زوجي تغير علي وصاير يزعل مثل الاطفال

صحيح أهو حساس ويزعل بسرعة
بس باين عليه أختي أنه طيب
حاولي تكسبينه
حاولي تضبطين أعصابك
ترا الشيطان هو اللي يحاول يخرب بينكم ويسبب بينكم مشاكل

شوفي سوي له أكله يحبها سواء حلا أو عشاء
ولما تخلصون أكل
أمسحي ع راسه (مثل الأطفال) وكلميه بهدوء
أن اللي بدر منك ماكان شي مقصود
وأنك تحبينه وماتبغينه يزعل عليك
وترا أختي أكبر غلط
تتركين زوجك ينام بدون ماتراضينه
لأن هذا راح يسبب فجوة بينكم
وراح يطول الزعل
وراح يصير بينكم بعد وخصام

كبري عقلك ولاتركزي ع الاشياء السلبية اللي فيه
شوفي يعني محاسنة
طيب يحبك وغيره يعني انتي ادرى
ركزي فقط ع محاسنة
وابعدي عن التركيز في سلبياته
والكلام بالهدوء هو افضل الكلام بين المتخاصمين
وانتبهي لاترفعي صوتك
لان ماراح تغيرين شي بالعكس بتزيدين الطين بله
سمعيه كلام محبب له
امدحيه بيني محبتك له وكذا ...

اختي ممكن زوجك منضغط من العمل او عنده ظروف مضايقته خففي من عصبيتك ولو رد عليك انك عصبية تعالي مازحيه بهدوء وبضحكة لان الزوج مثل الطفل يحب الدلع وتكلمي معاه بهدوء وبدون زعل انك تتمني ترجع حياتكم مثل قبل واحسن حاولي تغيري جو معاه تطلعوا وليالي رومانسية واعطيه هدية واكتبي له عبارات توحي بحبك له وانك ماتستغني عنه حاولي تكسبيه مو تنفريه منك ويارب يجمع بينكم بخير وبمحبة واحنا الحريم لازم نتحمل ولابد كل زوج يمر بهذي الظروف بس نحاول نتغلب عليها ونبعد الشيطان عن طريقنا

اختتي لاتعوريين راسسج الي يسوييه يسوييه عادددي انتي شيلي الاغرااااض ..اما انه حساس فانتي كل هل سنوات المفروووض تعرفييين شنو الي يحسسه فالي علييج انج تتجنبيين حدة الموضوع معااه يعني لو يقول الحييب اسود قولي اسسود ..وحاووولي تتدلعيين علييه تتقربيييين له حق يحس فييج

اختي نور العرب زوجي حتى لو اقول له آسفة واعترف بغلطي واحاول اراضيه لازم تطيح من قلبي وصله على ما يرضى يعني كلش صعب اراضيه واحيانا لمن احاول اخلي الامور طبيعيه اسوي روحي كأنه ماصاير شي يعني لمن احاول اعبر السالفة تشوفينه هو يضل
والله اكو ايام البس واعدل واخبص روحي بس يجي تالي الليل انزع كلشي واحس كانه تعبي راح خالي بلاش لانه ما يجاملني حتى بنظرة ويشوف كشختي له
هو يقول لا ترتبي لا تسوي شي لانه ما يريدني اعصب ويريدني اقضي كل وقتي مع بنتي وانا اذا ما رتبت ولا سويت شي احس روحي مو ام بيت اولا لان الشغلات راح تضل خبصة ثانيا لمن اعدل وارتب بيتي يصير عندي احساس اني ام بيت

ويا حسرتي هاي اول بيبي عندي والحين الثاني بالطريق وما اعرف شاسوي بحالي لمن يجي الثاني....


