رواية كامله ( مهلاً يا قدر ) للكاتبة : أقدار

قمنا تسحرنا وشفت مهند غير عن اللي قبل شوي .. اول كان مهموم ووجهه متغير والحين مبسوط ومستانس وكل شوي يتأمل فيني ويبتسم .. ابتسامته تسحرني .وتربكني خاصة اذا كان رايق قلت : ممكن اتسحر ؟
غمض عيونه وفتحها قال وهو يبتسم : واحد قالك لاتتسحرين ...
نزلت الملعقة وانا منحرجة منه قلت : يوووه مهند لاتناظر فيني كذا مرة تحرجني
: ههههههههههههههههههههههههههه ممممممممممممممم ديوم وش رايك نطلع فوق .
: ها ..؟ شو ..؟ تراني عند كلامي ووو
:ههههههههههههههههههههههههههههه ياخوافه ابي آخذ راحتي لاتدخل علينا رانيا وترى لسانها متبري منها بتقعد تعلق وتنشر اشاعات
سمعنا رانيا تقول : ايوه كأني سمعت اسمي وش تحشون فيني
مهند وهو يضحك :هههههههههههههههههههههه نقول رانيا بتسوي جو عندنا
: اشوا ياويلك يادكتور مهند لو تسب فيني عند صديقتي
: ومن صديقتك
: زوجتك الأستاذة ديمه
: الحين ديمه بهالسرعه صارت صديقتك
: لا مو الحين من لمن كنت تكلمني عنها وانا مصادقتها بس صداقه من طرف واحد الحين اجتمعنا وصرنا طرفين
:ههههههههههههههههههههههههههههههههه الله لايفرقكم اجل
ضحكت انا وقلت : طبعاً رنو صاحبتي والقلوب عند بعضها
قالت رانيا ببراءة : سبحان مغير الأحوال الحين من يصدق ان هذا هو مهند اللي كان عندنا طفشان ومايكلم احد الا طبعاً اذا جبنا سيرة ديمه فتح ديوان شعر وخواطر وغزل ومدح .. وباقي وقته مكتم وطفشان .. والا شفنا الحبايب وروقنا
ضحكنا عليها الا انفتح الباب دخلوا اهل مهند وراحت رانيا تجري عندهم تسلم عليهم وسمعناها تقول : مشتاقة لكم مرة مرة وخلاص آخر مرة افارقكم ..
رد عمي عليها : هذا كان قرارك وزين جات منك ورجعتي كنت بجي اخذك انا وجدتك مانقدر نعيش بدونك .
خالتي ودموعها بعيونها : والله فقدتك يارنو بيتنا بدونك مايسوى
قالت ريم : الله الله اول ديمه والحين رانيا وريم المسكينه راحت عليها اوريكم انا من بكرة بروح عند عمتي سارة اجرب غلاي عندكم
قالت خالتي : اذا رحتي لحقناك الا انتي ياريوم يااخر العنقود
عمي : والله اذا بتشكين بغلاتك ياريم
ريم : هههههههههههههههههههه خلاص رضيت الله يخليكم لي ترى ماصدقت احد يجاملني استحي
كلهم :ههههههههههههههههه


دخلوا اهل مهند وقام مهند سلم عليهم وانا سلمت عليهم واستأذن مهند كان بيطلع قال عمي : ترى بكرة الفطور عندنا وعازم عماتك وخالاتك بمناسبة جية الغالية وندور الأجر .
انا بصراحه عورني قلبي الحين بتجي نورة وبنتها الله يكون في عوني ..!
وقام مهند كان باين انه زعل اجل كنسلنا الفطور بكرة اكيد التفت لي و قال :الحقيني بكاسة شاهي فوق بدخن
اخذت كاسة شاهي لمهند وطلعت فوق عنده اول مادخلت ماشفته شكله في الحمام ..بعدين دخلت لبست بيجامه لونها رمادي وأطرافها احمر كانت ناعمه وأنيقه لأبعد الحدود .. جيت جلست في الصالة والشاهي عندي .. وجا جلس بجنبي ولف يده من وراي قال : تدرين نفسي في ايش ..؟
: مممممممممممم لا .. قول نفسك بأيش .؟؟
فجأة شالني حطني بحضنه وضمني على صدره قال : هذا اللي نفسي فيه .
: ههههههههههههه طيب اشرب الشاهي تلاقيه برد ،بعدين تراه بيأذن وانت مادخنت وتعصب علي .
كان يضمني بقوه وانا احاول اتماسك واتكلم عادي بس كل شي فيني يخوني .. ويبين اني مو على بعضي .
بلعت ريقي قلت : مهند خلاص بيأذن الفجر
: خليه يأذن قلعة الشاهي والدخان .. انا هذي جنتي بس ماادري ليه تحرميني
خلاص ماعاد فيني ارد لأني خايفه من صوتي يفضحني ..
بعدني عنه شويه وناظر بوجهي وابتسم قال : ديومه تبغينا نسافر
: متى
: في العيد
: اوكي
: احبك ياديمه والله احبك ومااقدر اعيش بدونك
: مهند اسكت
: طيب بسكت ياعمر مهند انتي
كنت بلحظات كأنها حلم .. كان مهند وهو يحضني يغسل قلبي من همومه ، ينسيني كل المشاكل اللي كانت بيني وبينه ، الحين واثقة انه صادق .. ايوه واثقة مهند يحبني والكل قال لي انه يحبني من زمان ..
كنت اذوب بحضنه لحد ماسمعت الأذان قلت بهمس : مادخنت ولا شربت شاهي شوي تصدع وانا السبب .!
قال وهو لسه مغمض عيونه : ماني مصدع لأني الحين فوق السحاب
بعدني شوي عنه ويدينه لافها حول ظهري قال : قهر انا برمضان
: ههههههههههه احسن اختبار
: اذا هو اختبار والله اني ناجح وبامتياز ولا فيه رجال يصبر صبري خاصه ان اللي عنده وحده زي ديمه .
: ههههههههههههه خلاص ذكرني اعطيك الشهادة
: متى بتعطيني اياها ؟
: متى ماتحب هههههههههههههههه
:ههههههههههههههه اليوم بعد التراويح وشهادة من نوع ثاني
خبطته على كتفه :هههههههههههههههههه ذكرني اعطيك اياه على انغام عمتك نورة وفاطمه
ضحك بصوت عالي : هههههههههههههههههههههههههههههههههههههههه الله يسامح ابوي بس .. لكن ماعلينا لامن نورة ولا فاطمة ولا احد بالدنيا ..
ناظرني وكمل : صح ولا لا ؟
: انا بالنسبة لي محد همني غيرك انت .
: الله يصبرني بس .. خلاص هانت عليّ ياديوم عرفت نقطة ضعفك
: ههههههههههههه خلاص سيبني بقوم اصلي
تركني مهند وانا قمت محرجة منه ..
رحت صليت وشفته قام توضا وراح للمسجد ... كنت مبسوطه ونسيت اللي صار بيني وبينه قبل كم يوم .. خلاص سامحته لأنه يحبني ويعشقني ولازم اسعده ..!

صحيت الساعه اربعه العصر ونزلت عند البنات حصلت ريم توها صاحيه وخالتي بالمطبخ .. بعد شوي جات سميرة ونزلت رانيا كلنا قعدنا نشتغل ... صحيح الشغالات سون كل شي بس انا سويت العصاير وسويت السلطات .. وخالتي سوت كذا صنف شوربة .. سوت جريش ومرقوق تقول عشان الناس هنا ..
كنت اشتغل وانا احسني طايرة من الفرح وادعي بقلبي :ياربي لاتنغص علي … ياربي لاتكدر علي .. ياربي لاتغير علينا .. ياربي استر علينا وفكني من شرور الحاسدين ..
سميرة : ديمه اشوف المزاج اليوم عالي من رجعة الحبيب
التفتت خالتي علينا لأنها تدري اني زعلانة من مهند وانا ابتسمت لخالتي قلت : خالتي ولدك هذا قاعد يلعب علي مخليني على كيفه
خالتي بفرح باين عليها : ههههههههههههههههههههههههه الله يسعدكم يمه والله اني اذا شفتكم مستانسين اني ارتاح واذا شفت بالخواطر شي ماتهنا لي عيشه
: الله يريح بالك يالغالية
كنت مرة مبسوطة وقمت سويت لمهند عصير طبقات علمتني عليه جدتي اميرة كنت اسويه لخالي ناصر باستمرار ويموت عليه ..
حطيته بكاس كبير وغطيته وحطيته بالثلاجه ..بعد المغرب كنا على السفرة خالتي الجوهرة واختها مزون ونورة عمة مهند ومنيرة اختها وسميرة وريم وفاطمة كنت جالسة بين خالتي ام مهند وسميرة كأني ابغاهم يحموني من فاطمة و أمها ..
افطرنا اول فطور كان على السفرة قهوة وشاهي و تمر وزبادي وفول و هذا اهم طبق على سفرة اهل جده ومكه برمضان ..ومعصوب وفته .. ومعجنات فطاير وسمبوسة ولقمة القاضي وبيتزا .. وعصاير
اكلت انا شوية وقمت بروح اصلي .. رن جوالي اللي كنت حاطته على مكتبة التلفزيون بالصالة .. كان رقم غريب طنشته ودق مرة ثانيه قلت ارد اذا احد يزعج بعطيه مهند ..
فتحت الخط وسكت
: الو .. ديوم
: اووو هلا حبيبي …. كان عناد اخوي
: هلا والله ديوم وينك ماتتصلين
: زعلانة منك لاتكلمني .. اجل شهرين ماتتصل علي .
: والله عمتي دايماً تقول انك تتصلين تدوريني ومااكون بالبيت .. اعذريني ديمة انا من المدرسة للشركة ثم المصنع ثم ارجع للبيت اذاكر وانام
: حبيب قلبي اهم شي اذا انت بخير خلاص
: يعني سماح
: سماح ياروح ديمه .. اسمع حبيبي بروح اصلي وبرجع ادق عليك باخذ كل اخبارك اوكي . لأني مشتاقة لك كثير .
: اوكي يالله استناك وترى هذا رقمي
بعد ماقفلت من عناد لقيت فاطمة وراي وحاطة يدينها على خصرها وتبتسم ابتسامه غريبة كأنها مسوية شي وفرحانه فيه .. بس طنشتها ورحت من عندها بسرعه ماابغى احتك معاها وتصير مشكله اخاف بيدها موية نار ولا مشرط ولا شي تشوهني فيه .. وانا بصراحة صرت اخاف منها ..

شميت ريحة دخان عند باب قسم الحريم وتأكدت ان هذا مهند .. رحت اخذت كاس العصير ورحت عنده .. كان جالس على السيارة من قدام ويدخن وهو مرة مسرح اول ماشافني ابتسم لي ..
قلت وانا ابتسم : مهند هذا عصير سبيشل للناس السبيشل ,, احم احم ترى هذا تخصصي ..
:هههههههههههههههههههههههه اجل تخصصك هاتيه هاتيه والله لو بس تحطين اصبعك فيه ليصير سبيشل ..
اول ماذاق العصير قال : فعلاً سبيشل الحين هذا تعرفين تسوينه وتخلين الشغالة تسوي لي كل يوم عصير ماينبلع ..
:مممممممممممممممم مااسويه الا للناس اللي احبهم
ضحك مهند وقرب مني قال : اجل انا منهم ؟
: ممممممممممممممممم استنى خلني اتأكد اووووه مهند بروح اصلي يالله ارجع للمجلس.. فيه حريم هنا ..!
فهم مهند اني اقصد فاطمة قال : هههههههههههههههههههههههه طيب انتبهي لنفسك المرة اللي راحت شاهي واليوم الله يستر
: الله يستر ترى مرة خايفه لاتخوفني .
: لاتخافين بس لاتقربين مهنم .
: اوكي يالله بروح اصلي
:تقبل الله ياعمري
: منا ومنك

دخلت البيت ورحت لمجلس الحريم صليت ورجعت قلت بدق على عنااد بس كان الجو ازعاج ومافيني اطلع فوق .. وقفت عند المدخل حق باب الفيلا من عند قسم الحريم .. جلست على تحفة على شكل كرسي ودقيت على آخر رقم دق علي وعلى طول رد علي عنااد ..
: هلا حبيبي
: هلاديوم والله اني مشتاق لك
: لو مشتاق لي تجي تشوفني
: بزورك اليوم ولا بكرة
: انت هنا بجده
: ايوه جيت مع خالك ماجد افطرنا عند خالك ناصر وخرجنا خالك يبي له اغراض وابوي عبدالوهاب موصينا بأشياء للمصنع بنحملها بدري ونرسلها عليه
: الله يوفقكم ياعمري .. اش رايك تمر علي الليلة
: والله مستحي من مهند واهله
: حبيبي والله عادي بعدين مهند يخرج احيانا لاصحابه انت تعال عندي وعادي تدخل الجناح حقي .. ولا المجلس ..
ما كملت كلمتي الا فيه صراخ وراي ويدين قويه شالتني من الأرض .. اعرف الصوت وصاحبه بس اشكالهم كانت غريبة .. كنت بين يدين مهند وعيونه حمرا كأن فيها دم .. وهو يرتعش وجبينه كله عرق وشعره نازل على وجهه .. كان يصارخ بكلام مافهمت منه الا هذا حبيب القلب .. هذا اللي مكاني وبتجيبينه لبيتي ياديمه .. وقال كلام كثير مافهمت منه شي .. صفعني بكف وثاني وثالث . …. فيه وجه يناظرني وهو يضحك وراه وكأنها اخيراً حققت انتصار ونجحت بتفوق ..كانت فاطمه متكتفة بيدينها وضحكتها تبين انها هي اللي جابت مهند ..…..ماكان فيه وقت اتكلم ولاكنت اقدر ارد كنت ابغى احد ينجدني يساعدني مهند فاقد اعصابه ويضربني بقوة وقسوة مسك شعري بيده اليسار وقعد يضرب فيني ورماني على الجدار وحسيت ان جبيني انفجر من قوة الضربه.. اخذ الجوال اللي طاح من يدي و دق على آخر رقم قال : يابن الكلب كيف تتجرأ ووووو …………. سكت مهند وجلست متهاوي على الأرض .. ها…؟ مين …؟ عناااد ..؟ آآآآآآآه … عناد .. عنااد .. عناااااد .. هذا انت ..الله يلعن ابليس ..
شفته زي الحلم وهو يجلس على الأرض ويرمي الجوال من يده .. التفت لي وانا احسني اتهاوى .. جرى بسرعه عندي وكأنه يمثل مشهد تمثيلي مؤثر فيه دم ودموووع وتهمة وبراءة .. اخذني بين يدينه وحطني على صدره .. وهو يلعن ابليس وفاطمة وساعتها ...
سمعت صراخ قوي جاي من ورى .. وانا في حضن مهند احس ان راسي بينفجر .. ورانيا ورى مهند تصرخ وتلعن وتسب وتتكلم على فاطمه ومهند .. بعدها سمعت صوت فاطمة تصرخ ماادري شو اللي صار بالضبط ..
كنت اسمع الأصوات وكأني في حلم .. عيوني تسكر غصب والصوت يختفي ماعدت قادرة اسمع بس سمعت صوت من بعيييد يصرخ ديمه ديمه ديمه ..
آخر لحظاتي قبل قبل مااغيب عن الدنيا دعيت ربي اني الحق ابوي .. اشوف امي واصير في الجنه مع جدتي عايشة ..
يارب ماارجع هالمرة .. يااارب ابغى الحق اهلي .. ياارب ماابغى اتعب خالي اكثر من كذا ولا اواجه مهند مرة ثانية
صحيت وانا بالمستشفى وكان عنااد عندي وخالي ماجد اللي كان متلثم بشماغه ومايتكلم ..اول ماشافني صحيت جا بسرعه عندي وفك شماغه قال : الحمد لله على سلامتك .. كيفك الحين ؟ تحسين بشي ..؟
انا وين .. اش جابني لهنا ..؟ برضو مستشفى ..؟ تذكرت مهند ،، هيجانه .. صراخه .. فجعني وضربني وانقطع الحبل اللي وثقناه امس خلااااص ....
ياربي ليه انا موجودة بالدنيا للحين .. ليه ماني عند ابوي وامي وجدتي .. ليه رجعت لمهند من جديد وانا حسبتني ودعته للأبد لمن كنت في حضنه .
طالعت بخالي بس ماتكلمت .. ماعندي شي اقوله له ..
قال خالي ماجد: ديمه عناد قال لي على كل شي ويوم دقيت على مهند قال لي انك هنا وجيت وقلت له لااشوفه هنا .. بغيت اتهاوش انا وياه بس مسكت اعصابي في آخر لحظة لأن حاله مايسر . . .
طالعته وعيوني كلها دموع قلت : خالي ناصر لايدري عن شي الله يخليك
تكلم عناد : الا بيدري وحقك مايضيع وراسي يشم الهوا
: اتركوني لوحدي
: ديمه ماراح نتركك واللي تبينه يصير ماعليك من عنااااد ..
سمعنا صوت عند الباب كان مهند وامه وسميرة وريم اللي منهارة واسمع صوتها تبكي تقول بشوفها والله لادخل محد همني .. ورانيا اللي تبكي زي ريم وأكثر .
تكلم خالي ماجد وهو جالس قريب مني : تقدرين تشوفينهم
: ماابغى اشوفه ..!
: ابشري ديوم بس هدي نفسك ولاتنفعلين
خرج خالي ماجد بعدين دخلت علي خالتي هي تبكي وسميرة نفس حالتها بس ريم كانت منهارة .. ورانيا ماقدرت تدخل عندي ..
تكلمت خالتي : سلامات يمه حسبي الله ونعم الوكيل
التفت على الجهه الثانية قلت : الله يسلمك
كنت اصد عنهم خلاص ماابغى شي يذكرني باللي صار ولا بمهند
سميرة جات عند راسي قالت : ديمه صدقيني اللي صار قهرنا كلنا وفاطمة هي السبب قالت لمهند كلام وسحبته بيده تقول اسمعها
كانت دموعي تنزل وانا مااتكلم ولا اناظر فيهم تكلمت خالتي : مهند طرد عمته وبنتها وحلف ان شافهم في البيت ليذبحهم
قالت ريم وهي تبكي : ديمه تكفين سامحي مهند .. مهند بيموت من القهر لأنه ظلمك ..
ماابغى سيرته ياربي خلااص ..
: ممكن تتركوني لوحدي
قامت خالتي وسلمت على راسي قالت : ارتاحي يمه جيت بس ابي اتطمن عليك من البارحة محد نام فينا وعمك كان بيجي بس قال بروح لها لوحدي
راحوا من عندي وانا تركت العنان لهمي ودموعي وقهري ..رجع عندي خالي ماجد وعناد
خالي كان ماسك عناد بيده ويتكلم معاه بجديه وكأنه معصب
عناد : كان خليتني اذبحه هذي ديمه فاهمين وش معنى ديمه
خالي : كلنا منقهرين وكلنا زعلانين منه بس هو معذور .. ياعناد الرجال اذا حس انه زوجته تخونه شي مو سهل زين انه ماذبحها
: بس يعرف اخلاق ديمه ليه يسمح لنفسه انه يشك فيها
: كلنا ندري ان مهند يحب ديمه ويغار عليها بس ماقدر يتروى ويضبط اعصابه لين يتأكد بعدين ديمه الله يهديها ماجابت اسمك وكله حبيبي وعمري هذا اللي جننه
: اسكت بالله يابو ريان اللي قاهرني اني انا السبب .. واني خذلت ابوي الله يرحمه كان يوصيني على ديمه اكثر من عادل وسديم
: اول شي مو انت السبب ثانياً انت رجال وابوك لوشافك بهالنخوة والشهامة كان فرح وافتخرفيك ثالث شي تعال نشوف ديمه واترك عنك الكلام الفاضي

كنت اسمع كل كلامهم وجا خالي عند راسي قال : ناصر ازعجني يقول تعال افطر
: شو تفطر احنا الساعه كم الحين
: احنا الساعه خمسه العصر
: طيب انا بأي مستشفى
: مستشفى فقيه
: الحمد لله
: ماعليك اذا ماتبين شوفه ماراح يجي ولا راح تشوفينه
: خالي اطلب منك طلب
: تامرين موتطلبين
: تسلم ياخالي .. بطلع من المستشفى على سوريا تكفى خالي طلبتك .. !وانهرت ابكي احسني ابغى اهرب لأبعد مكان لأن مهند خلاص بشطبه من حياتي وذكرياتي
: ابشري بس خليني ادور لك حجز قريب
: خالي نناصر
: ماعليك لاتشيلين همه ولايدري الا اذا وصلتي عند جدتك
: بيزعل
: لا لا بقول انك خايفه تزعلينه وانك ماتبينه يفرض عليك شي او يطلب منك شي يخص مهند وانتي ماتبين ترفضين له طلب وتزعلينه ..!
: متى بطلع من المستشفى ..؟
مسح على راسي قال : ديمه انتي عندك انهيار عصبي ولازم تجلسين ثلاثه ايام على الأقل .
: مافيني شي الحين .. تكفى خالي اليوم ولا بكرة احجز لي ماابغى اجلس هنا كثير ... انا تعبانه ومحتاجه ارتاح ..
:الحين ادق على فيصل اخليه يدور لك على حجز بأقرب وقت
اتصل خالي على فيصل زوج لمى هو اللي غالباً يدبر لنا رحلات بسرعه ويوفر لنا مقاعد .
طالعت في عنااد اللي كان ساكت ومتنرفز قلت : عنااد .
: هلا ديمه
ابتسمت له قلت : لاتزعل انت مالك دخل باللي صار لاتلوم نفسك .. ومهند دخل بيني وبينه الشيطان خلاص .. لاتتدخل ياعمري ولا تكلمه بالموضوع ولا تفكر تناقشه لأني مخليتك لأمور اكبر من التفاهات هذي .. انت اخوي وسندي وعزي وريحة ابوي وأقرب الناس لي والحين انت رجال وقد الصعاب …
سكتت شوي بعدين كملت ..: صدقني ياعناد اذا احتجت احد انت اول واحد راح اكلمه وبعد كلامك قبل شوي وعد مني اي شي يصير لي بقولك عليه اول بأول حتى لو ماقلت لأخوالي … تدري ليه ياعناد ..؟
: ليه
: لأني كأني اكلم ابوي وانا اكلمك .. لأنك اخوي والأخو ماينتعوض ومصيري اذا صار لي شي بلجأ لك انت اول الناس .
فز عناد وسلم على راسي قال: ديمه انا احاول اصير رجال واضغط على نفسي واترك كل الأشياء اللي احبها اذا بتنقص من رجولتي كله عشان اثبت لك انتي اول شي اني رجال
: ياعمر اخته وربي اني افتخر فيك واشوفك رجال ونعم فيك ..ضحكت ابغى اغير الجو لأنه طفشان ومعصب كثييير وقلت : ترى سديم وعادل يحتاجونك كمان مو بس انا .
ابتسم لمن شافني وتذكر اخواني قال : لا ابشرك سديم وعادل عندهم عمتي ماتخلي لي فرصة اتدخل تقول انا اللي اربيهم واعلمهم اذا لقيت عليهم شي هذيك الساعه تعال تدخل ..
:ههههههههههههههه الله يخليها لكم .

