حبني وخطبني وحاسة كرررررررهته من امبارح

السلام عليكم ورحمة الله وبركاته

في البداية انا عضوة معاكم في المنتدى من زمان ومازلت باشارك بمواضيع كتيرة بس معلش مش هقدر اشارك بمشكلتي باسمي علشان اللي يعرفوني يدوني النصيحة الصح وميقولولش لنفسهم بلاش نقول راينا الا نخرب عليها
وكمان عشان احكي براحتي بدون اي قيود

الموضوع ومافيه انا مخطوبة بقالي شهرين ونص
وخطيبي بيحبني له اكتر من سنة، وكان حصل بيني وبينه مشكلة بسيطة بس انا من النوع الشكاك ومدام الشك دخل قلبي مش بعرف اغفر واسامح ولا اتفهم
انفصلت عنه 6 شهور وهو فضل في محاولات انه بس عايز يكلمني ويفهمني الموضوع بد لما انا افهم من جانب تفكيري انا بس من غير ما هو يوضحلي حاجة

المهم الحمد لله ربنا تمم الأمور وخطبني وبقالي شهري ونص كده ... المهم

من يومين اختي قالت لي ان صاحبتها ابوها شغال في الكويت في شركة وهو عارف تصميماتي لاني مصممة جرافيك فوتوشوب وعايزني معاه في الشركة هناك، انا طبعا رفضت الفكرة عشان بابا كمان استحالة يوافق اسافر لوحدي
لكن قولت اعرض الموضوع على خطيبي واشوفه بيفكر ازاي >>> نوع من الفضول وامتحان للشخصية واشوفه قد ايه بيخاف ويغير عليا

حكيتله لقيته سكت وقالي ده موضوع انتي طالبة راي دلوقتي؟ قولتله يعني رأيك في المبدأ نفسه
قالي انا مديكيش راي فيه انا مقدرش اقف قدام مستقبلك :-#
قولتله لا سعات كتير لازم الواحد يقف قدام مستقبل اللي عايش معاهم لما يكون مساوئه اكتر من منافعه، خصوصا دي غربة وهكون لوحدي فيها
قالي انتي مش شايفة الزمن اللي بقينا فيه، يعني مرتبي بتاع الشركة يعيشنا حلو انا وانتي لكن لو جبنا اطفال العيشة هتبقى صعبة ومش هنعيشهم في مستوى كويس
للعلم (هو متعين في شركة الكهربة وظيفة حكومية وله معاش وبدلات وتأمين وكل حاجة)

دلوقتي حاسة من ساعة مكالمة امبارح انا كرهته وفي بالي تفكيرين
1/ هو ولا بيغير عليا ولا خايف عليا كده من الغربة يبقى مش بيحبني؟؟
(مع انه لف وداخ السبع دوخات عشان بس اقبل بيه، وفي نفس الوقت عمري ما قولتله هاتاخر في مشوار او رايحة مكان عند قرايبي لوحدي او متأخر الا ويقولي طيب خلي بالك على نفسك وسلميلي على اللي عندك :study: مش بيقولي ده الوقت متاخر وانا خايف عليكي لالا ده في الطبيعي يعني من غير السفر)

2/ انه ما صدق اني وسيلة لسفره قال مش مهم تسافر بقى وتتحمل الوضع بس المهم انه هو يسافر ويوصل للي عايزه؟؟
(على فكرة انا من عيلة بسيطة جداااا يعني ولا فينا اي حاجة يطمع فيها علشان يبصلها ويتقدملي علشان يوصل لمستوى مادي كويس لالالا خاالص يمكن هما احسن مننا في المستوى المادي)

3/ هو من النوع اللي مؤمن بتعدد الزوجات جدااا بس بيقولي مدام انتي هتريحيني وتشوفي امورك اللي عليكي وترضيني وحلوة وامورة ومن عيلة كويسة ليه ابص لغيرك؟؟
(خايفة يوصل وربنا يكرمه على حسابي ويبقى معاه فلوس كتير وانا اللي وصلته وفي الاخر يجوز عليا ده بقى تفكير الشيطان عمال يزود عليا الهم اكتر ما انا مهمومة)

بالله عليكم مش تنسوني من النصيحة علشان حاسة كررررررررررهته على قد ما كنت بمووووووووووووت فيه