يارب
يامن قل له عند نعمته شكرنا فلم يحرمنا
ويامن قل عند بليته صبرنا فلم يخذلنا
ويامن رآنا على الخطايا فلم يفضحنا
لبست ثوب الرجاء والناس قد رقدو
وقمت أشكو إلى مولاي ما أجد
وقلت ياعدتي في كل نائبة
ومن علية لكشف الضر أعتمد
أشكو إليك أمورأ أنت تعلمها
مالي على حملها صبر ولاجلد
وقد مددت يدي بذل معترفا
إليك ياخير من مدت إليه يد
فلا تردنها يارب خائبة
فبحر جودك يروي كل من يرد
اللهم إليك اشكو ضعف قوتي وقلة حيلتي وهواني على الناس أنت رب المستضعفين وانت ارحم الراحمين وانت ربي إلى من تكلني إلى بعيد يتجهمني
ام إلاعدو ملكته أمري إن لم يكن بك علي سخط فلا أبالي ولكن عافيتك أوسع لي اعوذ بنور وجهك الذي أشرقت منه الظلمات وصلح عليه امر الدنيا والآخره ان يحل بي غضبك او أن ينزل بي سخطك لك العتبى حتى ترضى ولاحول ولاقوة إلا بك.
أخواتي وحبيباتي
إذا كانت منكن في راحة بال وغير مهمومه بكربه أوهم
أخيتي أسجدي لله شكرأ ع ما أنتي فيه من نعمه
أريد إستشارتكن
أنا في كربه كربه
أسأل أن يفرج عني وعن من به كرب
لا إله إلا الله العظيم
لا إله إلا الله رب السموات ورب الأرض ورب العرش الكريم
أعذروني ع الأخطا بالكتابه والتعبير قاعده أكتب ودي أقول ألي بصدري كله
تعبت من الكتابه
أناسبق وكتبت مشكلتي وردو علي بنات المنتدى الغاليات
وكتبت موضوع آخر يتعلق
بمشكلتي نسخت لكم مواضيعي إختصارأ حتى تفهمو ما سأكتبه لأنة متعلق بمشكلتي
الحالية
شايله جروحها بروحها;4200841:
السلام عليكم ورحمة الله
كيفكم بنات ان شاءالله بخير
أخواتي في الله ارجو من تقرأ مشكلتي تساعدني بالحل أو بدعوة في ضهر الغيب
لي أن يفرج الله همي وكربي فاأنا في كربة لايعلمها إلى الله..........
انا فتاة جميله خلوقه ولله الحمد وملتزمه ومحبوبه لدى الجميع ولله الحمد
مررت في حياتي بمواقف صعبه جداا على إي فتاة تمربها ولكن الحمد لله على كل حال
رزقني الله الصبر فاأنا صبوره إلى ابعد الحدود وكما تعرفون عندما تمر إي فتاة بموقف لابد لها أن تلجأ بعد الله إلى صديقاتها قريباتها وتفضفض لهن
وتبحث عن حلول
لكني انا غير صبوره والحمد لله ماأحب الجأ إلى الناس ولوحتى أقرب القريبات
ولاصديقات .......إنماالجأ إلى خالقي..وهذه من نعم الله علي
...لن أحكي لكن عن الماضي ولكن سأحكي عن مشكلتي الحاليه فاأنا تقدم لي العديد من الشباب منهم الملتزم وغير ذالك ولهم مكانه في المجتمع.,.قرابة 20
ولم يكتب الله لي ذالك ........فقط اصبت بالحسد......تبين لي بعد رؤيا رأيتها.......
أخواتي انا الآن تقدم لي أبن خالي اصغر مني ب 6 أاشهر غير ملتزم كما يقولون لي خلوق ......
والدي وافق عليه أخواتي ووالدتي غيرمقتنعين فيه لي ويقولون انه غير مناسب لي..........