كنت احاول اسوي نفسي عادية وانا في الحقيقه مطعونة وانزف واداري ..
دخل علي خالي ماجد بعد ربع ساعه قال : يالله اليوم الساعه عشرة رحلتك تبغين تمرين على بيتك تاخذين اغراضك ؟ .
كرهت بيتي وفكرة اني ارجع قلت بسرعه : لابقول لريم تجهز شنطتي بس ماني قايله لاحد انا فين رايحه خلهم يحسبوني اني بروح لخالي
: ولو انه مايجوز تروحين من غير مايصير عن زوجك خبر .. ديمه مهما كان هذا زوجك للحين لاتنسين .. بس ماعليك روحي ارتاحي هناك ولك مني محد يتعرض لك ولا يقول لك شي حتى ناصر ماراح يفتح أي موضوع معك .
الحمد لله رب العالمين ان الله اخذ مني اهلي واعطاني اهل ماراح يكون احن منهم احد علي
الله يخليهم لي ولايحرمني منهم
اتصلت على ريم وأول مافتحت الخط جلست تصرخ : ماني مصدقه .. والله ياديمه اني فرحت لمن شفت رقمك . ياربي لك الحمد
قلت بصوت هادي : هلا ريم كيفك ؟
حسيت ريم تغيرت لهجتها قالت : بخير المهم انتي كيفك ؟
: الحمد لله على كل حال .
: ديمه مهند
: ريييييييييييييييييم اسكتي الله يخليك … انخنق صوتي ابغى ابكي بس هي سكتت
: آسفه ديوم مو قصدي اخليك تبكين
: ابغى منك خدمه
: تامرين
: روحي جهزي جميع اغراضي حطيهم بشنطتين
: ديمه
: ريم اذا ماراح تجهزينها لي بقول لهدى تجي وانتي مايرضيك هدى تصير بموقف زي هذا
: اوكي حاضر ولا يهمك بس اقول لمهند ..
: لا الله يخليك ريم يمكن هذي آخر خدمة اطلبها منك لاترديني
: ابشري ديوم ولا يهمك
: ابيها بعد ساعه او ساعتين بالكثير اوكي
: بتطلعين من المستشفى
: اول ماتجيبين اغراضي راح اخرج على طول تراني استناك .
: اوكي الحين اقوم احضرها
: سامحيني ريم تعبتك معاي بس ماعندي غيرك
: لا لاتقولين كذا احنا مهما كان اخوات .. وانتي مغلوط عليك .. وو
قاطعتها ماابي أي كلام في الموضوع هذا : تسلمين ريوم
: الله يسلمك
قفلت منها وقمت باخذ لي شور واغير جو ..اشوا اني هالمرة كاصار فيني كسووور .. دخلت الحمام وعناد وخالي راحوا يجيبون لي فطور وقالوا انهم بيجون يفطرون عندي واعتذروا من خالي ناصر وتحججوا انهم بعيد يجيبون بضاعه عبدالوهاب ..
شفت وجهي بالمرايه كان الوان وكدمات حتى جبيني فيه جرح وخياطة ..
ياربي كيف اروح لجدتي وشكلي كذا .. اول مرة تشوفني من بعد زواجي ويكون هذا شكلي ..!
ياربي تعينني وتساعدني
استحميت ولبست الجلابيه اللي جيت فيها للمستشفى
جا عندي عناد بالفطور ورجع قال بنجيك بعد ساعه نوديك للمطار قلت اوكي
افطرت ودخلت علي الممرضة قلت لها اني راح اخرج وجلست تخاصم تقول اني تعبانه وعندي انهيار عصبي مش اي كلام ..
قلت لها اني بخرج على مسئوليتي لأني مسافره بعد ساعه بعدها جا عندي الدكتور قال : خلاص تخرجين بس توقعين ويكون على مسئوليتك .. وانا راح اتصل على زوجك يجي ياخذك
: لا لا يادكتور لا تتصل على زوجي .. خالي يجي الحين ويخرجني من هنا
: اوكي اذا جا خليه يجي يوقع .
: اوكي .
خرج من عندي الدكتور ودخلت علي ريم وعمي وراها ومعاهم رانيا اللي ماشفتها هذاك اليوم ماقدرت تدخل وتشوفني ..
سلمت على عمي وريم ورانيا حضنتني كثير وهي تبكي .. قالت : والله ماعاج تدخل بيتنا خلاااص ياديمه .. انا طردتها وضربتها على راسها وخلاص ابوي بدر وعدني ماتدخل البيت .. مسحت دموعها قالت : صح يبه .. قول لديمه ان فاطمه ماراح تقرب منهم خلااااص
هز راسه عني وقال : ابشري باللي تبينه انتي وديمه ماعندنا اغلى منكم
شفت عمي مقهور وباين عليه انه متضايق من شكلي .. قرب مني وسلم على راسي قال : امسحيها بوجهي يابنتي .. مهند مجنون والخبلة قالت له كلام ماينقال وانتي تعرفين من زمان وهي وامها ناويات يفرقن بينكم .. والله يابنتي ماقد شفت مهند عصبي من يوم عرفته الا الايام هذي .. الظاهر ان عنده مشاكل في دوامه وهو مايتحمل عليك وو.. سكت عمي شوي بعدين قال : لوتشوفين حاله الحين مايسر لاعدو ولا صديق ..
قلت بوجع وقهر : عمي جيتك على عيني وراسي بس انا مااقدر اشوف مهند ولا اكلمه ولا حتى اسمع سيرته .. صدقني ياعمي انا ومهند مانصلح نعيش مع بعض .. لا انا اقدر اتحمل اسلوبه وتعامله ولا هو يقدر يرتاح وهو بدا يشك فيني
قاطعني عمي
: يابنتي مهند ماشك فيك بس الشيطان وفاطمه هم اللي وزوه عليك .
: اذا صدق فيني احد ماعاد للثقة مكان ياعمي بحياتنا خلني ابعد عنه فترة لين اوصل لقرار بقناعه . .
نزل راسه وقال : تراه اليوم بغى يدخل عندك بس ماجد رده وستر الله لايتهاوشون .
تكلمت ريم : خلاص ديمه انتي اجلسي عند اهلك فترة لين تهدين صدقيني مهند يحبك ولو مايحبك ماغار بهذا الشكل
: ريم الله يخليك خلاص اذا تعزوني لاتفتحون سيرة مهند عندي
رانيا هي اللي ماقدرت تتكلم ولمن قلت لاتفتحون سيرته انهارت من البكا قالت : حرام عمي مهند يمووت فيك سامحيه .. لاتخلين فاطمه تحقق امنيتها وتفرق بينكم .
ماادري ليه كلمة رانيا هزتني بقووووة .. بس هربت منها بعيييد وماحاولت اوقف عندها عشان مااضعف ..
وقف عمي وسلم علي قال : المعذرة ياديمه مارضيت اللي صار والله ويشهد الله اني مستحي منك ومن اهلك .. وعلى كثر زعلي على اللي صار لك الا ان حال ولدي كاسر قلبي .. بس سامحينا يابنتي مارضيناه ولا بغيناه اللي سواه مهند .
قاطعته لأني شفته منكسر قدامي ومنحرج قلت : عمي انت بمكانة ابوي ومهما صار بتظل مكانتك محفوظة واذا فيه لوم وعتاب مابيلحقك منها شي
: الله يوفقك يابنتي ويستر عليك
: تسلم ياعمي ومشكور على الزيارة
: حق وواجب يابنتي
قامت ريم قالت : فين نحط اغراضك ياديمه
سمعنا صوت خالي ماجد برا : وطلع له عمي سلم عليه سمعت خالي يرحب بعمي اشوا مابين انه زعلان منه وسمعته يقول خلنا ننزل اغراض ديمه بسيارتي وراحوا مع بعض
طالعتني رانيا قالت : لاتخسرين مهند محد يحبك قده وغطت وجهها وطلعت من دون ماارد عليها .. لحقتها ريم بعد ماسلمت علي .. ودخل عندي عنااد
قال : ديمه يالله امشي بنوديك المطار
: عناد لايكون كلمتوا خالي ناصر
جانا صوت خالي ماجد : افا ياديوم ماتثقين بكلامي
: والله اثق فيك بس خايفه خالي ناصر يدري ويردني
: يالله قومي البسي بنلحق نوصلك ونكمل اشغالنا
: يالله انا جاهزة ..
قمت ولبست عبايتي وخالي راح يوقع على خروجي وطلعت معاهم
كأني لمحت سيارة مهند واحنا خارجين بس ماتكلمت ولا احد قال لي شي .. واذا فعلاً هو مهند فمتأكده انه ماانتبه لنا .



الساعه اربع الفجر كنت في بيت جدتي .. طبعاً اول ماشافتني سألتني عن اللي صار لي قلت اني طحت مع الدرج بس ماصدقتني لأني جيتهم بظروف غريبة في رمضان لأول مرة وبدون مااقولهم وشكلي كذا ..
بكت جدتي عندي وكانت بتدعي على مهند لأنها شاكة انه هو اللي ضربني بس انا سكتها لأني بصراحة مااحب ان احد يدعي على احد ولا احب السب والشتم .. وبعدين خلاص شي صار بيني وبين مهند ماابغى احد يتدخل فيه حتى لو كانت جدتي اميرة اللي هي ام امي ..
عدت ثلاثه ايام كأن نفسيتي ارتاحت والندبات اللي بوجهي صارت اخف بكثير
الوحيد اللي يتصل علي كان خالي ماجد وانا دقيت على عناد مرتين ووصيته محد يدري اني بسوريا ووعدني مايقول لاحد ..
جالسه على التلفزيون داخل البيت لأن الجو برد ومااقدر اخرج للحديقه او حتى للبرحة … دق التلفون وردت الشغاله ام خليل وردت سمعتها تقول : اي هون .. سواني ..
جابت لي التلفون قالت : السيد ناصر بدواياكِ عالتلفون
اخذت السماعه وانا مرتبكه اكيد عرف اني هنا : هلا خالي
: هلا والله بديمه
: خالي لاتزعل
: ليه ياديمه ..؟ هذا آخر شي توقعته
: خالي الله يخليك
قاطعني قال : ليه انا آخر من يدري
بكيت من صوت خالي وعتابه وخوفه علي
عرفت ان قصده عشان ماقلت له قلت : خالي والله ماابغى ازعجك واخليك تزعل من مهند وخفت تقول لاتروحين عند جدتك وانك تحاول ترجعني لمهند او تصالح بينا
: مهند حسابه معاي اوريه انا
: خالي اتركه بحاله الله يخليك اللي فيه يكفيه ..
: ديمه انا ادري ان حياتك معاه من البداية ماهي مزبوطه وانك تمثلين انك مبسوطه معاه .. لاتحسبيني اهبل ولاني داري عنك وعن حياتك .
ومع كذا خليتك على راحتك وجاريتك وحسستك اني مصدق تمثيلك علي بس الى هنا وخلاص اما ان مهند يصير رجال ويقدر ديمه ولا الله معه
: خالي لاتعصب ولاتنفعل انت من قال لك ؟
: هو اتصل علي يقول انا جاي بشوف ديمه .. قلت له ديمه ايش ومن قالك انها عندنا قال ان ماجد اخذها من المستشفى ويوم شافني اسأل عنك واقول اش فيها عرف اني ماادري عن شي قال اسأل ماجد هي عنده بالطايف ولا وين وداها ؟ دقيت على ماجد قال لي السالفه وقال انك ماتبيني ادري عشان ماتزعليني … افا ياديمه انا تخليني آخر الناس وتبدين عناد وماجد علي ..
: خالي والله ماقلت لخالي ماجد صحيت وانا في المستشفى لقيته عندي هو وعناد
اتذكر ان مهند اتصل على طول برقم عناد وشكلهم عرفوا منه ..
: حسبي الله ونعم الوكيل ..انا اللي اللوم كله علي ولا ماكان اخليك مع واحد زي هذا
: لا ياخالي لاتلوم نفسك بعدين مهند كويس بس مشكلته يحبني كثير ويغار علي بجنون .. خالي اعرفك ماتتهور وتقيس الأمور بثبات دايماً تكفى خالي لاتكلم مهند ولاتقول له شي المشكله الحين بيني وبينه .. انا جيت هنا عشان ارتاح وأقرر حياتي بدون ضغوط من احد .
: هذا خبري فيك عاقلة وفاهمه وصدقيني ياديمه ان مهند رجال واقدره بس اذا وصلت انه يمد يده عليك قلعته وقلعة الساعه اللي عرفته فيها
: لاياخالي الله يخليك مو انت اللي تقول هالكلام مهند صاحبك وراح يصير صاحبك واذا قابلته لاتحطني بينكم طلبتك ياخالي الله يخليك .
: خلاص يصير خير
: لا اول شي توعدني انك اذا شفت مهند تحترمه هذا للحين زوجي مهما كان
: انتي زعلانه منه ؟
: زعلانه .
: اللي يشوفك تدافعين عنه يقول مافي خاطرها شي عليه
: اللي بخاطري ربي يدري فيه بس اهم شي ياخالي لااكون سبب اي مشكله بينك وبين صاحبك
: طيب ديوم انا بجيك بأقرب وقت
: بس ماتقول ترجعين معاي
: لا على كيفك بس ابي افهم كل شي منك اقل شي اصير بالصورة
: صدقني ياخالي مو لازم انا هنا جاية ارتاح مو لازم تجي تفتح جروح ابغى اقفلها وانساها
: اوكي بينا اتصال اجل
: اوكي يالغالي
: يالله اهتمي بنفسك وصحتك واكلي زين ارجعي ديمه الأولانية لاتخلين شي يأثر على صحتك
: ابشر ولايهمك
: يالله مع السلامه وسلمي لي على جدتك .
: يوصل .. الله معاك

شفت جدتي تصلي التراويح وانا طفشانه .. قمت واتصلت على خالتي سمر جات وسهرنا مع بعض وقالت ان خالي ايمن بيجي بعد يومين يعيد هنا.. طبعاً خالتي سمر هي المتنفس لي في اغلب المشاكل اللي تواجهني ..! زمان ..
حكيت لها اللي صار وهي بطبعها تهون الأمور وتسهلها خرجتني خالتي من حالتي وهمومي خلال اسبوع ..
مر الشهر الكريم عليّ وانا في دوامه مو قادرة انسى ولا اتعايش مع وضعي واني انا ومهند بنفترق قريب
ارسلت لي رانيا من جوالها رساله تقول فيها : (اذا صار لعمي مهند شي ماراح اسامحك .. لأنه يموت بالبطيء قدام عيوننا .. اذا ماتحبينه اشفقي عليه وخلي في قلبك رحمه وكلميه .. بس اذا تحبينه تنازلي وسامحيه لأنه ندمان وكاره نفسه والدنيا كلها .. ديمه تكفين ارحميه وارحمينا ) .
تذكرت كلامها لي في المستشفى .. معقولة بنت صغيرة واصغر مني بكم سنه تعلق كلامها بذهني للحين وانا الكبيرة الفاهمه احاول اهرب منه لأنه هو الصح وهو الحقيقه .. والحين تطلبني اسوي الصح .. انا احب مهند ليه مااتنازل ..
انا احب مهند وادري انه يحبني ليه اخلي فاطمة تقضي علينا .. ليه مااعطيه بدل الفرصة عشر المهم نرجع لبعض واعيش لو كم لحظة في حضنه . .



الليلة العيد ..
وهذا اول عيد لي وانا زوجة لمهند .. وأول عيد لي اعيشه برا مو عند خالي ناصر واهلي .. وأول عيد اكون فيه مشتته بالشكل هذا . وأول عيد تكون مشاعري مو ملكي ..
لو كنت الليلة عند مهند .. ياترى كيف بيكون العيد معاه .. هل راح اكون زعلانه منه زي اغلب ايامنا مع بعض .. ولا بصير مبسوطه واعيش كل الطقوس والفصول لمن يضحك او يكون مبسوط او يقول احبك او يحضني ويضمني ..

متمدده على الكنبه في الصالة اللي تحت فيني حزن قد الدنيا كلها .. مو قادرة اخرج من اطاره .. احاول اكبت وأبين اني مبسوطه في بيت جدتي بس مهند مو مهنيني .. اخذت الخدادية وحطيتها على عيوني وانا شارده من الدنيا كلها ومنحصرة بتفكيري وأفكاري وذكرياتي بعالم مهند ... صورته مو راضيه تفارقني .. انتبهت على نغمة جوالي تدل ان وصلني مسج ..
مديت يدي على جوالي وفتحت المسج قلت يمكن احد يهنيني بالعيد من صاحباتي ولا اخوالي .. بس لمن شفت الرقم فزيت وجلست قريت الرسالة ودموعي تنزل غصب .. مو تهنئة هذي ..! لا هذي رسالة عذاب .. رساله مأساوية على الرغم ان أي احد يقراها بيقول رومنسيه ورسالة حب وعشق .. بكيت من اعماقي .. على حالي وعلى حال مهند .. ليه يصير لنا كذا .. ليه انا والقدر مختلفين .. كل ماحاولت اصير مبسوطه ينغص علي .. ليه حظي في الحياة كذا ولا يبخل علي بالسعاده .. ليه كل اللي حولي يحققون السعاده بأسهل شي وانا انحرم منها بأبسط شي وأسهل شي .. استغفر الله العظيم بس والحمد لله على فضله وعطاءه وقسمته لي ... راضيه بقسمتك ياربي بس وش اسوي بنفسي الضعيفه اللي تأمرني بالسوء والاعتراض على قدرك ونصيبك لي ...
ضميت الجوال على صدري ياربي احبه مو بيدي .. ياربي مشتاقة له .. ياربي ابغى ارجع له ويرجع لي بس صعب ومااقدر ..
خلاص ماعاد فيني اكبت اكثر من كذا ولا اسكت .

