صالون وصال

أنا ما قط جربته بشكل شخصي .,

لكن شفت من أهلي ومن ربعي ومن أعراس رحتها

ناس رايحين له ومجربينه ..,

وبصراحة وايد يعجبني وكشخة , وما قط أنتقدته

*

أولاً :

هو موقعه في جد علي على الشارع العام

تدلين مدهش للإكسسورات ؟!.

يصير قريب منه

من بعد دوار ديسكفري .. يجيج مدهش للإكسسورات هو بنفس الصفة !..

*

ثانياً :

أحلى شي فيه أسعاره

وايد , وايد , وايد ممتازة

لازم إذا بتحجزين تدفعين عربون ولا ما يآكدون لج الحجز

أسعارهم للمكياج أفضل وأحلى وأكشخ شي بو 10 دينار " معاه الرموش "

إذا حطيتي أقل من بو 10 بيكون جداً بسيط ونعومي وما يسوى

وإذا حطيتي أزيد من بو 10 بيحطون لج شي أوفر وكل ألوان مالها داعي

فبو 10 عندهم , أحسن شي

*

الشعر .,

تسريحاتهم زينة ومرتبة

وتتفاوت أسعارهم من 10 إلى 20 دينار

حسب طول شعرج والإضافات وجذي ,

*

من أفضل شي عندهم ,

بصراحة ما أعرف بلأسامي

إهما بحرينيات وكلهم شغلهم زوين

*

عيب الصالون .,

إنه وايد , وايد , وايد زحمة

يعني يوزعون أرقام

وكلما تآخرتي .. عرفي إن رقمج بيتآخر ودورج بيتآخر

وبتتآخرين وايد بالصالون

فروحي من وقت .. تجهزين من وقت !,

*

موفقة عزيزتي ,

مشكورة حبيبتي وماقصرتي

ويليت نستفيد بععد من باقي البنات الي جربوا

مثل ماقالت أختي حلم شغلهم حلووو في المكياج وشعر

وأسعارهم زينه

انه جربته في المكياج حطيت بو10

والشعر جفت شغلهم على بنت خالتي يوووم عرسي كان حلووو :)

انا رحت صالون وصال قبل شهر تقريبا الشعر احسن وحده تسوي خديجة 2 بعد وياها اما الباقي بعضهم كانوا كيشر وتعلموا يسون شعر فأنصحش لين بتسوين شعرش روحي حق خديجة و الميكب مالهم اذا يعجبج الستايل الناعم اوكي روحي وانتي مطمنة عندج ايمان وزينب و شهيناز بس اجازة لانة والده اما اذا تحبين الشغل الثقيل ما راح يعجبج لانة بتحسينه عادي
واسعارهم خيوو الحين واجد غالية بالنسبة لقبل ع كل شي ياخدون قاموا يضربون واااااااااجد
تخيلي اختي حاطوا ليها الوصلة من عندهم شعر مو طبيعي 18 وركبوها ب10
غير سعر التسريحة اقول ليها لو رايحة الرونق واجد احسن نفس اسعار الرونق