معجزة الشعر من Lazartigue
F:سلام الله عليكم جميعF:
هل تشعرين بالإحراج بسبب شعرك المتقصف والمنفوش
هل تريدين شعر صحي وجميل ولامع
عيل قربي وسمعيني زين كلمه كلمه، ترى كلامي درر هههههههه :D
شوفوا يا بنات أنا شعري حكايته حكايه
يعني محد يهتم في شعره مثلي
إشي عنايه وإشي كريمات وإشي زيوت وخلطات وإلخ إلخ :-#
يعني ما رحمته كل يوم أسوي لي خلطة وشعري مشكلته أنه خفيف واااااايد من بعد ما كان غليظ وااااايد والتساقط يا قلبي ع التساقط رهيب ولا الأمطار في الهند ههههههههه والنفسية تعبانه كثير.:thumbs_down:
يعني بإختصار: شعري كان وحطوا تحتها خطين، خفيف ويكش بسرعة، تساقط رهيب، قشرة، فروة دهنية وشعر جاف، تركيبة غريبة هاااااا. واللي زاد الطين بله سويته يوكو قلت يمكن يخف التساقط لأني كنت مفكرة إن التساقط سببه التشابك، واليوكو خلا شعري يتكسر ويتقصف. (مو المشكلة في اليوكو لكن المشكلة إن شعري ما تحمل العلاج الكيماوي).:sick:
بس على فكرة يا بنات لا تقولون شعرنا كان غليظ بأيام الطفولة هذيك الأيام إنسوها خلاص لأن بأيام الطفولة ما كان عندج هرمونات مجنونه.:confused:
وبيوم مشرق من أيام الصيف الجميل
(معليش مطولة معاكم لكن الموضوع يستحق القراءة حرف حرف):study:
رحت صالون عندنا بالبحرين كنت بغسل شعري وبسوي سشوار، فقالت لي البنت عندنا وحده فرنسية راح تجي الصالون هي مبعوثه من شركة فرنسية لبيع مستحضرات الشعر إسمها لازرتيق Lazartigue وراح تسوي إستشارة مجانية للي يبغي يعالج شعره.
وأنا أختكم ما كذبت خبر يعني راح تدليني على علاج لمشكلتي:worn_out:، ولا بالمجان بعد قلت لها أوكي سجلي إسمي، يعني إستفدنا خير وبركة، ما إستفدنا على الله العوض.
وجاء ذلك اليوم الذي ذهبت فيه إلى المستشارة وشافت شعري، طبعا عندها جهاز يكشف فروة الرأس وقالت لي إن فروة شعري دهنية وفي قشرة، وقالت لي نمو شعري طبيعي (لكن يا بنات من كثر التساقط ما حسيت بهالطبيعي اللي تقول عنه).:rolleyes:
ووصفت لي شامبو وسيروم وكريم للقشرة وجل للدهون، وأكدت علي الإهتمام بغسل الشعر بطريقة صح.^o)
المهم
الحين صار لي 4 جلسات علاج كل أسبوع مره أستخدم كل منتجاتهم بالصالون على يد خبيرة دارسة عند الشركة نفسها، والحمد لله شعري وقف تساقط اللهم إلا كم شعره باليوم يعني طبيعي واااايد قولوا ما شاء الله :mad: والشعر صار لماع وهامد ومثل الحرير (طبعا أنا مسويته يوكو) ههههههه:thumbs_up:
وخبرتني الخبيرة أن بعد 3 جلسات علاج راح يخف التساقط بشكل كبير وفعلا هذا اللي صار والحين أنا مرتاحة من شعري وااااااايد لا إله إلا الله ههههههه أخاف عليه الحين من العين ههههه.
هالمنتجات يا بنات مفعولها مثل السحر، لكن لكم على الأسعار وايد غالية:$:، بالإضافة للتدليك، طبعا هالمنتجات مو كل مكان يبيعونها لا في محلات معينة بس أعتقد كل الخليج عندهم وكيل.:study:
اللي تبغي تعرف إذا يبيعون المنتجات في بلدها تشوف السايت تبعهم أو تشترينه أون لاين، وممكن تسوين إختبار لشعرج أون لاين بعد.:I:
طبعا قالت لي لازم كل بين يوم وترك أو كل يوم تغلسين شعرج بشامبو مناسب أنا قلت لها عن هيد أند شولدر بما أن عندي قشرة وقالت لي أوكي وايد زين، وإستخدمي بعده بلسم أو حمام زيت. طبعا هم بالأول قالوا لي أستخدم شامبو عادي من عندهم فيه زبدة الشيا وايد مدحت لي في هالتركيبة لكن سعره خلاني أفكر مرتين قبل ما أشتريه ههههههه وقلت خلني على هيد أند شولدر قوي ورخيص ههههههه.;)
وطبعا يا بنات إحنا متعودين نغسل شعرنا بالشامبو بسرعة بسرعة ونطلع، لكن لا لازم تغسلين شعرج بالشامبو مرتين مره ع السريع والمره الثانية تدلكين بكف اليد وتتركين الشامبو خمس دقايق على راسج على بال ما تتليفين، وبعدها تحطين البلسم من الشعر اللي تحت والباقي فوق بدون ما تلامسين الفروة يعني البلسم بس للشعر وبعدها تغسلينه بالماء شطف عادي بس لا تهلكينه غسل بعد البلسم، ولا اتخلين البلسم في الشعر وايد كلها دقيقه وخلاص.
وكلما تحسين شعرج بدى يدهن غسليه، حتى لو كل يوم ما يضر، يعني الغسال يعتمد على تراكم القشرة والدهون بالفروة.
والتدليك يا بنات وايد مهم يعني أول ما لمست راسي قالت لي فروتج ما تتحرك، هي لازم تتحرك مثل بشرة اليد ووصتني إني قبل النوم أمشط شعري وأدلكه زين ما زين.
وهذي مشطي
والمشط له دور بعد يعني شريت لي مشط خشب (يعني أسنانه خشب مو المقبض هههههه) وطريقة التمشيط لازم تسوين مثل ما أمهاتنا قبل يمشطونه بالقوه على الفروة هههههه يعني بهالطريقة تمشطين واتدلكين بنفس الوقت.
وبعد يا بنات قمت آخذ حبوب فيتامين للشعر.
والحمد لله لا إله إلا الله شعري بدى يتعافى هههههه
وقلت لازم أنقل لكم تجربتي وتستفيدون منها.
الموضوع حصري لعروس لكن اللي تبغي تنقله عادي تنقله أنا أبغي الكل يستفيد من هالمنتجات مو عشان دعاية لالالالالا عشان أنا لفيت كل الدنيا وما لقيت مثلها قول وفعل ههههه