على نار الصبر قلبي يذوب لشوفة عيونك..
يعذبني الصبر لكن أمني عيوني بالشوفه ...
كثير قلوب عشاقه .. ولكن قلبي مجنونك
يصيح وتحضنه روحي تقول القاسيه ظروفه
تعبني الزمن والله سقاني المر من دونك
تخيل وش بقى فيني وانا اللي حيل مفتونك
وربي لاسمعت(أسمك) تطير الروح ملهوفه..
عسى ماحد يجيب اسمك عساهم لامايطرونه.
إلاوهلة الدمعه وقلبي تصفق كفوفه.
وجفني للوله صفحه واسمك دمعي حروفه
تمنيتك تجي وتشوف عيونٍ مايشوفونك
مشتاااق لك ياديمه . .
.. ..
يمكن تشوفون الكلمات عادية وماتأثر لدرجة اني انهار وأبكي وأحس في كل حرف فيها .. قريتها مرة ثانيه .. انا اصلاً تعبانه من قبل ويمكن شفت الرسالة وجات على الجرح وبوقتها وكانت سبب اني اسحب اول دمعه من دموووع كثير مخزنتها من زمان .. وكأني انتظر شي ينزلها عشان ارتاح من الهم اللي شايلته على قلبي .
قمت بروح لغرفتي فوق .. وانا طالعه مع الدرج قابلت جدتي .. اول ماشفتها رميت نفسي في حضنها وبكيت اكثر وأكثر .. محتاجه حضن غير حضن مهند
لازم انساه حتى لو كنت احبه واشتاق له اكثر وأحس فيه وأحن عليه ..
حاولت جدتي تهديني قالت : اتصلي عليه يابنتي وحاكيه .. هيك مابيصير .
هزيت راسي يعني لا وماحبيتها تتكلم اكثر مافيني اعيش بواقع مهند .. ابغى انساه ياعالم .. كيف اقدر امسحه من ذاكرتي .. كيف اطمسه من عالمي ومن واقعي ومن حياتي .. ياربي لو بيدي كان شلته من ذاكرتي ومن قلبي .. آآآآآه ياقلبي ..
ياليتك ماعرفته .. ولا ضعفت له .. ياليتني للحين اكرهه . . وياليتني ماجبت ريم معاي هذيك الليلة لغرفتي وسمعت كلام مهند من تلفونها . .
فكيت نفسي من جدتي اللي تأثرت كثييير وقعدت تبكي معاي .. وطلعت بسرعه لغرفتي اكمل مناحتي وأحاول اطلع اكبر قدر ممكن من الدموع المكبوته من يوم جيت لليوم ..
نمت الساعه اربعه الفجر .. الساعه عشرة صحيت على الربكه في البيت والأصوات .. شفت ام خليل عندي في الغرفه وتناديني قلت لها : كم الساعه
: هلا الساعه عشرة وبعدك نايمه واليوم عيد ياديومه .. يالله حبيبتي اصحي كل عام وانتي بخير . .
: وانتي بخير ياام خليل الحين اصحى وراح انزل تحت بس روحي واقفلي وراك الباب .
لبست بنطلون شموا لونه بيج طويل وواسع شويه .. ولبست بدي بني وجاكيت بيج وفيه دوائر متداخله لونها بني وهو طويل الين نص الفخذ وثقيل شويه عشان البرد .. . ماحطيت مكياج ولاتكحلت لأن عدنان زوج خالتي سمر بيجي وبنخرج بعد شوي انا وخالتي وجدتي نتغدى برا ونشوف الاحتفالات حقتهم ..
طبعاً مااقدر اوصف لكم العيد بسوريا الشي الوحيد اللي قيدني بحفلاتهم هو الاختلاط بس تأقلمت بحجابي وعدم احتكاكي المباشر بالرجال .. اليوم الثاني رحت سريان مع جدتي وجاراتها وأهل سهى زوجة خالي ايمن .. بصراحة اجواء خيالية حتى البرد عندهم لهم طعم …! حاولت قدر الإمكان اتناسى همي وأعيش وقتي واكون مبسوطه . ..
رجعت آخر الليل للبيت ونمت على طول .. حاولت اطرد مهند من راسي اذا تذكرته .. حتى ام خليل وصيتها ان اي احد يتصل فيني تقول له اني مو هنا حتى لوكنت هنا ولا تقول نايمه ..!
صرت اتهرب من اي شيء يذكرني بمهند .. حتى اليوم الأول لمن اتصلت على خالتي ام مهند وعمي عيدت عليهم بسرعه وعرفوا اني اتهرب من اي سؤال يسألوني اياه سواءً ويني ؟ ولا ليه رحت ؟ ولا متى برجع ؟ اعتذرت بالمكالمة انها دولية واني اتصل من بيت جدتي وقفلت بسرعه …
اخوالي ولمى اتصل عليهم من تلفون جدتي وخالتي فادية اتصلت فيها مرة وحدة لمن عيدت عليها وكانت مرة زعلانة مني تقول ليه ماتردين على اتصالاتي ولا تكلميني وليه تروحين وتتركين زوجك واعتذرت ان جدتي مشتاقة لي واني محتاجه اغير جو بعد الاختبارات والضغط النفسي بالرسالة …محد قال لها على اللي صار اشوا ولا كان سوت مشاكل وقومت اخوالي ياخذون حقي من مهند .. خالتي فادية بالرغم انها طيبة الا انها متهورة ودايماً تندم على تسرعها وتقرر ماتتهور بس مافيه فايده خالتي ماراح تتغير ابداً …عشان كذا مااحب اقول لها على مشاكلي بالرغم اني واثقة انها تحبني وماترضى احد يدوس لي على طرف … بس افكارها وقراراتها ماتقنعني .

الليلة طفش ومكسله مافيني اروح لاحد ولا اجلس مع احد .. طلعت لغرفتي وأخذت لي كم لوحه ولبست جاكيت طويل وحطيت على شعري قبعه صوف ولبست شال لفيته على رقبتي ونزلت للحديقه ابغى ارسم .. حصلت العم ابوسليم اول ماشافني جاب لي كاسة زهورات وجلس يكلمني عن آلاء وحبها لي قلت له : اليوم بعد المغرب بمر بيته وآخذها للسوق ..
رسمت الوان باردة ابيض ، رمادي ، بيج فاتح دخلتها مع بعض ، بعدين رسمت الوان باهته اخضر فاتح ،اصفر ماادري ايش ارسم استنيت الفكرة تطلع مع خربشتي بالألوان ….
خربشت الوان واصلاً انا اذا جيت ارسم احب ارسم حالتي النفسيه قبل كل شي ودايماً لوحاتي تطلع بالنهاية على حسب النفسية اذا انا مبسوطة تصير اللوحة فرايحيه وألوانها زاهيه .. واذا حزينه تشوفون لوحاتي غالب عليها اللون الأسود والألوان القاتمه وباين انها حزينه وكئيبة ..
انا الحين مكتئبة من الداخل وابين اني مبسوطة ، احاول اشغل وقتي كله وانا في الأصل والحقيقه مشغولة ، مهند مستحوذ على اغلب مساحات تفكيري اذا مو كلها .. خاصة من بعد مادق على بيت جدتي وسمعت صوته ماادري من فين جاب الرقم اكيد من عمي ياسر لأنه كلمني في العيد وعيد علي .. ولمن سألني ليه تاركه بيتي وزوجي قلت له متفقه انا وزوجي على الشي هذا .. وأكيد فهم اني ماابغاه يتدخل بأموري وسكت ..
بعد ماسمعت صوت مهند وهو يقول : ديمه حبيبتي … وسكت حسيت بالأرض تلف فيني وتخربطت اجل مهند لهالدرجة متمكن مني . احاسيسي مشاعري ,
بلعت صوتي ونفسي ومشاعري المنتفضة وأحاسيسي الهايجه ونبضاتي اللي تزيد .. خفت ان مهند يفضحني واضعف وانقاد له بسبب مشاعري ..
مافتحت فمي ولا رديت ..
: ديمه ردي علي انا مريض بحبك ، والله اني مريض لاتلوميني في شي .
قفلت السماعه لأني خفت انه يأثر علي .. وماابغى اسمعه او ارجع له من باب العاطفة ..

زعلانه منه ..؟
ايوه زعلانه .. ليه مهند خلا فاطمة تنتقم مني بيده هو .. مهند اللي كل ماصار بيني وبينه خطوه بعدها الف خطوة .. وأخيراً بعد ماتلاشت كل المسافات وجيته انا بقلبي وعقلي ومشاعري يسمح لفاطمة تبعدني عنه اميال

ارجع له ..؟
ماراح ارجع لك يامهند النصيب مايبغانا لبعض .. موراضي نقرب من بعض .. ورافض نكمل .. صح ان مهند حاول يتحداه بإجباري على الزواج منه مو برضاي .. وصح انه قدر يتمكن مني غصباً عني مو بكيفي .. وصح اني صرت احتاجه وان فراقه صعب بس القدر والنصيب اقوى مني ومنه ومن تخطيطه وأفكاره ..! ومن مشاعري واحتياجي له .
دق مرة ثانيه وثالثة وعاشرة انا هربت من البيت كله وطلعت للحديقة لايمكن اسمح له يعتذر ومستحيل اعطيه فرصة يتمكن مني اكثر ..
انا اضيع بحبه وهو يلاحقني مافيه حل الا اني اهرب منه عشان اقدر اتخلص منه ..
قعدت ارسم بألوان باردة وباهته وقاتمه في نفس الوقت سبحان الله اكثر شي يعبر عن حالتي النفسيه هو الرسم والألوان
حياتي هنا فيها برود وملل وكآبة .. بالرغم من الأجواء الحلوة البرد والمطر .. الشتاء حلو رغم انه مؤلم .. البرودة مقيده ، واللبس الثقيل يطفش ،، والمطر مع البرد حلو بس مانقدر نخرج فيه ..
اجمل شي في الشتاء هو الدفا اذا كان الجو برى بارد ودخلنا داخل البيت وشغلنا المدفئة .. احلى شعور انك تحس بالدفء وحولك جليد .
يذكرني بمهند … رغم قسوته وكلامه الجارح الا انه اذا اعتذر مني نساني كل الزعل ..وغالباً كانت حياتنا فيها برود وجفاء الا ان فيه لحظات اعتبرها عن كل ايامنا .. لحظات قضيتها بحضنه لايمكن انساها كانت عن عشرة عمر،، كانت كأنها سنين اخترقني فيها مهند للعظم ،، قدر يوصل لمشاعري غصباً عني ، ادري انه لمن انفعل وضربني لأنه يغار ويغار لأنه يحبني .. ويحبني لأنه مجنووون فيني ،، من داخلي اعذره واحب غيرته بس لايمكن اتمادى في سماح مهند كل ماغلط عليّ . بس لو تونى وسألني من يكلمني .. بس لو استنى دقيقه وحده .. !
آه بس من لو .. صدق انها ماتحل ولا تربط ولا تفيد الآن ..
طلعت لغرفتي بعد مادَخَّلت لوحتي داخل البيت مااعجبتني ولااخذتها معاي لغرفتي ،، خليتها بمدخل البيت تحت ..!
ورحت البس ورحت لبيت عم ابو سليم اخذت آلاء ووديتها السوق اشتريت لها العاب وملابس كثيرة .. وأي شي تقول ابغاه اشتريه لها .. الحمد لله ربي معطيني خير وهي بنت يتيمه وفقيرة .. عشان كذا شكرت ربي وانا ارسم البسمه على وجهها الطفولي وادخل الفرح لقلبها البريء .
رجعت لبيتنا مع خالي ايمن اللي اخذني من السوق بعد ماكلمته يجي ياخذنا ..
وبعد اسبوع طلعت لي رقم جديد اكلم فيه اخوالي ولمى وهدى .
مهند مااتصل الاسبوع هذا على بيت جدتي .. غريبة ..!
يمكن مل مني ..!
بيخلني على راحتي ويشوف آخرتها معاي
ولا خلاص عرف ان مافيه امل ارد عليه ..!
تمنيت انه يدق علي صرت اتلذذ وهو يهتم فيني ويحاول يراضيني ويتكلم معاي
وانا اصده واتغلى .. .. صحيح اني غيرت رقمي عشان مايلاحقني مهند واتعلق فيه اكثر بس لقيتني انا اللي ابيه يلاحقني واني مبسوطه بتعلقي فيه ..
فكرت اتصل على خالتي ولا على عمي بعدين قلت أأجلها كمان كم يوم بشوف مهند فيه شي .. الله يستر لايكون صار له شي .. ولامل مني وراح يخطب . ..
من حقه يخطب لأنه من يوم ماتزوجني وهو ماتهنى زي باقي الناس
دقيت على خالي ماجد وسولفت معاه شوي كنت ابغاه يجيب لي سيرة مهند بس ماجاب اسمه وسكرت منه بعدين دقيت على خالي ناصر
: هلا خالي كيفك ؟
: هلا ديوم اشوف طالت الجلسه هناك
: ههههههههههههه مشتاقة لك والله
: واحنا اكثر حتى هدى مزعجتني تقول نبي نروح لهم خميس وجمعه وزد عليها يومين
: هههههههههههههههه الله يحييكم بس ترى فيه برد على عيالكم جيبوا لهم لبس ثقيل
: لا ماراح نجي ومزاجك كذا ..!
: شو فيه مزاجي .. سكتت شويه بعدين كملت : مرة مبسوطة
: لاوالله ..؟ تكذبين على نفسك ولا علي ؟
: خالي ليه تقول كذا ؟
تنهد خالي وتكلم بجديه قال : ديمه .. مهند كل يوم عندي حالته تسوء يوم عن الثاني .. الرجال تعبان بالمرة .
زادت نبضاتي وحاولت اتنفس بعمق وبهدوء حتى ماينتبه لي خالي قلت ببرود مصطنع وكذاب : ليه ؟
: الرجال مهموم يقول لو مارجعت ديمه رحت لها وطلب مني اعطيه عنوان بيت جدتك قلت ماابي ازعل ديمه
صابتني رجفه مو طبيعيه بانت حتى في صوتي واحسني انخنقت قلت : ها ..؟ لا ياخالي الله يخليك . .. يكفي انه جاب رقم جدتي منكم .
: رقم جدتك عنده يقول انك قد كلمتيها من جواله .
تذكرت اوووه صح .. بس المهم الحين ان عمي ياسر مايعرف بيت جدتي ولا كان اعطاه اياه ولحقني مهند هنا ..حمدت ربي وشكرته لأن اخوالي ماراح يقولون له الا اذا اخذوا رأيي .
انتبهت لخالي وهو يقول : اسمعي ديمه انتي لازم ترجعين تحلين مشكلتك الهروب مو حل ..!
: ماقلت اني بحل مشكلتي بالهروب بس انا هنا ابغى ارتاح نفسياً وانسى اللي صار ..
: صار لك شهر تقولين برتاح وانسى لمتى طيب ..؟
: الين انسى واتخذ القرار الصح
: انا شايف ان الرجال يحبك وماراح تحصلين احد يحبك كثره واذا على اللي صار بينكم فهذا بدافع الحب وبسبب التحريض وانا واثق انك عاذرته لأنك طيبه وقلبك كبير ولأنك بنت واضحه وتفهمين الأمور بوضوح .
: خلاص خالي اوعدك افكر بس هذا الاسبوع اتركني هنا ولا تقول لي ارجعي .
قفلت مع خالي وانا احس باحساس غريب فرحانه ان مهند يحبني ومهموم عشاني وزعلانه عشانه مااحب يصير له شي او يتعب .. احسن خله يحس عشان يتوب مايغلط علي ..!
مر اسبوع ثاني ماكلمني مهند وبصراحة مو عارفه هل انا مشتاقة له ..؟ ولا تعودت عليه ..؟ ، ولاقلقانه عليه .. ؟ ، ولا ايش بالضبط ..؟ احاسيس غريبة مااقدر احددها لكن اللي عرفته اني مهتمه بمهند واحبه .
حاولت انام بعد جهد وتفكير وتملك من مهند لواقعي وخيالي وذكرياتي وحتى مستقبلي اتخيله معاه .. معاه هو لوحده ..!
رحت الصباح لخالتي سمر في العمل حقها .. وكانت مفجأة حلوة لها .. اخذتني عرفتني على المديرة حقتها وهذيك مرة انبسطت وزبطت علاقتي معاها عشان خالتي .. طبعاً بنت سعوديه وباين ان عندها خير اكيد لازم تهتم فيني وتزبط علاقتها فيني عشان يمكن تحتاجني هذا كان تفكير مديرتها لأن المصلحه عندها فوق كل شي ..
رحت مع خالتي بعد ماسمحت لها المديرة انها تخرج بدري عشان نتغدى برا بمطعم عربي قد رحنا له مع جدتي … جلست افكر اذا مهند دق على البيت يدورني ولا لا .. ياربي حتى هنا مشغلني ..!
: شو ديمه لوين وصلتي ؟
: ها ..؟ مارحت مكان موجوده معك
: كزاااابة .. وعيونك فيها حكي كتير .. ومانك هون وماسمعتي ولا كلمه التها ابل شوي .
: خالتي تدرين ان مهند مااتصل من اسبوعين
: وليه ماعم تطلبيه انتي .؟
: لا مستحيل
: اوكي كلمي خالك ناصر اسئليه
: كمان مستحيل
: خلاص انا هلاّ بدء على هدى وبسألها .
: لا خالتي لاتدقين على احد .. خليه اذا مادق بكيفه
: سدئيني ياديمه الرجال بيمل من الست اللي عم تتجاهله ومابتهتم بمشاعره .!
: واذا مل .. ؟ واذا تركني .؟ خلاص هذي القسمة والنصيب مابيدي شي وانا صبرت على مصايب اكبر من فراق مهند .. او اني ارجع لبيت خالي متطلقه .
كنت اقول لها هالكلام وانا اقول في نفسي كذابه ياديمه كذااااااابه . ماتقدرين تصبرين على بعده اكثر من كذا .. الا مهند ياديمه ..
وصل الأكل ماكان لي نفس آكل ياربي مهند وراي وراي وين مااروح..
اكلت شي بسيط عشان خالتي زعلت مني لمن قلت مالي نفس .. بعدها قمنا رجعنا انا رجعت لبيت جدتي وهي راحت لبيتها
احس صحتي تحسنت من يوم جيت عند جدتي لأنها تأكلني اكثر من خمس وجبات باليوم عشان ارجع وزني زي اول ..رغم اني مهمومه الا اني اقدر آكل بسبب اصرار جدتي وطبخ ام خليل اللي يفتح النفس .
طلعت لغرفتي وجلست شوية .. شفت فوق دولابي لوحه قديمه رسمتها … اخذت الكرسي وعديت عليه عشان انزل اللوحه اول مافتحتها… اوووه تذكرتها هذي رسمتها بأجمل ايام مرت علي ..!بعد ماتخرجت من الجامعه ..! قبل وفاة ابوي الله يرحمه .
ضحكت على نفسي اللوحة هذي بجد تذكرني بأشياء غايبة عني
دوائر صفراء وخضراء وحمراء وفيه خطوط سوداء وموقعه بحياة عادية
سبحان الله معقولة الحياة كذا .. الدوائر الخضراء عبارة عن الارتياح والسعادة والصفراء يمكن برود في الحياة والحمراء المشاكل والسوداء الأحزان
ماادري ليه حسيت بالارتياح لمن شفتها وأخذت اللوحه على جنب لفيتها وقررت آخذها معاي وأول مااوصل احطها بالمرسم حقي في بيت خالي او في بيتي اذا رجعت لمهند ... قلت اذا بكل اسى ....
وجات في راسي فكره اني ادق الحين على اهله .. اتصلت على رقم ريم وماردت صدق كسولة ونوامه اكيد الحين نايمه ولو مية جوال عند راسها ماتصحى ولاتدري عنه
دقيت على رقم خالتي متقفل عرفت ان خالتي اصلاً ماتهتم بالجوال وأكيد بطاريته فارغه .. واتصلت على البيت وانا ارتجف خفت مهند يرد علي
: الو … .كان صوت رانيا
: الو السلام عليكم
: عليكم السلام ورحمة الله
: كيفك رنو ؟ ..
: لا لا مو مصدقه .. حسيت الصوت بعد بس اسمعه وهي تصرخ وتقول: عممممممي جيت بوقتك .. حزر مين يكلمني ......... اقسم بالله انها ديوم .
: بنت رانيا فين رحتي ..؟
: هلا ياعمري .. هلا حياتي .. متى بتجين ولا نجيك نراضيك كلنا ونجيبك هههههههه خلينا نجيك فرصة اشوف سوريا ماقد شفتها
: هههههههههههههههههههههههههه الله يحييك بس ماله داعي تراضوني مو زعلانه منكم انا
سكتت رانيا شويه بعدين ردت بلهجة توسل قالت : عمي بجنبي وتراه تعبان كثير من بعدك لوشفتيه ماتعرفينه .
: ممممم رنو خالتي عندك مشتاقة لها وابغى اسلم عليها .
حسيت لهجتها تغيرت وهي تقول : لا امي مو هنا
: اجل قولي لريم اذا صحت اني راح ادق عليها بعد ساعتين خليها تنتظرني لأنها واحشتني بسولف معاها .
: ريم مو نايمه هنا جالسه عندي .
: ليه ماردت على جوالها .. دقيت عليها قبل شوي .
سمعت رانيا تسألها بعدين ردت علي بجفاف باين انها زعلانه مني : جوالها بغرفتها .
: خلاص بدق على جوالها خليها تروح عنده .
: طيب تبغين شي كمان
: ايوه ابغاك ماتزعلين مني لأني اعززك كثير .. وماابغى اللي صار يغير علاقتنا في بعض
: تبيني اشوف عمي يموت بسببك وارضى عليك .
: لاتقولين يموت بعدين ازعل منك الله يطول بعمره ويخليه لكم .
: ومايخليه لك انتي ؟؟
: هو عندك الحين .
ردت بلهفه : ايوه ديمه تكلمينه ؟
: انا مستعجله الحين ماعليه بقفل واكلمك مرة ثانيه
: اللي تبغينه .. يالله مع السلامه واستنى منك مكالمه
: اوكي مع السلامه .

