سعر صالة طيران الخليج

لؤلؤة المحرق;10761409:
هلا اختي ..

بالنسبه لي مآدري والله اذا غيروهآ لو لا ..

لان من زمآن مآرحتهآ ..

لكن انصحج ابهآ ..

وقلت برد عليج علشآن يصعد فووق الموضوع ..

موفقه أختي .. :)

cherry pie;10766988:
هلا والله

انا اللي اعرفه عن طيران الخليج

انها تشيل 600 شخص

شامل المسرح بدون ورد والدي جي والاكل اذا تبين على الطاولة او بوفيه السعر بيختلللللللف وااااااااااااايد

وشامل الكاكاو و المكسرات والشاي والقهوة على الطاولة مادري اذا نسيت شي ولالا

اسعارها من 2000 و رايح يعتمد على عدد الاشخاص

اتصلي وتاكدي منهم احسسسن

بالتووفيق ان شاء الله

النائية;10772471:
طيران الخليج ب 2000 شامل كل شي

حلم العذارى;10772519:
طيران الخليج .,

تجي شاملة البوفيه " الأكل " + الديجي ,

وعندهم كاتلوج فيه صور مسارح " كوشات " مختلفة .. ممكن تختارين المسرح من عندهم أو تجيبن من برى

*

أما مسآلة التصوير , الكيك , البطاقات .. إلخ

هذي كلها من عندج

*

السعر يختلف طبعاً

لأنه يعتمد على قائمة البوفيه إلي بتختارينها + عدد معازيمج ,

*

أنصحج فيها وبقوة .. لأنها مرتبة وحلوة

بحرينية_حلوة;10772816:

هلا أختي ..

الخوات فادوج بالأسعار و الخدمات ..

و انا باقولج .. عن التجديد ..

انا مثلج سعمت ان غيروها و جددوها .. بس يوم رحت مؤخرا خطوبة رفيجتي هناك .. بصراحة ما حسيت ان في شي غير اللهم ان حاطين ثريات !!!
اما الباقي نفس ما اهوه ..
اهيه القاعة حلوة و مرتبة .. و عندي أرقى و أحلى انج ما تحطين المسرح فوق المسرح مالهم لن بيصير جنه مسرحية و العروس تكون بعيده عن المعازيم .. مو حلو..
خل يغطون المسرح بستارة و اني حطي مسرحج تحت .. وااااايد أحلى يصير و أرقى

و بالتوفيق

حرم بعض الناس;10787487:
عزيزتي عرسي كان فيها شهر 8 الصاله ما تغير فيها شي بس الاضاءة صارت احسن وانا خذيتها اول شي ل 400 وكان السعر 1700 وبعدين زيدنا 100 شخص وزيدنا طبق وما عرف الصراحة جم صار المبلغ كامل بس اتوقع اقل من 2000 .... الدي جي والكوشه من غير ورد ومشروبات تقدم على دفعتين والمكسرات والبفلاوةوالشاي والقهوة والماي على كل طاولة من ضمن سعر الصاله مع الاكل طبعا البطاقات والتصوير والكيك عليج واذا تحبين كيك من عندهم تدفعين 40 دينار زياده اي ويعطونج مجلس للرياييل مع عشاهم بس ل 25 شخص ... وفي تصوير كان حق المعازيم خخخخ انا استغربت مع اني ما طلبت و صورتني انا ام عباس يعني حتى اهيه ما يابت معاها احد

حرم بعض الناس;10802444:
كل شي كان مضبوط 100% الحمدالله

أنا الشوق;10805894:
طيران الخليج بالنسبه لي وايد أحلى من مرمريز
واسعه ومربعه ومافيها أعمده وكأنها فندق

حضرت فيها جم عرس وعجبتني وكان خاطري فيها حق زواجي

نصيحتي،،، اخذيها وانتي مغمضه