احس زوجي همه الوحيد.........!

حبيبتي
مع اني مالي خبره بهالامور مره توني ماتزوجت بس حاولي انتي تطولين المده كلميه
واذا مافاد الكلام جربو تلعبو لعبه للازواج يصير غصب بيمهد..هذا اللي ببالي اعذريني
وان شاء الله البنات يفيدوكي
الله يفرج همك يارب^_^

الله يكون بعونك

بس حاولي تجلسين معاه جلسه مصارحه وافتحي له قلبك وقولي له كل الي بخاطرك واكيد راح يتفهم

واذا تستحين اكتبي له الي تبين بورقه لان الوحده احيان اذا تكلمت وجها لوجه تنسى وش تبي تقول مثل حالاتي خخخخخخخخخخخخخخخخخخخخخخخ

جربي وربي يهديه لك ويسخره

صراااحه لا تتعبي نفسك ثمااانين من مئه الرجااال كده عمليييين الحياااه عندهم شغل في شغل ولو جيتي تتكلمي يستصغر تفكيرك وعلى طوووول بيقولك هاااااا كبري عقلك الصبر ثم الصبر ثم الصبر وموفقه

مالك ياقلبي الا الدعاء صدقيني هو حلك الوحيد

هلا فديتج صديقني مافي فايدة ابدا ما راح يتغيير انتي اللى بتتعبين و نفسيتج بتنهار و بتتغير و هو مثل ما هو انا امر بنفس حالتج تعرفين شو كنت اسوي كنت اقلد اسلوبه لا مباله و اطنشه فلاحظ بتغيير فسالني شو فيج قلتله خاطري اكون مثل شخصيتك وايد اريح واحس روحي هادية وانا من داخلي بركاااااااان بس عمر الطبع ما بيتغيير هم جي بيئتهم نمط حياتهم مع اهلهم ها الشكل اداء واجب و بس والسلام عليكم اما شي اسمه احساس لالالا الله يصبرنا..

حبيبتي اولا" استهدي بالله ولا تتوترين

وادعي ان الله يغنيك بحلاله عن حرامه واني غير لك زوجك كما تريدين وان ينزل حبك

بقلبه ويريك ذلك 00

ثانيا" -- ضعي في بالك ان لكل شخص عيون كما ان له محاسن

كان ودي انك ذكرتي كم لك سنه متزوجه وهل استخدمي مع زوجك اي حل سابقا"



قريت مشكلتك --

شوفي يالغلا زوجك شخص عملي هذا اللي فهمته منك -- يحب العمل والتحصيل وامور الحياه اليوميه بدون مايعطيك الوقت الكافي للتعبير عن مشاعرك

مشكلتك بنظري مو في زوجك 00 المشكله فيك انتي 00 هذا طبع في زوجك يحتاج لتنبيه منك وتغيير

والزواج تأثير وتأثر بنظري يعني تستطيعين تغيرين في زوجك اشياااااااااااااء كثيرره بأسلوبك الخاص

بداية الحل

لا تناقشينه ابدا" في الوضع الخاص والعلاقه الحميمه -- لأ 00 بداية" حاولي تحركين مشاعره بالكلااااام

انتي بااااادري بكلمة ( اشتقت لك ) ( وحشتني ) ( ولهت عليك ) شوفي وش ردة فعل زوجك وش راح يقولك !!

ان تفاعل معك وتحركت مشاعره فأعطيه كلمات من الحب وبحر من الحنان


انت تجاهلك لا تيأسين لأن بيدك التغيير

ولاتسمعين كلام اغلب البنات اللي يقولون ارضي بنصيبك وماعليك

بالعكس كذا تحطمين نفسك

زوجك بالأخير رجل ولك تأثير عليه كونك انثى--

وهذا شئ رباني من الله

احتوي زوجك انتي

كوني له كا اللبوه (( عرفتي شلون )) يعني انتي اللي تقربي منه توددي له اعطيه لمسات من حنانك

بالاخير هو انسان تحركه المشاااااعر مهما كان لكن له طريقه خاصه لتحريك مشاعره

كوني له كاللبوه بالتودد فالتقرب منه سولفي معه وعينك بعيونه واستخدمي سلاح انوثتك

صدقيني بيتحرك لو واحد بالميه من مشاعره

استغلي الفرصه بتفاعله حتى لو تفاعله كان بمجرد صمته استغلي صمته وتكلمي معاه بالتصريح وليس بالتلميح

هيئي جو لنقاش هادي بينكم واجلسي معاه وصارحيه بأنك تحتاجين معاه

لحظة مشااااااعر

لحظة حب بحنان

لحظة حكي بشاعريه

لحظة رومانسيه حتى لو بالعيون

فهميه انك تطمعين لكل شي منه


قولي انا احتاجك صدر يحتضن همومي

وقلب يحتضن مشاعري

قوليله انك الشخص الوحيد اللي تحركني مشاعري تجاهه

حاولي انتي تطلعينه من دائرة العمليه بأسلوبك

وبنظري الامر يحتاج للحظه مصااااارحه مع تودد ورومانسيه منك حتى بالصووت 00

صدقيني الوضع الخاص والعلاقيه الحميمه ما راح تتعدل الا اذا دخلتوا بجو شااااعري وقدرتي تأثرين على مشاعره

-- بالنسبه للوضع الخاص انتبهي تصرحين له بإنك بحاجه لمقبلات ماقبل العلاقه الحميمه

لكن بذكاءك انت بااااادري بحركات رومانسيه نحوه انتي باادري بكل ماتحتاجينه وهو بيتفاعل ويبادلك نفس الحركات

الامر بيدك انتي -- غيريه باااااادري ترى الرجل يحب المباااادره غالبا" وما يحب تكون المرأه مجرد عنصر يستقبل للحركات

واذا زوجك مو رومانسي انتي اخلقيله الرومانسيه علميه اياها وبيتعلم مع الوقت

هذا من وجهة نظري


تقبلي مروري ومشاركتي

دمتي بخير وكما تحبين

اهلا اختي .. ان شاء الله تكوني بصحة و عافية !

بالنسبة لطبع زوجك انا برأيي انه تخصصين وقت مناسب و تكلمينه فيه بخصوص اهتمامه لمشاعرك و سؤاله عن مشاكلك إلى آخره ،،

يعني انا مثلا بين فترة و الثانية تقريبا بين كل 4 شهور اخصص وقت معين اكلم فيه زوجي عن إيجابيات علاقتنا و سلبياتها ، و الحمدلله نتفادى السلبيات لو كانت موجودة .. بهالطريقة نتخلص من معظم المشاكل !

عشان جذي انصحك تجلسين معاه و بطريقة حلوة تشكين له احساسك بالنقص من هالناحية ، و تشرحين له اي قد تحتاجين لسؤاله عن مشاعرك ، و مشاركته همومك ...

اما بالنسبة للجنس الله يعينك ، فعلا شكله زوجك تعود على العجلة بكل أموره ، لكن ما يمنع تطلبين منه تغيير هالاسلوب ، لأنه من حقك كزوجه .. و الله يوفقكم و ان شاء الله ما نشوف عنك الا الاخبار الحلوة !

معليش اختي تدخلت ف الموضوع لاني مو متزوجه ولا عندي خبرة ف ها المواضيع بس حبيت اقولتج نفس مشكله ماما مع بابا لايسولف معه ولا شي حتي اذا طلعنا مشوار يجلس ساكت وماما هي اللي تسولف وربي حتي اسنانه ماشفتها زي مايضحك الا ابتسامه بس يعني يا قلبي مو بس ريلتج ف رجال من ها النوع واجد وبا التوفيق

اختي عليكي بالدعاء ..
صدقيني الدعاء سحر عجيب
ادعي في اوقات الاجابه وفي السجود .. وحتلاقي الفرق اكيد

وكمان حاولي تصارحيه بحب بس بطريق غير مباشر مثل ماقالوا الحلوين ..
واتفنني في طرق تشعل الحب في قلبه .. بحركاتك ومفاجأتك ورسايلك
ويااارب يريحك وتصيري اغلى الناس في قلب زوجك يااارب ..