أماا انا فلاأريده وغير مقتنعه
فيه أبدا ..لأسباب كثيره........صار على الخطبه 4 أشهر
وهو لايعرف رأيي رأت والدتي رؤيافيه وفي فسرتها.........
عند أحد المشائخ قال انه في البدايه لن تتم الموافقه من الأسره وفي النهايه ستكون الموافقه من بعش اللأسره
...بناااااات ........انا فهمت انه يقصد أهلي يوافقو عليه
لكن انا أعرف نفسي ماراح اوافق عليه أحس انه غير مناسب لي........
فسرتها مرة أخرى عند مفسرة في أحد المنتديات
وياليتني لم أفسرها في البداية قلت لها الرؤيا كامله ووضحت لها عن الخطبه وكل مايخص الرؤيا....
طبعأ ردت علي وكانت تسألني تستفسر عن شي في الرؤيا وردت علي التأويل انا نسخت لكم كلامها حتى تشوفو ن ردها وكيف كانت المصيبه علي
..آآآآآآآآآآآآآه
تقول
خير باذن الله
في الحلم جدتك قامت تدعي مالدعوة التي دعتها ؟.؟
يدل على انك ماتبين هذا الرجل وان اللي حولك قابلين هذا الشخص ويتمنونه لك وباذن الله يصير لك الخير ويتم الزواج ولكن غير مقتنعة فية والله اعلم_____________
الغريبه إن أهلي كلهم رافضينه ابدأ حتى قريباتي يقولون مانتخيل أنك تاخذينه........
-------------------
طبعأ واقع الصدمه علي ماتتخيلون قعدت كم شهر وربي مريت باأيام أحس إني في عالم وأهلي في عالم لازلت اعيشها وانتضر الفرج من الله............
راح أكمل لكم رديت عليها
أختي..... انا بقولك شي انا رافضه الشخص هذا تماااما واحس اني ماراح اتراجع عنه الي حولي تقريبا رافضين وخصوصا الوالده..
وانا عن نفسي والله.... انه ماهو الشخص الي اتمناه من كل النواحي وهذا الي يخليني مومقتعه فيه ومصره على قراري.............والله يكتب الي فيه الخير طبعا جدتي تبغينه له وتقنع امي فيه
وفي الحلم جدتي أمي تقول تقنعني فيه.......
وتقوللي قولي آمين ورافعه أصبعها
وانا فاهمه ان كلمت آمين تعني نعم تقول واناوقلت خليها بالأول تستخير وتشوف إذا هي تبغيه او لاقالت الساعه 5 مافيه وقت تقول كأنها مستعجله على شي تقول وانا تذكرت انه وقت صلاة نهي الساعه 5اتكلم مع نفسي ..
جدتي ماذكرت دعاء اوشي غير انها تقنع امي فقط
____________
رديت عليها
أختي ارجوك لاتتأخرين بالرد قسم بالله اني في كربه من تفسيرك انه راح يتم الزواج بس قلت يمكن انتي مومتأكده ان جدتي دعت اولا في الرؤيا ويطلع تفسيرها غير وربي.........إني ماأطيقه الشخص هذا لو يعيشني في قصور الدنيا كلها ماأقتنع فيه...........ولاراح آخذه غصب اقعد ببيت اهلي ولاأخذه المعذره على كلامي
من جد متنرفزه .........وواصله حدي يارررررررررررررب يفرجها دعواتك أختي .......
ردت علي.................
باذن الله
الله يكتب لكي الا فيه الخير ياوجه الخير
بالنسبة وضح لي الحلم ( هو يدل على انك رافضته صح ... ولكن في الحلم يدل على احد يحاول يقنعك وباذن الله مايصير الا فيه الخير ...... ولآن فهمت الساعة 5 يدل على لن يتم الامر والله اعلم (
عليك بالدعاء والصلاة ( وقراءة سورة الفتح ويس ) وباذن الله تجدين الخير وعليك بالدعاء وان الله يسر لك امورك
واتمنى من الله ان يحقق لكي امانيك ويكتب لك الخير كله ياحي ياقيوم ..