اختي ايسمار انا دايما احاول اكسبه حتى لو يكون هو الغلطان انا امشيها له واقول لنفسي ميخالف خل اتصرف كانه ما صاير شي بس المشكلة لو تصير اقل زله مني راح تقول فوق راسي القيامه ويضل عابس وجهه ومعصب واخاف حتى احجي وياه

اختي soft touch female
يقولون المراة اذا ارادت ان تعود زوجها على شي تعوده من البداية مو تخليه على اخطائه وانا جاي اعلمه يكون لي عون من بداية زواجنا بس هو كلما تقدم زواجنا صار صعب يتفاهم وياه ولو احاجيه بأهدأ لغه بالعالم وانصي صوتي هم راح يقول لي اني معصبة

حبيبتي تقولين كل هالسنين ولازم اعرف شنو الي يحسسه
هو شنو الي ما يحسسه
والله العظيم مرات احاول امازحه والطف الجو بالبيت هو يقلبها علي زعل وماادري شنو لانه هو ماكو شي بحياته اسمه مزح وضحك كلشي جدي
يعني مرات اسأله سؤال عادي كلش وابد ما يكون قصدي اني ازعله بشي او اضايقه هو ياخذ كل الامور بحساسيه الى درجة اني انا صرت هم حساسه زيادة عن اللازم وهالشي كلش كلش جاي يأثر على بنتنا الصغيرة

البنات كفوا ووفوا

انا اتفق مع اختي نور العرب

معظم الرجال اما تقولين لهم شفيكم شللي شاغل بالكم ماراح يقولون لج
هاي الاسلوب ماينفع معاهم .. لازم تحسسينه انه كل شي بيكون اوكي وانه مهما صار بينكم هو بيكون رقم 1 في دينتج وحياتج كلها
حاولي تطمنينه ولاتعصبين ع اشياء تافهه .. مثلا خذ شي ومارده مكانه .. شدعوا اذا انتي ماخدمتي زوجج وسويتي له كل شي يعجبه وجبتي له كل شي لين مكانه نفس الملك من بيسوي له هالاشيا ؟؟؟؟؟؟
لازم تحسسينه انه هو الملك في حياتج وانتي تسوين هالاشيا لانج تحبينه وتعزينه وانه اغلى انسان في حياتج

لاتخلين الشيطان يدخل بينكم .. انصحج تروحين تتاسفين له وتاخذين بخاطره وتسوين له اشيا يحبها .. حتا لو انتي تحسين انج مب غلطانه .. الرجال له عزه نفسه دايما يحب يغتر بنفسه .. انتي استغلي هالموضوع بصالحج .. صدقيني في نهايه اليوم واما ينام وانتي ليحين قاعده راح تحسين انه راضي عنج وحياتج سعيده .. بعد كل اللي يصير في اليوم من انج تلقطين الاغراض وراه وانج تخدمينه وتهونين عليه مشاكله بطريقه غير مباشره ..

حطي في بالج الرجال اما يمر بضغوطات مايقول عنها حق اي حد ولايبينها حق اي حد ولايبين انه مضايق حق اي حد الا زوجته
لانها اقرب الناس له .. حتا لو مايقولها وشو الضغطوات بس يبين انه مضايق ..

والزوجه الذكيه هي اللي تقدر تكسب زوجها ,,

تحياتي لج
:)

طيب جربي تقولين له باللي تحسين فيه
قولي له لاتحسسني اني كريهه وانك ماتنسى علي الزلة
قولي له انا احبك وما ارضى انك تظل زعلان علي
اعتذرت لك وحاولت اسوي لك اللي يسعدك
بس انت تظل تردني وتصدني منك
وكذاااااا ... بهذي الطريقة
مثل عتاب المحبة
بشكل هادي
وبيني انك متضايقة من هذا الشي وحاز بخاطرك
وان شاء الله راح يرضى
الله يسهل امرك

الله يعين يارب
عليك بالأستغفار
وادعي له بالهدايه والصلاح
والله يهديهم ويصلحهم يارب ويسخرهم لنا يارب ياكريم,,,,,,,,,,,,,