بنات تعالوا نحل لغز زيت الحية

بصراحة وايد بنات تكلمن عن زيت الحية


البعض منهن قالن إنه ممتاز و يطول الشعر :clap:


و البعض منهن قالن إنهن ما شافن أي نتيجة من استعماله للأسف :down:



بس يا بنات زيت الحية وايد أنواع فأي نوع هو اللي فعلاً يطول الشعر و يكثفه؟

بعطيكن ثلاثة أنواع منه و اللي أنا شفته في السوق:

الأول في زجاجة صغيرة غامجة مكتوب عليه زيت الحية مع شمع النحل لقيته عند العطار و يقول إنه مستورد من إيران، و سعره رخيص.

الثاني داخل كرتونة بيضاء مثل كراتين أدوية المستشفيات و مرسوم عليه أفعى الكوبرا هذا شفته في الصيدلية و متوفر.

الثالث داخل علبة بلاستيك بيضاء دائرية الشكل متوسطة الحجم ثقيلة شوي و عليها ورقة وردية و على سطح العلبة مرسوم ثعبان و هذا النوع للأسف ما تلقونه دايماً يعني نادر ما تحصلونه و مش كل الصيدليات يبيعونه.

ألحين يا بنات أي نوع هو اللي ممتاز للشعر من بين هالثلاثة؟؟ و أكيد في أنواع ثانية بس يا ليت البنات اللي يعرفون شو هو الأفضل يخبروننا و يعطوننا مواصفات زيت الحية اللي فعلاً يطول الشعر..
بالنسبة لي أستعمل زيت جوز الهند مع الثوم و نتايجه ممتازة في تطويل الشعر و أستعمله من فترة طويلة بس تعبت من رائحته القوية و أفكر في وايد خلطات و زيوت و ألحين أريد أعرف عن زيت الحية و للمعلومية:
استعملت أول نوع مرة واحدة يوم خلصت خلطة زيتي و ما كان عندي غيره بس كان جداً ممتاز و بعدين خفت لأنه رخيص، أما النوع الثالث تستعمله جارتنا لبناتها الصغار و ما شاء الله شعرهن حتى الركب، و كانت قبل تيبه من إيران و ألحين بعض الصيدليات يبيعونه..
فأي نوع يا بنات تعرفون إنه الأحسن و تسلمون ...
أختكن : موشجان :shy: