منى الشرقي يا البحرينيات

انا اتابع عندها والدكتوره حدها تينن والحمدلله ارتحت منها وايد :)
والمواعيد طبعا مره في الشهر لي السابع اظن وبعدين كل اسبوعين وهاللون وتاخذ على كل مره 10 دينار + 15 دينار حق الالتراساوند يعني التوتال 25 بس للأسف اهي الحين ماتولد فمن هالشهر بروح اتابع عند د. فرح في التخصصي بما اني راح اولد هناك ان شاء الله ...

دلوعة أبوي شكرا على الرد السرييييييع

أنا بغيت اتابع عندها لاني موظفة ما اقدر كل يوم بروح باخذ اجازة

المهم شي ثاني
الحين اللي يتابع في الخاص ما يقدر بعدين يولد بالسلمانية ؟؟

حاضرين لج اختي :)
ماعندي فكره صراحه اختي بس على ماعتقد يصير تولدين بالسلمانيه مدام انه مستشفى حكومي والدكتورة بتعطيج بطاقتج اللي فيها معلومات عن كل شي وهذا اهم شي عندهم المستشفيات وسأليها انتي بعد احسن علشان تتأكدين، لأني انا ماكنت اتابع بالمركز بعد بس عندها ...

انا عندي موعد شهر واحد بالمركز - بكون في السهر الرابع -
يمكن اروح ليهم و اسألهم مرة وحدة اذا يصير تصير ولادة عند السلمانية اذا ما كنت اتابع وياهم على طول
و في نفس الوقت بتابع عند منى

بصراحة ماانصحش فيها هي مو لانة فيها شي لا
بالعكس حبوبة وطيوبة بس ماتعطي فرصة تسالينها عن شي ولا تعطي نفسها فرصة تشرح للمريضة حالتة من كثر ماهي مستعجلة
لانة تاخذ مرضى واجد اكثر من الوقت الي عندها فتبة تمشي بسرعة
اني اتابع عندها لكن بغيرها لانة ماني عارفة ويش حالتي بالضبط
لانة ماشرحت لي شي عن حالتي
ولا شفت اي تغير في علاجي
صار لي سنتين اعاني من نزول الدورة مرتين في الشهر وللحين مافي تغير
انتي بتروحين الليها وبتشوفين بنفسج

مرحبا خواتي

شرايكم بالمستشفى التخصصي تنصحوني اولد فيه ؟؟؟

وشنو افضل المستشفيات للولادة في البحرين ؟؟

بسمةقلبي;10727903:
انا عندي موعد شهر واحد بالمركز - بكون في السهر الرابع -
يمكن اروح ليهم و اسألهم مرة وحدة اذا يصير تصير ولادة عند السلمانية اذا ما كنت اتابع وياهم على طول
و في نفس الوقت بتابع عند منى

بس دام عندج موعد في المركز اكيد يصير ، انا رفيجتي كانت تتابع في الخاص وبالمركز وعطوها المركز بطاقة فيها اسم الدكتورة اللي المفروض تولدها في السلمانية ...

**ام عبادي القمر**;10727927:
بصراحة ماانصحش فيها هي مو لانة فيها شي لا
بالعكس حبوبة وطيوبة بس ماتعطي فرصة تسالينها عن شي ولا تعطي نفسها فرصة تشرح للمريضة حالتة من كثر ماهي مستعجلة
لانة تاخذ مرضى واجد اكثر من الوقت الي عندها فتبة تمشي بسرعة
اني اتابع عندها لكن بغيرها لانة ماني عارفة ويش حالتي بالضبط
لانة ماشرحت لي شي عن حالتي
ولا شفت اي تغير في علاجي
صار لي سنتين اعاني من نزول الدورة مرتين في الشهر وللحين مافي تغير
انتي بتروحين الليها وبتشوفين بنفسج

بالعكس اختي انا تاخذ وقت وايد وياي صج ان دايما عندها زحمه بس دايما اسألها وماقط حسيتها متضايقه او تبي تمشيني بسرعه بالعكس تعطيني الجواب عدل وكامل حتى يوم اسوي التراساوند بالرابع مابين الجنس خذت يمكن اكثر من 20 دقيقه وياي وقالت لي روحي شربي قهوه واكلي كاكاو وردي بعد ربع ساعه ورجعت سوت لي وخذت وياي 10 دقايق زياده ، واعرف وايد بنات تابعوا عندهم وولدتهم يوم كانت بمستشفى النور التخصصي وولدت خالتي في السلمانيه يمكن من حوالي 9 سنوات ومدحوها لي بس حسافه انها ماتولد الحين جان على طول بختارها اهيه ...

