يبنات وش اسوي

يعني معقوله يتغير كذا ويتبلاكي بدون سبب؟؟
لازم توضحي اكثر هل بدر منك شئ ما عجبه ؟؟
هلا لاحظتي انه يطلع ويسهر كثير او يمنعك تشوفي جواله؟
هل انتي على خلاف مع اهله؟؟
وضحي وضحي علشان نقدر نعطيك حلول جذريه تخص السبب.
تحياتي

لا بلعكس انا وهله مثل السمن على العسل بس هو كثير الانتقاد وانا طفشت الصراحه ابي شي يخليه هو اللي يركض وراى مو انا

عفوا اختي لو توضحين كيف شخصية زوجك بشكل عام , وهل تصير دايما معاكم مشاكل , وعلى شو , يعني هل يحاول هو يختلق مشكله من لا شي , انت اختصرتي المشكلة كثير , ارجوا التوضيح , شكرا

موفقه باذن الله

طيب حبيبتي لا تشيلي هم ولا تنكدي حالك
يقولون ما يفك الحديد الا الحديد ليه ما تعكسين الادوار؟؟؟
يعني ابدأي بنفسك غيري كل طباعك لا تركضي وراه ولا تبيني انك تبين رضاه وبس
غيري لوكك ولبسك واسلوبك ومشيتك وحتى نبرة صوتك
خليه وكأن فيه بيته حرمه جديده مختلفه تماما.
علشان نفسيا يحس انه تزوج وحده مختلفه ويروح عنه الملل .
وترى يا حياتي بالنسبه للأنتقاد اغلب الرجال كذا يعلقون على الصغيره والكبيره
واذا كان زوجك انتقاده سلبي ويضايقك طنشي ..........اسمعي من اليمين وطلعي من اليسار قدامه طبعا
علشان ييأس ويحس انك ما تجادليه ولا تردي عليه صدقيني بيمل ويتغير ويترك الانتقاد الغير هاددف
بس كمان اى انتقاد يصدر منه فكري فيه بينك وبين نفسك هل هو كلامه صح وانتي مقصره او غلطانه او لا؟؟
صدقيني لو قلدتي اسلوبه وصرتي زيه هو بيستغرب انك تغيرتي من موضع الدفاع الى الهجوم وبيحس ويتغير
ويا قلبوووووووووووو عليكي بالدلع والنعومه وترك العصبيه او قلبة الوجه
خليكي دائما مبتسمه ومفرفشه واشغلي نفسك بأي هوايه طيبه علشان تشغلي نفسك
واعتبري زوجك جزء واضافه حلوه بحياتك مش كل حياتك .
تحياتي

هو عصبي جدا جدا ويختلق المشاكل دايما طيب وشرايكم يوم تركة الغرفه له زين اني ابتعدعنه فتره

حبيبتي

اذن لا تتضايقي كثير يمكن زوجك شخصية عصبية جدا فهو يرمي الكلام بدون ما يحاسب , ومو يقصد كل تصرفاته معاك انا اشارك اختي دلوعة حناني الرأي , واقولك بعدي خلي زوجك براحته هالايام عطية فرصة تهدأ اعصابة وفي نفس الوقت انت اهتمي وجددي بالبيت اكثر عطرية وبخرية باحلى الروائح وغيري من الاكلات الي متعودة تسويها , رتبي غرفة نومكم بشكل غير وحطي بيها ورود وبخري كبت زوجك واهتمي بترتيب كل صغيرة وكبيرة , المهم سوي جو جديد بالبيت وطبعا اهتمي بنفسك اكثر وثقفيها حطي لك اهتماماتك الشخصية مو كله زوجك , نمي من نفسك , واهتمي باولادك , واهتمي بنفسك ومظهرك اكثر , الزمي الاستغفار وصلاة النافلة , اشتريلك كتب وثقفي نفسك , خلي زوجك يحس ان زوجته عندها عالمها الخاص , في النهاية زوجك وحدة راح يجيك المهم انت لا تكلمية خليه براحته,وسوي نفسك عادية لا تترجية في شي , في النهاية بيرضى روحه وبيجيك , وحاولي تعملي الحاجات الي قالت عنها دلوعة حناني , وفي النهاية حبيبتي بس أاكد لك ان اغلب الناس العصبيين مو يقصدوا الكلام الي يطلعوة ابدا هذ بس من عصبيتهم

موفقه باذن الله

الاخوات ماقصروا
طيب وش رايك تاخذين لك يومين ثلاث تجلسين عند اهلك تغيرين جو وترجعين
يمكن يشتاق لك ويحن
قولي له اريد اغير جو حنيت لايام المبات عند هلي مثل قبل
واذا شفتيه عصب
قولي له الله يهديك ماقلت شي يستاهل النرفزة انا بروح عند هلي مو حد غريب وماني مطولة يوم يومين بالكثير وراجعة لك
والباقي عليك ^_*

