أفضل حليب للطفل لعمر سنة اعطوني من خبرتكم وتجاربكم...

أرق المشاعر;10745536:
السلام عليكم ورحمة الله وبركاتة
كيفكم جميعاً إنشاء الله بخير وكيف نوناتكم الحلوين

يابناااااات بنتي بعد كم يوم تكمل سنة الله يحفظها من كل شر

وحابة اعرف ايش ممكن اعطيها حليب لعمر السنة

وايش رأيكم بالحليب السائل مثل السعودية أو المراعي

ياليت تفيدوني من خلال تجاربكم مع كتاكيتكم...

حبيبتي ..
الطفل بعمر السنه محتاج كل العناصر الغدائيه..!!
الا ما ياخذها من اكله ..لانه اكلهم مو ذاك الزود ..

علشان جذي شربي وعوديه بحليب السعوديه
والمراعي عاادي ونوعي له ..

بس لا تقطعينه من حليب الاطفال ..
لانه مليان معادن وفتامينات والاهم الحديد..!!
مو بس كالسيوم مثل الحليب العادي ..!!

ومن خلال تجربتي مع ولدي انصحج بافضل حليب لعمر السنه ..!!
بعد ما جربت النيدو الا كله سكريات ونسلاك الا اختفى من السوق ..
وبالاخير نصحني الدكتوربالبروجرس ..!! وفعلا ممتااز ..!!:thumbs_up:

حبيبتي نيدو 1 اوووكي وايد

حبيبتي

انا بعد بنتي ان شاء الله نهايه السنه تكمل سنه..

وان شاء الله باعطيها حليب نيدو 1 ,.. والسعوديه..

اني بولدي الاول استخدمت كذا نوع نسلاك نيدو بيبيلاك واخر شي استقريت على النيدو الاستشاري مدحه اليي وقال كلها دعايات لان حليب الاطفال كله يحتوي على عناصر غذائية خاصة بهم ونفس التركيبة ماعدا اضافات النكهات عسل او فانيلا في هذا يكون الاختلاف والله اعلم عن امي تقول كلنا عطتنا نيدو مربحته الوالده الله يحفظها ويردها بالسلامة

تسلمو على مروركم يالغاليات

وجزاكم الله خير على الرد

أم علااااااوي من قال اني بقطع عنها الحليب

بس انا بغير لها الحين حليب حق عمر سنة

فاأبغا أعرف افضل حليب واللي يستعملوه أغلب الأمهات

كثير يمدحو في بروجرس

افضل حليب جربته لعمر السنه هو
بروجرس

رووووووووووعه
والنيدو اكتر من طبيب يذمه ما انصحك فيه

وموفقه اختي

بصراحه فعلا كثير بيمدحو في حليب بروجرس ..
وانا شخصيا ولدي استفاد منه كثير ..
وقلتج عن الحليب استمري عليه لانو في ناس تعتمد على لفرش بس..!!

أروجة تسلمي حبيبتي

والله يخليلك بناتك يارب

الظاهر اني بتوكل على الله

واخذ لها بروجرس حتى اختي تستعمله لولدها

والله يعيننا عليهم يارب ويقدرنا على تربيتهم تربية صالحة

انه جربت نيدو ون وحاليا استخدم لها المراعي فرش

اختاري له حليب اطفال لعمر السنه شوفي لج من بيبلاكم رقم 3 او بروجرس رقم 3 ..

وحليب النيدو ما انصح انه يكون بديل عن حليب الاطفال .. خليه مكمل لحليب الاطفال شلون ؟؟ انا اعلمج

لمن يصير عمر ولدي سنه راح اغير له حليبه واعطيه حليب لعمر سنه يكون حليب اطفال.. وطبعا بستشير الدكتور عن افضل حليب لان حاليا اعطيه بيبلاك رقم 2

واما الوجبات الي يدخل فيها حليب مثل البسكويت .. والروتي سليس مع جبن كيري.. حطي عليهم حليب نيدو رقم 1 ويكون ساخن ..

ممكن تحطين له بالحلويات .. تسوين له موز حلو مهروس تخلطينه مع النيدو رقم 1 ..

ترى الحليب مهم يدخل مع الاكل في الوجبات ..

واكرر لج لازم حليب اطفال .. لان فيه كل العناصر الي يحتاجها الطفل

وما ارحب كلش بالحليب الجاهز مثل المراعي وغيره ..

صح اسرع واسهل بس افضل الحليب الخاص مثل نيدو رقم 1

وحليب الاطفال ( بروجرس او بيبلاك )


وبس

الله يحفظه لكي اختي حطي حليب التكمله حق حليبه رقم ثلاثه مثلن يرضع سميلاك الولاده 1 وست شهور سميلاك 2 والسنه سميلاك رقم 3 انا كذا بنتي كملت سنه وحطيته على سميلاك رقم 3