صديقتي تريد تتطلق بسبب سخيف!

بنوتة اماراتي;10708052:

ههههههههه حياتي و الله ضحكتني

فديتها شكلها تحاااتي ... ما عليها لا تخاف و لا شي

اعرف وحده كانت نفسهاا مااااا تعرف شي و يتيمه و دلع و جيه يعني ما تصك شي حتى كوب الماي ما تجيبه لنفسهاا
بس بعد ما عرست خبصت و خبصت و خبصت و من هالتجارب كلها تعلمت و الحين ما شاء الله عليها محد احسن عنها فالطبخ
خليها تجرب و تجرب و انتو مع بعض خذوها تسليه يعني
مب كانها قاعده فامتحاان
و تبدا بالخفييف و من تتقن الخفيف شوي شوي تروح صوب الطبخات الثقيله
و المنتدى مليااااااان وصفات و في اشيا واضحه جدا و بالصور يعني بيكون سهل الفهم ان شاء الله

و ان شاء الله تستوي اشطر طبااخه و الله يوفقها و يتمم لها على خيير ^^

saudi.eyes;10708030:
كل عام وانتم بالف خيريااحلى عرايس

اشتقت لكم واجد واشتقت لوقفاتكم انا عارفة ان ماحد يحل هالمشكلة لا انتوا

صاحبتي مملكة والحين قاعدة تتدرب علا الطبخ وكل مرة تفشل معاها الطبخة هي لاتعرف بالطبخ ولاشي كانت متدلعه بيت جدها وهي يتيمةعايشةمع جدها وخالتها طبعا ولا احد من هم عنده خبرة بالطبخ(ولا انا:))
تخيلوا تبي تتطلق عشان ماتنحرج منه!!!! تخيلوا وهو الرجال ممتاز

كيف اساعدها شريت لها كتب طبخ هدية بس برضوا كانت صعبة
هل عندكم طريقة او اسماء كتب تفيدها