بس اهم شي الهدوووء والهدوووء
لان العصبيين لما تعصبين معاهم تصير حريقة هههه
وبهذي اليومين حاولي تشترين ملابس جديدة تلبسينها عنده
وبعد امممم غيري قصة شعرك مثلا
سوي نيو لوك خفيف كتغيير

شوفي اختي .. يمكن زوجك عصبي .. بس انتي لا تزيديه ترا النار ما تنفع مع نار .. خليه حار وانتي البارده

لما يعصبي سكتي عنه وامشي ولا كان شي هامك بس بدلع مو بعصبية .. يعني ردي ثقلي نفسك وطنشيه

وبما انك رحتي غرفة ثانية بقولك شو تسوي .. دخلي انواع الكريمات والعطورات .. تعطري وتزيني والبسي حلو كانك طالعه .. وتعمدي تطلعي من الغرفه كانك رايحه تسوي شي وردي بس اهم شي يشوفك ويشم ريحتك .. اكيد بيشتاقلك

اختي انتي عرفتي طبع زوجك .. ومافيه واحد ينتقد ويعصب الا اذا كان فيه سبب .. يمكن من الشغل .. يمكن نفسيا مو مرتاح وهو بنفسه مو عارف وانتي المتنفس الوحيد عشان يطلع غضبه وضيقه
عطيه وقت يسترخي فيه .. يعني بين فتره والثانية عبيله البانيو ماي حار وعطري الماي وخليه يسترخي .. بس انتبهي لا تسويله دايما عشان ما يصير واجب عليك ويتعود

اذا على الاتنقاد الكل الرجال ينتقدون بس انتي حاولي ما تقصرين بشغلك وبترتيب البيت حاولي قد ما تقدرين انج تحسسينه بحبج له ترى الرجال نفس لطفل الصغير

العصبيه والنرفزه لها اسباااب ماتجي من فراااغ حاااولي تتعلمي
كيف تتجنبي عصبيته وتعرفي اش سببها عشان تعيشي مرتاحة الباال وتفهمي طباااعه دوري عن الاشياء اللي يحبها وشوفي الاشياااء اللي يكرهها كدا تخلقي نوع من الانسجاااام بينكم فكري واستنتجي مو بس تياسيوتقووولي حظي ردئ قلبي معاااكي موفقه

ماشاء الله ع الأخوات ما قصروا,الله يجزاهن خير,وما أقول إلاّ الله يسخر لك بزوجك,ويرد السعادة لكم,وعليك بالدعاء,وبالتوفيق.

والله اما قصرتو على الردود اللي تشرح الصدر الله يوفقكم والله مدري وشلون الشكركم الله يعطيكم العافيه

الله يسخر زوجك ويحفظك ويحفظة الغالية ... والله يعينك الغالية ويسر امرك ويحلل كل المشاكل ... الغالية ما عليه تحملي والوقت كفيل انه يغيرة ... الغالية يمكن تغيرة المفاجئ بسبب ضيق الحال وقلة المادة ويمكن الغالية في مشاكل عنده بالشغل ... ترى اي انسان حتى لو حرمة الشغل يلعب فينا دور كبير ويأثر على حياتنا ترى الغالية نحن بشر وما نقدر نتحمل اكثر عن طاقتنا (( ربنا لا تحملنا ما لا طاقة لنا به )) الغالية الاخوات كلامهم حلو وإا طلب منك تروحي غرفة ثانية ما عليه يمكن يحاول يبعدك عشان ما توصل الامور للأسوء ابعدي شوي ... وهي الضرب والمرادد وهالشغلات ... الغالية الله يعينك ويسر امرك

الغالية إذا حسيتي انه في يوم هادئ كلمية وحاولي تعرفين منه شو اللي يضايقة منك انتي شخصياً يمكن انت يصدر منك شيء انتِ مو حاسه فيه ... ترى الغالية في اشياء أحيانا نسويها بحسن نية ولكن الغير يفسرها بسؤ نية وانا من كم يوم صارت فيني وسبحان الله مع اني ما كنت قاصده شيء بس احيانا ً في ناس تكون عقولهم صغيرة او عندهم سوء نية تترجم المواضيع بالعكس .... فتكون فيه مثل التراكمات وفي لحظة الطرف الثاني ينفجر ويقعد يعدد كل اللي صار ...


الله يعينك ويسر حالك

العتب

ايوالله انك صادقه يالغاليه وشاكره لك من كل قلبي حبيبتي انتي والله

اختي لا تخلييينه يصاررخ وتتركيينه جي روحي يمه حضنييه وكلمييه قولي له لو شنو صار ما بتركك انا احبببك يمكن من الضغوط الماديية لكن عاادي

الله يجزاكم خير والله ماقصرتو الصراحه مافيه احلى من التطنيش احسه تغير بس انا ماني معطته وجه ولا كانه موجود وهو اللي يركض ورى اصلا ماكلمها ابد حتى اذا وجه للي سوال مارد عليه ابد ولاكانه موجود احس التطنيش عطاني رزه اكثر انتم كذا يبنات الرجو الرد