اليوم حبيت انزل تغليفي لصينية الحلو تبعة العيد وصينية الشوكولاته,,اول شي التغليف كان جدا بسيط واخترت االلون التركواز والابيض ولضيق الوقت عملتلهم ليلة العيد,,ولو كان الشبر اعرض من هيك كان بينت احلى بس للاسف ما كان متوافر عندي,, نبلش بصينية الحلو,,
اول شي اخترت صينية حجمها صغير وطبعا استخدمت كرتون ووورق تغليف سيلفر,,
قصيت الكرتونة بمساحة قاعدة الصينية وغلفتها بالسيلفر,,
قصيت شبر ابيض وتركواز بنفس الطول تبع الصينية,,2 تركواز و1 ابيض لكل جانب,,
لزقت الشبر التركواز بالابض ولازم تكون البيضا بالنص,,
لزقتهم على حواف الصينية بالطول والعرض,,
بعد هيك ثتبتت الكرتونة بالصمغ,,
اخدت شبر تركواز وابيض حطيتهم فوق بعض وعملت فيونكات بهالشكل,,
ولزقتهم على ايدين الصينية,,وهاي الشكل النهائي,,
وهاي شكل اقرب,,
هلا نيجي لصينية الشوكولاته,,
كان عندي صينية قلب,,اخدتها ولزقت على اعلى الحافة شبرة تركوازية داير ما يدرو الصينية,,
بعد هيك حطيت الشبرة البيضا,,
واخيرا حطيت الشبرة التركوازية,,على الحافة من تحت,,
وبقاع الصينية ثبتت الورق المستخدم بالمطبخ,,
صفيت الشوكولاته بشكل متناسق ومتوزان,,وطبعا التثبيت بكون بالصمغ بس يعني نقطة او اقل حتى يكون اخدها سهل,,
وبعد هيك غلفتها بالسلوفان الشفاف,,وربطتها من فوق,,
واخيرا حطيت الفيونكة نفس صينية الشوكولاته,,
وهاي شكل الصينية بعد ما رتبت فيهم الحلويات وكلهم كانو عمل ايدي<<<<دعاية هههههههه,,
وهاي صورة تانية عشان اشهيكم شوي,,
وهاي صورة تالتة لاول رد,,
وهاي شكلهم مع بعض وكانوا نفس الشي,,
[COLOR=Teal]الشغل كان جدا بسيط بس والله الناس فكرو كل شي جاهز,,وهاي اول تجربة وان شاء الله تعجبكم,,والله يخليكم افيدوني بتعليقاتكم,,بانتظار الردود,,
:)[COLOR=MediumTurquoise]لطفا وليس امرا اذا عجبكم موضوعي تقيموني وتدعولي:)
[/COLOR][/COLOR]