي لانه تعرفين واجب الوالدين

وذاا امه اتصلت تبيه يوصلها مكان لاتقولين لها هو مشغول او توه جاي من العمل عطيه التلفون على طول هو يتفاهم معاها
عشان مايقولون ولا هو يصير عنده حجه ان يقول كله منج مع ان عارفه انا ان موقصدج بس احسن لج سوي هالطريقه


وفي بعض الشخصيات كذا بغض النظر عن حريم او رجال يحبون يحطون اللوم على غيرهم ومايتحملون مسؤولية قراراتهم يحسون اريح لنفسيتهم وضميرهم اذا حملوا غيرهم اللوم

الله يعينك غلاتي مثل ماقالوا الاخوات اذكريهم بشغله

دايم حتى لو ماتحبيهم امام زوجك طلعي انك تحبينهم

شوفي اختي ام زوجها مطلعه عيونها ولا تذكرها الابالخير

واذا راحت السوق تذكرها وتشتري لها لوحاجه بسيطه

والله يساعدك الدنيا بلاوي

شوفي مصايب غيرك

اتمنى اني ساعدتك لوشي بسيط

الله يعينك كلهم جذي
ذكؤيه دايما بأهله حتى لو ان بالشغل وبأتصال

حبيبتي الغاليه
لا تسكتين عنه اذا اتهمك انك السبب في تقصيره مع اهله لأن بكره اى غلطه يسويها بيقول انتي ويضايقك نفسيا.
كلميه بالموضوع بهدوء قولي له انا عمري ما منعتك تسوي شئ لأهلك ولو انا طلبت منك ان تتفرغ لي شوي مو معناها
اني منعتك تودي وتجيب امك وانت عارف ان لا انا ولا غيري يقدر يمنعك تودي امك او خواتك.
وقولي له انا اول مره اشوف رجل يتهم زوجته غصب ويكرهها بأهله بدال ما يحببها فيهم.
يعني وضحي له انك متضايقه جدا من هالاتهام وانك غير مسؤوله عن تقصيره بواجباته اتجاه امه وخواته.
وبالنسبه لأهله عامليهم بما يرضي الله وخلاص يعني احتكاك زايد وضغط على النفس ماله داعي ابدااا.
لأن مبين ان زوجك ما يقدر اهتمامك وحبك لأهله .يعني مهما تعبتي وسويتي بتطلعي مقصره.
تحياتي

شوفي بقولج شغله انا اسويها كنت من دون اي تفكير
تطلع كذا فجأة من نفسي

امه لا جت البحرين قالت له ابيك توديني ذا المكان
احيانا زوجي يتعيجز
انا انقز بنص الموضوع اقولها انا اللي بوديك
هو يستانس طبعاً يقول لأمه زوجتي وبتسوي خير
من بدالي انا
وامه تستانس .. الحمدلله ولا مرة صار شي
يعني حتى مرات انا اييب امه من المطار لا شفته نايم ولا يدري عن هوى داره
عاد تشوفينها ام زوجي تيلس بالسيارة وتتكلم عنه
وانا اقولها تعبان مدري ايش .. واحيانا اذا ابد مقهورة عادي انشر الغسيل عندها
ف يوم تشوفه تعصب عليه وتزفه .. بس ترجع لي انا بعد وتزفني على
تصرفاتنا احنا الاثنين

اعتبري امه امج // ما فرقت بينهم
صج في امور غير بس حاولي انج تاخذين الايجابيات بالموضوع فاهمه علي صح
وان شا ء الله يتغير اسلوب ريلج لج بهالموضوع

مثل ما قلت وحده من الاخوات ذكريه بحقوق الوالدين وان رضى الله من رضى الوالدين ...واذا امه تشكت قولي لها انه يتعب في عمله ويتعيجز في الطلعه ومن ذا الحكي حتى ما يلومك زوجك وتلومك امه .

انا راي من راي عروووووووسة حمووووودي كلامها عين العقل مشكوره

حبيبتي،،مادام علاقتك كويسة بأم زوجك و أخواته الحمدلله،، 70% من المشكلة محلولة.

انصحك ما تدخلي خصوصا بينه هو و أمه،،اي شي هي تبيه منه تكلمه دغري و مباشرة و هو يرد عليها مباشرة..و بعدها لا تسأليه ليش ما سويت و لا ما عملت،،لان اول ما يحس انه غلط او مقصر راح يحط اللوم عليكي حتى لو هو بداخله يدري ان ما لك علاقة.

طيب اذا امه قالتلج انها تبي ولدها يوصلها مكان خبريه وبس انتي لا تتدخلي وتقولي لا هو مشغول...
اذا هو مشغول خله يقوللها بنفسه..!!
واذا تحسين انه مقصر معاج خبريه انه لج اشغال ومشاوير لا تسكتين عنه


موفقة حبيبتي

الله يعينك
مايبي يطلع نفسة غلطان
يخلي الغلط عليج
لاتسكتين عنه لازم تتكلمين وياه وبوضوح
بكرة اي شي بسيط او كبير
بقول منج

اذا امه قالت لش وين ولدي علشان يوصلني
لا تقولين لها تعبان
دايركت روحي له وقولي له امك تبيك توصلها
وهو يتصرف معاها ، يبي يوصلها يروح مايبي بكيفه
لاتدخلين روحش بينهم ..

مشكورين حبيباتي بس انا الغلط الي فيني اني اتصرف مع اهل زوجي بشفافيه يعني الي في قلبي على لساني عشان جذي وايد ادخل روحي في مشاكلهم ماعندي سالفه صح خلني بعيد احسن ،،،،

كثري من الاستغفار ..وذكريه بحقوق الوالدين ..وخبريه ان رضا ربه من رضا الوالدين..

استغفرالله واتوب اليه لااله الاانت سبحانك اني كنت من الظالمين اللهم فرج هم المهمومين ونفس كرب المكروبين اللهم صلي على محمد وعلى محمد