دلوعة ابوي حبوبة وقت الفحص تاخذ وقتها مااقول لج لا
بس بعد ماتخلص من السونار او الفحص السرير على طول تختم لج الورقة وتعطيج وياها ولا تعطي الواحد فرصة يسالها شي ولا تقول مثلا سوي جذي او جذي
يعني اني فيني تكيس ولا قالت لي خففي وزنج ماعرف الا من بنات المنتدى كل وحدة تقول دكتورتها قالت الليها خففي وزنج
بس كتبت لي حبوب وبس
والدليل اني صار لي سنتين اعاني من عدم انتظام الدورة وللحين ماتحسنت حالتي
اتصدقين المفروض من اول مرة اروح اليها اتسوي لي سونار علشان تشوف المبايض فيني تكيس او لا
اني من ثالث زيارة قلتها لها ابي سونار لو ماقلت الليها مااتوقع بتسوي لي
وتالي طلع فيني تكيس والياف يمكن طول الفترة الي كنت اعاني من نزول الدورة مرتين في الشهر وهي تعطيني علاج من غير ماتدري ويش فيني
وعلى العموم لو كنت الوحيدة الي حاسة بهالشي بكون غلطانة بس اكثر من وحدة سمعتها لاحظة هالشي مو بس اني

كل شي جايز اختي يصير بعد الدكتور انسان وعادي يغلط ، عموما ماتشوفين شر ان شاء الله روحي دكتورة ثانيه وان شاء الله خير ...

منى الشرقي وايد ممتازه لمتابعة الحمل وشاطره ما شاء الله عليها انا تابعت عندها وولدت في المستشفى العسكري ..

يمكن لمتابعة الحمل زينة

بس لعلاج روحي الى اشطر منها

هدى الجفيري

صباح شهناز

**ام عبادي القمر**;10728191:
دلوعة ابوي حبوبة وقت الفحص تاخذ وقتها مااقول لج لا
بس بعد ماتخلص من السونار او الفحص السرير على طول تختم لج الورقة وتعطيج وياها ولا تعطي الواحد فرصة يسالها شي ولا تقول مثلا سوي جذي او جذي
يعني اني فيني تكيس ولا قالت لي خففي وزنج ماعرف الا من بنات المنتدى كل وحدة تقول دكتورتها قالت الليها خففي وزنج
بس كتبت لي حبوب وبس
والدليل اني صار لي سنتين اعاني من عدم انتظام الدورة وللحين ماتحسنت حالتي
اتصدقين المفروض من اول مرة اروح اليها اتسوي لي سونار علشان تشوف المبايض فيني تكيس او لا
اني من ثالث زيارة قلتها لها ابي سونار لو ماقلت الليها مااتوقع بتسوي لي
وتالي طلع فيني تكيس والياف يمكن طول الفترة الي كنت اعاني من نزول الدورة مرتين في الشهر وهي تعطيني علاج من غير ماتدري ويش فيني
وعلى العموم لو كنت الوحيدة الي حاسة بهالشي بكون غلطانة بس اكثر من وحدة سمعتها لاحظة هالشي مو بس اني

