اصنعي سجاده لمنزلك بذوقك

b

baata

عروس فضية

07-12-2009 | 10:25 PM

السلام عليكم و رحمه الله و بركاته F:

انا جبتلكم النهارده موضوع يارب يعجبكم كنت شفت موضوع هنا في المنتدى ازاي اصنع سجاده لبيتي فقلت اجرب و ادي النتيجه اتفضلوا

اولا : الخامات

جبت نص متر من قماش الكنفاه من محل ( كل شئ ) اللي في القاهره

ملحوظه : هتلاقوا منه مربعات واسعه و مربعاته ضيقه هاتوا الواسعه احسن زي اللي في الصوره كده

و بعدين اختاري الخيط اللي عاجبك و اي الوان تحبيها مع بعض وممكن لون واحد انا اخترت الاسود و النبيتي بناءا طلب خطيبي :D

و جيبي ابره كروشيه رقم 3 و مقص

وشوفي انتي حابه تعملي طول فتله السجاده اد ايه وهاتي كرتونه بالعرض اللي يناسبك انا جبت ورقه كوتشينه و ممكن تحتاجي توك شعر عشان تعرفي تشتغلي بس مش تضحكوا ع موضوع التوك ديه لانكم لوعملتوا السجاده هتفهموا قصدي :)

و ديه كل الادوات مع بعض

ثانيا : الخطوات:
اول حاجه تجيبي قلم الوان و حددي ع الكنفاه الرسمه اللي حابه تكون شكل السجاده عليها

تاني حاجه تجيبي الخيط و لفيه ع الكرتونه او ورقه الكوتشينه اللي جبتيها كده

و بعدين تبتدي تقصيه من جهه واحده بس

و هيبقى كده

و اول خطوه دخلي الابره من تحت الخط اللي العريض اللي في قماشه الكنفاه
ملحوظه: مش تشتغلي في الخط الرفيع اللي في القماش خليكي في المربعات الكبيره بس :thumbs_up:

اثني الخيط و اشبكيه الخيط في اول الابره

بعدين اسحبي الابره بالخيط زي ما هو واضح في الصوره كده

مش تطلعي الابره من الخيط جيبي الجزء التاني من الخيط و اسحبيه داخل الجزء الاول و اعقدي

بس و هتبقى بالشكل ده

اول جزء لازم تعمليه في السجاده هو الحواف بتاعت السجاده عشان قماشه الكنفاه مش تفك منك
ملاحظه: لما تخلصي اول سطر من حواف القماشه و تبتدي في السطر اللي بعده اربطي كل خيط في السطر التاني مع خيط من السطر الاول ضمانا انها مش هتفك منك

بس و كرري الخطوات ديه لحد اما تخلص كل الفراغات اللي في قماشه الكنفاه و هتطلع كده

ملوحظه هامه : حاولي تختاري فتله الخيط تخينه عشان تملى القماشه ومايبقاش فيه فراغات في السجاده

يا ريت يكون عجبكم شغلي و ياريت اشوف تعليقاتكم الحلوه اللي تفرح القلب

اعذروني ع الصور الغير واضحه جدا

و يابنات مصر هي كلفتني بالضبط 180 جنيه و جبت كل حاجه من محل كل شئ و اخدت 7 صوف اسود من الكبير اللي في الصوره بيبقى 100جرام و 11 صوف نبيتي و بيبقى 50 جرام

و ده بقى لكلوك عملته لبنت اختي من اللي اتبقى من الصوف وعملت عليه ورده بطريقه التطريز بالساتان

بس بعدين عليت الرقبه بتاعته بس نسيت اصوره :) ياريت يكوون موضوعي عجبكم
و لااسمح لاي احد ينقل الموضوع بدون ذكر اسمي واسم المنتدى
F:F:F:F:F:F:F:F:

ح

حبيبة SHERY

عروس ماسية

07-12-2009 | 10:31 PM

جميل جداااااا تسلم ايدك

k

kitty_kity

مشرفة سابقة

07-12-2009 | 10:32 PM

تسلم اييييييدك يابطة رائعه ماشاء االله
انا عملت واحده بس عملتها كفر لخدادية كدا
يعني بعد ماخلصتها خيطتلها ساتان من ورا وفيه سوسته وحطيت فيه خودادية
وبعمل واحده تانيه على شكل قوس قزح
فعلا الموضوع مسلي بس محتاج وقت
بس مع التعود بتبقى ايدك شغاله بسرعه حتى وانتي مثلا بتتفرجي على التليفزيون او بتكلمي ف التليفون

تم التقييم ياقمر

R

RAINBOW2000

عروس مبدعة

07-12-2009 | 10:37 PM

بسم الله ما شاء الله جميلة اوى ايه الشطارة دى يا بطوطة تسلم ايدك

M

MooN EYES

عروس فضية

07-12-2009 | 10:40 PM

ما شاء الله
برافو عليكي . كتيير حلوه
تم التقيم

.