بعد خمس دقايق اتصلت على ريم اللي من اول دقه ردت علي : هلا بالقاطعه طيب ازعلي من مهند لاتكلمينه انا اش ذنبي
: هههههههههههههههههههههه خليني اسلم اول شي .. السلام عليكم وكيفك ياريوم مرة مشتاقه لك
: ههههههههههههههههه شوي شوي علي .. عليكم السلام وبخير وانا اكثر واكثر .. ديمه ترى زودتيها
: لاوالله ..؟
: من جد ديمه ليه تسوين كذا ..؟
: شو سويت ..!
: ماسويتي شي بس مهند يتعذب بسببك .. ديمه مهند يحبك ، ولو تشوفينه الحين حالته تحزنك ،، قبل كم يوم امي سألته عنك قال ماادري عنها ماترد علي قالت اذا ماتبيك لاتجبرها عليك .. تدرين اش قال
تكلمت وانا ارتجف : اش قال ؟
: قال والله مااتركها الا لقبري
بسرعه انا رديت : ليه يقول كذا مايدري اني اكره سيرة الموت والقبر
: المشكله ياديمه انك تحبينه وهو يحبك ارجعوا لبعض حرام عليكم اعطوا انفسكم فرصة .
: هو فينه الحين ؟
: في بيته من اول مايجي لين يداوم حتى ماعاد ينزل عندنا الا نادراً . وقبل شوي لمن كلمتي كان توه دخل وقف الين قفلت رانيا وفهم انك ماتبين تكلمينه وطلع من دون مايتكلم .
: يوووووه ليه يسوي بنفسه كذا ..؟
: اقول لك مهند تعبان ماتفهمين ولا ماتصدقين … قعدت ريم تبكي .. بعدين كملت .. : اتني ماتدرين عن اللي يصير في مهند لوتشوفينه الحين ماتعرفينه
: ريم خلاص لاتبكين هذا اللي مهند يستناه من اول ماخطبني
: حرام عليك ياديمه اغفري له عشان حبه لك
: ريم لاتتعبيني اكثر مما انا تعبانه
: تدرين انه يروح للمستشفى وهو تعبان يقول اجلت عملية مريضين خفت اسوي فيهم ذنب وانا مااقدر اسويها .. وماعندي استعداد اغامر بحياة الناس ..!
: ريم هو قالك هالكلام ؟
: لاسمعته يكلم ساميه لأنها تتصل فيه مقفل جواله بعدين دقت علي قالت ودي الجوال عنده ووديته الجوال بس ماطلعت من الجناح وسمعت كلامه لها
: اش معنى ساميه ؟
: ساميه اقرب الناس لمهند مايخبي عنها شي وفهمت انها تبي تكلمك بس هو رفض قال لايمكن احد يتدخل بيني وبين ديمه .. ديمه الله يخليك لاتتركين مهند ولاتعذبينه اكثر من كذا صدقيني نال جزاه بما فيه الكفاية .. ديمه اقسم بالله انا في العيد معيدين بس حزن مهند عليك منغص علينا حتى ابوي مقهور عشانه وووو
: وأيش ؟
: ابوي كذا مرة فكر يخطب لمهند يقول اذا تزوج مرة ثانيه بينسى ديمه ويرجع مهند الأول .
حسيت الدنيا تلف فيني واحسني ابغى استفرغ قلت لها بصوت مختفي ويادوب طلع : طيب ريم ماعليه بخليك الحين واكلمك مرة ثانيه .
: انا آسفه ديمه كدرت عليك بس لازم تعرفين باللي قاعد يصير .
: لا حبيبتي ريوم ماكدرتي علي ولا شي انا بدق عليه الحين بس بتأكد هذا رقمه ولا لا
ريم بفرحه صرخت : صدق ..!
: صدق بس الله يخليك لاتقولين لأي احد اني بكلمه .. لامهند ولا اهلك ولا ساميه ولا احد طيب ريم ؟
: وربي مااقول لاحد اهم شي مهند ترجع له حياته وضحكته اذا سمع صوتك
ملتني رقمه وطلع نفسه اللي بجوالي وارسل رسالة ليلة العيد .. تصدقون ماقد فكرت اخزنه لأنه مايدق علي الا وانا زعلانه منه ..!
حفظت الاسم باسم المهند وارسلت له اغنية لمحمد عبده
كنت اضغط ارسال ويديني ترتجف بس عارفه انه ماراح يرد ولا راح يدق الآن لأن زي ماتقول ريم مقفل جواله باستمرار ..!

كل ماقفيت ناداني تعال
وكل مااقبلت عزم بالرحيل

الحقيقة غدت مثل الخيال
هو عدو لي وهو أوفى خليل

شفت أنا الظلم في بعض الدلال
يجرح القلب لو كانه جميل

يوم أنا أجنبت واعدني شمال
ياهل الود ضيعت الدليل

أشهد أن الهوى مابه عدال
هو خليل وأنا قلبي عليل

كل ماقلتله يابن الحلال
المحبة ...عطه وإنت بخيل

التفت يمي وهوعجل وقال
لذة الحب في الشي القليل

كل ماقفيت ناداني تعال
وكل ماقبلت عزم بالرحيل

الحقيقة غدت مثل الخيال
هو عدولي وهو أوفى خليل

حطيت جوالي صامت ونمت ... ماصحيت الا بعد العشا تقريباً .. حصلت رسالتين وحدة وسائط من مهند والثانية من ريم على طول فتحت رسالة مهند لقيتها اغنية لمحمد عبده برضو


لا والذي صورك مالاق للعين
غيرك ولاسوي بي احدٍ سواتك

انت الذي حطيت بالجوف رمحين
رمح العيون ورمح وردي شفاتك

وانت الذي زينت ياغاية الزين
حياتي ياللي نورها من حياتك

احب فيك العطف واللطف واللين
واحب فيك ارضاك عقب ازعلاتك

واحب فيك الحب ياجامع اثنين
الزين واطبوعٍ تكمل حلاتك

واحب هاك الجيد بين الجديلين
واحب ماتخفيه طرقة غطاتك

ياجارح المجروح لاتودع البين
يقضي علي بغيبتك واسفراتك



سمعت الأغنية حرف حرف .. كلمة كلمة كأني اسمع مهند هو اللي يقولها كنت اتلذذ فيها اتذكر ابتسامته ضحكته واسلوبه اذا جا يراضيني ولا يتغزل فيني .. حضنه وضمته لي ..
بجد اشتقت له معقول اني احبه لهذي الدرجة ..؟
ليه اهرب من الإجابة فعلاً انا احب مهند ..! مااتخيل اني اعيش مع انسان غيره ..!
اصلاً مافيه احد يناسبني بالدنيا غيره ..حتى هو قال ان محد يناسبه في الدنيا غير ديمه وانا اقول نفس الكلام ..


فتحت رسالة ريم .. كانت تقول : ( ديمه اش سويتي باخوي تغيرت حالته 180 درجة نزل اكل وخرج طاير من الفرحه اهلي مايدرون ايش السر بس شاكين ان لك يد بالموضوع اما انا واثقة انك حنيتي على اخوي .. يالله ديومه ارجعي لنا بسرعه مشتاقين )


تنفست بعمق
اول مرة اعيش هذا الاحساس .. كنت اسمع صاحباتي زمان يتكلمون عن الحب وانه اجمل احساس ممكن يعيشه الانسان ..
بس انا خايفه بجد خايفه اني احب مهند واتمادى بحبه وهو يتمادى بغلطه علي
لا لا خلاص انا احبه وراح اسامحه .. واعطيه اللي يبغى واغير حياتي .. وانا اللي راح اسعى لمهند واعوضه واعوض نفسي الأيام اللي راحت .

عدى يومين على رسالة مهند مادق علي ولا دقيت عليه ولا ارسلت ولا قلقت لأني عايشه احساس الأغنية اللي ارسلها علي .
اتصل علي عناد اخوي اللي اكلمه باستمرار واطمنه علي .
: هلا ديوم كيفك ؟
: اهلين بحبيب اخته
: لاتقولين حبيب قولي عناد نخاف تتعودين والمرة الجاية يذبحك زوجك
: هههههههههههههه لا ماعليك محد يقدر يقرب من اخت عناد خلاص اكيد تاب وحرم
: على طاري مهند ديمه بقولك شي بس لاتعصبين
: شو ياعمري قول اللي تبغى ماراح ازعل منك
: مهند كلمني امس واعتذر مني
: اوف لهالدرجة
: ايوه اجل اش تحسبين انا قلت له اذا تبي ديمه ولا تبي تصالحها تجيني انا اول شي .. وخالك ناصر وافق .
: ههههههههههههههههههه الله يخليك لي بس ولايحرمني منك
: اقول ديوم خلاص ترى مهند كان متبهذل ومتعذب وانتي مطنشته ويقول لو مارجعتها ماني مطلقها ولاني متزوج لين اموت
قلت وانا اضحك : يهدد يعني
: لا لا لاتفهمينها كذا بس هو يحبك ويبيك ترضين عليه
: افهم من كذا انه مرسلك علي
: لا ماارسلني يقول ماابي احد يتدخل بيني وبينها بس هو قال اراضي عمي عناد بعدين ديمه
: هههههههههههههههه صرت عمه الحين ..؟
: عمه ونص ولا وش رايك ؟
: هههههههههههههههههههههه طيب عناد يعني انت اهم مني عنده ؟
: مو قصده بس تعرفين الأصول ...
كان عناد يتكلم بثقة وبرجولة وواثق من نفسه وانا متأكده ان مهند بيصالحه لأنه تكلم عليه بالمستشفى يعني اذا رضيت عليه مو حلوة يكون متزاعل مع اخوي اللي احبه كثير ..
: طيب عناد بخليك انا ماابغى اطول عليك .
: اوكي ديمه فكري زين طيب ..؟ ترى مهند رجال صح انه غلط بس صدقيني تعذب واخذ جزاه وانتي بعيد عنه .. بعدين عذره انه يحبك ويغار عليك .. وابليس وزته عليك .
: ههههههههههههههههههههههه حلوة ابليس وزته .. خلاص مستر عناد افكر ولا يهمك بس انتبه لنفسك اوكي ؟
: لاتوصين .. يالله مع السلامه
: الله معاك ياعمري

قفلت من عناد .. ورحت عند جدتي جلست معاها شوي ماعدت ابغى اهرب من التفكير في مهند لأني مستمتعه بسيرته وذكرياته وكلامه لي وحتى عذابه عشاني .. سبحان الله بعد ماكنت مهمومه من طاريه الحين مبسوطه وسعيده بأي شي يذكرني فيه . كنت اهرب دايماً من محاولات ارضائي بعد أي زعل بيننا والحين انا اللي اجيه بنفسي وأصالحه لأني ابغاه وابغى رضاه وقربه وماعاد اقدر على بعاده اكثر من كذا ..
مشتهية ارسم ياناااس ... قلت لجدتي تروح معاي للحديقه ابغى ارسم وانا اسولف معاها ماابغى اتركها لوحدها خاصة انها تعودت علي خلاص .. حتى اذا جبت سيرة اني برجع للسعودية تجلس تبكي تقول انها تعودت عليّ ..

اخذت لوحتي ولبست بنطلون جينز وبلوزة صوف لونها ابيض وأسود طويلة وكمها طويل .. لبست قبعه صوف على شعري ولفيت شال على رقبتي عشان ابوسليم بالحديقه ومااقدر افتح شعري بهذا الوقت ..!
جا مهند في راسي وقدامي وانا ارسم.. قررت ارسمه زي مااحب واتخيله دايماً . .. عيونه ونظرته فيني اذا كان يتأملني .. ابتسامته اللي تدوخني وتربكني .. شعره وهو مرجعه على ورى بشكل عشوائي وفيه خصلة جايه على جبينه .. اكتافه العريضه ويدينه القوية .. رسمته كأنه جالس ومشبك يدينه ببعض ويتأملني بابتسامه ..
اخذت مني اللوحه ساعة ونص بالضبط .. لونتها ابيض واسود وخففت الوان الوجه واليدين يعني لوحة بألوان بس مو صارخه .. احب اطلع لوحاتي بالشكل هذا احسها تعطي شكل اروع ومريح للنظر بعيداً عن المبالغه والألوان الصارخة ...

انهيت لوحتي ووريتها جدتي قلت : شو رأيك ؟
: ولك انتي بتعئدي اسم الله عليك ياديمه ... كأنو مهند إدامي ..ولو اني مابعرفو كتير.. ماشفتوا الا بليلة عرسكن .. قربت جدتي من اللوحه تأملتها بعدين ضحكت وهي تطالعني : شو ياديمه باينتك مشتائة لمهند
: ها ..؟ ههههههههههههههه خطر في بالي قلت ارسمه ..
: لكان تعي يابنتي ردي عالتلفون مافيي روح عندو ..!
: حاضر .
رحت ارد على التلفون وجيت ركض .. صحيح التلفون في الحديقه بس بعيد شوي عن مكاني .
: الو
: اخيراً
:..............
: ديمه حبيبة قلبي
: ..............
كنت ارتجف ومرتبكه احسني بيغمى علي اللي يشوفني يقول عمرها ماكلمته ولا تعرفه . وانه بيجي يخطبها اليوم ..
: طيب لاتتكلمين بس ابي اقولك شي
تكلمت بصوت واطي ومخنوق :اذا على هذاك الموضوع لاتفتحه الله يخليك وسكت شويه ... بعدين قلت : ترى ماصدقت انسى
: طيب ديمه لمتى بتظلين زعلانه .. بطلي زعل ترى اخذتي حقك مني وزياده ..
: مهند اسكت مااحب يصير حالك كذا .
: ديمه انا الحين بالمستشفى بكلمك مرة ثانية على جوالك اوكي..؟
: اوكي .
: انتظريني بكرة اوكي ..؟
: اوكي استنى منك اتصال بكرة
: مع السلامه ياعمري
: الله معاك


اول ماقفلت حسيتني وحده ثانيه احبه ياناس .. اهانني .. جرحني .. عصب علي .. ضربني وكسر راسي .. بس يرجع وينسيني كل شي ... ببساطه لأني واثقة من حبه لي ..والكل يشهد بحبه .. وباين انه تغير وغيابي عنه اعطاه درس ماراح ينساه للأبد ..


اليوم الثاني اتصلت علينا خالتي سمر قالت انها بتجي لأن خالي ايمن بيجي زيارة ثلاثه ايام وبيرجع.. وعدنان مو معاها .. ارتحت بصراحه اذا جا عدنان ماآخذ راحتي ولا هو ولا خالتي .. صار ينزلها عندنا ويسلم على جدتي ويروح ..
لبست تنورة جينز قصيرة لحد الركبة .. وبلوزة واسعه وطويله لحد الخصر وبدون اكمام .. لونها زهري وحلقها دائري واسع .. لبست معاها عقد ثلاث لفات طويل وحلق كبير وأساور كثيرة لونها زهري .. وكمان لبست ساعه الماس هدية خالي علي بزواجي ...
فتحت شعري وسويت مكياج حلو مناسب للبسي .. القيت نظرة اخيرة على شكلي .. وحمدت الله ان صحتي رجعت لي وزن زاد وصرت احلى مني اول ماجيت ...! ونفسيتي عال وأهم شي حبيبي بيكلمني اليوم وبقول له اني مشتاقة له واني احبه ومااقدر اعيش بدونه .

وصل خالي ايمن وسلمت عليه وجبت له القهوة وجات خالتي سمر وجدتي كانت كثير مبسوطه .. احلى لحظات عمرها لمن نتجمع احنا الثلاثة عندها انا نيابة عن امي اللي فقدتها وعيالها اللي راحوا وتركوها لوحدها في بيت طويل عريض ..
جلسنا داخل البيت لأنه مرة صعب نخرج في الليل في البرد هذا ..! وداخل البيت مرة دافي .. بفضل المدفئة الكبيرة اللي بوسط الصالة .
دق جوالي طالعت الرقم كان مهند . ورديت على طول وانا امشي لغرفة الجلوس القريبة من الصالة اللي جالسين فيها ..
: هلا
: هلا والله بحبيبة قلبي
: هلا فيك ... مممممممم كيفك ..؟
: بخير اذا انتي راضية .. وتعبان اذا زعلانه .
: ههههههههههه اجل روح لمستشفى تعالج
تكلم وهو يضحك .. احس دمي كله يفور ويتحرك ويمكن صار يمشي في جسمي بالعكس من كثر مااربكتني ضحكته : هههههههههههه لا لاعالجيني انتي محد يقدر يعالجني غيرك . علاجي بيد حبيبتي .
: ههههههههههههههههه والله دكتور وتبغاني اعالجك
: عاد دكتور وماقدر يعالج نفسه وش نسوي .؟؟
: هههههه طيب ايش مشكلتك
: احب .
اختنقت من كلامه ومارديت :..............
قال بحنان وهدوء وصوت اخترق عظمي ودمي وقبلها قلبي : ليه سكتي ؟
طالعت تحت قلت بعد مابلعت ريقي : ايش اقول ؟
: ههههههههههههههههههه قولي تعال اعالجك
تنحنحت ابغى صوتي يطلع احسني مخنوقه مااقدر اتكلم : احم احم مم مم م ممااعرف
: هههههههههههههههههههه طيب مممممممممممممممم ديمه بقفل انا الحين لأني قريب من بيت انسان عزيز علي بقابله من زمان عنه ومشتاق له .
: اوكي الله معاك
:ههههههههههههههههه مستعجله
: مو قصدي بس خالي ايمن دوبه جا وكمان ماابغى اطول عليك .
: اوكي باي يااااا عممممممري
: هههههههه باي

قفلت من مهند وجيت بجلس عند خالي وجدتي وخالتي ..بس دق الجرس وقمت دخلت خفت يكون رجال ويدخل على طول .. بعد شويه ناداني خالي ايمن ورجعت ..
وقفت مو مصدقه نفسي انا بحلم ولا علم .. ياربي احسني ادوخ ومو في وعيي .. لا لا مكالمة مهند اثرت فيني .. وصرت اتخيل ويتهيأ لي .. شكل المشاكل اللي مريت فيها والمصايب اللي جاتني اثرت على نفسيتي وصرت مختله ..
كان واقف يناظرني بجنب خالي ايمن بعد ماسلم على جدتي وخالتي .. لابس بنطلون اسود وقميص ابيض وعليه جاكيت اسود طويل من الجلد .. ولاف على رقبته شال من الصوف لونه اسود ..
والعطر نفسه اللي كان يجتاحني ويدمرني وينهكني ...متجمده بمكاني ماعدت اهتم لأحد يكون موجود ولا اكون لوحدي .. ! المهم اصدق اللي اشوفه واتأمل عشان استوعب ..!
قلت وانا فاتحه عيوني ومذهوولة وفرحانه ومفجوعة بنفس الوقت : م ه ن د ؟
قرب مني وسلم على خدودي وباس جبيني .. وضمني على صدره بسرعه .. احسه غصباً عنه ضمني وانا مااقدر اقاومه ولاابغى اصلاً ..
همس بأذني :مشتاق لك .. كنت ميت والحين حييت ..
متجمدة بمكاني .. ماتحركت ولا تكلمت .... آخر شي ابتسمت وقلت : مهند النااس هنا .!
اخذني بيدي ولف يده حول اكتافي وجلسني بجنبه كان قربه يحرقني ويحييني بنفس الوقت . ياربي احسني بحلم للحين .. ياناس احد يصحيني اللي بجنبي هو مهند ولا اتخيل من كثر مافكرت فيه واشتقت له . ياربي السعاده اللي انا فيها الحين حقيقه ولا وهم ..
التفت لي قال بصوت هادي يحاول مايخلي احد يسمعه ونبرة صوته هي نفسها اللي تأسرني وتخرسني اذا سمعتها : كيفك ياعمري .
ابتسمت بربكه وخجل قلت : ها ..؟ بخير .. كيفك انت ؟
سحبني بيده اللي كان لافها على اكتافي لجهته وهو يضحك ويقول عساه دوم بخير .. انا بخير وانتي معاي .
التفتت لجدتي وخالتي ماشفتهم بس شفت خالي ايمن جالس دوبني انتهت للعالم اللي حولي .. قلت لخالي ايمن : كنت عارف ان مهند جاي
: ماكنت عارف انو جاي .. بس بيعرف اني هون .. لأنو اخد العنوان ووصف البيت مني ..
التفت على مهند بسأله من فين جاب رقم خالي ايمن بس اربكتني نظرته فيني .. مشتاق لي عيونه تقول انه مشتاق .. عيووونه .. آآه ياعيونه متغيره ووجه متغير .. سكت ماقدرت ا تكلم .. وقبضني قلبي بقوووة اجل انا السبب في حال مهند هذا .. وأثري الناس صادقين لمن قالوا انه متغير ومهموم .
وقفت عشان اجيب القهوة ..بس سحبني بيدي ورجعت جلست قال : لاتروحين اجلسي .
ابتسمت وانا اطالع بخالي ايمن بعدين فيه قلت : بجيب القهوة .. بلعت ريقي وكملت بحاول اخلي الجو عادي : تبغى من قهوتنا ولا قهوتكم
: ههههههههههههههههههههههههههه اجل خلاص صارت قهوتنا وقهوتكم
ابتسمت وقلت وانا ماادري اش اقول بس لازم اتكلم عشان اهرب من عيونه وضحكته اللي بتطيحني الحين على راسي من كثر الربكه : ايوه خلاص صارت قهوتنا وقهوتكم .. ها تبغى قهوة سورية ولا عربية .. سعودية يعني
: لا اشرب من قهوتكم بس لاتروحين اجلسي احد يجيبها غيرك
دخلت علينا خالتي سمر بالقهوة ووزعتها علينا ورجعت جلست بمكاني وبعدت شوية عن مهند حتى مايغمى علي وهو قريب مني ..
جات جدتي ووراها ام خليل اللي حطت الحلا وراحت
كان مهند يسولف مع خالي وجدتي واحيانا مع خالتي سمر وانا ماتكلمت قال لهم على العملية اللي سواها قبل يومين لحرمة كبيرة عندها ورم في راسها وانها كانت في غيبوبة وحالتها جداً متأخرة وبفضل الله استخرج الورم وصحت اليوم الثاني و حالتها تحسنت كثير .. كنت استمتع بكلامه وفرحانه انه شخص مهم في المجتمع وبفضل الله ثم فضله ناس كثير استعادوا الأمل في الحياة اولهم انا ..
وصف لنا مهند حالة عيالها وبناتها وكيف حزنهم وبكاهم قبل العملية وفرحتهم بعد ماتطمنوا على صحة امهم ..!
يوه يالدنيا صغيرة لحظة فرح ولحظة حزن .. موت وولادة .. ويأس ثم امل .. ولا العكس ..
التفت علي بسرعه قال : يالله
قلت متفاجأة : فين يالله
: بطلع انا وياك
تدخلت خالتي سمر قالت : لا مابنسمح لك اول شي تتعشا عنا بعدين تتسهل
: لا مو اليوم انا باخذ زوجتي وبكرة نمر عليكم اش قلتي ديمه
: ها..؟ خلنا نجلس هنا مو بهالسرعه ... على قد ماانا مشتاقه لمهند على قد ماانا خايفه من جلستنا مع بعض لوحدنا خاصة ان هذا وضعي وحالي . .
تدخل خالي ايمن قال : ما بنسمح لك يادكتور مهند هلا عدنان ييجي بدنا نسهر مع بعض وتتعرف علينا اكتر ونتعرف عليك .
تدخلت جدتي : مابيصير ياابني لازم تتعشى عنا ولا راح ازعل منك
قلت له انا : خلاص هذي جدتي الا زعلها
ضحك مهند : هههههههههههههههههههه خلاص اللي تشوفونه بس عشا عادي لأنا اهل
قال خالي ايمن : ولو اخي مهند انت ببيتك واحنا اهل

