اللي بتساعدني بدعيلها من قلبي

ت

تو الناس

عروس نشيطة

10-12-2009 | 04:09 PM

السلام عليكم يا أحلى عرايس

شلونكم وشخباركم؟؟

والله ما ادري المفروض أنزل هالموضوع في قسم ثاني او لا بس والله واااايد مستعجلة

ومتأكدة ان استفساري متكرر بس والله ماعندي وقت ادور :'( الحين بطلع بسرعة قاعدة اكتب (صراع مع الزمن)

يا بنااااات عيد ميلاد زوج رفيجتي الحبيبة عقب 3 ايااااااام واليوم بنروح انه وهي نشتري له هدية..

وماتعرف شنو تشتري له ,, يات تستفسر مني وانه بروحي ماعرف شنو تشتري

قلت مااااااااااااااااااااااالي غير عروووووووس

حبايبي رفيجتي ميزانيتها 100 دينار .. تبي تسوي شي بسيط .. شنو تقترحون؟؟

ما يفرق اذا كنتي من البحرين او لا اهم شي تقترحون هدايا وافكار

والله سامحوني موضوع متكرر لكن صج صج الوقت عندي كلش شوي

فديتكم ان شاء الله تقدرون تساعدوني
:L::L::L:

R

RAINBOW2000

عروس مبدعة

10-12-2009 | 04:21 PM

انا مش عارفة ال 100 دينار دول يجيبوا ايه بصراحة بس هقولك اقتراحات

ممكن برفان او ساعة او محفظة شيك كده
ممكن ميدالية فضة حلوة
ممكن بلوفر مثلا او جاكت

و تحط الهدية فى بوكس حلو كده و معاها كارت و شمعة مثلا او ورد مجفف هتبقى حلوة اوى ان شاء الله
ممم ده اللى فى بالى دلوقتى و لو افتكرت حاجة هبقى اكتبهالك

ح

حلمـ .,

مشرفة سابقة

10-12-2009 | 05:02 PM

ما ذكرتي لنا إهي شنو كانت تهديه سابقاً .,

علشان ما نكرر الهدايا إلي عطتها إياه

بس ميزانيتها حلوة وتكفي

روحوا مجمع السيف

وعندج الخيارات متاحة

*

1) تروح ( الحواج ) .. وتشتري له ساعة & عطر .. وتغليف الهدية + باقة , هاي كله بيتكفي ال 100

لأن تلقين ساعات حلوة في الحواج وماركات من 50 إلى 60 دينار وطبعاً في ساعات أغلى

بس هذيلا يناسبون الميزانية

وممكن بعد تقولون للسيلز أن ميزانيتنا من كيت إلى كيت

وبيراويكم ساعات راهية وحلوة وايد

عطورات فرنسية على 25 إلى 30 دينار

ومب شرط تاخذ العلبة الكبيرة

تاخذ العلبة الصغيرة

لو عطر مثلاً حلو وقوي ب 40 دينار , تلاقي الصغيرة ب 27 مثلاً

و وايد عطورات حلوة

مثل ( ون مليون , CH الجديد رهييييب , فالنتينو , جوتشي .. إلخ )

أو عطورات عربية

من سيد جنيد ( نزيه )

التغليف تروح محل ( مزاهير , الحرز .. إلخ )

باقة ب 5 أنيقة وصغيرة ومرتبة

والتغليف على 5 بعد .. أيضاً أوكي

+

2) تشتري له ملابس متنوعة

مثلاً 2 جينز , 2 تيشيرت .. إلخ

يعني تنوع

وتوديهم محل التغليف تشتري لهم بوكس ويحطونهم داخل البوكس بشكل مرتب وأنيق

ويغلفونه , + باقة ورد

*

3) ممكن تشتري له شي سمبل جداً

مثلاً ( ميدالية لمفاتيحه , للسيارة .. إلخ )

على شكل مميز ومحفور فيها كلام مميز أو كلمة مميزة

بس أثرها عميق على القلب

وتغلفها بشكل حلو ومع باقة ورد

وتعزمه عزومة سبيشل على مطعم راهي

و وايد مطاعم راهية وكشوخية تكلف بحدود 30 إلى 60 دينار لشخصين

وتشتري له كيكة تفاجآه فيها بالمطعم

بتكون ليلة حلوة وما تنسى

*

4) أو مثلاً .,

تنوع له بلأغراض

تشتري له .. بوك " محفظة " , شوز - عزج الله - , دبلة فضة جديدة وراهية , قلم "

وتحطهم في بوكس وتغلفهم

مع باقة ورد

*

5) إذا زوجها يشتغل أو يحب يلبس ( التاي ) بإستمرار

ممكن تشتري له مجموعة لطيفة

من التاي & الأقمصة

عندج G2000

أسعارهم حلوة وزينة

وتحهم في بوكس تغلفه + تزينه , ولا ننسى باقة الورد

*

الخيارات متاحة أمامها

وميزانيتها جيدة

أهم شي تعرف ترتب الميزانية وتهدي له شي عدل وحلو ومميز

*

موفقين

ع

عسولة قلبه

مشرفة سابقة

10-12-2009 | 05:05 PM

حلم العذارى ما قصرت اقتراحاتها شاملة كل شي .. موفقين

ت

تو الناس

عروس نشيطة

10-12-2009 | 06:52 PM

rainbow2000 شكرا حبيبتي على مساعدتج ماقصرتي

حلم العذارى

فديتج

اولا شكرا على انج نقلتي موضوعي للقسم اللي يناسبه

ثانيا مااااااااااااااااااااااقصرتي حبيبتي كفيتي ووفيتي

أفكار بسيطة ونقدر نحصلها .. عقب شوي بنروح نشتري واول شي بنروح الحواج اذا جذي

ثااااااااااااااااااااااااااااااااااااااااااااانكس:L::o