حبيبتي اجلسي معاه وهو هادي وصارحيه بأسلوب بكل الا في خاطرك ولاتعطيه مجال يأجل وقبلها خبريه انك تبغي تكلميه وان مالازم يزعل لان من حق كل واحد يفضفض الى الثاني
وانت بعد بدورك حاولي تخليه يحس ويا كثر الافكار مثلا ليلة تدليك او اي شي من هالقبيل ما ابغى افصل لان في بنوتات ممكن يقرأوا ردي ولو حاول يكون الشي مباشر حاولي تصديه بحركات دلع علشان يتعود على الصبر وخلي هالشي بالتدريج وحاولي تطلعي معاه على البحر والجو حلوو وتفضفضي له وخبريه انك تتمني يسمعك ويشارك مشاعرك همومك وسعادتك الله لايجيب الهم
حاولي انتي تقربيه بذكائك وعلى فكرة الرجال يموتوا في الدلع وينجنو على المرأة الا فيها الدلع
لاتستسلمي للحزن اعذريه اوقات العمل بس في الويكند حاولي تغيريه ابدأي من هالنقطة تدريجيا حتى يتعود ولازم تصارحيه باللي في بالك ويااااااااااااارب تبشرينا بكل خير وبتحسن امورك
وطبعا الاخوات ماقصروا

مايتغير الا لما يحس انج مضايقة تكلمي معاه بأسلووب حلوب وقولي له كل اللي بخاطرج ..

ارسلي له على الايميل اشياء عن الثقافه الجنسيه لان ممكن يكون غير مثقف جنسيا ولا يعرف ان المرأه لها احاسيس .. في اشياء كثيرة ممكن ترسلينها له

اذا قرأها بيحاول يطبقها معاج

حاولي تغيرينة وتكلمي معاه لا تستكين ياقلبي وكل شئ بيتغير وشكله من كلامج توج عروس جديده على الحياة الزوجيه

الله يعينك ردي على الخاص حبوبة

العتب

إذا بتنتظرينه يتغير ... بتموووتين ولا بتجووفين شي
انتي تغيري بعدين هو بيتغير معاج بدون ما يحس ....
إذا في خاطرج شي ..انتي روحي قولي له لا تنتظرينه..
قولي له ابي اخذ رايك في موضوع .. خاطري اقول لك شي ...

وشي ثاني .. إذا حسيتي انه يبي منج (......) انتي ابتدي قبل لا هو يبتدي
وانتو عل العشا وانتو تطالعون التلفزيون سوي له حركات مني مني ..

اطلعي معاه كوفي شوب ..انا صديقتي لما يكون عندها اي موضوع مع زوجها
سواء موضوع صغير ولا كبير .. تخلي ولدها عند امها وتطلع مع زوجها إلى كوفي شوب
واشوووف السالفة ماشية ويجي من وراها نتايج حلوة

هلا أختي ...
كنت حابة أرد عليك قبل الآن بس ما حبيت أرد بدون فائدة ، بصراحة أنا معاك في نفس المشكلة تماما ع إني لسه عروس ما كملت سنة ، مشاغل الحياة الكثيرة اللي تشغل الرجال و تتعبهم تخليهم يحسوا إن أي محاولة حتى لو كانت عاطفية هي مجهود هم في غنى عنه ... يعني ما تصدقي لو قلت لك إني حامل و زجي ما يهتم لأنه يعد هذا تعب ( و هو مش ناقص ) .. على العموم أنا قرأت رد الأخت دقات قلبFي أمس و قلت أجرب ، و قال ضربوا الأعمى على عينه ... بصراحة أحسست فيه تجاوب و اهتمام من ناحية زوجي ... يمكن فعلا يكون الغلط في إننا نتعانل معاهم دائما بانتظار العطاء ، يعني الرجال قليل ما يقدرون الجلسة الهادئة و الكلام مثل الحريم .. تفكيرهم دائما مادي بشكل كبير ... حاولي تقرأي الرد بتمعن لأن أختنا فعلا كفت و أوفت الله يوفقها ، و أتمنى لك تستفيدي ....

الجفاف في الحياة الزوجة يذبح المراة ولو شنو تتكلم واتفهم طبع الريال اللي اتعود عليه مايغير شي للآسف
هذي المشكلة ناس وايد غايشين فيها خصوصا بعد انجاب الاطفال
اختي حاولي اتعبري عن مشاعرك اذا زوجك ماعنده وقت بالمسج اتفيد هل الطريقة
اما عن الجماع لا تستحين قولي له كل اللي خاطرج وليش العجلة هذي العلاقة مو علاقة اشباع غريزة بعد مشاعر فيها
الله يسعدك