ماذا تفعلين عندما تغضبين من زوجك؟

البارحة كنا طالعين انا وزوجي والبنات واحنة راجعين قال لي خلينا نمر الضخير شوي نشوف الخيام وعشان البنات يدوخون من السيارة وينامون المهم رحنا الصخير وتمينا اندووور لحد ما زوجي ضيع الطريق وانا كنت تعبانة ودايخة من الصبح قاعدة وانظف واراكض ورى البنات المهم وصلت حددددي عصبت وتضايقت من جد لاني ما صدقت البنات نامو وكنت ابي انام كان في بالي كلام جارح اقوله له من التعب وكنت اجهز المدافع والقنابل عشان اشن الهجوم وابدأ الحرب فجأة قررت اني اتعوذ من ابليس واستغفر ربي وفعلا سكت وما قلت شي وتميت طول الوقت استغفر ساعة ونص وانة ميتة من التعب والقهر بس لكن ما تكلمت لحد ما عرف زوجي الطريق رجعنا طبعا غير الموضوع وانة بعد وتمينا نسولف عادي لما وصلنا البيت حطينا البنات قال لي زوجي انا اسف ادري كنتي تعبااانة وانة تعبتج زود قلت له حصل خير وطلع ورجع وانة نايمة
الصبح قعدت لقيته حاط لي جيس كاكو على التسريحة مع ورقة فيها كلام حلوووو
استانست لاني سكت
واستانست اكثر لاني استغليت وقت غضبي وزعلي في شي يجيب لي اجر وثواب
اتمنى تجربونها وصدقوني ما راح تندمون :)