دنياً مثل غيدً بها الوسط مبروم **تصد عن هذاك و لذاك تومي

ياناشدعني تبي مني علوم** انصت وخذ مني خلاصه علومي
الصدر ضايق بالهواجيس مزحوم** تواردني مثل ورد الخصومي

لياقلت قفن واستلذيت للنوم** تنشي بصدري مثل منشى الغيومي
اوقات عني تنجلي هموم وهموم **واوقات منها ماتحمل هدومي

الشكوى لله فارض الحج والصوم** يالله لاتردي عزايم عزومي
صحيح بين الناس معطى ومحروم **ولافيه عبدٍ من خطاه معصومي

الا نبي من خطاء الذنب معصوم **الدايم الله والبشر مايدومي
نضحك مع الضحاك ونسج ونحوم** ومن فوقنا خطاف الأنفس يحومي

يدلي على قوم ويظهر على قوم** ويشن غاراته سريع الهجومي
هذا الكلام الموجز لكل زيزوم **لاشك اخذ مني سبايب اهمومي

ماجاك في دنياك يالعبد مقسوم **يالله عساها في خيار القسومي
دنياً مثل غيدٍ بها الوسط مبروم **تصد عن هذاك و لذاك تومي

كم طوعت في جورها كل شغموم** وكم سيدت ناسٍ من اول رخومي
اومت بساداتٍ وكم دقت خشوم** وكم روضت روسن ٍورزت خشومي

تدرج رحاها تطحن دايم الدوم** ومن طاح في ذرعانها مايقومي
طالت بها ذرعان وشمرت كموم**حتى السلوم تبدلت بالسلومي

الحر لو انه بغى يدرج الحوم **من فوقه أ لعقب الصورام تحومي
ومن شان لاتعرض على مجهر اللوم** خليتها بين الثرى والنجومي
ياقل من يقضيبها الازم اليوم **تعد هم من فوق روس البهومي
رجل اليا جيته من الوقت مضيوم** تبغى الفرج ضيق عليك الحزومي

بارد وجه بارد جدى بارد عزوم **مكتوب من فعل الجميل محرومي
عساه مايرحم ولاهوب مرحوم** يالله عسى جنس الردي معدومي

يزوم نفسه ليا بغى الغاديه زوم** خبل عنه كل المراجل تشومي
عليه حط البخل عرقاه ووسوم**واذ هيب بخلاٍ وثقه بالوسومي

ماهو كما اللي هام للمرجله هوم** في غبة بحور المراجل يعومي
علاج من ضامه من الوقت ضايوم **لامن نصيته بادي لك لزومي

في لازمك يقوم ويطيح ويقوم ** تجيه محشوم وتروح محشومي
ماكر حرار مادرج وسطه البوم** حر مضاييحه بروس الرجومي
وقد قالها العواي والقول مفهوم** الحر حر وماكر البوم بومي