معاناتي ويا بنتي..... ابغي حل

ياعمري الله يعينك والله ياقمري ماعندي خبره في الموضوع ذا بس حاولي تكلميها بهدوء وتجينها باسلوب هي تحبه وممكن تحاولي تفهم السبب اللي خلاها تتغير

الله يساعدش وسنها يعني ما بنقول ما تفهم هي تفهم بس تعاند حاولي تحرمينها من أشياء تحبها أو تخوفينها يمكن ينفع وياها

شدي معها شوي وهي بتخاااف وبتسمع الكلام واحرميها من الاشياااء اللي تحبها وخير ان شاء

اخذيها بهدوء وشجعيها استمري في التشجيع حتى لو ماتقبلت وخبريها قصة من خيالك عن طفلة ماتروح الحمام وبعدين صارت تعملها على نفسها وجتها الجراثيم وعضتها وقامت تبكي والبنوتة من اللي حصل ندمت وصارت شطورة تعملها في الحمام تجي تخبر امها وتروح معاها وتتنظف وتقوم وبكذا تغلبت على الجراثيم وقضت عليهم ونالت احلى هدية كنت اخبر ابني بقصص من خيالي علشان يتعلم واتمنى ابني يكمل السنتين ويتعود بسهولة لانها مرحلة صعبة في نظري
وانت بدورك كل شوي روحي معاها الحمام ولو كنت تعرفي وقت تخريجها روحي معاها الحمام حتى تتعود لاتتركيها اهم شي الصرامة

اذا الهدايا والطيب مانفع معها استخدمي معها اسلوب العقاب يمكن تخاف ويجيب نتيجه

الله يساعدش خيوه ماعندي خبره

بس قاعده افكر اني اعلم بتي على الحمااااام عمرها سنه وسبعه شهور

بس خايفه اني مااعرف اتعامل وياهاااااا

مشكورررة حبيبتي وبالعكس وافتديني بنصيحتش وباقي الاخوات ان شاالله ياربي الله يهديها وتتعود على الحمام وافتك وعقبال باقي الامهات

أختي
هذي تجربة كل أم لازم مرت بها

لكن نصيحتي لج ومن تجربتي مع بنتي لاتصرخين عليها

كنت أصرخ على بنتي وبصفتي كنت حامل ومالي مزاج ولهذا كل ماتتعلم ترد تعملها بثيابها

مع انها كانت بسن اصغر من بنوتتش

فوقفت فترة وتالي بدأت معاها بإسلوب ثاني وبدأت بالهداوة والإقناع اهم شيء الإقناع لازم تفهم ويش هو السبب مثل ماقالوا الأمهات قولي لا ريحتهم مي حلوة او قولي لها بخليش انتي تغسلينهم او لبسيها قفاز وخليها هي تغسل لنفسها بتكره الموضوع وان شاء الله تهون

لان هي سن تفهم وأيضاً بسن تتحكم في نفسها هي مو صغيره على الموضوع

وقرأت في كتاب ان طفلش إذا كان ذكي لاتحاولي تصرخي عليه لان مابيتقبل وبالعكس بتعاندش وبتعملها على حالها من باب العناد

والهدايا لاتعطيها واجد تالي تتمادى

مثلا سوي لها لوحه وقولي لها مثلا 5 نجمات 5 مرات تعمليها بالحمام بعدين أعطيش هديه كبيرة وكذا


وكل تعاملش معها لازم يكون بالمفاهمه لازم تفهم ويش هو الخطأ مو لا اعمليها بالحمام وخلاص

وأحذري تقارنيها بأحد لان بيجيها إحباط وبترجع لش مثل ماكانت



وان شاء الله تتعود بسرعه