جلسنا نسولف كلنا .. انا كلامي كان مرة قليل مستحية من مهند واصلاً انا عادة اذا فيه احد اكبر مني والمجلس فيه ناس كثير افضل السكوت ..!
قال مهند : ديمه ماكلمتي الجامعه عشان الوثيقه .
: لاوالله مالي خلق اكلمهم كنت اخاف يقولون تعالي بسرعه
: طيب بكرة كلميهم وقولي انك مسافرة
: ان شاء الله
طالع ساعته بعدين قال : انا ابغى اصلي اذا سمحتوا
قمت انا بوريه دورات المياه والغرفه اللي كان يجلس فيها ابوي الله يرحمه او خالي ناصر اذا جا لوحده عندنا .
وديته للحمام وهو اعطاني الجاكيت حقه مسكته وشميته على طول .. كله ريحة عطر ودخان ..!
ريحة مهند المعروفة .
خرج مهند متوضي وانا واقفه عند الغرفه قلت له وانا ابتسم : ترى اليوم بتنام هنا تعال شوف غرفتك ..!
: ايش ..؟ عجلي بس جهزي اغراضك بنروح أي فندق من زيني جالس عند الناس .
: اشبك ترى هذا بيتي لاتحس نفسك غريب .
: لا ديوم باخذك اروح انا وانتي لوحدنا تكفين لاتقعدين تتشرطين
: طيب الحين ادخل صل بعدين نتفاهم واللي تبغاه يصير .
: فيه سجاده هنا ؟
: ايوه ..... فتحت الدولاب وخرجت منه سجاده وفرشتها ناحية القبلة قلت : بروح اخليك تصلي .
: دقايق وارجعي لي ابيك
: حاضر
صلى مهند وانا خرجت عند جدتي وخالتي سمر ماشفت خالي ايمن
قلت : فين خالي
: راح يجيب شوية اغراض
: جدتي لاتتكلفون ترى مهند مايحب يحس نفسه ضيف ثقيل
: لا يابنتي مهما كان هو ضيف بعدين بدك زوجك يئول عنا بخلا..؟
: ممممممممممممممم لا بس كمان ماابغى اخلي زوجي يجي هنا ويكلف عليكم
: مابيكلف يابنتي .. ولك الله يرحم اللي خيره لهلا مغرئنا .... كانت تقصد ابوي الله يرحمه لأنه مسوي لها عمارة بدمشق مأجرها شقق مفروشة والحمد لله مبسوطة مادياً حتى خالي ايمن مبسوط الحمد لله .. وخالتي سمر متوظفه بشركة كبيرة .. واتفقت انا وياها نفتح شركة متخصصة بتصميم الديكور انا شريكة بالاسم والمال فقط وخالتي تديرها من الى .. ولسه تحاول في عدنان يساعدها بس مو راضي يتدخل بشغلها او يترك وظيفته ويتوظف عند زوجته .. عدنان نفسه عزيزة وكرامته عنده بالدنيا كلها بالرغم انه يموت بخالتي الله لايفرق بينهم ..
رجعت لمهند لقيته يمشط شعره على المرايه ويزبط قميصه اخذ جاكيته ولبسه وماانتبه لي .. تنحنحت والتفت لي وبسرعه جا يمشي ناحيتي ..
قرب مني وهو يبتسم واخذ يدي قال تعالي اجلسي هنا مشتاااق لك ..
جيت امشي معاه وجلست بجنبه على السرير اللي بالغرفة ومارديت بس قعدت اطالع فيه مهند نحفان بشكل فظيع وجهه متغير عيونه ذبلانه .. صحيح انه اصلاً نحيف وأكتافه عريضه لكن اليوم انحف بكثير عن اول بس اكتافه زي ماهي عريضه .. وطوله زي ماهو وشياكته وعطره ورجوووولته ياناس للحين تسحرني زي ماهي .. قلت : ليه كذا ..؟ وأنا أأشر على جسمه
طالع في صدره بعدين طالعني قال: شو قصدك ..؟
لويت شفايفي وعقدت حواجبي قلت : مرة نحفت
: انتي عارفه ليه ... اذا تبيني اكلمك بالموضوع
قاطعته : لا لا لا بس المسألة مو مستاهلة انك تسوي بنفسك كذا ..
: شايفتها مو مستاهله ..؟ ديمه انتي حياتي اذا فقدتك ماني عايش افهمي
ابتسمت لأني ماابغى جو كئيب مليت ياعالم لي ثلاثه اشهر هنا كئيبة وقبلها وقبلها وقبلها ياكثر الأيام الكئيبة اللي مرت علي بحياتي
خالتي سمر تقول اذا تبغين تعيشين سعيده استغلي كل لحظة فرح بحياتك وافرحي لاتنغصين عليك بأي شي ولا تتذكرين الأشياء السيئة بحياتك .
قلت : حتى ماكنت مرتاحه ولا مبسوطة وانت بعيد .. ابتسمت وكملت بدلع : بس الحين خلاص نسيت كل شي . ماافكر الا بوجودك معاي هذا الأهم .
ماتكلم بس نظراته تخترقني وانا مااقدر عليها قلت احاول اتجنب نظراته لي : كيف اهلك ؟
: بخير ويسلمون عليك يتمنون انك ترجعين
: مممممممممممممممممم مااعتقد
قربني مني وباس راسي قال وهو يمسح باصبعه على جبيني ويرجع خصله من شعري ورى اذني : شو ماتعتقدين لا بترجعين لأن مهند مايهون عليك .. ولا لا ؟
: مايهون علي صح ... وأخذت المخده الصغيره رميتها عليه وانا اوقف وكملت : مخليني على كيفه يتحكم فيني زي مايبغى .
وقف وهو يضحك قال :ههههههههههههههههههههههه الله اعلم باللي تتحكم فيني على هواها .
: مهند خلنا نروح داخل لايقولون طنشونا
: لا بروح اتمشى في بيتكم هذا تحفه من اول مادخلت بهرني تصميمه حتى الحديقه ومدخل الفيللا
قاطعته قلت : تصميم ابوي الله يرحمه
: الله يرحمه آسف ياعمري .. يالله قومي خلينا نطلع نتمشى
: مريت جدتي وخالتي قلت لهم بنخرج في الحديقه وأخذت البالطو الصوف حقي كان طويل مرة .. وأخذت القبعة والشال وخرجت مع مهند
: شو هالجمال ..؟ والأناقه .. يابنت خفي علي وارحميني ..
استحيت من كلامه وحمر وجهي قلت بدلع : كأنك اول مرة تشوفه .
: دايماً اشوفه بس اليوم زايد يمكن لأن وزنك زاد عن اول .
ضحكت وقلت بدلع : هههههههههههههه شفت دلع جدتي لي صرت دبه
: اما دبه حرام عليك هههههههههههههههههههه

رحنا للحديقه شفنا الورود الوانها حتى بالشتاء تاخذ العقل صحيح انها ذبلاانه شوي من البرد .. بس شكلها وألوانها يجذب ويغري ،، اشجار الزيتون الرمان والليمون والعنب والخوخ .. كل انواع الفواكه موجوده ... قرب مهند من الورد وأخذ لي وردة حمرا كانت احلى وحده وشمها ومدها لي .. اخذتها منه .. اول مرة احد يعطيني ورده حمرا ..
قال بحنان : ديمه زعلانه مني قولي أي شي تكفين
صديت وقلت : مهند خلاص لاتفتح الموضوع وتذكرني
لفني عليه وحط وجهه بوجهي قال : مو معقول منتي زعلانه
نزلت راسي بالأرض وقلت : زعلت بس مانفع قلت انسى احسن
حط يدينه على راسه ودخل اصابعه مع شعره يرجعه ورا قال بصوت واطي يادوب سمعته : آآه ياديمه تذبحيني اكثر بقلبك وطيبتك .
رجعنا نمشي مع بعض قلت له : مهند تدري ايش المشكله ؟
بسرعه قال : انا صح ؟
: لا لا المشكله ان تخصصي علم اجتماع وأفهم نفسيات الناس ومن خلال دراستي عرفت كيف احكم على الانسان من ذاته مو من تصرفاته
: وكيف حكمتي على مهند باللحظة هذيك
: انه يحبني بجنون .. صدقني مهند الشي الوحيد اللي خلاني اغفر لك انك تحبني غير كذا مالك عذر ..!
لف يده على اكتافي وقربني منه قال :ديمه انا شفتك اول مرة وانتي ببيت اهلك وماكان يخطر في بالي شي اسمه حب او ارتباط بأي بنت في الدنيا على كثر البنات اللي عندي في امريكا اشكال والوان .. بس من هذيك الليلة وانا حالي مو حال كنت افكر فيك بكل دقيقه تمر علي رفضتيني وتعلقت فيك اكثر بالرغم اني مصدوم ومقهور ليه ترفضيني بدون سبب خاصة اني مو سيء واعتقد ان أي بنت اخطبها راح تفرح ... مع كذا صار عندي امل انك لي انا واني راح اخطبك مرتين وثلاث وعشر لين توافقين .. لمن جيتي عندي بأمريكا فرحت عشاني بشوفك بنفس الوقت حزنت لأني يمكن اخسرك للأبد وانك مريضة وتعانين .. اهتميت بتقاريرك ووصلتها لأكبر استشاري اورام واستشاري مخ واعصاب .. دخلت معاك العملية لأن حبيبتي ديمه ماابي اخليها بين ناس غرب حتى لو كانوا اطباء .. ديمه مرة عزمتكم انتي وخالك على الغدا ابي اشوفك وانتي متعافيه ابي استمتع وحبيبتي قريبه مني بس سمعتك تقولين اكرهه .. انقهرت وحزنت وعصبت لأني جريت ورى نفسي وقلبي ونسيت كرامتي بس مافي يدي حيلة ومااقدر اقاوم حبك .. شفت خوفك على ابوك شفت حزنك بعيونك كنت ابي اخذك واضمك واربت عليك واطمن قلبك بس بيني وبينك الف حاجز .. قررت انك تكونين لي مهما صار ومهما كان وانا اللي راح اسعدك وانسيك احزانك .. قلت لناصر بنت اختك لي انا ياناصر رضيتوا ولا مارضيتوا رضت هي ولا رفضت والله محد ياخذها غيري ..! .. انخطبتي وكلمني ناصر يومها قلت له اذا زوجت ديمه حكمت علي اني مااتزوج لين اموت .. اضطر ناصر يقول لك ان خطيبك اللي جا مااعجبه وما هو كفو ياخذك .. لأن ناصر مقتنع ان مايناسب ديمه غير مهند وقد قال لي هالكلام مية مرة ..ناصر يعزني وخايف اني انفذ اللي براسي ..
ديمه انا مااهنتك لمن خطبتك انا طلبتك قدام الرجال وقلت اني شاري بنتكم للمرة الثانية واذا ماوافقت بخطبها لين توافق .. بس اتصلت عليك ابي اضغط عليك وتوافقين ..ابيك توافقين غصب .. وماابي اهين نفسي قدامك انتي بالذات اكثر من كذا .. صحيح سامي وماجد انقهروا مايبون يحطون ناصر بالموقف هذا لأنه كلمك عني ورفضتي وخايفين يزعلك مرة ثانية بس مافيه حل الا اني اخطبك مرتين وثلاث وعشر .
كنت فاتحه فمي وانا اناظره ماقاطعته مهند خطبني زي الناس بس كذب علي
وقف قدامي قال : كذبت عليك وكانت العواقب وخيمه .. ماحبيتيني ، واحتقريني واعتبرتي اني اهنتك وغصبتك على الزواج مني .. المشكلة ماجات فرصة اقولك وقتنا كله زعل ونقاش حاد ومشاكل وعوائق .
... آآه ياديمه عذبتك معاي كثير بس وش اسوي اللي هنا كان يضرب على صدره بيده مايبي غيرك وكنت مستعد اسوي أي شي عشان آخذك ..
تكلمت بهدوء رغم انفعاله ورغم جديته ووضوحه وصراحته بالشكل هذا لأول مرة معاي قلت : خلاص انسى يامهند .. انا واثقة من حبك لي وممكن اني انا سببت لك التعب اكثر مما سببته انت لي .
حطيت يدي الصغيرة بيده القوية قلت : حبيبي خلنا نبدا صفحة جديده ..
بسرعه وفجأة شالني بين يدينه ولف فيني قال : حبيبك ياديوم حبيبك من قلب ولا كلمه عاديه .. كان يضحك ويدور فيني
: ههههههههههههههههههه طيب سيبني واقول لك .
نزلني على الأرض بس ضمني على صدره قال : نزلتك يالله قولي وماراح ازعل
انا على صدره حقيقه مو خيال ياناس هذي اللحظات هي اجمل شي بحياتنا هي اللي تنسينا كل العواصف اللي مرت بحياتنا قلت: زوجي وحبيبي وأغلى الناس .. اخذتني حتى من نفسي يامهند وقدرت تمتلك مشاعري وقلبي وتفكيري ..
حطيت راسي على كتفه وانا احس بانسجام وراحة نفسية هااااائلة وقلت له : مشتاقة لك كثييير والله مشتااااقة لك ومااقدر اعيش بدونك .
حسيت فيه وهو يتنهد بقوة وكأنه يخرج من صدره هم ولا شي مثقل عليه قال : الحمد لك يارب .. والله ياديمه ان هذا مطلبي من الدنيا انا حققت كل اللي كنت اطمح له .. اصير دكتور ، وتخصص ممتاز ، وراتب اكثر من ممتاز، ووحدة حلوة وفيها كل المميزات اللي يتمناها أي رجل وتحبني . وتحبني ياديمه زي مااحبها .
: خلاص مهند انا وانت تعبنا كثيير لازم نرتاح ... حبيبي انسى خلنا نفرح محتاجين الفرح مانبي هم وذكريات حزينه .
شفنا خالي ايمن خارج يدور علينا قال مهند وهو يبعدني عن صدره ويمسك يدي : خالك هذا دمه ثقيل .. الله يذكر ناصر بالخير بس .
: ههههههههههههههههه حرام عليك والله خالي ايمن طيب ومايقصد شي .. اش رايك ندخل عند جدتي تتعرف عليها اكثر .
: يالله
لف يده حول وسطي ومشينا مع بعض واحنا بطريقنا لف مهند على اليمين مكان جلستنا انا وجدتي البارحه
قال : اوووووه ....شفته يطالع باللوحه اللي رسمتها نسيت ادخلها كنت استناها تجف .
: هههههههههههههه شو رأيك ؟
تأمل اللوحه وطالعني قال : جايبة معاك صور لي ..؟ من فين نقلتيها ؟
: مممممممممممممممممم نقلتها من هنا وأشرت على قلبي
جلس مهند يناظر باللوحة والتفت علي وباسني بقوه على خدودي وعلى جبيني وعلى فمي وتركني ورجع لف اللوحة قال : هذي بعلقها في بيتنا
خلااص احسني بموت احرجني بحركته كان الجو جليد برا بس انا صرت اغلي من الحيا احسني حرانه ووجهي حار وماقدرت اطلع كلمه وحده
رجعنا للبيت وتعشينا مع خالي وجدتي وخالتي كان باين ان مهند مبسوط وأعجبه الأكل قال لجدتي : الحين عرفت اللي زايد وزن ديمه اثريه اكلك الطيب ياام ايمن شكلي بجلس هنا لين وزني يرجع .. ترى نازل مني فوق عشرة كيلو .
: لك اهلا وسهلا ياابني هادا بيتك وبدياك تعتبرني متل امك
: الله يطول بعمرك اكيد بمقام امي
قلت لمهند وانا اضحك : العشرة كيلو برجعهم انا لك لاتشيل هم بس خليك مطيع وماتعاند ..
ضحك مهند وغمز لي قدامهم قال : الحين انا اللي اعاند حرام عليك لاتظلميني .
اوف احرجني مرة اكتفيت بالابتسامه وانا احس وجهي احترق من قصده .
رحنا بعد العشا جلسنا بالصالة ومهند ناداني بجنبه وكل شوي يحط يده من وراي ويسحبني ناحيته مرة احرجني قدامهم بس هم عادي مالاحظوا والله لو كنت عند اهلي لاتفشل بجد يمكن لأن السعوديين عيب يطلعون مشاعرهم لزوجاتهم قدام الناس مهماً كانوا بس هنا عادي خالي ايمن كان يحضن سهى قدامنا وعدنان اذا اخذ ثلاثه ايام عن خالتي يجي يحضنها ويبوسها ساعه قدامنا ..
جابت لنا خالتي الشاهي .. ومهند كل شوي يأشر لي يقول بنمشي وماكنت اعرف ايش ارد عليه آخر شي قمت رحت لغرفتي فوق ودقيت على خالي ناصر قلت له ان مهند جا عندنا واني راح ارجع معاه .. حسيت خالي انبسط وفرح لي قال الله يوفقكم وهذا خبري في ديمه عاقلة وماتتهور وقراراتها دايما حكيمه ماعليها خوف ..
جهزت لي شنطة صغيره اخذت فيها قمصان نوم وبناطيل وكم بلوزة .. اخذت لي شور سريع وجففت شعري وسويت مكياجي من جديد ..
كنت بطلع خلاص بس تفاجأت بمهند على الباب قال : خالتك جابتني هنا لمن شفتك تأخرتي .. طالع بغرفتي قال : تليق بديومه .. فعلاً فخامه الله يرحم ابوعناد ..
ضحكت وقلت : الله يرحمه . يالله ننزل .. بس طالعني وطالع بالشنطه الصغيرة اللي في يدي قال : فين باقي اغراضك ؟
قلت : اخذت اللي يكفيني كم يوم .. بعدين نرجع ناخذ بقية اغراضي شو رأيك مو احسن ؟
: الا احسن .. ديمه شو هذا اللي هنا .. كان يطالع بوجهي وخفت اكون مخبصة شي بمكياجي قلت : شو ؟
قرب مني وباسني على فمي بقوة .. بعدت عنه بعد شوي قلت : نمشي ولا لا ؟
: ههههههههههههههههههههههههههه ياعمري ياللي وجهها صار احمر ... هاتي الشنطة .
اخذ الشنطه من يدي ونزلنا تحت واستأذن مهند من اهلي وانا سلمت على جدتي وخالي وخالتي وخرجت مع مهند ...
طلعنا نمشي على رجولنا لأن مهند رفض يخلي خالي ايمن يوصلنا قال بنتمشى شوية بعدين ناخذ تاكسي .

وصلنا الفندق ودخل للحمام بياخذ شور .. وانا لبست قميص ابيض قصير لنص الفخذ اسفله كان دانتيل مطرز وصدره مفتوح ومحدد بدانتيل ..
رحت جلست عند التلفزيون بعد ماتعطرت وفتحت شعري .. سمعت باب الحمام انفتح وجا عندي بعد دقيقتين تقريباً بس شفته لابس بيجامه لونها بيج وأطرافها اسود ومتجمد بمكانه وانا حالي صار اقوى من حاله .. جلس بجنبي وأنفاسه تحرقني وقربه يذوبني ..وشالني بين يدينه مافيني اقاوم مهند لمن كنت رافضه اعطيه شي لأني مقهورة منه وماكنت احبه بس الحين احسني مستسلمه له بحب مهند زوجي وحبيبي ماعرفت اني احبه الا لمن بعدت عنه رغم الظروف وان بعدنا عن بعض بأسباب فظيعه ..لو غيري يمكن ماترجع له ابداً بس انا عكس الناس حبيته اكثر ..!

صحيت الظهر تقريباً وانا في حضن مهند على صوت جوالي كان رقم خالتي فادية وقبل افتح الخط مد يده لجوالي واخذه حطه صامت ..
قال : انتي ملكي لوحدي محد يشاركني فيك حتى لو بالجوال ..
:ههههههههههههههههه خلاص اللي يبغاه حبيبي يصير ولا يهمك .. دفنت نفسي بحضنه اكثر.. احس صدره كبير يحتويني ويلمني واحس بشعور غريب وارتياح ضمني .