_________________
بنات وش تفسرون الي يصير معي هي تبغي تهدي فيني الي شككني بكلامها انها تقول أقرأي سورة الفتح ويس والدعاء كأن الأمر حقيقه.ولكن تحاول انها ماتبين لي ان تأويلها كذا ولاكيف ردو علي تكفووووووووووون
انا فسرت قبل كم شهر رؤيا لوحده من قريباتي رأتني في المنام وكأني متزوجه أحد اقاربي
وفسرتها لي
___________
تقول
خير باذن الله
يدل على ان الله يعوضك باذنه تعالى يدل على تعويض وفرحة لك باذن الله والله اعلم ..
_______
أخواتي انا احس اني مو مستوعبه أي شي كيف تأولها اني راح اتزوجه وانا مومقتنعه فيه وبعدها يتغير التفسير انا مدري اصدق او أقول تبي تهدي الوضع ولما اشوف تفسيرها الأوللرؤيا الي قبل بإن ربي راح يعوضك وشلون راح أكون فرحانه وانا راح آخذ انسان مومقتنعه فيه:21_207:
هذا إذا صار لعقلي شي وأخذته .......................
انا ماخبرت اي احد من اقاربي اكيد بتقولون ليه لأني الحين واقفين معي اني رافضته وإذا خبرتهم راح يثقون إني خلاص راح آخذه ومايقفون معي ويروحون يقنعوني فيه.........انا استشرت احد المشائخ قال وضحي لهم انك مومقتنعه فيه وماترضين إي احد يضغط عليك توافقين انا قلت لهم وكلهم معي انه مافيه إي ضغوظ
وقالو لي انه رأيك هو المهم.انا رفضت كم شخص افضل منه وماأقنعوني فيه
..........وحده من قريباتي قالت له إني موموافقه عليه وتقول ردة فعله يقول انتم السبب ياقريباتها لوأنكم موافقين وافقت بس كأنه في الأخير اقتنع لكن يقول ابوي انا خايف يضغط عليهم انهم يحاولون في البنت إذا كانت ماتبغيني خلالاص............وإلا الآن ماطلبو رأيي..............
انا احس إني خلاص مافيني اتحمل وربي ضايقه فيني الدنيا لوموخايفه من ربي كان انتحرت ارتحت من الدنياااااااااا
تكفوووووووووون أخواتي ساعدوني برأيكم ودعائكم الله يوفقكم لاتنطشوني.............
وربي احس اني ماأعرف اتصرف يالله ساعدوني الله يجزاكم الجنه :21_195:
شايله جروحها بروحها;10041016:
السلام عليكم ورحمة الله
كيفكم بنات ان شاءالله بخير
انا عندي موضوع محيرني
وابغي رأيكم فيه بكل صراحه
انا سبق وكتبت موضع يخص مشكله لي بل كربه
وردو علي البنات الله يجزاهم الجنة ويفرج عنهم كل ضيق وكل من يقرأ
ماقدرت اضع الرابط بإمكانكم تشوفون بالبحث عن مواضيعي
================
هذي هي مشكلتي الي كتبتها قبل سنتين كتبتها
وردو علي الأ خوات الله يجزاهم خير استفدت من نصائحهم واعتبرها منحه من الله وليست محنه
ولله الحمد
وماتركت الدعاء بأن ربي يصرفه عني يابنات وربي هو السلاح لاتنسونه=
طبعا هو خطبته مازالت ولم ينهيها هو اقنتنع إني ماأبغيه بس والده موراضي يجي يشوف رأيي وقاعد هو يدور على وحده غيري وإذا اخواته اختارو له وحده رفض مومقتنع فيها وإذا
وافق على وحده رفضو اخواته او ابوه سبحان الله
انا مازلت على رأيي واهلي مثل ماهم يهمهم رأيي والحمد لله
تقدم لي حاليا شاب ذوخلق ودين معلم لاكنه يسكن قرية غير متوفر فيها اسواق مطاعم اماكن ترفيهية .الخ
ولايوجد لديهم خادمات ومايحبون يجيبونها. .لنسائهم!!!
