صباح الخير
مادري شفيني قاعدة من الصبح وانا فيني ارادة وحابه اتغير واغير حياتي مع زوجي
خصوصا مع بداية السنه الجديدة وحابه اكون غير في ذكرى يوم زواجي يعني حددت الهدف
وصارلنا فترة متزوجين والروتين والشغل والاعيال خذوا من وقتنا ماظل شي من الرومنسية موجود هههههههههه
شرايكم بنات نبدي نسوي حملة تغيير ونيولك وكل وحدة يكون هدفها لهذه الحمله انها تستعد لذكرى يوم زوجها والموضوع بنفس الوقت راح يفيد الخوات حتى الي مو متزوجة بتاخذ افكار
اول شي بنبدي فيه :
الشكل:
الر جال مايحب الوحدة الي تظل بنفس شكلها طول الوقت ومن طبيعة الرجال يحب التغيير
وهذه الايام الرجال يطلع ويروح ويشوف بهالبنات الصراحة احنا الي من نفس جنسهم نشوفهم فما بالج بهالرجال فدايما خلي شكلج غير وحلوة وصورتج مرتبه ونظيفة
واول خطوة ابتديت فيها جبتلي مفكرة صغيرة وكتبت فيها شنو الي ابي اغيره واول شي ابي اسويه
وهذا الجانب الاول : الجانب الديني
ابي اقوي علاقتي مع ربي
ابي اصلي اكثر وعالشان جذي حطيت لي جدول لصلاة الليل
وقراءة سوورة البقرة وصدقوني يابنات سورة البقرة ماتاخذ اكثر من ساعتين واضبوا عليها
والصدقات
تطرح البركة بالرزق وترفع البلا ء عن صاحبها
والدعاء
وسويت لي سي دي فيه اذكار الصباح والمساء وانا رايحه الدوام اسمعه واذكر ربي
عالشان الله يبارك لي في كل خطوة اسويها والله مايستيجب دعاء من لا يذكر ربه ومن لايصلي لادعاء له مستجاب حتى دعاء غيرج لج مو مستجاب
يكفي انج تقرين ادعيه تفريج الهم والكرب وتحسين راحة نفسية ويكفي انج بعد ماتخلصين قرايه سورة البقرة في الليل تدعين لزوجج الهدايا وان يجعلج الزوجه الوحيدة له ويصب محبتج في قلبه والله قال وقوله حق ادعوني استجيب لكم .
وهذا الجانب الديني الي قررت اني اغيره التزم بربي اكثر واتقرب منه عالشان يكون قريب مني الله .
والي تبيني احط جدولي الي سويته مايردها الا السانها
اما الجانب الثاني
الي قررت وصممت اني اسويه وهو تغيير بجسمي موقصدي بعمليات تجميل ههههههه لا قصدي اسوي رجيم لان صج اعرف وحدة من اهلنا والله انها كانت متينه شوي عليها وزوجها ولا داري عنها اصلا حتى مايغار عليها والحين من عقب مااضعفت لا تشوفون كل 5 دقايق متصل فيها وغير الغيرة حتى لمن بنطلع مكان بطلعت الروح يالله يوافق
لان جسمها وايد تعدل وصارت تلبس
وصج ما الومه الزوج لمن يشوف المرة متينه شلون بيتخيل شكلها بالبكيني وغيره من ملابس
يبي يشوف جدامه فراشه ودلوعه تركض وتلعب وتلبس لبس الصغار والبس الرياضي انا زوجي يموت بلبس الترينقق
حتى القمصان النوم مو كلها تلوق على المتينة في قمصان نوم تكون مكرشة عند البطن شبنطلع الكرشة
عالشان جذي يابنات خلاص قررت اسوي رجيم ابي اللبس ابي زوجي يغار علي
ابيه يحب اللبس على جسمي
ابي بذكرى زواجي البس شي مفجاءة له عمري مالبسته له
ابي اقط الكبت كله الي عندي وابي اجهز نفسي من جديد
شوفوا جسمها
انا قررت بالرجيم واهني بكون غيرت من شكلي من سمينه الى جسم احلى
انا قررت بالرجيم واهني بكون غيرت من شكلي من سمينه الى جسم احلى
الرجيم ورجيمي هو رجيم الدكتور يوسف الخضر والي حابة تسويه معاي تقولي عالشان اكتبه لها
وشوفوا الفرق
اذا شفت منكم مشاركة وتشجيع راح اكمل الجوانب الباقيه واقولكم شنو الي بشتريه واقولكم شنو الي مجهزته بعد وياليت كل وحدة تدخل الموضوع تقولنا شنو مخططه حق هذا اليوم وبشنو بتبدي وانشاءالله ناخذ افكار من بعض
وسامحوني اذا تاخرت عليكم بالرد لان اكيد بكون مشغولة
والموضوع حصري لمنتدى عروس لانه من اجتهادي
وانشاءالله يعجبكم
وسامحوني اذا تاخرت عليكم بالرد لان اكيد بكون مشغولة
والموضوع حصري لمنتدى عروس لانه من اجتهادي
وانشاءالله يعجبكم