عشت ثلاثه ايام مع مهند بالفندق ماخرجنا لأي مكان ولا ردينا على احد .. لأن مهند يقول مايبغى أي ازعاج ويبغى يعيش معاي انا لوحدي ..!
فتح مهند جواله يقرا الرسايل كانت ريم مرسلة عليه تقول : ( امي قلقانه عليك مجننتنا خايفه صاير لك شي اذا انت بخير طمنا الله يخليك )
دق مهند على اهله وردت امه عليه اول ماسمعت صوته جلست تبكي لأني سمعت مهند يقول ..... لا لاتبكين الله يخليك لي مافيني الا العافيه .................... ههههههههههههههه رجال مع زوجته مايبي ازعاج .................... هههههههههههههههه والله انها عندي الحين خذي كلميها ..............
ناداني اكلم امه : هلا والله خالتي
: هلا بك يابنتي ... كانت خالتي تبكي من قلب
: خالتي الله يخليك مااحب اشوفك تبكين .. الحين المفروض تنبسطين انا تراضينا وبنرجع لك قريب ولا مايرضيك انا نرجع ؟
: لاوالله ياديمه ابرك الساعات اللي اشوفكم فيها داخلين علي مع بعض
: الله يخليك لنا خلاص افرحي بدال ماتبكين الحمد لله تطمنتي علينا
: الحمد لله رب العالمين والله يايمه دموعي هذي من الفرح اول بسلامة مهند وثاني انكم رجعتوا لبعض .. اشوا انك رضيتي عليه ..
: ماقلت لك ولدك مخليني على كيفه وياخذني ويجيبني زي مايبغى
: يستاهل ترضين عليه لأنه يحبك واكيد انه ندمان ... هاعطيني مهند بكلمه قبل مااقفل
: اوكي خالتي سلمي على عمي وريم ورنو
: الله يسلمك
اعطيت مهند الجوال وكمل مكالمته لامه سمعته يقول لها انه يمكن يتأخر بس ماقرر متى يرجع .

طلعنا اليوم نتمشى وأخذته للمطعم العربي اللي كنت اروح له مع جدتي وخالتي سمر .. اعجب مهند بس اكتشفت ان مهند غيور كل شوي يقول لاتطالعين لاترفعين راسك وانا اضحك عليه آخر شي قلت بطالع فيك انت خلاص ..
رحنا لجدتي اخذت باقي اغراضي وجدتي زعلانه تبكي وتقول انها تعودت علي وماعادت تقدر تتخيل البيت من دوني
والله جدتي كسرت خاطري فعلاً انا كنت مالية البيت عليها مااخليها تجلس لوحدها وكنت اخرجها معاي بكل مكان حتى لو للحديقه ونادراً اخرج مع خالتي واتركها في البيت .
وعدها مهند انا نجي نزوها باستمرار وماراح نقطعها .. وكل ماجينا لسوريا راح نجلس عندها .
رجعنا للفندق وسمعت جوال مهند يدق وكان اللي يدق رقم غريب
وديت الجوال عند مهند وبسرعه رد ماانتبه للرقم قال : هلا ............... نعم خير وش تبين .؟ .............. احد قالك اني مع ديمه الحين ............... اقول انا للحين محترمك وبيتنا والله والله لوتدخلينه انتي ولا بنتك مايصير لكم طيب ويالله مع السلامه ........................... خير وبركه ليتها تذلف تفكني من ترززها قدامي كل شوي ........... وانا مااطيق سيرتها ولا شكلها ولا اسمها ولا حركاتها وفكه والحمد لله ........................هههههههههههه وانتي للحين مشرهه اني افكر اخذها صدق عقولكم ناقصه ....................... اقول تراني للحين محترمك بحكم انك اخت ابوي فقط ويالله لاعاد اشوفك تدقين على الرقم هذا ولا اشوفك انتي ولا بنتك تتعرضن لديمه لا بالكلام او التصرفات فاهمه ولا لا ..؟ قفل مهند الجوال والتفت لي قال : عرفتي من ؟
نزلت راسي بأسى وأخذت نفس عميق قلت : كل ماحسوا اني مبسوطة معاك يجون يكدرون علي .. ومصرين يلحقوني بكل مكان حتى هنا .
: خلاص ديمه انسي بعدين خلاص ابوي تعهد ان دخلوا البيت وانتي فيه ليكسر روسهم .. هههههههههههههههههههههههه ماقلت لك رانيا وش سوت
: لا اش سوت ؟
: جات عمتي عندنا يوم العيد ووقفت رانيا عند الباب قالت ادخلي عيدي على اخوك واطلعي بسرعه .. ولمن جات فاطمه بتدخل وقفتها برا قالت : خليك برا يجونك يسلمون عليك امي وريم من دون ماتدخلين بيت ديمه . .. وفعلاً جات امي وسلمت عليها وريم رفضت تجيها .. ورجعت مع امها بسرعه لبيتهم .
: ههههههههههههههههههههههههههه ياقلبي عليها رانيا البنت شجاعه وقوية تصرفاتها اكبر من عمرها بكثير .
: الا مدلعه ومو خايفه من احد .. بس خليهم ماعرف لهم الا رانيا امي تستحي وريم تقول عمتي وماابي ازعلها .. بس رانيا فكتنا منهم ان شاء الله للأبد .
: يوووه ماابغى كذا ... مهند على كثر ماني عارفه اني راح ارتاح اذا بعدوا عني على كثر ماراح اكون زعلانه اني السبب في نفريقكم ..ماابغى افرق بين احد هذي مهما كان عمتك اخت ابوك .
: ياعمري هم السبب مو انتي وهم اللي يغلطون بعدين خلاص بنتها جاها عريس توها قالت لي . يعني بتفكنا من شرها اذا تزوجت فاطمه .
: شو دخلك انت يجيها عريس ولا مايجيها .
: تقول نوافق ولا نردها لك
فتحت فمي قلت : من عقلها ..؟
: ايه والله من جدها على بالها اني افكر اتزوجها
: الله يستر منهم والله خايفه
: ليه انتي خوافه كذا
: خوفي مو من فراغ نسيت عمايلها فيني .. والله يامهند احياناً افكر نعيش انا وانت بعيد عنهم بس اهلك ماابغى افرق بينك وبينهم
: لف يده من وراي وسحبني عنده بحيث يكون ظهري على صدره .. قال : اجل فكرتي فيني وكيف بنعيش .
ابتسمت وقلت بدلع : وحده تحبك اكيد بتفكر كيف تعيش معاك بسلاام .
: طيب انسي ياعمري .. خليك معاي انا وبس .. لاتخلين احد ياخذك مني حتى لو بالتفكير .
: هههههههههههههههههههه عاد تفكيري مسكين محاصر من زمان ..
: ههههههههههههه ومن اللي ماعنده ضمير ومحاصره ؟
: مممممممممممممم واحد احبه ومالك تفكيري ومحاصره ومسوي له حظر تجول التفت عليه وقلت : اقولك اسمه ؟ .. شفته يهز راسه من دون مايتكلم .. وكملت : اسمه مهندي حبيبي وزوجي وابو عيالي ان شاء الله .. الله يخليه لي ولا يفرق بيني وبينه .
ضمني مهند على صدره بدون مايتكلم .. احس التعبير بالكلام ضاع عنده وصار يعبر بالفعل .

:: ::


كنت امشي في البحر والموج كان قوي ابغى اوصل لمهند اللي يبعد الموج عني .مد يده علي وانا اصرخ ابغى انقذه وابغاه ينقذني كمان ..
مهند الحقني لاتروح مني .. مهند بموت الحقني قرب مني حبيبي
كان يصارخ ديمه مااقدر غصب عني بس لاتخليني انا احبك .. احبك ياديمه ..
كنت اصرخ وابكي والطم وجهي ودموعي تختلط بموية البحر وانا اقول : مهند الحب لوحده مايكفي لازم تبقى معاي الله يخليك لاتخليني مهند احبك مااقدر اعيش بدونك الحقني مهند يكفي ابويه راح وخلاني يكفي جدتي خلتني مهند لاتلحق امي وابوي وتروح عني انا ابغاك مااقدر اعيش بدونك ..!

فزيت على صوت مهند وانا خايفه وهو ضامني على صدره : ديمه اصحي حياتي .. ديمه قومي انتي تتحلمين ياعمري شوفيني معاك ..والله مااخليك ولا اضرك لين اموت ..
عرفت انه كابوس فظيع .. كنت ارتجف وخايفه ... ضمني مهند على صدره وانا ابكي قلت : اوعدني ماتروح مني .
: ماني رايح وانا معك طول العمر خذي اشربي حبيبتي
شربت موية واحسني هديت شوية .. نفثت ثلاث مرات على جهتي اليسار وتعوذت من الشيطان وانقلبت على جنبي الأيسر لأني كنت نايمه على الأيمن.. وصار وجهي ناحية مهند وانا للحين في حضنه ..
رجعت نمت وهو حاط يده اليمين تحت راسي واليسار لافها على خصري

جلسنا في سوريا اسبوع زياده كان عند مهند اجازة شهر ماادري كيف اخذها ولاسألته المهم انه بيجلس معاي وبس .. وبعدها رجعنا للسعودية ولبيت عمي وكانت فرحتهم فيني كبيرة سووا لي عشا وماعزموا لانورة ولابنتها .
ورحنا عند خالي جلست عندهم ليلتين وكان مهند يكلمني باستمرار وكنت اكلمه بالساعات

نزلت عند هدى تحت وانا لابسة عبايتي لأن مهند ينتظرني برا ومارضى يدخل يقول صعب ادخل وناصر مو هنا ..
قالت هدى : خلاص ماشية ياديمه ؟
: ايوه مهند برا .. يالله هدى اشوفك على خير
ابتسمت هدى قالت : ماشاء الله ياديمه باين انك مبسوطه .. وغمزت لي بعينها قالت : شكل روحتك عند جدتك حننت قلبك على مهند .
ابتسمت لها قلت : كنت اتدلع زمان بس لمن حسيت بعده عرفت قيمته .
:الله يوفقك ونشوف عيالك قريب .. تراك مرة طولتي
: آمين ويوفقك وترى احنا مو مستعجلين على الأطفال والمسؤولية
دق جوالي كان مهند وأشرت لهدى بيدي يعني باي وخرجت وانا اكلمه
: ها حبيبي خلاص خرجت
: اوكي ياعمري استناك .
خرجت مع باب الفيللا لقيته واقف عند البوابة ودخل على طول ورد البوابه ..
سلم علي قال : لاعاد تطلبين مني تنامين عند اهلك
: ههههههههههههههههههههه ليه حرام عليك كلهم يومين بتتمنن فيهم .
: يومين عن سنتين .
ضحكت من مهند وخرجت ركبت السيارة معاه . ورحنا تعشينا في مطعم وتمشينا بعدها بالسيارة .. جلس مهند يسولف لي عنه ايام طفولته ولمن سافر وعلاقته في عمي ياسر واصحابه ... وانا حكيته عني وعن اهلي ابوي الله يرحمه وعلاقته فيني .. كيف كانت .. احسن شي في مهند انه يستمع لي ويهتم بكل شي اقوله ويبين على تعابير وجهه اذا هو متأثر او معجب او راضي او مقهور ..
رجعنا للبيت بعد الساعه ثلاث وكملنا سهرتنا في جناحنا من دون مانحس بالدنيا .
مرت علي ايام تشبه الحلم ، الخيال .. مهند يدور رضاي على قد مايقدر .. واهله كالعادة معتبريني بنتهم المدلله .. رانيا بنت فواز الله يرحمه ماليه البيت علينا بخفة دمها ودلعها اللي زي العسل ..وصارت علاقتي فيها اكثر من اول .. وقريبه مني كثير .. بس كل مرة تهددني لو زعلت مهند لتزعل مني وماتكلمني واذا قلت لها طيب واذا هو اللي زعلني قالت : هو يحبك مستحيل يزعلك بقصد ولازم تسامحينه وتدورين رضاه ماتزعلين .. كنت اضحك من حبها لعمها ودفاعها عنه .

كنا جالسين في صالة جناحنا انا ومهند نتفرج على التلفزيون .. ودق جواله اشر لي اوطي صوت التلفزيون ..اخذت الريموت وقصرت وسمعت مهند يكلم عرفت انه عمي ياسر .. واللي فهمته انه قال لمهند انهم بيجون يخطبون ريم هو وعمي سالم وزوجته .. ورحب مهند وهلاَّ فيه .. لأن عمي كان بيجي في العيد بس مهند اجله لين ارجع انا من سوريا ..
اتفقوا على الخميس هذا والملكه بتكون بعد عيد الأضحى ..
رحت لريم اللي كانت نايمه ولا تدري بالدنيا بعد ماقلت لمهند ينام له ساعه عشان بنروح عند سميرة اخته لأنها تقول اذا مازرتيني خلاص بزعل منك ..
دقيت عليها الباب وما ردت علي .. ودخلت اصحيها بنفسي ..
: ريم قومي فيه خبر حلو بقوله لك .. ريم .. ريم يالله قومي .
: هممم طيب اقوم بعد شوي بس روحي .
: ريومه قومي فيه اخبار حلوة بقولها لك
رفعت اللحاف عن وجهها قالت وهي مغمضة : قولي اسمعك
: اصحي عشان اقدر اتكلم مو اكلمك وانتي نايمه .. يالله يانوامه .
: اسمعك بأذني انا مو بعيوني يالله قولي
: الله يعينك ياعمي على هالنوامه .
فتحت عيونها طالعتني ورجعت تغمض قالت : ديمه تكلمي وش عندك ؟
: ممممم عمي ياسر كلم مهند قبل شوي .
فتحت عيونها مرة ثانية وبقووة وفزت جلست قالت : شو قال له ..؟ احم واذا كلمه ياديمه انا شو دخلني .
: ههههههههههههههههههه لاوالله ؟ مسوية مو فاهمه ؟ قومي عمي يقول بنجي الخميس نخطب وعمي سالم وزوجته معاه . يعني رسمي ..! .
فركت عيونها ورجعت شعرها ورى قالت : صدق ولا تمزحين ؟
: الأشياء هذي مافيها مزح .. وترى ماعندك وقت اذا تبغين مني مساعدة انا جاهزة من الحين .
: يوووه ياديمه الخميس مرة بدري
: لاموبدري معاك اربعه ايام .. اذا بتكونين مهتمه ونشيطه مو كسولة ..
: طيب اجل خلينا ننزل اليوم للسوق اذا زوجة عمك بتجي .. مسكت شعرها اللي شكله متبهذل من نومتها .. قالت : ماابيها تشوفني وشكلي كذا ..
غمزت لها قلت : ماتبينها تشوفك ولا ماتبين عمي يشوفك الا وانتي قاصة وصابغه ومزبطه شكلك .
فتحت عيونها قالت : اجل هو بيشوفني .. مو خطبه خلاص يجي يخطب ويروح مو لازم يشوفني . واذا ملكنا يصير خير .
: لا ياريم هو طالب يقول بشوفها .. بعدين ضحكت وقلت يمكن ماتعجبين عمي تبغينه يتدبس فيك هههههههههههههههه .
رمتني بالمخدة قالت : وجع يحمد ربه اني موافقه عليه ولا ترى ارفضه واخليك انتي وعمك ..
: هههههههههههههههههههههههههههه لا لا خلاص اللي تبغينه يصير بس قومي اصحي ترى للحين ماقلت لخالتي ومهند ارسلني اصلاً اقول لها بس قلت امرك اقولك انتي صاحبة الشأن .
: تسلمين لي ياديومه بديتي تردين لي الدين .
: هههههههههههههههههههههههههههه الديون وانتي الصادقه .. عسى الله يسعدك ياريوم يالله قومي
: يالله .. نروح اليوم للسوق .
: المشكله بعد شوي بنروح عند سميرة اش رايك نروح عندها وبعد العشا ننزل كلنا السوق حتى هي تروح معانا احسن .
: يوووه لا سميرة تبغانا نتعشى عندها .
: اجل بكرة ننزل صدقيني الأمور هينه لاتعقدينها تتعقد .

قامت ريم دخلت تتحمم وتلبس وانا نزلت عند خالتي قلت لها الخبر وشفتها فرحانه بس بدا عليها القلق كشعور طبيعي لأي ام تنخطب بنتها ..

رجعت لجناحي ولبست بنطلون جينز سماوي وبلوزة بألوان تفاحي وليموني حرير وواسعه بدون اكمام وجايه تتربط على الرقبه واكتافي عريانه .. ومعاها ربطة عنق عريضة شوي وطويله قررت اخذها معاي واخليها شال اذا لقيت عند سميرة احد من النوع اللي ينتقد ..
كملت مكياجي الهادي وكحلت عيوني من داخل ... وحطيت مسكرا كثفت لي رموشي اكثر .. وختمت بقلوس لحمي لامع ..خليت شعري منسدل وجبته على جهتي اليسار بطريقه حلوة .. وتعطرت ورحت بصحي مهند عشان يوديني لسميرة لأن خالتي قالت بستنى عمك لين يجي بعدين اجيكم مع السواق وسميرة كل شويه تتصل تقول تأخرتوا .
جلست بجنبه على السرير قلت بهمس وانا امسح جبينه بأطراف اصابعي : حبيبي بلا كسل .. يالله قوم .. مهندي . . حبيب ديمه . .
فتح عيونه لمن قلت حبيب ديمه قال : ياروح حبيب ديمه . كم الساعه ؟
قلت بنفس الهدوء والهمس وانا امسح على شعره وجبينه : خلاص المغرب بيأذن وسميرة ازعجتني تقول اني مرة تأخرت .
طالعني قال : ديمه لاتروحين باللبس هذا ..! ترى مرة عاري .. وانتي بسم الله عليك ياعمري تفتنييين وانا بصراحه اغار واخاف عليك .
: ممممم اذا ماتبغاني اروح فيه ابدله الحين ولايهمك . بس اذا عشان عاري ترى معاي شال في شنطتي اذا لقيت احد عند سميرة راح احطه .
قام جلس قال : لاياديمه مااقدر اخليك تروحين بالملابس هذي .
: طيب قوم البس عشان توصلني وتلحق الصلاة بالمسجد .. ترى يادوب تلحق . وانا ببدل لبسي بسرعه .
قمت بسرعه ورحت بدلت لبست بنطلون ابيض وبلوزة استر وأطول لونها تركواز وهي حرير وناعمه كثير .. اضطريت اغير شويه من الشادو وحطيت الوان تناسب لبسي وشفت مهند لابس شماغه وثوبه وتعطر قال : يالله ياديمه مافيه وقت ..
التفت عليه قلت : خلاص البس عبايتي وجاية .
قرب مني قال : ديمه وش اللي مسويته ؟
: شو ؟ ماسويت شي بدلت لبسي عشانك .
طالع بصدري ووسطي قال : تدرين ان هذا احلى ويفتن اكثر .
: يوووه مهند حبيبي والله هذا استر ماعاد فيني ابدل .
ابتسم قال : ادري ياعمر مهند بس المشكله في ديمه اللي كل مالبست شي تطلع احلى .. نسف شماغه وكمل : وانا رجال اغار على زوجتي .. قرب مني وقال : لأنها اجمل ماخلق ربي .
ضحكت باحراج : ههههههههههههههههه حبيبي انا مرة عاديه بس انت تبالغ .
: خلاص انا ابالغ وساميه تبالغ وعمتي سارة تبالغ وامي وابوي واخواتي وكل من عرف ديمه وقال ملكة جمال يبالغ .
: هههههههههههههه ياحليلهم عمتك وبناتها مرة وحشوني .
: ههههههههههههههههههه وياحليل اللي تنحرج وتغير الموضوع . . امشي امشي لانتأخر على سميرة والصلاة والله شكلها بتفوتني . ولا ا قول لك احسن ترحمين الحريم اللي بيشوفونك ولاتروحين لهم .. مساكين بتسوين فيهم مثل ماسويتي فيني .
قلت وانا البس عبايتي بسرعه : لا لا انت تحبني وتحسب اني مسوية لك شي هم عادي .. مو زيك . بس الله يخليك خلنا نروح قبل ماتخلينا نبطل وتزعل سميرة .
اخذت شنطتي بسرعه وهو يضحك وياخذ مفاتيحه ومحفظته وجواله من فوق الطاوله . وخرجنا مع بعض .
نزلني مهند عن اخته وراح يصلي المغرب وشفت عندها حريم عرفتني عليهم اخوات زوجها وامه وسلفاتها ( زوجات اخوان مصعب زوج سميرة ) ..
الجلسة كانت مرة رسميه حتى بعد ماجات خالتي ام مهند وريم .. ماخرجت من مجلس الحريم الا لمن رحت اصلي المغرب والعشا في غرفة سميرة لأن المجلس زحمه ومهند منبه علي مااخرج في الصالة حتى مايشوفني احد ..
اخذت كاسة الشاهي بشرب منها وانا قاعده بين ريم وخالتي وسمعت ام مصعب اللي بجنب خالتي من الجهه الثانية تقول لها بشويش كلام ماسمعت منه الا لمن قالت : صدق مهند مايبي يتزوجها .؟
عورني قلبي وحسيت برعشه وانسكب من الشاهي قطرات على بنطلوني الأبيض انتبهت لي ريم واعطتني منديل .. اخذته منها ومسحت الشاهي بس باقي اثره على بنطلوني مابيروح الا اذا انغسل بصابون .. وهنا مرة صعب اغسله الله يعيني اتحمل لحد ماارجع ..
سمعت خالتي تقول لها بعد ماالتفتت علي وصدت لها : لا مهند مرتاح مع زوجته ولافكر فيها ولا يخلينا نجيب الطاري مقفل على السالفة ومنهي الموضوع مع ابوه .. وهي الله يرزقها ويعوضها باللي يستاهلها .
طبعا انا عرفت انها تقصد فاطمه لأن حلمها تتزوج مهند وكل الناس يعرفون من كثر كلام امها عنها وعن حبها لمهند . ياربي متى اخلص من سيرة هالفاطمة اللي تجيب لي المرض .

