أنا حامل في الخامس .. بس ما أخذ الأدويه أبداً !!

حبيبتي الفيتامينات وايد ضرورية للحامل تعوضج عن اللي فقدتيه وتعطينه للبيبي ، حاولي تاخذينهم وتتغصبينهم ، عشان صحتج وصحته ...

انا مثلك بالضبط مايجلس شي ببطني ابد في الشهور الاولى..

بس مستحيل اخلي الحبوب لانهم وايد مهمين ..ولما سالت الدكتوره عن اهميتهم..

قالت لي ان هذي الحبوب تعوض الجنين عن نقص التغذيه..

ووقايه من التشوهات..بعيد الشر

اغصبي نفسك حبيبتي لازم تاخذينها..

والحديد يسبب الامساك..اذا اخذتي لك حبه اشربي على طول وراها كاس عصير برتقال طبيعي..ومايصير الا الخير
الله يوفقك يارب ويسهل عليك..

حبوبه لازم اتقولين لدكتورتج يمكن تكتب لج حبوب عن اللوعه ,, بس هاي الحبوب ضروري ولازم تاخذيها ما تقطعهيا من نفسج ... والله يعطيج العافيه

لا يابنات انا خلص وحامي والحمد لله أختفى الغثيان
بس الادويه تفكرني بالغثيان وبالفعل تقلبلي معدتي خصوصا ريحتها وحجمها

انت لازم تاخذينها فكري بعدين في الولاده انه يكون عندك نقص وتتعبين في الولاده
صدقيني اغصبي نفسك عليها وهي مالها طعم اشربي وراها مويه كثير ولاراح تحسين فيها

.. خلي دكتورتج تكتبلج على نوع ثاني من الادويه ..

مشاء الله حبوب الفيتامينات وايده و منوعه .. منه الكبير ومنه الصغير

فيه حديد يكون طعمه مثل الكاكاو لذيذ .. للمضغ مثل الحلو .. اسمه " فروز " سئلي دكتورتج عنه

انا ما احب حبوب الكلسيوم :( انصحج كلي روب و لبنه و اشربي حليب و المكسرات مثل السمسم غنيه بالكلسيوم


والله يسهل عليج حملج و ولدتج يارب .. ويرزقج الذريه الصالحه يارب

::



الدكتورة تقول اذا تعوضين بشي ثاني بدل الحبوب مو شرط تاكلينها

يعني مثلا بدل الكالسيوم تشربين حليب و تاكلين جبن و غيره

اما الحديد فعندج التفاح و الرمان و الخوخ و العدس و الكبده و اشياء وووااايد غيرها

بس عوضي فيها بدل الحبوب و ماكو الا الخييير



::

البنات ماقصرو
الله يقومج بالسلامة

حبيبتي انا كانت تلوع جبدي من الادويه
صرت آخذ حبوب الحديد اللي بطعم الكاكاو مره حلو طعمها
والكالسيوم اكسرها بالنص وابلعها ووراها ع طول ملعقه عسل او عصير توت عشان ما احس بالطعم بس يفضل ماء طبعا مع حبوب الكالسيوم

مرحبا اختي كيفك
انا كنت في اول الحمل دمي كووويس وصحتي تمام وكتبو لي اخذ حبه كالسيوم وحبه حديد مع حمض الفوليك طبعا وانا اهملتهااااا صارت تمر ايااام واطنش الحديد والكالسيوم وفجأه صرت اتعب رجوولي تتنفخ ومااقدر ادووس حتى ولاحظت لما اكل الكالسيووم تخف التنفخات وبعدها رحت للدكتووره وكنت تعباانه حيلي مهدووود وسوت لي تحليل طلع فيني فقر دم ودمي 8 وكتبت لي اخذ حبتييييييييييييييين حديد وزودت لي فيتامين مع الكالسيوم طبعا وحمض الفوليك وقالت ضروري اخذهم وكثير نصحوووني اني ادوم عليهم فاااانتبهي وخاولي ماتهملين فيهم ولا دوري لك على بداااائل في الحبوووب من كل نوع اشكال مختلفه خلي الدكتوره توصف لك شي تقبلينه يعني لوتركتيها اساسا بيأثر عليك واي شي بيتعبك بيتعب النونو لاسمح الله ..
الله يسهل حملك وولادتك

حبيبتى ربنا معاكى ومعانا بس انا اعرف ان الفيتامينات دى مهمه جدا

للبيبى ولك طبعا واستحملى وان شاء الله تعبك دا يسير بفايده

وكمان ثواب على فكره انا كمان فى بدايه الشهر السادس

وباخد برده نفس الفيتامينات وعارفه قد ايه هى مقلقه

يارب يقومنا جميعا بسلامه




F:F:F: