حلا لذيذ وشهي وسهل من مطبخي المتواضع .. تفضلوا حياكم الله ،،

السلام عليكم ورحمة الله وبركاته ،،


بالأمس وأنا أسوي مرقة البيض :lol: ، شفت بالكبت بسكويت ماري عندي منه كميات ، وصار له فترة وياي من أيام رمضان :-o ، فخفت لا يخرب علي وبديت أفكر كيف أستغله الإستغلال الأمثل ;) ،، <<< تحب تقولكم انها حرمة سنعة :D ..

المهم وبدت الأفكار تهب علي من كل صوب وحدب ، كل ما جاتني فكرة استبعدتها وأقول لااا هذي جربها بو المهند والحلوين خلني أغير هالمرة :cool: <<< مصرة تريد تفهمكم انها حرمة سنعة ..

بالأخير استقرت أفكاري المصونة على طبق يمي يمي ،،

تفضلوا تابعوا وياي ،، للعلم ممكن تفكرونه طبق تشيز كيك ، بس هو كلش مختلف عنه إلا في الشكل ربما ،، :p

وما أدري ايش أسميه ، ما لقيت له مسمى سامحوني ^o) ..

راح أبدأ مباشرة بدون عرض للمقادير ،، وتقدرون تعرفون المقادير من شرح الطريقة إن شاء الله ،،


جبت بسكويت ماري وطحنته وصار هيك ،،








صبيت فيه قشطة وحدة واصبع زبدة سايحة ..
















وبديت بالعجن ولاحظوا كيف صار شكل العجين يعني لا هي سائلة ولا جامدة كثير ،، بين بين ،،









نفردها على قالب الفرن ويا ليت يكون النوع اللي قاعدته متحركة ،،
















ثم نأتي لمقادير الطبقة الثانية ،، ركزوا وياي ،، :adore:

في الخلاط خلطت : علبة واحدة زبادي روب + 7 فناجين حليب بودرة + 3 فناجين سكر ..

وحصلت على هالقوام ،،









نصبه على طبقة البسكويت اللي مزجنا وياه قشطة وزبدة ،،









وبعدين تدخلينه الفرن عشان خلطة الزبادي تتماسك وياك ، بس انتبهي لا تخلينها تحترق من فوق ، ممكن شي خفيف زي هاللوك :D وأول ما تنضج وياك على طول طلعيها من الفرن تبرد شوي ..








وبعد ذلك نأتي للطبقة الأخيرة واللي هي عبارة عن : ظرف كريم كراميل تطبخينه بالطريقة المعتادة مع ماي وتضيفين له نص ملعقة نسكافيه :adore: .. للعلم أنا سويت له ثلث كوب ماي ..









وهنا لما صار جاهز ، نخليه يبرد شوي بس ، لا تخلونه لين يتكتل تراه بعدين تخرب الوصفة <<< كالعادة كلامي هنيه للمبتدئات :lol:








ونصبه كآخر طبقة ، ونخليه أيضا يرتاح بره لين يبرد القالب تماماً ، راح تلاحظين ان الكراميل تماسك على طول وياك ، بعد ما يبرد القالب دخليه الثلاجة عشان يتاكل وهو بارد ،، :thumbs_up:















وبعد ما برد طلعناه من الثلاجة وكان هاي شكله بالأخير ،، يمي يمي يمي جد رهيب من حيث الشكل والألوان والطعم ،، وهنا بعد ما شلنا القاعدة المتحركة من القالب ،، :biggrin:








ميزة الطبق هذا انه مش سكري كثير ، وتحسي انها ما تحتاج حتى لفنجان قهوة ، لأن طعم النسكافيه مسوي نكهة تجنن تغنيك عن القهوة ،،

وهنا وعافية على قلوبكم ،، وكالعادة لا تحرموني من دعواتكم الغاوية ،،

وهاي بعد ما قطعناها وزيناها بالهيرشي <<< لا يطوفكم صارت تعرف تنسق :p