ينقصهم الجمال وذو بشره سمراء.ذووأخلاق
انا جميله ومن عائله جميله اسكن مدينة وعند اهلي لامانع لديهم من وجودالخادمة إذا احتجت لها تكون عند اهلي *أهلي يقولون لاتوافقين هو يعيش بقرية وطبعه قروي شوي بكره كيف راح تكونين إذا عندك ابناء بتحتاجين خادمه ومراح يجيب لك ! وابنائك راح يكونون مثلهم بالبشره السمراء والملامح * وراح تفتقدين ماكنتي متعودة علية في المدينة
ويصلح لك واحد بمستواك*
انا ماهمني منصب أومال انا رأيي اوافق ع خلقه ودينة وراح يعيني إذا كان مستقيم
ولاكن في ماذكروه أهلي أوافقهم عليه إيضأ لأن عندي طموح في العلم والدعوة والقرية مراح يتوفر فيها ماأريده
تعرفون السكن في القرية انا محتاره ارجوكم شورو علي
الله يجزاكم الجنه بحكم تجاربكم هل الجمال مهم انا يهمني من جهة الأبناء ورأيكم في السكن في القرى وعدم وجود خادمه إذا حتجت لها
انا مااستخرت لحد الآن
وراح استخير بس محتاجه
رأيكم
ارجوكم ساعدوني انا احيانا اقول اوافق لدينه وخلقه واكبر مني مو اصغر ولأن يجيني خوف احيانأ اقول إذا رفضته بيجيني ولد خالي الي ماأبغية وهذا يدفعني للموافقه واحيانا اقول هذا من الشيطان يأسني وأن مراح يجيني الي الله كاتبه ربي لي والله قادر يصرفه ويبدلني اخير منهم واحيانأ وارفض اقول حرام اعيش بقرية واهدم كل احلامي الي ابغى احققها وماتتوفر فيها الي ابيها وافكر من ناحية الجمال اقول إذا كان دين مايهم الجمال بس لمأ افكر بكلام واهلي واتخيل ابنا المستقبل اشكالهم كيف إذا ربي كاتب اتحطم واقول لا لا
ياربي شسوي
محتاره انا منتضره ردودكم
طبعأ
موضوعي الأول
كما هو انصرف بدون إنهاء الخطبه وخطب له كذا بنت بس ماتم خطبته يصير شي ويروح لغيرها
الموضوع الثاني
ترددت كثير وأهلي ماأقتنعو فيه ورفضوه
مشكلتي الحالية
تقدم لي شاب أصغر مني بسنه ونصف
غير ملتزم أسرته من أفضل جماعتنا دينأ وخلقأ الشاب خلوق
قالو لي عنة بار
أنا في البداية لما سمعت عنة كنت رافضته أبدأ لأنة مومستقيم وأصغر مني
أهلي طلبو رأيي لما قلت لا قامو علي من تبغين تخيلي هذا يجيك يقول تبغين مطلق وهذا يقول تبغين مدخن وهذا يقول تبغين متزوج شباب جماعتنا مافيه أكبر منك إلا فية عيب فلان عائلته فيها وفيها وفلان مدخن إذا قلت موملتزم قالو أنتي بإمكانك تأثري عليه ويلتزم إذا قلت أصغر مني قالو شوفي فلانة تزوجت أصغر منها وفلانة طبعأ ألي يقارنوني فيهم
متأخرات بالزواج أوجمالهم عادي أو أرمله أومتزوجات أصغر بس ملتزم
تخيلي يقولو إحنا تهمنا مصلحتك هذا أفضل الشباب الموجودين
أنتي شوفي كل واحد بتحطي عيب فية شوفي كم عمرك
أنا طبعأ عمري من مواليد
قبل نهاية السنة بشهرين موكبيره صح آه
