جلسه مع حامل ... أشياء استفدتها وتعلمتها ... ( الجزء الأول: الاجهاض )

ف

فرح الهوى

عروس مبدعة

01-12-2009 | 11:28 AM

[COLOR=red]السلام عليكم ... [/COLOR]

شلون الحوامل ... ؟؟

ربي يسهل عليكم .. ولا يرويكم مكروه ..

انا من النوع الي يحب يقعد على النت واجد .. مو ضياع وقت .. لا ..

أحب ادش مواقع علمية وطبية اجنبية :study: .. والله مرات اشوف العجب ... !!

فقررت ان كل ما اشوف شي يعجبني وغريب .. يعني ما سمعنا عنه بكتبه لكم ..

[COLOR=red]وبما اني حامل ,,, فالحين كل شي ادوره عن الحمل والبيبيات :!!: ,,, [/COLOR]

المهم ,,

يوم من الايام كنت اشوف مسلسل دقات قلب .. التركي الي يجي على ابو ظبي .. تقريبا الاحداث كلها تتشابه في المسلسلات التركية ,, انا فلانه تحب فلان .. وهو يحبها بس متعلق بقصة حب او يعشق وحده ثانية .. واخو هالوحده يحب حبيبة الأول ... وناس فلسوا .. طاحت شركتهم

.. وفي شي كنت اشوفه الي هو دايما يتكرر ان الوحده تحمل وبعدين تروح تقول ... انا تخلصت من الولد .. لازم هالسالفة تسير ...

الي صار .. وانا كنت اشوف الحلقة الي الممثلة توها راده من المستشفى توها مطيحة الولد وراحت سريرها ترتاح ... ساعتين بالكثير .. الي هي قايمة ما فيها شي ...

وانا اشوف .. قلت اكيد عملية الاجهاض سهلة ... فطرا فبالي من زمان واحنا نسمع اجهاض واجهاض .. انزين .. شلون يصير الاجهاض ... ؟؟ خاطري اعرف مره ...

ويالتني ما عرفت :-# .. من يوم ما عرفت وانا متخزبقة :confused: .. لان انا بصنف الاجهاض جريمة مو بس عملية ...

والله جريمه على الي يسوونه في البيبي ...

شفت في فيديو وصور شلون يسير ... والله يخرع .. خاصه اذا كان كبير والله يقطع القلب ..

تدرون ان الاعلام فامريكا يحاول يوعي الناس بالاجهاض وخطورته .. ويرويهم بالضبط شلون تصير العملية .. عشان يستوعبون الشي الي يسير ..

في البداية برويكم فيديو ... بس للاسف انه بالانجليزي .. ويمكن مو كل البنات بيفهمونه .. بحاول اترجم لكم ,,,

http://go.3roos.com/GHp7qLOONyf

في البداية يقول ..

ترحيب ...

اليوم ببتكلم عن ( ما هو الاجهاض ) ؟

في الثلاث الشهور الأولى تسمى عملية الاجهاض ب (suction curettage suction)

عندي هنا مجسم لجنين عمره 12 اسبوع من الحمل بمعنى آخر 10 اسابيع من بداية الحمل << ما فهمت شيقصد بس المهم ان عمره 12 اسبوع

هذا هو الحجم الطبيعي لجنين في عمره ..

عشان ما تخربطون انا عند دقيقة 0:24

وعندي هنا في يدي انبوبة زجاجية تدعى ب (canula)

هذه الاداة التي في يدي حقيقة تستخدم لقتل الجنين بالطريقة التي ساشرحها لكم ...

انا عند دقيقة 0:36

الانبوبة تدخل الى الرحم وتكون موصوله بمضخه .. تشغل المضخه ويتم تحريك الانبوبة حوالين البيبي .. يعني نفس الي يضربونه فيها من كل صوب .. وقوة المضخه يا بتفتت الجنين يعني بتقطع جسمه وبعدين ينشفط خلال الانبوبة .. او اذا كان الجنين صغير وايد علطول بيروح داخل الانبوبه .. طبعا هاي كله بمساعده المضخة

انا عند دقيقة 1:02

الحين بيشرح لكم شي عن المحكمة الي صارت في امريكا عن الاجهاض ... قاعده اشوفها انا .. توني ما خلصتها .. بس بيذكر منها ان ..

[COLOR=black][COLOR=indigo]كما قال الدكتور Biltmore و Haskell [/COLOR]في المحكمة قالو ان بعض المرات الجنين ينزل لين العلبة الي يجمعون فيها الاجنة وقلبه توه يدق .. :([/COLOR]

انا عند دقيقة 1:13

بعد ما تخلص الانبوبة شغلها والجنين ينزل تجي الحين دور اداه ( الي يستخدمونها في الغسيل لما الوحده تسقط بعد ) الي بتنظف الرحم من بقايا الاجهاض .. واذا في شي عالق من المشيمة او دم باقي .. ومره ثانية بعد يمشون الانبوبة عشان يتاكدون زيادة انا ما في شي باقي ..

هذه حقيقة الاجهاض ...!!

واذا كنتوا تبون تشوفون صورة عن الاجهاض ... روحوا الموقع مالهم .. انا جبت لكم صورة لاجهاض جنين (9 اسابيع) ..

باشرح لكم الصورة ...

اول جزء فوق على اليسار ... يحطون اداه الي تساعدهم يوصلون للرحم .. وبعدين يدخلون الانبوبة الي قلنا عليها .. الي موصوله بالمضخة ويبدون يضربون البيبي فيها ..

الصورة الي جنبها .. يبدون يسحبون اجزاء البيبي ويحطونها في العلبة الي تبين .. هاي فيها الدم والمشيمة والجنين ..يعني يشفطون كل شي ..

والصورة الي تحت يسار ... يسوون تنظيف للرحم .. وفي الاخير حاطين صورة لجنين طلعوه من العلبة ...

في النهاية ينصح الناس ان لازم هالعملية توقف والناس تهتم شوي في هالموضوع .. لان الاطفال كل يوم عندهم ينكبون في الزباله ...

..

شفت في فيديو ثاني شلون الاجنه بعد الاجهاض مجمعينهم ... تقطع قلبي ... تخيلوا في سنة 2002 في امريكا اجهضوا مليون وثلاثمية الف طفل ... هذي تقريبا نفس عدد السكان عندنا ...

وهذا مقطع الفيديو ...

http://go.3roos.com/OZcQ3ObdezG

انا ما اتكلم عن هالشي عندنا في بلدانا العربية والاسلامية ... بس ... قلت لازم تعرفون .. لان انا ملاحظة هالسالفة قامت تتروج عندنا وتصير شي عادي ...

الشي الي يعور القلب زياده :( ... شلون يسوون اجهاض لبيبي في المرحلة الثانية من الحمل ...

والله اجرام .. !!

بس نخلي هالموضوع للجلسة الجاية ...

الموضوع جهد شخصي .. ما احلل اي وحده تنقله لاي منتدى ثاني .. الا تذكر المصدر ... عروس دوت كوم ...

وسلامتكم ... :woo:

^

^Abeer^

عروس مبدعة

01-12-2009 | 11:45 AM

جزاج الله خير ع المعلومات
المفيده وع الفيديو
والله صحيح جريمه
كيف نفسهم طوعهم في ناس تتمنى اظنا وفي ناس
ياسبحان الله مشكوره وتستاهلين احلى تقيم
والله يتمم عليج وع حملنا يارب

ر

ريم81

عروس ماسية

01-12-2009 | 12:15 PM

ياااااااه

اول مره اعرف هالشي

و اشكرك على وضع الفيديو فعلا كلام مؤثر و طريقه اجراميه

كيف وحده ترضى يسووا فيها هالشي

حرام عليها اي وحده ترضى انه يصير فيها هالشي طواعيه اما اللي من الله

ربي يعينها

الله يعافينا اولا و اخيرا

أ

أمـ بشاير

عروس جديدة

01-12-2009 | 12:46 PM

يعطيج العافية حبيبتي

:-# حسبي الله و نعم الوكيل فيهم

ف

فوانيس

مشرفة سابقة

01-12-2009 | 02:27 PM

يعطيك العافيه فرح الهوى على الموضوع المفيد
و الصور جدا مؤثره:(
فعلا جريمه

ا

اسيرة حبيبي

عروس جديدة

01-12-2009 | 02:45 PM

موضوع جدا مفيد
ومنتظرين الجزء الثاني

D

Daloo3t_Obooy

عروس برونزية

01-12-2009 | 02:50 PM

حسبي الله ونعم الوكيل :(
ناس تتمنى الضنى وهم يجهضون نفسهم ...