قالت لها ام مصعب بصوت اعلى : مايجوز يابنت الحلال
قطع علي صوت جوالي ماعدت اسمعهم .. ورديت كان مهند يسأل اذا خلصنا ولا لا قلت له استنى شوية باقي ماتعشينا واذا خلصنا احنا ندق عليك .
اخيراً تعشينا وجاني الفرج لمن دق مهند علي قال : جهزوا وبجي آخذكم وماابغى استنى عند الباب .
قلت لخالتي كلام مهند وقمنا نلبس عباياتنا . عزمتنا عمة سميرة وقلنا اذا حصلنا فرصة راح نزورهم . وخرجنا انا وريم وخالتي مع مهند ورجعنا لبيتنا .
اول مادخلنا كانت رانيا مستقبلتنا وفي يدها علبة بيبسي قالت : ديمه تعالي شوفي عمي شو سوا .. جابت لي اللوحه اللي رسمتها في سوريا مبروزة وأطارها من النوع الغالي قالت : عمي يقول بنحطها في المكتب حق ابوي اللي تحت .
واعطتني لوحة صغيره مبروزة تذكرتها .. اووه كيف شافها .. هذي رسمتها بالقلم الرصاص في كراسه عاديه .. لمن كنت زعلانه منه وبالغرفة اللي كنت انام فيها .. متى شافها وكيف اخذها حتى ماقال لي .. اهم شي انه مااخذ الا صورته هو .. الباقيه ماعاد لها لازم الحين ولو شفتها شققتها ..
لحقت مهند لجناحنا وأول مانزلت عبايتي سألني عن اللي على بنطلوني قلت انكب عليه شاهي وضحك علي قال : كم عمرك تكبين الشاهي على ملابسك .
قلت وانا احاول اسوي نفسي زعلانه : كبيته عشان ارتبكت لمن جات سيرة حبيبي .
طالعني قال : اووه اجل الحريم يسولفون فيني .. ضحك وحاول انه يغيضني لمن قال : بالله وش قالوا ..
: ماقالوا شي بس ام مصعب سمعتها تقول لخالتي مهند بيتزوجها ولا هون .؟
طالعني بجديه قال : عرفتي منهي اللي بتزوجها ولاهونت ..؟
قلت وانا اهز اكتافي : اكيد تقصد فطووم .
قال بجديه وتوتر : ايوه امي وش كان ردها
ابتسمت لمن تذكرت كلام خالتي قلت : قالت انه مبسوط مع زوجته ومايبي يفتح السيرة هذيك وهي الله يرزقها .. كشرت وقلت ياربي فاطمه تتزوج اليوم قبل بكرة وتحل عني .
شفت مهند يحضني قال : لايكدر خاطرك شي ياديمه وانا معك وانتي معاي ..
بعدني عنه قال : حتى لو سمعتي شي مهما كان لاتفكرين اني راح اقهرك ولا اضيق خلقك .. وربي انك عندي في كفه وكل هالناس والدنيا في كفه .
ابتسمت له ماادري بغباء ولا عشان مو فاهمه قصده ولا مبسوطه من كلامه ومصدقته قلت : الله يخليك لي بس .
: آمين ويخليك لي انتي .

اليوم الثاني نزلنا السوق انا وريم وخالتي واخذت ريم لبوتيك ناريمان اللي جهزت منه ايام زواجي ..اول ماشافته ريم قررت وبسرعة تشتري فستان الملكة منه .. اخذت لها فستان ناعم وفخم في نفس الوقت لونه زهر على ليموني بألوان متناسقه واكسسوارات فضيه معطيه للفستان اناقة اكثر .. اخذنا معاه اكسسورات وجزمه مناسبة .. ورحنا لمحلات اخذنا منها ملابس عادية اعجبتها عشان تختار منها واحد وتلبسها ليلة خطبتها اذا فيه نظرة ..
مرت علينا الأيام بسرعه وجا الخميس المرتقب صحيت قبل المغرب على صوت مهند وهو يكلم امه ويقول انه بينزل الحين ..
: مهند شو فيه ..؟
: عمك الخبل هذا جاي من الحين مايقدر يصر لليل ..
ابتسمت وقمت جلست قلت : تلاقيه يحب اختك
: حتى لويحبها يصبر لين موعد الزيارة مو من صلاة العصر يجي يخطب .
: عمي سالم معاه ولا هو لوحده
: امي تقول كلهم جايين .
: اووه يعني البس بسرعه وانزل الحين خالتي تلاقيها مرتبكه مابين ريم والضيوف .
: والله امي كأنها هي اللي بتتزوج من كثر ماتفكر ومقلقة نفسها .
: الله يعينها اكيد بنتها وبتشل همها .. حبيبي اصحى بسرعه اذا عمي مو هنا مو حلوة يجلسون لوحدهم .
وقف مهند وراح للحمام اخذ له شور بسرعه وخرج لبس ونزل للرجال .
وانا بسرعه لبست تنورة جينز ازرق مطرز طويلة وبلوزة اورنج حرير وحطيت مكياج خفيف وقلوس اورنج ونزلت .
سلمت على زوجة عمي وبناتها اللي اكبرهم نوف عمرها 13 وهند عمرها 10 وقهويتهم وجلست اسولف معاهم .. جاتنا سميرة اللي من بدري موجودة عندنا ماتبغى تفوتها مناسبة زي هذي .. وجات رانيا سلمت ورجعت .. وأخيراً نزلت ريم لابسة تنورة لونها عودي و بلوزة بدون اكمام ساتان ذهبي وفيه شريط دانتيل من تحت الصدر وحاطة شال تل على اكتافها ويدينها لأن خالتي مارضت تخليها تنزل للناس الا بالشال الذهي ... معطيها شكل غير خاصة ان شعرها اسود ومسشورته ومسوية مكياج هادي ومناسب عليها مطلعها مرة مرة حلوة ..
بعد العشا ناداني مهند يقول خلي ريم تجي للمجلس ياسر بيشوفها .
ولمن قلت لريم رفضت .. ضحكت منها ومن شكلها كثير محرجه ماتبغاه يشوفها وهي اصلاً تموت عليه ومسويه مكياجها ولابسه هذا اللبس عشان عمي .. بس لمن جات اللحظة الحاسمه خافت ومارضت تروح ..
ارسل لها مهند تطلع له في الصاله ولمن شافته قالت : مهند الله يخليك لاتجبرني
بصراحه كلنا ضحكنا عليها حتى رانيا قعدت تعلق عليها ومهند يقول تراه ماياكل وهادي بيشوفك ومجد بيدخل معاك بخليك براحتك بس روحي ..
اخيراً اقتنعت لمن قال مهند وعد ماادخل الا لمن اقولك تعالي ولا روحي ..
دخلت ريم بعد مانادى مهند ياسر يدخل المقلط ورجع لي قلت له : مهند ليه تتركهم لوحدهم ترى مايصير .
: عادي خليهم يشوفون بعض براحه بعيدن هي كلها كم دقيقة ويطلعون وفي وسط البيت والباب مفتوح مافيه شي يخلينا نقول غلط ولا مايصير .
اقتنعت بكلام مهند ورجعت للحريم بعد شوي نادتني ريم ورحت لها كانت مرتبكه وجهها احمر وهي ترتعش ولمن سألتها ليه قالت ياسر يموت علي من زمان . يقول يحبني ياديمه ..
ضحكت منها ودعيت ربي يسعدها .. واتصلت على عمي اشوف رايه قال : تكفين ديمه اقنعي زوجك بملك بكرة
: ههههههههههههههههههههههههه اصبر شويه خلاص ماباقي شي عن العيد .
: باقي اسبوعين الله يهديك تقولين ماباقي شي .
: عمي اركد اسبوعين مرة قليلة بعدين لاتنسى ان ريم لازم تجهز اذا بتسوون حفلة .
: الله يصبرني بس
: يالله مبروك مقدما والله يسعدكم ان شاء الله .
: الله يبارك فيك ويسعدك ياديمه .
: يالله عمي اخليك الحين
: اوكي مع السلامه .

رحت عند ريم وقلت لها على كلام عمي وهي تضحك .. بعدين رجعت عند سميرة لقيتها هي وخالتي في المطبخ وباين ان بينهم موضوع مهم لأن وجه خالتي مكشر ومقهورة وسميرة تمسح دموعها وتقول ظلم وربي ظلم يايمه .. ابوي من متى قلبه قاسي ويظلم بالشكل هذا .
قالت خالتي : ابوك مو بيده تورط ياسميرة ماتوقع ان حياة مهند ب
قاطعتهم عشان ينتبهون اني موجوده خفت ان فيه شي مايبغوني اسمعه خاصة ان الموضوع فيه ظلم وصورة عمي قدام سميرة تتشوه وهي تبكي وخالتي مو راضيه ومهند في الوضوع خفت ماابغى اسمع شي مو حلو عن هالعايلة بالذات .
قلت : السلام عليكم
فزت سميرة قالت : ديمه انتي هنا من متى
: ماسمعت شي ياسميرة بس وش فيكم وجيهكم مو عاجبتني
ضحكت سميرة قالت : ماني مصدقه ان ريم بتتزوج
وجارتها خالتي في الكذبه قالت : هذا اليوم اللي انتظره من زمان ويشهد الله اني ياما تمنيت ياسر ياخذها لأنه تقريباً متربي في بيتنا مع مهند وماانقطع عنا الا لمن يسافر مهند .
سويت نفسي مصدقتهم وجاريتهم قلت : الله يسعدهم ترى عمي طاير في ريم ومبسوط كثير .
قالوا كلهم الله يسعدهم ويوفقهم .
قمت سحبت نفسي قلت : الناس جالسين لوحدهم بتجون عندهم ولا لا .؟
قامت خالتي قالت : يالله جايين وراك
ورحت انا وهي للمجلس جلسنا مع زوجة عمي وبناتها اللي متضايقات لأن مافيه احد في سنهم حتى رانيا رفضت تجلس معاهم تقول مو في سني وصغار علي .

بعد العشا دخل مهند وانا جالسه على الكنبة ومتربعه وتمدد على الكنبه وحط راسه على فخذي . جلس يكلمنا عن عمي وكلامه لمن شاف ريم وتهديده له اذا دخل عليهم واحنا نضحك .
دخلت علينا ريم قال : هلا هلا بالعروس تعالي قولي لي وش قالك ياسر
قالت : تكفى مهند لاتسألني عن شي ولا تقعد تتريق علي مو ناقصة رانيا انا .
: ههههههههههههههههههههههههههههه وينها رانيا ماشفتها ؟
رديت انا قلت : رانيا فوق قاعده على الكمبيوتر .
رفع راسه قال : تكفين ياديمه طلبتك انتبهي لرانيا والنت حاولي توعينها من اخطاره وقولي لها تستفيد منه بدال ماتضر نفسها . علميها ياديمه بحكم انك قريبة منها وتحبك وتسمع كلامك .
: ابشر ولا يهمك انا دايما معاها وماقد شفتها تتعدى منتديات والعاب محملتها على جهازها . بس ماراح اخليها ولا يهمك . مسحت على راسه قلت : لاتشيل هم .
جلس مهند على طول بعد مادخل عمي علينا وسلم واحنا ردينا قال : مهند قوم معاي للمجلس ابغاك في موضوع هام .
طالعته سميرة وهو قام وشكله مو عاجبه الوضع لحقته سميرة بسرعه قالت : مهند استنى بكلمك قبل تروح .
: لا تخافين ياسميرة اللي براس ابوي والله مايصير لو اهج من السعودية كلها .
ياربي سترك اش يقصد مهند ..؟ طالعت خالتي اللي ناظرتني وقامت قالت : لاحول ولاقوة الا بالله .. يالله دبرنا احسن دبرة .
طالعت بسميرة من دون مااتكلم وهي راحت تشيل ولدها قالت : عن اذنك ديوم بروح انيم ولدي وارجع لك ..
استغربت منهم . كلام عمي ومهند ونظرة خالتي ودموع سميرة وظلم عمي وهروبها الحين مني .. لاااا مااعتقد لي دخل بالموضوع بس اكيد موضوع عائلي وخاص ومايبغوني اعرف مهما كان امورهم الخاصة مايحبونها تطلع لاحد حتى لو زوجة ولدهم .

طلعت فوق لأني واثقة ان سميرة ماراح ترجع لي ورحت لجناحنا بدلت لبسي ولبست قميص ناعم وحلو بعد ماتحممت وجلست على التلفزيون استنى مهند ..
دخل مهند ووجهه اسوود ياناس .. قال بعد مانزل ثوبه : خذي ثوبي علقيه بدخل آخذ لي شور يهدي اعصابي .
اخذت ثوبه من دون مااتكلم وعلقته وهو دخل الحمام .. كنت احترق ماادري خايفه ياعالم .. فيه شي مايطمن .. الله يستر بس .
خرج مهند لابس الروب وانا جالسة على السرير وفي يدي مجلة امثل اني اتصفحها ببرود بس ماقدرت .. وقفت لمن راح بيلبس . قلت : حبيبي
طالعني قال : هلا
: ممممم مهندي حياتي ماابغى اتدخل بينك وبين اهلك .. بس قلقانه عليك .. فيه شي مزعلك ..؟
اخذ مهند بيجامته من الدولاب قال : لاتفكرين ياديمه تتعبين .. مافيه الا العافيه ابوي يحسب الناس على كيفه يبي يتحكم زي مايبغى .
: مهند تتكلم بالألغاز .
شافني محتارة وخايفه قال : ياعمري ياديوم مافيه الا كل خير .. حك راسه وكشر قال : تعرفين ابوي اهم شي عنده الشركه يبغاني امسكها معاه واضحي بوظيفتي اللي درست عشانها وتغربت وانا احلم فيها .. انتي بس لاتشيلين هم ولا تفكرين .. وحدة بنعومة ديوم ورقتها وجمالها حرام تشيل هم احد ولاتفكر وتشغل بالها .
ابتسمت وقلت : معقوله عمي اللي يفتخر انك دكتور يبغاك تبطل وتشتغل في الشركه .
كشر اكثر وعقد حواجبه .. خلع روبه بعد مالبس بنطلونه ودخل الفنيله مع راسه قال : ديوم الله يخليك مالي خلق الموضوع هذا بالذات .. انتي هنا راحتي لاتخليني اكدر عليك وعلي بمواضيع مفروغ منها منتهيه .
والله مهند صادق ليه اكدر عليه وعلي بوضوع مؤرق ويتعبه .. ضحكت وقلت خلاص نقفل الموضوع .. قال وهو يضحك : ارمي المفتاح مع الشباك خليه يضيع .
:هههههههههههههههههههه ورمينا المفتاح وضاااع .. طالعته بدلع قلت : تروح معاي ندوره ؟.
: ههههههههههههههههههههههههه لا لا مافيني اروح ادور مفاتيح ضايعه لمواضيع تافهه .. بدور مفتاح الموضوع اللي أهم .
: موضوع شو .
: مممممم انا اقولك عليه ..
شالني مهند بين يدينه وقعد يدور فيني قال : ماانزلك الين توعديني ترسمين لنا صورة انا وانتي حاضنين بعض عشان اعلقها في الصالة .
: ههههههههههههههههههههههههههه خلاص وعد ارسمها .
:ههههههههههههههههههههه احلفي لترسمينها بأقرب وقت .
: ههههههههههههههههههههههه وعد ارسمها بس نزلني .
: حاولي اكثر
: ههههههههههههههههه حبيبي الله يخليك
: طيب انزلك بس تقولين لي وش كثر تحبين مهند ؟
: هههههههههههههههههههه احبه قد الدنيا ، قد البحر ، قد السما ، ممممم احبه اكثر مما يحبني .
نزلني وجلس على السرير قال بجدية : كذابه ياديمه لو تموتين ماحبيتيني اكثر من حبي لك .
جيت وجلست بجنبه .. طالعته وقلت : مهند فيك شي ؟ حبيبي قول لي فيه شي ترى انا خايفه وقلبي يقول ان فيه شي .. اذا تحب تفضفض ولا تقول شو اللي مضايقك ترى الصدر اوسع لك من الدنيا كلها ياعمري .
ابتسم قال : ليه تقولين كذا انتي .؟
: ماادري خالتي وسميرة وضعهم مو طبيعي
قاطعني قال : كيف وضعهم قالوا لك شي .؟
: ماقالوا بسسس مهند شو فيه . ؟
: اوووه ياديمه قلت لك ياعمري مافيه شي لاتكدرين علينا انسي .
: بس انت مو رايق وتعبان ووو
: ديمه قفلي هالسالفه قلت لك مافيه شي ليه ماتثقين فيني .؟
عرفت ان مهند ماراح يقول لي شي فاضطريت اتصنع اني خلاص نسيت عشان اخليه يروق قلت : واثقة فيك ياعمري خلاص .. صحيح حبيبي قررتوا نقضي العيد في ابها .؟
: شو رايك انتي اذا ماتبين ابها نجلس هنا انا وانتي
: لا شو نجلس اذا بتروح انت اكيد بروح مو حلوة نجلس واهلك كلهم هناك .
: انتي ماعليك مني ولا من اهلي نفسك تروحين هناك ولا ماتحبين .
: مهند والله عادي اذا جلست هنا راح اعيد عند خالي والناس اللي احبهم هنا واذا رحت راح اقضيه مع عمتك وبناتها واهلك ومرة حلو يعني مافيه مضايقات الا من شي واحد .
: لاتخافين منهم هذولا لأني سمعت ان فاطمة بتتزوج قريب .
: سمعت من مين ؟
: قابلت فهد اخوها قال تبيها ولا نزوجها قلت زوجها انا رجال متزوج . وقال لي ان اللي خطبها واحد متزوج وعنده خمسة عيال .. وهو ماعليه مبسوط مادياً راح يعيشها زين .
: الله يكفينا شرها ويفكنا منها المهم تروح بعيد عنا .. تتزوج اللي تتزوج بس افتك منها .
: ماعليك ياقلبي من احد ولاتتذكرين شي يكدر علينا .
ابتسمت له بحب وقلت : بنسى الدنيا كلها واتذكر اني مع مهندي وأكيد راح اسعد بنت في هالكون .
حط راسي على صدره قال : الله لايفرق بينا ويخليك لي بس .


مر علينا اسبوع حالم وخيالي بالنسبة لي كله سعاده وحب ورومنسية وحياااة غير مع مهند ... بس يتخلله احياناً شكي ان مهند فيه شي .. لأنه احياناً يسرح ويشرد بتفكيره وهو معاي .. ولأن عمي اذا شافني سلم علي بحرارة وتجنبني قدر الامكان .. حتى خالتي انشغلت بالعيد والسوق وريم ماتطلع من غرفتها الا للسوق وترجع .. اما رانيا كانت زعلانه من عمي ماتكلمه ولمن سألتها ليه تسوي كذا قالت مصيرك بتعرفين وتعذريني .. مرة الحيت عليها تقول لي شو فيه وبكت قالت الله يخليك ياديمه لاتجبريني اتكلم مااقدر .