.* اميرة *.

عروس ماسية

07-12-2009 | 10:49 PM

ماشاء الله مبدعة والله

ع

عسولة قلبه

مشرفة سابقة

07-12-2009 | 10:57 PM

تسلم ايدج خوووش شغل ما شاء الله عليج .. حبيتها وااايد ..

مشكوورة

a

at2ota

عروس برونزية

07-12-2009 | 10:57 PM

ماشاء الله الله اكبر يابطوط فنانة ماشاء الله عليكى ياريت لو تعرفى توضحى عملتى الكلوك ازاى بالظبط

م

مكرووونة

عروس رائعة

07-12-2009 | 11:03 PM

ما شاء الله حلوة اوى والله
انا بعرف اعمل مفارش كروشيه و بحبه اوى
بس السجادة دى بجد فكرة هااااااااااايلة اول مرة اشوفها
تسلم ايدك
عاوزة اسألك على الملحوظة اللى انتى قايلاها دى

ملاحظه: لما تخلصي اول سطر من حواف القماشه و تبتدي في السطر اللي بعده اربطي كل خيط في السطر التاني مع خيط من السطر الاول ضمانا انها مش هتفك منك

مش فاهمة تقصدى ايه ممكن توضيح؟

و فين محل كل شئ دا ؟

ت

تحكمني قناعاتـي

مشرفة سابقة

07-12-2009 | 11:04 PM

ماشاء شغل رووووعة كثير

تسلم يمنيك

م

مكرووونة

عروس رائعة

07-12-2009 | 11:07 PM

صحيح و التوكة مقلتيش حنعمل بيها ايه

ر

رسيل الورد εïз

عروس رائعة

07-12-2009 | 11:11 PM

وااااااااو
حلوووووووووووووووووة

b

bogywtamtam

عروس نشيطة

07-12-2009 | 11:15 PM

شغلك جامد ماشاء الله

s

safa34

عروس فضية

07-12-2009 | 11:29 PM

ما شاء الله
برافو عليكي
تستاهل التقييم

f

flower20009

عروس فضية

07-12-2009 | 11:33 PM

حلوة اوووووووووووووى
وانا عندى زيها كانت جيالى من الكويت هديه وعمتوا لاقيتها بتتباع هنا فى محل لو عوزاه اجبلك اسموا
كانت كلها ب 75ج
بتبقى علبه كده وفيها قماش الكنفاه ومرسوم عليه رسومات انتى بتختارى اى رسمه انتى عوزاها انا عندى فارين بيلعبوا تنس هههههه وواحده تانيه عليها رسومات ورد وهما محددين الالوان كلها
ومعاها كمان الخيوط كل الالوان ومقصوصه جاهزة ومعاها ابرتين وطبعا مكتوب على العلبه من بره ازاى تعمليها وكده
وماشاء الله بتبقى حلوة جدااااااااااا
بس بجد تسلم ايديكىى ماشاء الله عملتيها تحفه

l

little duck

عروس مبدعة

07-12-2009 | 11:40 PM

ماشاء الله يا بطوووووط
فناااااااااااانه بجد :thumbs_up:
تسلم ايدك يا جميييييله ...... وشرحك سهل اووووووووووووى F:

n

newlife

عروس مبدعة

07-12-2009 | 11:41 PM

تسلم ايديك يا جميلة جميلة جدا من صنع ايديك
بس نفس سؤال مكرونة بالنسبة لطرف الخيط فى الصف الاول مع الصف الثانى ازاى؟؟؟

D

Dr.Flowers

عروس رائعة

07-12-2009 | 11:47 PM

ماشاء الله روعة

تسلم ايدك

a

at2ota

عروس برونزية

07-12-2009 | 11:53 PM

على فكرة يابنات فى فرع تانى فى شارع العريش لمحل كل شىء

G

GANNA 23

عروس مشرقة

08-12-2009 | 12:29 AM

ما شاء الله جميلة اوى بس اكيد بتاخد وقت كتير