قلت لها: مصيبه أكبرمن الموت ومن شي يغضب الله .. خير؟ قالت : .........

:down::down:

هذي قصه حقيقيه صارت لي مع وحده من زميلاتي ....

في البدايه كانت معي بالمدرسه ولاأعرفها ولا تعرفني ... لكنها جت
وتعرفت علي كانت أكبر مني بسنتين ... ما ارتحت لها شعور في داخلي
قالي البنت هذي مهي زينه ( ليست جيدة ، مش كويسه ) لكنها حاولت
تتقرب مني بشتى الوسائل عرفتني على صديقاتها وشلتها عرفت نفسها
على صديقاتي بشكل فظيع .. ما كنت أحبها لكن مجاملة لها كنت أسولف
معها اذا جتني ولا في يوم فكرت إني أروح عشان أسولف معها أو أوسع
صدري عندها كانت هي اللي تجي عندي وهي اللي تتصل علي في أي
وقت الظهر والناس نايمه أو بعد الساعه 1 وهذا عندنا يعتبر وقت متأخر
بالنسبة لمكالمات تلفونيه وخصوصا لبنت في سن الراهقه ..
وفي مره كنت معها في المدرسه وكان معها دفتر أحد كاتب لها وموقع
باسم بنت (م) فقريتها ( قرأتها ) أنا توقعت إنها وحدة من صديقاتها أو قريباتها .. لكن وحدة من صديقاتها أشرت علي وقالت : دلوعه تعرف (م) ؟
قالت لها صديقتي (س) : لا بس راح أعرفها عليها ..
وكان هذاك اليوم آخر يوم لها في المدرسه فاخذتني على جنب وقالت لي : بصراحه يادلوعه هذا اللي موقع هنا ولد مهو بنت ..
أنا : يعني أحد قرايبك ؟
هي : لا هذا خويي ( صديقي ، البوي فرند حقي ، my boy friend ) ..
أنا : بصراحه أنا ما توقعت يكون عندك صديق ..
هي : ليش أنا أقل من الخواجيات ( الغير عربيات الذين لاهم على دين ولا مله ) ...
(عندنا في دولتنا عائلات محافظه للغايه ويمكن هذي لو يدرون عنها أهلها شويه لو يذبحونها وعموما عندنا لا يمكن بنت تصادق حتى ولد عمها لو تموت )
---- بعدها صمت ولم أستطع أن أقول شيئا فهي أكبر المتشبهات بالغرب ..
عندما رجعت إلى المنزل قررت أن أقطع علاقتي بها بعد أن عرفت كل هذا عنها .. لأنني من عائلة محافظه ولربما غضب علي أهلي لو علموا أني أمشي معها ..
وأخبرت أهلي إن هي اتصلت يقولون لها إني مو موجودة ...
ومرة دق التلفون وكان الكاشف خربان ولاأدري مين اللي يتصل فرديت وطلعت هي وكان صوتها مخنوق كأن لها ساعات وهي تصيح ( تبكي ، تعيط ) أنا قلت إن شاء الله إن البنت تابت وهذي آثار الهدايه ...
وهذي كانت المكالمة ....
أنا : الو
هي : ا لـ ـو
انا : هلا مين
هي : انتي دلوعه
انا : ايه مين انتي
هي : انا (س)
انا : ايه نعم وش فيك
هي : شفتي وش صار فيني مصيبه وطاحت علي
انا : ليه مات لكم أحد ...
هي : لا أشد من كذا
انا : سويتي شي يغضب الله
هي : لأ أشد من كذا
انا : مصيبه أكبر من الموت ومن شي يغضب الله .... خير ؟
هي : حـبـيـبـي تركني
انا : بس ؟!
هي : وشو اللي بس رجع لزوجته الأولى أم عياله وتركني وحتى ما تقدم يخطبني من أبوي ..
انا : عارفه هذا أحسن شي سواه في حياته .. إنه تركك ..
هي : ليه ؟؟؟
انا : كنتي ناويه تخلينه يطلق أم عياله ويشتت عياله الصغار اللي ما يفهمون شي من هالدنيا ويتزوجك . وبعدين حتى لو تزوجك راح تعيشين معاه بسعاده لأ أبدا راح يشك فيك ويخليك خدامه عنده وبعدين راح يقول دامها كلمتني في بيت أهلها راح تكلم غيري وهي في بيتي ...
احمدي ربك اللي ما راح يفضح فيك عند أهلك وربعك كلهم ...
هي : بس أنا أحبه .
انا : حبك برص انشاء الله ( حبك برص مثل عندنا يعني حبك بعرصي أو ظاطور أو أي شي شين انتم تسمونه ) الحين لازقه فيه وتبينه يطلق مرته وانا لي ساعه نشف حلقي وانا اقولك فوائد تركه لك وبالأخير أحبه يابرودك ..
هي : طيب وش أسوي الحين ..
انا : هو سوا فيك شي حرام ..
هي : لأ ..
انا : خلاص الله يجزاه خير انسيه وريحي بالك وسوي أي شي تحبينه ..
هي : وبعدين ..
طبعا في هذي اللحظه انا مليت منها يعني تخيلوا وحدة لزقه وترفع الضغط وغبيه ..
انا : لا تتصلين علي مرة ثانيه ..
هي : ليه ؟
انا : لأنه بصراحه حركاتك ما تعجبني يعني مثل الأخويا العيال ( الأصدقاء الأولاد ، البويز فرندز ، boys friends ) وأهلي زي ما أنتي عارفه ما يحبون هالحركات ..
هي : طيب هذا (م) تركني يعني معد صار عني اللي تقولين ..
انا : اللي خلاك تصادقين الأول وتحبينه يخليك تصادقين واحد ثاني وتحبينه بعد .....
هي : والمطلوب ؟
انا : ما يكون بيني وبينك أي علاقه وتنسين رقمي ..
هي : بس انتي يا دلوعه الوحيدة اللي لازلت أقدر أتصل عليها وأكلمها بهالموضوع ..
انا : وين صديقتك (أ) مو كانت تسوي زيك ؟
هي : من يوم ماتت أمها التزمت ولا عاد صارت تكلم وقالت لي اذا بغيتي تكلميني تكلمي عن أي موضوع إلا هذا الموضوع ..
انا : وانتي لازم تموت أمك عشان تلتزمين ...
هي : بسم الله على امي عسى عمرها طويل ..
انا : امك بتموت لو درت عنك وبتحسين بالذنب طول حياتك ..
هي : .....
انا : يالله ترانا طولنا تبين شي
هي : لا سلامتك بس أقدر اتصل مرة ثانيه
انا : اسفه لا ...
هي : طيب مع السلامه ..
انا : مع السلامه ...
................
ومن بعدها معد سمعت صوتها لكن سمعت عنها أخبار إنها ما تابت ومن سئ إلى أسوأ .....

عطوني حل لمشكلتها خصوصا إنها بدت وحسب كلام مصادر موثوقه تجلس في الحمامات لأوقات طويلة من بنات مدرستها وصديقاتها ..

..................... أعتذر على الإطاله .......

والسلاااااااام .....

أختكم ......

دلو و و عه .....
:rolleyes: