تجمع للي سوت اطفال انابيب واللي تفكر تسويها

الاسم ... اورفليم

متزوجه من خمس سنوات

اجريت عمليه اطفال الانابيب بعد 6 شهور من زواجي والحمدلله نجحت

مشكله الحمل من زوجي يعاني من نقص الحيوانات وعددها 80000

يستعمل حاليا علاج الزنك وفيتامينات وعلاج اخر وكله مقويات وان شالله تنفع وتزيد عددها



طبعا تجربتي مع العمليه في البدايه انا سويت العمليه في مستشفى دله

وعلى مااعتقد اخذت ابر لمده اسبوع كانت مره باليوم في اليد بالعضل والصراحه كنت مره اتضايق منها لانها شوي مؤلمه بس عشان الحمل كل شي يهون


وبعدها اعطتني الدكتوره ابر اخرى مرتين يوميا مااذكر يمكن لمده اسبوعين او اقل في اليد وفي الفخذ


بعدها جاء اليوم اللي يسحبون فيه البويضات وسوولي تخدير كامل والحمدلله العمليه ماحسيت فيها باي الالام بس تعرفون الوحده تخاف وقمت ابكي

بعدها ب3 ايام لقحوا البويضه ورجعت لهم وسوو لي تخدير ورجعوا البويضات وظليت بعدها اسبوعين او اكثر مااتحرك من مكاني عشان يثبت الحمل والحمدلله بعدها سويت تحلليل
وطلعت حامل


والحين بنتي عمرها 3 سنوات وانا مشتاقه للحمل خصوصا ان الكل يسالني ليه ماحملتي

وشوفي فلانه غلبتك وفي ناس تزوجوا بعدي والحين عندهم اثنين والحين هم حوامل

في البدايه كان الامر عادي بس لما كبرت بنتي وحست بالوحده واشوفها طفشانه دايما وغالبا تصيح بدون سبب والناس كلهم يهاوشوني حرام عليك جيبي على بنتك لحالها جيبوا لها اخو اتضايق وانا الحين احس اني مشتاقه للاطفال اذا شفت وحده والد على طول اروح لولدها واحببه واتعلق فيه بس ماابين لزوجي ابدا وهو ميت على الاطفال
ودايم يسب حاله وانه مو حاله حال الناس مع اني احاول اهديه وابين اني مرتاحه معه وماابغى اطفال بس اذا سمع عن احد حامل تضايق ويقول لي ان كل الناس صار عندهم 2 الا حنا وكلهم متزوجين بعدنا خصوصا مافي احد يعرف بالضعف اللي عند زوجي الا انا وامه واخته لانه مايبغى احد يعرف حتى العمليه ماحد عرف عنها

والمشكله اللي مضايقني ان الناس شاكين فيني اني مااجيب عيال ودايم يقولون لي روحي تعالجي واقولهم انا مافيني شي بس تو الناس عندنا بنت وحنا شباب

انا متضايقه حيييييييييييل مااقدر اشكي لاحد عن حالتنا ولا اقدر ارد على اي وحده تضايقني عشان مايزعل زوجي مني

ولا اقدر افضفض حتى لاهلي فحبيت افتح هذا التجمع عشان نفضفض لبعض ونساعد بعض


وزوجي حاليا مصر اننا نسوي عمليه ثانيه في شهر 1 الجاي ان شالله وانا متردده ودي بالحمل عشان ارد على اللي يتكلمون فيني واسكتهم

وفي نفس الوقت ماودي بالعمليه ابغى احمل طبيعي حالي حال غيري


ادعوووووووووولنا يابنات


يارب ياكريم يارزاق ياعليم انك ترزقنا بالذريه الصالحه

يارب تيسر لنا امورنا وتستجيب دعانا وترزقنا بالحمل الطبيعي يااااااااااارب