بعد طوووول إنتظار ~~~ قصة ولادتي بكتكوتي سلومي ~~~

السلام عليكم ورحمة الله وبركاته



وأخيييييييييييرا وأخيرا تفيجت وبكتبلكم قصة ولادتي

:D:D

الحمدلله ربيت بتاريخ 13 - 10 ويبت سلووووم الله يخليه ويحفظه لي يااااارب

:):)












فتاريخ 13 - 10 بعد الساعه 12 الفليل كنت يالسه أسولف مع كروشات تجمع نوفمبر :) وبالأخص مع ميره

يلست أسولف معاها فتره طويله لين ما أنكسر ظهري :confused: خخخخ جان أستأذن منها وطلعت

حاولت أنام ما قدرت حاولت حاولت عصرت عمري :worn_out: ما قدرت جان أقوم وأصلي ركعتين وأدعي أن الله يسهل علي ولادتي وسبحان الله كنت واصله حزبي فالقرآن سورة مريم فقريتها سمعت أنها تسهل الولاده وتميت فالإستغفار والذكر بنية تسهيل الولاده

ورحت أنام من حطيت راسي عالمخده خمس دقايق إلا أسمع صوت بق

:-o

شوووووو ها

:study:

كنت راقده وشكلي جي

:-o

منصدمه و فخاطري أقول ليكون هذا اللي سمعت عنه صوت إنفجار كيس الماي

خليني أتأكد

من قمت من فراشي ويلست نزل الماي

علطول عرفت أنها ولاده بس ما توقعت أني بربي بسرعه

:D

الموووهيم عالساعه 3 الفجر تقريبا جهزت أغراضي كلها ودخلت الحمام اتسبحت غسلت جسمي وأتنظفت والماي ينزل وينزل بس ما أحس بأي ألم

;)

خذيت شنطتي وشنطة النونو وجهزت أوراقي وملفاتي وعلطول عالمستشفى

متحسمه الأخت

:D

فحصتني الدكتوره 2 سانتي

الحمدلله ولاده

:thumbs_up:

بس بدون ألم الساعه أربع خمس تقريبا بدأ الألم يسير وأي كل خمس دقايق تقريبا بس الألم كان محتمل مثل آلام الدوره

كنت أحاول أني ما أصارخ وأتنفس بهدوء صراحه ما تذكرت كيف المفروض أتنفس بس كنت أسوي شهييييييق وزفيييييييير

:D

وكان الله غفورا رحميا

الحين أختي دايما تقلدني وقت الطلق (( كوميديه )) :cool: ويتمون يضحكون عليه

:mad:

خخخخخ

المووووهيم

حاولت أذكر نصايح المربيات

تريقت عدل وكل شوي آكل سح وما أصارخ عشان ما تخلص طاقتي وحاولت أرقد لأني طول الليل ما رقدت أخزن طاقه

:D

وتميت فالذكر والإستغفار

وعالساعه 3 تقريبا زاااااد الألم أستوى غييييير محتمل وحسيت بألم شدييد فظهري

:confused:

ومسكينه عمتي واقفه عدالي تصيح وتقرى عليه وتقولي قولي ياااارب سهل عليه يااااااارب

حتى بعد الولاده كل ما أقول يارب أذكرها فديتها يزاها الله خير ما قصرت

:)

والألم يزيد ويزيد قمت أون وأتألم بدون صراخ وعمتي تضارب السسترات تقوللهم أفحصوها كم سانتي وهم على بالهم بطول لأني كنت 3 سانتي عالساعه 11

يسألوني تبين أكسجين ولا إبره فالعضل شي جي ما أذكر

وأنا أقول هيه هيه أي شي المهم يخوز الألم

:confused:

وعمتي مصره عليهم إلا يفحصوني المهم يوم يت تفحصني الممرضه

طلع

8 سانتي ماشاء الله

:D

تميت أحمد ربي الحمدلله الحمدلله وحسيت بفرحه خلاص ولاده خلاص بربي بفتك

:worn_out:

وخذوني على غرفة الولاده والحمدلله الممرضه اللي وياي كانت وايد زينه دخلتي الحمام عشان ...... الله يكرمكم

وطلعت رقدت عالسرير وجهزت العده وأنا أتألم وأوووون ظهري أنكسر من الألم

:'(

قلتلها أسوي بوش أتقولي من تحسين بالويع أدفعي وأنا أسألها طلع تقولي لا بعده

وأنا أقول لييش

:hysterical:

خخخ

أختي تقولي يوم كنت أسمعج برع الغرفه كنت أبا أنفجر من الضحك وأصيح فنفس الوقت خخخخ

:D

ذكريات حلوه

والحمدلله ولدت سلومي فدييييييت روحه عالساعه 4 العصر

:adore:

كتكوت

وزنه 2770 كيلو

نتفه الله يخليه لي يارب

:)

شعور جميل الله يرزق كل محرومه ويسهل على كل حامل يارب


والحمدلله ولادتي كانت سهله وسريعه كله بفضل الله عز وجل (( الدعاء والإستغفار )) (( والإهتمام بالتغذيه والتمارين والنفسية وقت الحمل ))

:):):)