سلام عليكم
شخباركم؟؟؟؟
عيدكم مبارك وكل عام وانتم بخير عرايس
عندي سؤال بنتي عمرها سنتين وسبعة شهور وتعلمت الحمام بس مشكلتها تبول في فراشها في الليل ويش رايكم البسها حفاظ بس في وقت النوم؟؟؟؟؟؟
محتارة اخاف البسها وترد تعتمد عالحفاظ
ويش اسوي علشان ما تبول في الليل؟
حبيبتي اذا هي من فترة طويلة تخلصن من الحفاظ أنصحك انك لاترجعيلها ياه عشان ما ترجع تتعود عليه بس حاولي لاتعطيها سوائل أبدا قبل النوم و ثاني شي تقوميها ع الحمام كل ساعتين تقريبا أو حسب ما تشوفي بنتك كيف و ثالث شي أعطيها ملعقة عسل قبل لاتنام بساعدك تقعد وقت أكثر بدون ماتبلل نفسها و هذا كله بس لفترة قصيرة لين شوي شوي تتعود تكمل الليل كله بدون ما تبلل نفسها ان شاالله بس لاتنسي أختي نحن هالحين داخلين فصل الشتاء و أي طفل حتى لو صارله سنتين شايل الحفاظ ممكن يبلل نفسه أحيانا بسبب البرد و الله يخلي لك البنوتة و تشوفيها عروس
[QUOTE=و غارت الحور;10715362]حبيبتي اذا هي من فترة طويلة تخلصن من الحفاظ أنصحك انك لاترجعيلها ياه عشان ما ترجع تتعود عليه بس حاولي لاتعطيها سوائل أبدا قبل النوم و ثاني شي تقوميها ع الحمام كل ساعتين تقريبا أو حسب ما تشوفي بنتك كيف و ثالث شي أعطيها ملعقة عسل قبل لاتنام بساعدك تقعد وقت أكثر بدون ماتبلل نفسها و هذا كله بس لفترة قصيرة لين شوي شوي تتعود تكمل الليل كله بدون ما تبلل نفسها ان شاالله بس لاتنسي أختي نحن هالحين داخلين فصل الشتاء و أي طفل حتى لو صارله سنتين شايل الحفاظ ممكن يبلل نفسه أحيانا بسبب البرد و الله يخلي لك البنوتة و تشوفيها عروس[/QUOTE
تسلمين اختي عالرد
ما قصرتي بس جربت اخذها للحمام تصيح ولا تبول ولا تنام عقب إلا بصياحها
بجرب نصيحتش عن العسل وان شاء الله تنفع
رأئي من راي الاخت
وغارت الحور
الله يخلي لج العروسه ,,
ولدي للحينما وصلت معاه لهالمرحله
الله يعيننا عليها
بس مثل ماقالت لج ( وغارت الحور ) قعديها كل ساعتين أو ثلاث ساعات
عشان تدخل الحمام ,, وان شاء الله فتره وتعدي
حبيبتي انا مو متزوجة
بس انا اقرا واعرف ان الطفل اهم شي عشان مايتبول بالليل لازم يتنظم نومه مايسهر زيادة ولايشرب سوائل قبل النوم...
قوميها للحمام مثل ماقالوا الاخوات..نظميلها نومها ولاتعطينها سوائل..
الله يحفظها لك..
قبل النوم بفترة لاتعطيها سوائل
لازم قبل ماينام بساعة اوساعتين ماياخذ سوائل وقبل النوم كم مره الحمام
وحبيبتي عادي لبسيه اياه وهو نايم بدون مايحس اذا شفت الموضوع طول انا بنت خالي كذا كانت تسوي وماتعود عليها عادي
خيتوو قبل النوم تقريبا ب3 ساعات لاتعطينها سوائل
وقبل النوم دخليها الحمام
وبعد ماتنام كذا ب 4ساعات قوميها الحمام تتبول ورجعيها تنام
والصباح اذا صحت على طول الحمام
والحين برد
حاولي تدفينها زيين لان البروده تخليهم يتبولون
شكرا لكم حبيباتي عالردود الزينة
ومنكم نستفيد
لبسيها حفاظه وقت النوم عادى مش هتتعود عليها تانى
فى فتره الشتاء فقط وعلى الصيف تكون اتحكمت فى نفسها ومش هتعملها على نفسها تانى
تسلمون خواتي عالردود
الله يجزاكم خير
اني اول ما عودت ولدي ع الحمام تم بالحفاظه وقت النوم وبعدين بعدها بمده قمت اشيلها وقت النوم و احاول ادخله الحمام قبل النوم مباشره و اصحيه للحمام مرتين في الليل و بعدين بالتدريج صار مره و الحين ما اقعده ولو هو احتاج يقعد بروحه ويقول لي بس الله يستر بالشتا
مرحله صعبه ما ادري شلون تجاوزتها بس الحمد لله الله سهل
ماقريت ردود الاخوات مدري اذا في وحده قالتلك الي بقوله او لا
حبيبتي اول شي انها ماتشرب اي سووائل قبل النوم
والهم انها تقظي حاجتها قبل النوم
لبسيها حفاظ بليل عقب ماتنام عادي
ولاتصرخين عليها ولاتظربينها خليها تستوعب الموضوع
واكيد ماتظربينها بس كنصيحه للي يقرون الكلام انه ظرب الظهر يسبب خفة بول وانتو بكرامه يظل يعاني منه الطفل حتى عمر متاخر يعني ممكن الى سن ال10 سنوات .....
وانتي طولي بالك عليها واهي راح تتعلم مع الايام