آآآآه ضربتين على الوتر الحسااااااس يا ختي ..آنة من سنة 2008 كنت أتابع الحمل عندها و طبعا اكتشفت لي وجود الياف في الرحم المهم كنت مرتاحة نفسيا عندها و لمن وصلت للشهر الثامن لاحظت الدكتورة ان راس الجنين مو نازل في الحوض و لهذا حولتني على استشاريين الطب الخاص في السلمانية و هناك حجزت عند الدكتورة هدى لجفيري الله يذكرها بالخير و قررت لي عملية قيصرية و الحمدالله ولدت و بعد خمسة اشهر حملت بالخطأ نتيجة استخدام الماننع الطبيعي الفاشل :mad: و بعد تابعت الحمل عند الدكتورة منى الشرقي و للأسف هالمرة لاحظت اشكثر سلبيات اولها تركض ركض في الحجي تبي بسرعة تتخلص مني حتى تستلم الي وراي من كثر الزبائن الي عندها و مع ذالك بعد وواصلت عندها بس الي باط جبدي أنها خبرتني أني راح اولد طبيعي هالمرة فقلت لها بس يا دكتورة انة ما صار على عمليتي القيصرية الا سنة اشلون تخليني اولد طبيعي اكيد راح يصير ضغط على العملية اثناء التعصر في الولادة و ينفتح الجرح فقالت لي مو في كل الأحوال فقلت لها أنة متعقدة من خالتي لان وضعها مثلي ما صار لها من ولدت وايد الا و حملت بالمولود الثاني و بعملية قيصرية و اثناء التعصر انفتح جرحها و اضطروا يخيطون عمليتها فقالت لي تطمني و توكلي على الله و خلتني اتابع فترة الحمل كلها عندها في العيادة و لا حولتني على استشاريين الطب الخاص في السلمانية و لاني ما كنت متطمنة لقرار الدكتورة منى الشرقي في اني اولد طبيعي قممت حجزت موعد عند استشارية في الطب الخاص في السلمانية (أمل حساني ) لان الدكتورة هدى لجفيري طلعت من السلمانية و فتحت لها عيادة في لبسيتين المهم يوم قرب موعدي عند الاستشارية امال حساني بيوومين جاني الطلق و رحت قسم الطوارىء في السلمانية ومن قاسوني و لقوا فاتحة اربعة سم لبسوني ونقلوني وحدة المخاض و الولادة و اهناك التموا علي الدكاترة و كلموني بعصبية ليش دكتورة منى الشرقي ما حولتج على السلمانية قلت لهم مادري انا سألتها فقالت لي لا خلج لين ييج الطلق و تولدين طبيعي قالوا لي بس عمليتج فرش وما تتحمل تولدين ططبيعي و نادوا زوجي وكلموه اشلون دكتورتها تقرر لها طبيعي و هي عمليتها ما صار لها سنتين و على هالاساس لازم توقع على عملية قيصرية حتى ما تتعرض حياتها و حياة الجنين للخطر و وقع زوجي على عمملية و انة وقعت و الحمدالله ولدت بالسلامة و يبت ولدو اليوم لي ثمنطعش من ولدت.. لكن خذيت في خاطري من الدكتورةمنى لان همها لفلوس مو حياة البشر لأن استشارتها كانت راح تعرض حياتي و حياة جنيني للخطر و اتخذت قرار في نفسي اني ما اراجعها لأي شي و الحمدالله في غيرها اكفاء وايد و أن شاء الله كلمت زوجي يححجز لي موعد عند الدكتورة زينب لجفيري او هدى لجفيري بعد ما اخلص الاربعين حتى تقرر لي مانع حمل و تسوي لي التراساوند و تشوف الرحم حتى اعرف عن الالياف لان طول الستعة اشهر الي طافت كنت اسوي اللتراساوند عند الدكتورة منى الشرقي و كل ما اسألها عن الالياف تقول لي ما اشوفهم بس اشوف الجنين ارد اسألها يعني راحوا من نفسهم تقول لي لاء ما راحوا اكيد موجودين بس ما اشوفهم الصراحة مو متطمنة لكلامها وابي استشير دكتورة ثانية في هالموضوع .. مسامحة خواتي طولت عليكم كل هذا من الحرة الي فيني من استشارة الدكتورة خلتني اعاني في الطلق يومين و بعيدن اولد قيصرية الله يسهل على كل الحوامل و يولدون ولادة سهلة ميسرة و ربي يرزق كل محرومة الذرية الصالحة و يبلغ الجميع ممرادهم اللهم آمين