قصة زوجة اخوي اللي جلست 13 سنه تنتظر ضناها..

السلام عليكم ورحمة الله وبركاته..

كيف الحال جميعا؟؟

بكتب قصة زوجة اخوي..وابي كل وحده متاخره في الحمل تقراها..

وابيها تصبر لان الله كريم ..ومايسوي الا اللي فيه الخير ..

الحمد لله على كل حال

عندي زوجة اخ مثل الإخت..مااعتبرها الا اخت لي..

تزوجت وبعدها بكم شهر حملت وجابت ولد اخوي..

وبعدها ظلت تقريبا سنتين مااحملت قالت ابي اصبر لين يكبر ولدي..

تخيلووا يابنات ظلت ثلاث سنين ربي مارزقها بحمل..

وبعدها جت وبشرتنا انها حامل وفرحنا لها..

تخيلوا بالشهر الثاني اجهضت..وجلست تبكي ونفسيتها زفت..حمدت ربها وقالت ربي يعوض علي..

وبعدها احملت ونفس الشي بالرابع اجهضت ..

والحمل الثالث وصلت للشهر الثاني واجهضت..

تخيلوا احملت الحمل الرابع وظل الجنين فيها للشهر السادس وبعدها توفى..


ماتتخيلوا وش كانت نفسيتها..ماتكلم احد وماتاكل ..اشتقنا لإبتسامتها وضحكتها..

وظلت 13 سنه على هالحال..

ويأست واحنا يأسنا معاها ..غير كلام الناس اللي مايرحم حسبي الله ونعم الوكيل

وفجأأأه جات البيت وهي تصارخ وتناقز والفرح مو شايلها ..

بصووت عاااااااااالي ..انا حامل انا حامل..

والله لاشعوريا قمنا وظميناها وباركنا لها..قالت امي لاحد يتكلم اخاف عليها من العين..

بس والله مو بيدنا من الفرح ماظل احد ماخبرناه..يكفي فرحة اخوي الغالي ..

خليناها ماتقوم من السرير ماتشتغل ماتروح الدوام وماتسوي شي ابد ..

لين الله رزقها باحلى بنوته ملت على اهلها وعلينا الفرح وكانت ولادتها بتاريخ 18..11..1430

البنت ماشاء الله اللهم صل على محمد وال محمد..جمال وبياض وشعر وخفة دم ماشاء الله تبارك الله

الله عوضها واخلف عليها صبرها..

خواتي صدقوني بتقربكم الى الله ودعائكم ربي مايخيب ظن عبد من عباده..

لاتيأسوا بالعكس تفائلوا بالخير في كل لحظه..الله كريم

يارب ارزق كل مسلمه بالذريه الصالحه المعافاه..وفرح قلب كل ام وطمنها بشوفة ضناها..