وقفت حركة جنيني فجأه..شوفوا وش سويت له..الحمد لله يااارب

السلام عليكم ورحمة الله وبركاته


كيف الحال خواتي ؟! ياارب تكونوا بأتم صحه وعافيه..

انا الحين في نهاية الشهر الرابع..والجنين بدأت حركته من الشهر الثالث الحمد لله..

وكنت مستانسه الكل يقول لي مدام انه تحرك بدري يعني ولد..

وفجأه يوم دخلت الشهر الرابع تقريبا في الإسبوع 14 وقفت الحركه وماصرت احس بشي ابد..

ظليت ابكي وفي حالة نفسيه دمااار لأني قلت أكيد انه خلاص مات اللي في بطني..بعيد الشر

وظل الجنين مايتحرك اسبوعين ولا رحت لدكتورتي لاني قلت اكيد انه توقف النبض ماأبي انصدم..لأني متعلقه في جنيني فوق ماتتصوروا حبيته وعشقته قبل لا اشوفه واخاف عليه ومستحيل اخذ اي دواء أصبر على الألم عشان صحته..


قالت لي عمتي..ام زوجي..اذا تبين عن جد تعرفين انه مازال حي..

اكلي بصل من الصبح..وكثري من البصل
وصحيح اخذت بنصيحتها بس ماحسيت بشي..

بعدها قريت ان الجنين في هذا الاسبوع يستجيب للضوء مع انه مايفتح عيونه سبحان الله..

بالليل نمت على ظهري وطفيت الأضواء ماخليت ولا شوية نور..
واخذت مصباح ووجهته على بطني من جهة يمين وسميت بالله..

تخيلوووووو على طول حسيت بحركته وجاني مثل الرفس..والله ماتتوقعون وش كثر فرحت وماشالتني الدنيا من زود فرحتي انا وزوجي واهلي..

سبحان الله شوفوا قدرة الله..

إدعوا لي ربي يثبت لي حملي وحمل جميع المؤمنات يااارب ويرزقنا الذريه الصالحه..