مشكلتي مع إختي .. =(

والله مو عارفة شو اقولك بس مهما كان الموضوع تظل هى اختك
انا من رائي ابدائي انتي وحلي الموضوع بتقولي صعبة ومدري كيف
بقولك روحي انتي وجيبي لها هدية وانا من رائي تكون مصحف وفيه اشكال حولة تجي بصندوق هدية
واعطيها اياه وقولي لها انه لازم تحلو الموضوع وحاولي تجلسي وياها وتتكلموا
تكلمو قد ماتقدرو وكل وحدة تطلع الي بقلبها
وانشاءالله هي تتعاون معك وترجعو سمنة على عسل لان مافي اجمل من الاخت

الله يصلحها يارب
مهما كان هذي أختك يالغالية وأكبر منك تمووون
سايريها وحاولي لاتعاندينها ابدا
لان انتي تعرفين طبعها
خلي علاقتك فيها حلوة
لاتساعدينها عشان تقلب فوقك مشكلة
اذا اخطأت سامحيها
مالك غنى عنها
ولالها غنى عنك
الله يكون بعونك

حبيبتي
ادعي لها انا اختي الكبيره كانت شي لايوصف..وش اقول ووش اخلي
كنت ادعي لها واحاول اتقرب منها واحاول انها توثق فيني وادعي لها وربي تغيرت 180 درجه مع اننا كنا نقوول مستحيييل تتغير
بس سبحان الله لما صار عمرها تقريبا 21 او 20 والله مااكذب عليك تغييرررررت من نفسها لما شافتنا قراب منها ونحبها مع كل اللي كانت تسويه..
ادعي لها عسى الله يستجيب دعائك الله يصلحها ويهديها ويحنن قلبها عليك

ربنا يهديكم لبعض ويوفق ما بينكم

حاولي تكلميها واذا ما رضت اعمالج بترتفع بس هي لأ
ونبهيها ان صلواتكم مو مقبولة بهالوضع

[I][I][I][I]







[/I]
انا مع الاخوات رأيهم صحيح
والله يحببكم في بعض ان شاء الله



[/I][/I][/I]

[I][I][I][I]



[/I][/I][/I][/I]

حبيبتي يكفي طيبة قلبك اللي خلتك تفكرين فيها وفي محاولة التقرب منها

اولا هذي اختك الكبيره لازم تروحين لها وتوددي لها لين تتصالحون ع الاقل عشان اعمالكم

والاهم من هذا كله ادعي الله يصلح شأنها ويهديها ويصلح مابينكم

والله قادر على هالشي سبحانه


تقبلي مروري

ودمتي بصفاء قلبك

اختي ابدأي بأمور بسيطة مثل مسجات يوم الجمعة ومسجات محبة وسلام.

وبعدين شوي شوي ممكن ترسلي لها مسجات تسألي عن حالها ، وتسلمي عليها وبعدين تتصلي بها.

عاد هي اذا كلمتك وتواصلت معك فالحمد لله رب العالمين واذا رفضت فإنتي سويتي اللي عليج وما بيدك الا الدعاء لها .

الغالية إذا على موضوع الحالي ... وانج تتمني ترجعوا تكلموا بعض اهديها هدية على ذوقج واكتبيلها بطاقة عبري فيها عن شعورج وحبج الكبير لها

الغالية بعدين اعرف ان الاخوان دائما هذي مواضيعهم هذا ضربني وهذا سبني ...وهذا اخذ اشيائي الغالية مصارين بالبطن وتتطاحن .. وهذي شيء عادي الضرابات والهواش والصيحة والنجرة بين الاخوات بس انها توصل لأشهر هذا الغلط حبيبتي هذي روح وما محد يعرف متى بتنتقل الى باريها ويا عظمها إذا انتقلت لربها حاملة حقد وضغينة

الغالية خليج احسن منها وابدئي دائما بالصلح تعرفي ليه عشان تبري ذمتج جدام رب العالمين وتكوني مرتاحة من داخلك على الاقل سويتي الصح وسويتي اللي يرضي الله


العتب

انا راي من راي حور الرووح كلامها سليم ميه في الميه يسلم فمك ياااا جميييل

حبيبتي انا اكره شي في حياتي الخصام


الخوات مهما كان الى بينهم من سوء تفاهم المفروض ما يتخاصمو ابد


يعني انتي لما تحتاجي شي بتروحي لمن اختك طبعا


حاولي معها بطيب
الطيب غلب الطبيب حاولي كذا مرة بعدين هي من نفسها بتتغير ووبشوفين


الله اوفق مابينكم

اسمعيني يا حبيبتي يا بنت بلاد والله العظيم انه مشكلتج تذكرني بمشكلتي مع اختي قبل ما تتزوج ..
بقولج شوفي يمكن اهي معصبه ومتضايقه لانها للحين ما تزوجت ولا عندها مشاكل ثانيه وماعندها غيركم لانكم انتو تمونون عليها
حبيبتي سمعيني لم تحصلينها بروحها قاعده وهي رايقه روحي كلميها لا تكثيرن حجي وياها بس قولي لها اذا انا غلطت فانا اسفه واحنا خوات مالنا غير بعض قبلت اهلن وسهلن ما قبلت انتي سويت اللي عليج لانج لو كثرتي وياها بتحلى لها السالفه وبعاند وانتي مثل ما قلت لج اوكي وان شاء لله باذن الله بترد الماي لمجاريها اوكي
وبعدين حاولي انج انتي تكبرين عقلج واتاخذينها على قد عقلها اوكي يعني لا تتعمقين وايد وياها خلي علاقتج وياها بحدود علشان لا تتكر هالسالفه انا اعرف اهي اختج ما يصير تكون علاقتج وياها سطحيه بس انتي لازم تسوين جذي علشان تدوم علاقتكم ..
حبيبتي والله اانا مريت بنفس هالشي وتعبت وبكيت وانقهرت لكن سويت هذي الحمدالله مشت السالفه تتم العلاقه سطحيه ولا انه ما نتكلم
وحاولي لا تتناقشين وياها وايد والله
وربي يوفقج ويرزقج ان شاء لله بولد الحلال اللي يسعدج

كلام البنات صح

والله يصلح الحال معكم

اختتتي روحي ومززحي معاها وكاان الوضضع عادي

بنآت وآلله فرحتوني بردودككم
آلله يعطييككم العآفيه
وإن شآءلله نتحل الخلافات بينآ =*)

تقربي منها يمكن حاسه بفراغ من داخلها مو قادره تتاقلم معاكم
صادتني فتره كنت جدي بس اعصب واصارخ مع اني اشتغل واطلع واروح واجي بس كنت واجد عصبيه حتى اختي تقول لين اصارخ تخاف مني
بس الحين صدقيني اختي واجد قريبه مني على طول انفضفض لبعض
صدقيني لو عندها ملاين الاصدقاء لى الاخت مافي ما حسيت باختي الا متاخر بعد اني معدوره لان فرق العمر 8 سنوات تقريبا بس الشاطر اللي يقدر يكسر الحواجز بين الاخوه
والله يخليكم لبعض

استغفرالله واتوب اليه لااله الاانت سبحانك اني كنت من الظالمين اللهم فرج هم المهمومين ونفس كرب المكروبين اللهم صلي على محمد وعلى محمد