شكرا عالموضوع اختي ...

!

! أم حسووون !

عروس جديدة

01-12-2009 | 03:38 PM

ناس ما عندهم إيمان ...

يسلموا قلبوو على الفيديووو

ا

ام فطومة الحلوة

عروس فضية

01-12-2009 | 04:12 PM

موضوع جدا مفيد

ومنتظرين الجزء الثاني

ر

ريحانتي

عروس ماسية

01-12-2009 | 04:56 PM

موضوع وجهد جد مهم نعرف عنه اكثر واكثر
يعطيك الف الف عافية اختي
ننتظر الباقي ..لنستفيد..

W

Warmth

عروس مشاركة

01-12-2009 | 04:58 PM

استغفر الله العلي العظيم الذي لا اله الا هو الحي القيوم واتوب اليه.

والله مافي امل اشوف الفيديو، قريت شرحك وتقطع قلبي.

L

Lovely lolo*

عروس ماسية

01-12-2009 | 05:17 PM

مجهود راائع حبيبتي
موضوع مهم ومفيد
مشكووورة خيتوو

ا

انكساري شموخ

مشرفة سابقة

01-12-2009 | 06:03 PM

وااااو مشالله علييييج موضوع متكامل ومهم لكل وحدة
تستاهليين التقييم

م

مااهاب الا من خلقني

عروس نشيطة

01-12-2009 | 06:12 PM

جزاك الله خير
بس انا بصراحه قلبي ضعيف واتأثر بسرعه ومابغيت اشووف الفيديو بس قريت الكلام وشفت الصوره وتقطع قلبي والله حرام عليهم

*

*زهـــرة ليبيـا*

عروس برونزية

01-12-2009 | 06:20 PM

لاحول ولاقوة إلا بالله العلي العظيم

والله شئ يقطع القلب

شكرا أختي

ف

فرح الهوى

عروس مبدعة

01-12-2009 | 06:30 PM

مااهاب الا من خلقني;10723700:
جزاك الله خير
بس انا بصراحه قلبي ضعيف واتأثر بسرعه ومابغيت اشووف الفيديو بس قريت الكلام وشفت الصوره وتقطع قلبي والله حرام عليهم

Warmth;10723418:
استغفر الله العلي العظيم الذي لا اله الا هو الحي القيوم واتوب اليه.

والله مافي امل اشوف الفيديو، قريت شرحك وتقطع قلبي.

الفيديو الأول .. ما يخرع .. بس فيه الطريقة بالمجسمات
الفيديو الثاني .. نوعا ما يخرع

ف

فرح الهوى

عروس مبدعة

01-12-2009 | 06:31 PM

العفو ... لكل البنات

اهم شي استفدتوا .. وانتظروا الجزء الثاني .. بعد ايام ..

ا

العيون الكحيلهـ

عروس مبدعة

01-12-2009 | 09:29 PM

ياا ربي كسر خااطري الجنين و رب البيت :(

يوم يفتح الدكتور فمه بالملقط و يا عوومري ع الاياادي صغاااار :(
كيف طاوعهم قلبهم

ناس يتقطع قلبهم على طفل و ناس تجهضه بالهبل
الله يرزق كل محروومه يا رب

مشكووره عزيزتي و ننتظر الجزء الجااي

&

ღღ دريـــم ويــب ღღ

عروس ركن النساء والحمل والولادة

01-12-2009 | 10:17 PM

ماشاء الله موضوع اكثر من رائع
ذكرتيني لمى اجهضت كيف بكيت بكى عليه والحمدلله ان ربي عوضني :)

l

life is dream

عروس رائعة

01-12-2009 | 10:47 PM

هلا اختي
شكرا على مجهودك الرائع بس سامحيني انا ما قدرت اكمل قراية الموضوع للاخر و لا قدرت اطالع الصور لاني خفت
بس مشكورة على مجهودك