بنوتة مسقط;10772517:
حاولي تفطري ببيضه مسلوقه لان وجبة الفطور مهمه جدا
ودخلي الخضار لاكلك .. وانصحك عشان تستفيدي اكثر ابتعدي عن السوسج والبرجر .. سوي شي من البيت .. مثل لحم مفروم مع خضار في الفرن .. او دجاج او جمبري او سمك
لا تكثري من الجبن ترا يسوي لوعه .. انا كرهت ريحة الزيت والجبن
واذا خاطرك في جبن .. اكليه مع السلطة لذيذ
balsamzawji;10772892:
مشكورة حبيبتي
أوكي أنا ما راح أشرب الحليب و لا أكل زبادي هذا الأسبوع و الفواكه بس أنقص منها
لأن أنا لما بنقص كثير من السكريات بينخفض ضغطي كثيييييييييير
يعني ممنوع ريجيم قاسي
المهم
اليو ما فطرت بس اتغديت لحم بخضر خضرا ما في بطاطا ولا جزر
والعشا ممكن سلطة ان شاء الله
ان شاء الله تكوني بصحتين
بنوتة مسقط;10779345:
انا اعاني من نزول الضغط بشكل كبير
اول مره اتبعت الريجيم 3 يوم صحيت وقلبي ينبض بقوه ويدي ترجف بقوه وقطعت
شوفي الغالية .. الدكتور دشتي قال ممكن تاكلو البرجر والسوسج وغيره من الاكل الجاهز مقلي لان هالاكل الناس السمان كثيير يحبووه ويلقوا صعوبه فاتباع اي ريجيم بسبب هالشي بس ما قال اجباااري
انا راجعت نفسي وقلت مو معقوله اعيش على برجر وسوسج والاكل اللي يجي جاهز ماعلي الا اني اقليه
عدلت الريجيم وسويته يناسبني .. الصبح ملعقة عسل .. اتريق بيضه مسلوقه او كورن فليكس او حتى بيض مقلي بس انا اقلي بدون زين واستخدم مقلاة تيفال يطلع طعمه احلى
اتغدى دجاج او سمك او لحم مع كوسا وياذنجان مطبوخين فالفرن مع البهارات .. وبدل صلصة الطماطم الجاهزه اسويها فالبيت (اخلط طماطم وفلفل وملح وثوم وزنجبيل وبقدونس ومااجي واي بهارات احبها ) وكلهم اخلطهم فالخلاط
واصب الصلصة على الدجاج او اللحم او السمك والخضار ويصير طعمه خطييير
جربت الوصفه على الربيان رووعه
الغشا اي شي موجود فالثلاجه مع سلطه
واشرب الشاي الاخضر مرتين فاليوم .. بعد الغدا وبعد العشا
واذا جعت بين الوجبات .. اقرمش خيار مع ملح اممم