حسيت بالدنيا ضاقت فيني
تعبت تعبت في نفس اليوم سمعت الوالده تكلم وحده منأقارب ولد خالي أل تقدم لي قبل تقول بيخطب وحده يقول إذا ماحصلت مراح أتزوج سنتين أنا خلاص قلت إذا رفضت هذا بيجين هذا بعد سنتين وراح يضغطون علي أهلي وراح أتزوجه وأنا مومقتنعه أوافق على هذا أفضل من هذا حسيت بنفسي كمن يستجير من النار بالرمضى جتني ضغوط قرايبي كلهم يأيدون عليه
تعبت أرضي الناس وأنا موراضية استخرت مرات تخيلي أستخير وأنا مومقتنعه فية بس علشان أرضي أهلي وخايفه من إقناعهم لشخص ما أبغية أستخير وأدعي وأدعي وأستخير
كل إستخاره أتردد
جمعت كل الإيجابيات والسلبيات تساوت عندي حسيت بكربه بحياتي ماحسيت مثلها اتصلت على إحدى الداعيات أخبرتها إلا الرؤيا ماأخبرتها قالت
التردد من الشيطان توكلي وأعزمي ووافقي رحت وسويت وافقت بس أصيح أحس أن أجبر نفسي وخبرتهم
جا آخر اليوم وأنا بهم وكرب لا يعلمه إلا الله أنا موافقه علشان أهلي والناس مو علشان روحي
خبرت أخواني أنا ترى ما أبغية
ما أبغية قالو خلاص بنرد له بكره حسيت براحة نفسية هم وأنزاح عن صدري بس عندي هم من المستقبل وخوف لما جاء الليل وبعد الفجر بدت هموم الدنيا براسي
أنا ليش أرفضه بيجيك الزفت هذا وبيغصبوك عليه أو أو حسيت بالموت تمنيت ماخلقت ع الدنيا خبرت أخواتي أني متردده مو عارفه وش أختار أقع بنار هذا أو هذا
تمنيت أحد يتخذ القرار عني
وقت الظهر بنفس اليوم ألي بيردون عليهم عرفو أني متردده
قالو أحنا ردينا قلنا البنت موافقه
أنا عرفت أنه مقلب يستفزوني فية قلت مو صدق قال شوفي مكالمة أخوه قلت طيب أشوف وقت الأتصال قال ماتصدقين رجال وش كبري أنا عارفه أنة كذب وكانت ردة فعلي جدأ عادية رحت وأنا حاسه أنة كذب لأنه واثقه مراح يردون إلا بعد ماياخذو موافقتي
وقت المغرب قالو أخواتي يمكن جد قولو رأيك وأنا رايحه صادفت أخوي جاي يضحك وانا بتكلم بسأله جد كلامهم أولا قال كلمني وقلت موافقه
قلت كيف وشلون قال كل ألي صار اليوم مقلب نبغي نعرف رأيك شفناك الأمر عندك عادي كأنك موافقه مانفعلتي وقلتي لا ما أبغية
كان بالنسبه لي صدمه صدمه كبيرة جتني حاله نفسية بس ودي أصيح مو طايقه الدنيا إذا تكلمت لهم قالو إيش راح نقول نرد عليهم البنت ماتبغين غيرت رأيها هذي فشله علينا والخطبه انتشرت بين الناس وأني موافقه والكل يبارك وأنا حالي حال محد داري عني أنابهم وبكربه أقبله علشان أرضي أهلي والناس أو أرفض وأعزم على رفضي تعبت تعبت بس تبين لي شي أنه هذا الشخص ألي قالته بالرؤيا أهلي يتمنونه لي وأنا مومقتعه هي فهمتني أنة ابن خالي ماتضح لها الشخص والله أعلم
انصحوني الله يوفقكم