راح ادش في الموضوع على طوول عشان لا اطول عليكم
من منكم سوت عملية تنظيف في مستشفى ابن النفيس عند الدكتورة كيرن ؟؟
لأن رحت اليوم و حجزت عندها حق عملية باجر
بعد معاناة مع مستشفيات البحرين
وبالخصوص السلمانية - الكل قالي اهما عندهم خبرة في هالشيء و روحي اليهم -
نقعوني عندهم جم اسبوع والسبب اجازة عيد الاضحى
و المفروض اليوم اروح اترقد عشان يسوون اليي العملية باجر
رحت اليوم الا ما في مجال أبدا
وش هالمستشفى
ناس جدامي بيولدون ما اليهم مكان
قمت خذيت روحي و قلت ولا ذلة الحكومي ادفع فلوس وارتاح
انزين اهما قالولي ان بيخلوني بعد العملية بس جم ساعة و بيطلعوني
و بعد في شيء
السلمانية كانوا شاكين ان حملي عنقودي
اليوم الدكتورة قالتلي انه مو عنقودي
وسويت هرمون الحمل و كان اقل من قبل
وقالت الدكتورة بيفحصون العينة بعد التنظيف عشان يتأكدون
وبعد بأسالكم << يا كثر ما سألتي !!
اهما يسوون التنظيف حق وحدة مجهضة يعني نزل البيبي
والا عادي البيبي للحين موجود و يشيلونه اهما
لان من اسبوعين للحين و البيبي ما نزل و لا حتى نقطة دم
بس اشوف من امس لليوم ينزل عليي شوي
وأنا صايرة وسواسية وااااااايد وأخاااااااااف
ريحوووووووووني
جزاكم الله خير