الولاده المبكره؟ تجاربكم

حبيبتي لاتخافين الالتهاب يؤثر لو تم بدون علاج
في مضاد اسمه زينات وايد زين وامن على الحوامل كنت استخدمه يوم كنت حامل وخف علي الحمد لله وكثري من السوائل وامتنعي عن الجماع لين يخف لانه يزيد وماعليج الا العافيه والافضل تراجعين عند دكتورة زينه لين يخف عليج الالتهاب

السلام عليكم

انا جتني ولادة مبكرة بنص الشهر السادس بس مش عشان الالتهابات
كان عندي عنق الرحم قصير ومحد خبرني بهالشي

والحمدلله انا حامل الحين وربي يثبت حملي وحملج ان شاء الله

اذا كان عندج التهاب اسألي دكتورتج عن هالتحميله canesten
انا الدكتورة وصفت لي اياه .. كان عندي التهاب دام 3 اسابيع تقريبا
وطبعا ما فاد معاي ولاشي لا غسول ولا شي
بس اول ما وصفت لي اياها كم يوم تم معاي والحمدلله طاب
بس ضروري تعالجين نفسك من الالتهابات وتوكلي على الله
لازم تتبعين وصفه من الدكتورة .. لا تسمعين كلام اي حد
وامتنعي عن الجماع عشان ما يصيب زوجك شي بعد من ه الالتهابات

اختي
انا جاتني التهابات قبل فتره قصيره ووصفت لي الدكتوره تحاميل ومضاد حيوي والحمدالله خف برجع مره ثانيه بكتبها لك واسألي الدكتوره عنها يمكن تفيدك وبعد منتعتني عن الجماع في فتره استخدام العلاج انتي لاتحاتين وخلي املك كبير بالله وعليك بالدعاء واذا حسيتي ان الطبيبه مانفع علاجها اسألي وجربي غيرها روحي لوحده احسن وخبرتها اكثر

الله يجزيكم كل خير يا بنات.

والله خفت الحين بروح الطوارىء، الشكله اني بامريكا ، لا عندي دكتوره محد راضي يعطيني موعد لاني ما بديت معهم من البدايه
والله الولايه الي انا فيها تعبانه.

حبيبتي انا كان عندي التهاب بول والحمدلله خف كثيير عن اول وما حصل معي ولاده مبكرة ابد وانشالله اولد في وضعي الطبييعي يااارب لاتصدقين كلام النااس ولا تسمعين منهم ( يا حي يا قيوم برحمتك استغيث اصلح لي شاني كله ولا تكلني الى نفسي طرفة عين )

يمكن الالتهاب يروح ويرد من زوجج
خلي زوجج يروح معاج للطبييبه تعطيه ادوا

انا كانت لي تجربه في ولادة مبكره في الاسبوع الاول من الشهر السادس

وكان السبب الرئيسي الالتهابات المتكرره كنت على طول استخدم مضادات وتحاميل واصفتهم لي الدكتوره بس ما نفع وياي

اشربي ماي بكثره واكلي روب او شربي لبن يحارب الفطريات

واهتمي بالنظافة المنطقه ابد ما تخلينها رطبه

والله يتمم لك على خير وما تشوفين شر ان شاء الله

انا زيك خايفة بس انا الحين بدخل الشهر الثامن
عليك بالماء 3 لتر اقل شي
ولو عطاتك الدكتور دواء وبعدها رد زوجك ضروري ياخد معاك دواء

أنا أول مره أدري منكم إن الإلتهاب تسبب الولادة المبكرة ..

:thumbs_down: و الحامل عرضة أكثر من غيرها للإلتهابات ..

لازم تسوين فحص للإلتهاب .. سوي تحليل بول و مسحة ..

وكل نوع بكتيريا و له مضاد خاص فيه ..

يعني الأدويه الي اكتبوها البنات :D ما راح تفيدك ..

ووو جربي الكوندوم - العازل - .. أنا الحمد لله فادني فترة الإلتهابات ..

الله يجزيكم كل خير ويبعد عنا وعنكم كل مكرووه.