رحنا لابها وجلسنا هالمرة في بيت عمي بدر كان قصر كبير بوسط مزرعه كبيرة احلى شي فيه انه على جبل لمن افتح الشباك بغرفتي يكون السحاب قريب مني .. كنت اصحى الصباح وغصب اصحي مهند معاي وننزل تحت عند عمي وخالتي نتقهوى معاهم بعدين نخرج انا ومهند .. نتمشى ومانرجع الا على الغدا بعدين ننام ساعتين ثلاث ساعات ونروح لبيت خالة سارة ولا تجي عندنا مع زوجات عيالها وبناتهم ..
خمسه ايام مرت علي اعتبرها من اجمل ايام عمري .. كنت احس اني ماابغى الناس .. اشتاق لمهند باستمرار .. ولو بكيفي مااجلس الا معاه لوحده .. وهو كان ملهوف علي طول الوقت .. بجد كأنا عرسان ومانبغى العالم يقربون منا يخربون علينا اجمل لحظاتنا ..
صحيت بدري من النوم على صوته يقول : ديمتي .. كنت نايمه على ظهري وحاط يده تحت راسي وهونايم على جنبه وخدي على صدره اللي بدون فنيله .. .. دفنت وجهي اكثر في صدره .. احب ريحته احسها تنعشني وانا اتنفسه .. حسيته يبوس جبيني وفتحت عيني .. ابتسمت له قلت : صباح الخير ياهدية ربي علي . اليوم انا اسعد بنت على الكرة الأرضيه .
ابتسم لي بحب قال : صباح النور ياسعادتي انتي . تبينا نتمشى برا ..
: اوكي حبيبي .. يووه مرة مكسلة مافيني اقوم البس شو رايك نفطر هنا .
: خلاص بشيلك اوديك للحمام اكيد بتتنشطين .
: ههههههههههههههه لا خلاص بقوم
كنت بقوم بس مسكني بقوة وحنان وحضني على صدره .. ياربي احس اني ماابي من الدنيا شي غير مهند .. اكتفيت بالسعادة وانا في حضنه واحس بحبه ..
قطع علي تفكيري في شعوري واحساسي قال : تسمعين قلبي ياديمه ..؟
: قلبي يسمعه ويحسه ويعشقه .
: قولي لقلبك اقسم بالله انك كل دقة فيه تنبض بحبك انتي ..
: يقولك حتى هو مليان بمهند .. وماعاد لاحد فيه مكان .
قمت اخذت لي شور ورحت البس على بال مايتحمم مهند ويلبس هو كمان .
لبست لي بنطلون جينز سماوي وبدي ابيض ولبست عبايتي بعد ماجففت شعري وحطيت مكياج خفيف وقلوس لحمي ..
لبس مهند ثوبه وخرج بدون شماغ بعد مامشط شعره على ورى واخذني بيدي ..
اليوم صاحين بدري عن كل يوم .. وماشفنا خالتي وعمي باين انهم لسه ماصحوا .
ركبت في السيارة بجنب مهند قلت : مهند بنفطر فوق الجبال .
: طيب ياعمري بس الوقت لسه بدري استني شويه .
: ياليت الكميرا معانا كان نتصور هنا .
: ههههههههههههههه نتصور بكفنا مو غصب .
: ههههههههههههههههههه اسكت لاتذكرني ..
: تدرين خسارة انا ماتصورنا واحنا في سوريا .
: ان شاء الله نروح مرة ثانية ونتصور هناك . التفت عليه بجدية قلت : لاتنسى انك وعدت جدتي نزورها .
: وعدتها وراح نزورها قريب .. وبنزورها دايما حتى مع عيالنا ان شاء الله .
: عيالنا ... هههههههههههه تصدق مااتخيل نفسي ام لسه بدري مرة علي .
: تصدقين اني متحمس اشوف عيالي منك .. عاد ابيك تجيبينهم كلهم يشبهونك بكل شي .
: هههههههههههههههههههههه قالوا لك بكيفي .
: ههههههههههههههههههههههههههه الله يرزقنا بالذرية الصالحه هذا اهم شي ياعمري
: اللهم آمين .
اشترينا عصيرات وفطاير بالجبنه والشكولاته لأن المطاعم مافتحت لسه ولا الكافتيريهات ..
فتحت لمهند عصيره وجلسنا نسولف ونلف بالسيارة .. طلعنا الجبل وكان الضباب مغطي المكان .. شغلنا نور السيارة وصرنا نمشي بشويش ..
كان يوم مميز في حياتي اهداه مهند لتاريخ ديمه كله . طبعاً وثقنا ذكراه بصور بعد مااشترينا كاميرا ديجتال . ونزلنا جلسنا على الأرض بسطنا بساط كان بسيرة مهند وجلسنا عليه ..
اكثر صوري بدون مااكون متغطية بطلب من مهند .. اليوم مهند مجنووون فيني كل شوي يقول انتي ملكة جمال .. انتي اجمل امرأة شفتها في حياتي .. آخر شي قال ديمه انتي ساحرتني ..
ضحكت عليه وتذكرت رانيا لمن تمزح معاي وتقول تكفين ديمه قولي لي شو مسوية لعمي مهند شو نوع السحر ومن فين جبتيه علميني ترى مو قايله لاحد وسرك في بير .. وانا دايما اقول لها سحري لمهند المحبة من عند ربي ..وهذا هو السحر حلال

عيدنا هناك في بيت عمي بدر صورتنا رانيا بكاميرتها ونادت مهند صورته وتصورت معانا وصورت عمي وخالتي كانت طول اليوم تمشي وتصور تقول بخلص الفيلم كله اليوم لأن هذا خاص بأول يوم في العيد ..

يوم العيد كان مميز جداً الرجال داخلين خارجين لأن عمي بدر له قيمته هناكوالكل يقدره ..وصلنا رانيا عند امها تجلس عندها اليوم ووعدها مهند يجي بكرة ياخذهاونزلنا سلمنا على امها اللي اول مرة اشوفها وكانت شباب وعندها ثلاثه عيال غير رانيامن زوجها الثاني .
بعد ماخرجنا من بيت ام رانيا رحنا لبيت سارة عمة مهند وهناكجونا حريم عيدو علينا وانا طلعت فوق بعد ماتعبت.. كنت مع ساميه بغرفة مهند الليعندهم اللي صارت لمهند وديمه مولمهند لوحده ..
سمعت صوت غريب يوووه ياكرهي لههالصوت .. كان صوت فاطمة وهي تسأل عني طالعت بسامية قلت لو سمحتي سامية ماابغىاشوفها برجع لبيت عمي الحين حتى لاتصير لي مصيبة جديدة بسببها ..
طلعت ساميه منعندي سمعتها تقول لها : وش تبغين من ديمه
: بتحمد لها على السلامة وابارك لهاعلى خطتها اللي نجحت لما قدرت تضحك على مهند وتخليه يرجعها .
انا دقيت على مهندقلت تعال خذني فاطمه هنا وتسأل عني وبصراحه قلبي مو مطمن لها .
حتى مهند لمن سمعصوتي عرف اني خايفه قال الحين اجيك
طلع مهند فوق سمعته ينادي عشان اذا فيه احدغريب يدخل .. انا كنت لابسه عبايتي وطرحتي وشنطتي بيدي وانتظره على جمر وخوفي منفاطمه ماله حدود الله يستر هالمرة ناويه على ايش بالضبط .
سمعت مهند برا يقول : وش جابك انتي هنا ومن سمح لك تقربين من غرفتي يالله يالله انقلعي تحت ولا برا البيتكله يالله ؟
دخل غرفتي وجا عندي قال : لاتخافين ويالله بنطلع من هنا .
خرجتمعاه الا سمعتها تقول : ماتبين تسلمين ياديمه ..
طنشتها ومارديت لأني عارفهماراح اسلم منها قلت اقصر الشر واروح
نزلنا ولقينا امها قدامنا .. اول ماشافتناقالت : هذي وش مدخلها بيوتنا ماكفى عمايلها
مهند : لا اله الا الله امشي ياديمهامشي الله يصبرني
: سلم على عمتك
: سلمت عليها قبل شوي امشي بس
خرجت حتىماسلمت عليها هي لأنها صدت عني قلت ماابي انزل نفسي

رحنا تمشينا ودق عليناعمي ياسر كلم مهند وقعد يترجاه انه يجي لأنه بمجلس سعد زوج عمته ساره
استحىمهند من عمي ياسر وقال يالله باخذك ارجعك هناك اذا ماراحوا بقول لسامية ماتخليهنيقربن منك
انا بصراحه ماحبيت اقهر مهند واخليه يجلس عشاني ولا اقدر اجلس في بيتعمي الكبير لوحدي .. رغم اني عارفه انها بتنغص علي .
رجعت لبيت خاله سارة ومريتعلى خالتي سارة واعتذرت منها اني مااقدر اجلس مع الحريم وهي عارفه ليه
عذرتنيخالة سارة قالت اهم شي راحتك ياديمه وطلعت فوق مع ساميه والبنات
قفلنا البابعلينا حتى البنات مايبغون فاطمة وجلستها لأنها انسانه غيورة وحقودة
قامت دانهبتجيب لنا قهوة وحلا قبل العشاء وجاتنا بسرعه قالت:عمة سامية قفلي الباب فاطمةلاتدخل تراها برا وقريبة من هنا .
قامت سامية معاها وقفلت الباب ورجعت لي قالت : ماعليك ياديمه لاتخافين منها وربي لولا مهند موصيني ماتقرب منك لاخليها تدخلواعلى مافي خيلها تركبه ..
دق تلفوني كان مهند قال : انزلي تحت وبسرعه ابغاك .
: ليه صاير شي ..؟
: ديوم تعالي واقولك وش صاير .. بس لاتخافين مافيه شي .
: اوكي حبيبي الحين اجي .
قلت لساميه تخرج معاي فاطمة مسببة لي رعب ياناس . نزلت وهي واقفه على البلكونه اللي في الصالة وتطل على الجبل .. واشوا عديت بسلاامونزلت بسرعه تحت ..
قابلتني امها قالت : ساميه هذي تدري ان بدر خطب هنادي بنتسعود ال .. لزوجها وملكته بعد اسبوع ولا للحين تمشي على عماها ماتدري عن شي .
وقفت بمكاني متجمدة بعدين ابتسمت لسامية اللي مطيرة عيونها فيها قالت : خالةالله يهديك انتي ماتعرفين تجلسين مثل المسلمين .. طبعك طبع يهود .
قالت بخبث : انا ماقلت الا الحقيقه . بغيت انبهها يوم اني اشوفها بنية يتيمه ومريضه والناس تغدربها وتبي تزوج رجالها .
قلت لساميه وانا مكشرة : هذي اش قاعده تقول ؟
دقجوالي شفته مهند بس ماقدرت ارد عليه .. قلت : ساميه ردي علي .
طالعتني ساميهقالت : ديمه موضوع طويل هذا اسألي مهند عنه وهو يقول لك .
: يعني كلام هذي صدق
تدخلت نورة بضحكه قالت : ايه ياديمه صدق وبدر الح على مهند قال تخطبها ولا منتولدي ولا اعرفك دوب امه علمتني .
طالعت فيها قلت : حسبي الله عليك انتي وبنتكونعم الوكيل .
قلتها من قلبي ياناس .. حسيتني مظلومه هنا .. حتى لو كانت كذابهبس نغصت علي .. واذا هي صادقه معناتها قضوا علي .
مسكتني ساميه بيدي ونفضت يديمنها بقوة ماادري ليه ساميه مالها ذنب بس انا كمان تايهه وضايعه وحياتي قدام عينيتنهار .. الحلم اللي كنت عايشته الأيام اللي راحت في لحظة تحول لكابوس ..
سمعتآخر قنبلة اطلقتها نورة لمن قالت : علميها ياسامية ان بدر خاطب لمهند من يوم كانتفي عند جدتها وجابها وهي ماتدري عن شي .. .
خرجت بسرعه .. هربت منها ومن صوتهاوخبثها ودناءتها شفت مهند يدخن عند الباب .. وريم تجري وراي قالت ديمه : لاتصدقينعمتي تراها كذابه وووو
مهند عمتي كلمت ديمه ماقدرنا نلحق عليها .
طالعتالمتهم الأول وعيوني فيها دموع وماتكلمت . قال وهو في فمه سيجارة : اركبي الحينوماعليك من كلامهم .
ركبت السيارة بعد ماغطيت وجهي ودموعي نزلت بهدوء وقلبييعتصر ياناس ..
ركب بجنبي وسكتنا ماتكلمنا اكثر من عشر دقايق .. دموعي تنزل وانااشهق وامسح دموعي بعيوني .. دخن مهند اكثر من خمس سجاير آخر شي تكلم وليته ماتكلم : كنت حاس انها هي اللي بتكلمك .. وامي دقت علي قبل شوي قالت عمتك قامت من عندناوشكلها ناوية تقول لديمه على الموضوع لأنها سألتني وعلمتها بالتفاصيل .
انهرتوقلت : ليه تخدعني يامهند ؟
قال بهدوء فظيع : ماخدعتك ولاكذبت عليك ..
: لاوالله وكلام عمتك
: كلام عمتي صحيح ولو اني ماادري شو هو بالضبط لكن بقولكالمختصر المفيد
ديمه لمن كنتي في سوريا حالي صعب على ابوي وخطب لي من راسه كلمواحد من الناس اللي يتعاملون معاه عن بنته يقول اني اذا تزوجت يمكن انساك وارجع مثلاول .
انا رفضت الموضوع جملة وتفصيل وماناقشته مع احد لليوم .. قبل كم يومتتذكرين لمن ناداني ابوي وكلمني وجيتك طفشان .. كان يقول انه تورط وخطب بنت الرجالومستحي يقول له ماعاد نبي بنتك .. ويقول اخطبها مافيها شي اذا اخذت ثنتين وانا قلتلابوي الكلام اللي ماراح اكرره غير لك انتي .. انا لايمكن اتزوج في هالدنيا غيرديمه بنت عبدالله . فاااهمه ولا لا . مانبي نخلي عمتي تلعب في حياتنا على كيفها ..
طالعته وانا اشهق بقووة قلت : وابوك طيب ؟
: ابوي يزعل يومين ويرضى . لكنانا لو زعلت ماراح ارضى ولا راح اكون سعيد بحياتي لين اموت الا معك انتي وبس .
: طيب والحل ؟
: مافيه مشكله حتى ندور لها حل .. ديومي حبيبي لاتفكرينبهالموضوع تكفين .. انا لك ليوم الدين وانتي لي لأبد الآبدين .. ولاتفكرين ان يجييوم اني افرط فيك مهما كان حتى لوحطيت اهلي بكفه وانتي بكفه .
: لايامهند الااهلك .. انا تقدر تجيب بدالي حتى لو ماحبيتها زي ماتحبني بس اهلك ماتقدر تعوضهم .. وصدقني لو الدعوة فيها رضى اهلك انا اللي راح ا
قاطعني قال : اششششششششلاتتكلمين في الموضوع هذا الله يخليك .
تبين قهوة ..؟
: اوكي ناخذ قهوة .

اخذنا قهوة تركيه وجلسنا نلف بالسيارة قال : حسبي الله على من نغص علينا .
: مهند
: هلا ياروح مهند .
: خلنا نرجع للبيت .
: ابشري .
رجعنا للبيت وانا كل لحظة حلوة مرت علي مع مهند اشوفها الحين وأودعها .. عارفهان عمي ماراح يسكت خاصة انه من النوع اللي كلمته مايثنيها على قولة خالتي . بعدينالرجال اللي خطب منه لمهند تاجر كبير وبنته هذي اعرفها بالجامعه دايما كبيرة عمرهاوصل للثلاثين تقريباً شكلها اكبر من مهند ..يعني مهند بالنسبة لها فرصة عمر .. دكتور وولد ناس عز وجاه وسمعه .. حتى لومتزوج الله يستر منها ..


رجعناللبيت وانا مكسورة ... ودق على ريم قال ارجعي عند ديمه انا بطلع وتعالي اجلسي معاها
بعد شوي دخلوا البنات عندي اولهم ساميه وريم وشافوني ساكته ومقهورة
قالتساميه والله ماياخذها مهند لو على قطع رقبتي

مرت علينا ليله صعبة بشكلمااقدر اوصفه لكم .. مارجع مهند الا الفجر ..
لمن جات خالتي وشافتني قعدت تبكيوتسأل عن مهند قلت ماادري وقعدت تتحسب الله على نورة وبنتها ..
حاولت اهديخالتي بس انا كمان محتاجه من يهديني .. لأن ريم قالت الله يستر من ابوي لمن سألعمتي سارة عن مهند وش فيه قالت له : مافيه شي كدرت عليه حياته وظلمته ومايدري وشيسوي يتبع قلبه وضميره وسعادته ولا يسمع كلامك ويرضيك ويجني على نفسه . وابوي زعلبالمرة من كلام عمتي قال الموضوع منتهي ومهند بيروح معاي بعد يومين غصب عنه كلمتيمااغيرها ولا اثنيها قدام الرجال .

جالس بجنبي على السرير ويدخن وانا ساكته ماادري اهدي مهند واطلعه من جو الكآبه الليهو فيه ولا اخليه كذا وانتظره هو يجي يساعدني ويطلعني من حزني .
قلت : حبيبيهذا اللي هلكك ماراح ينفعك ولا راح يحل شي .
: جيت هنا ابي انسى واغير جومادريت ان امي سارة بتزيد الطين بله .. خلت ابوي يعصب ويدق علي يقول فهم ديمه علىكل شي وانا راح احدد موعد الملكه مع سعود بعد يومين ..
التفت علي وكمل وهو يقول : واللي رفع سبع وبسط سبع ياديمه ان مالي زوجة في الدنيا غيرك . لو فيها غضب ابويواهلي كلهم .. كانت دموعي تنزل بغزارة ورمى سيجارته وقرب مني حط راسي على صدره واناانهرت اكثر قال : حتى لوخسرت وظيفتي هنا حتى لو خسرت وجودي كله هنا .. انا مااقدراعيش بدونك ياديمه . راح احارب الدنيا عشانك وعشان حياتي معاك .
مارديت عليهولا تكلمت كانت دموعي هي اللي ترد وتقول له مااقدر على بعدك مااتخيل ان تجي وحدهوتصير بحياتك وانا اطالع . ومااقدر اخليك تعصى ابوك وتغضبه عشاني ..
ماابي ازيدهم مهند واتكلم باللي في قلبي .. اخيراً قلت : مهند خلنا نطلع في البلكونه احسنيمخنوقه هنا .
اخذني بيدي وخرجنا في البلكونه حقت غرفتنا اللي تطل على جبل فيهعصافير كثيرة وحماموطيور اشكال وانواع والوان .
اليوم مهند يكح كثير بردوالسجاير اللي دخنه من امس كفيل انه يعدم رئته . هذا غير البرد والهوا البارد الليهنا في ابها .
قلت وانا اضم يديني على اكتافي : مرة برد .. اجيب لك جاكيت معاي .
: لا جيبي لي بطانية .
رحت جبت البطانية وهو جالس على الكرسي الطويل الليفي البلكونه وحطيتها على ظهره وجلست بجنه دخل يده في جيبه يدور على دخان وماحصل .. ابتسمت وقلت له بحاول اغير حال مهند هذا : مهند حبيبي بطلب منك طلب .
قال بهدوء : اطلبي ومن الحين تم .
: حبيبي خايفه عليك من الدخان . ماابغى اقول لك اتركهبين يوم وليله بس خففه شوي .
: بخففه ان شاء الله الله يكفيني شره صدري اليوممتعبني شكله منه ومن البرود اللي هنا .
: سلامتك ياروحي وماتشوف شر .. تدري اناغار من السيجارة هذي .
آه بس من ضحكته .. اخيراً ضحك بوجع : ههههههههههه اجلتغارين من سيجارة ياديومتي .
ابتسمت وانا احس الدم يمشي في جسمي بفتووور وبرودهويمكن راح يوقف الحين : قول ليه تغارين .؟
لف يده على اكتافي وغطاني بطرفالبطانيه معاه قال : ليه تغارين يالفنانه الفاتنه .
: ههههههههههه حلوة الفنانهالفاتنه .. ممممم اغار اول شي لأنها في فمك وقريبه منك اكثر مني . واغار لأنها ممكنتنفس عنك اكثر مني .. سكت شوي وحاولت قدر الإمكان اني ماانهار ولاابكي وقلت : نفسياصير كل شي بحياتك ..
: وانتي كل شي بحياتي .. واذا الدخان مضايقك من اليومبحاول اتركه لعيونك واخففه .
ياربي استر كلام مهند يخوفني .. يذكرني بالأفلاماذا كان البطل بيموت ولايصير له شي صار يلبي طلبات اللي حوله ويحاول يرضيهم مهماكان الثمن .
لا لا ياربي مااتخيل ان مهند يصير له شي .
قلت : حبيبي اذاالجو هنا برد عليك خلاص ندخل ترى انا عادي اهم شي عندي صحتك وهذا .. أشرت على راسهباصبعي وانا ابتسم
: مممم يالله خلينا ندخل احسن .

نمنا بعد ماحاولت اهدياعصاب مهند وتظاهرت اني ماني خايفه وهو معاي واني واثقه بكلامه لمن قال انه ماراحيضرني ولاراح يخليني احزن .
صحيت الظهر على صوت عمي برا وهو ينادي على مهند .. صحيت مهند كان مبين على وجهه انه تعبان .. قال : اطلعي قولي له بنزل عنده بعد شوي . وتغطى باللحاف وكمل نوم .
لبست الروب حقي وخرجت لعمي فتحت الباب وشفته قدامي .. حسيت عمي انصدم لمن شافني قال : هلا والله ببنتي ديمه وشلونك يبه .
هزيت راسيقلت : انت كيفك ياعمي .؟
: انا بخير اذا انتم بخير وطيبين .
: عمي مهند يقولبينزل لك بعد شوي .
عصب عمي من جديد قال : قولي له الحين ينزل تحت .. الموضوعاللي ابيه فيه مايتأجل .
: حاضر اقوله .
عورني قلبي كثيير ورجعت لمهند كأنياقول قوم روح لابوك عشان يقتلني .
حركته بيدي ودموعي تنزل قلت : مهنننند قووومابوك معصب يبغاك تحت .

رفع اللحاف عن وجهه لأن صوتي مو عاجبه وطالعني قال : خليه اذا مواضيعه مامنها فايده لايتعب نفسه ويتعبني .
: ابوك معصب والله .
اخذ مخدتي وحطها على راسه وكمل نوم كأنه عارف ابوه اش يبغى ومايبغى يروح له . دخلت الحمام وتحممت وخرجت لبست ومهند لسه على نومه .
هالمرة جات خالتي دقت علينا وفتحت لها قالت : مهند ماصحى
: لاياخالتي مارضى لي ساعه احاول فيه . البارحه كان مرة تعبان .
جات خالتي عنده صحته وفتح عيونه قال : يمه روحي بقوم اتحمم والحقك .
خرجت خالتي وشفت مهند يكح وحط ديه على راسه بسرعه جيت عنده حطيت يدي على راسه كان راسه مسخن .
قمت بسرعه جبت له حبتين بندول قلت : حبيبي حرارتك مرتفعه قوم خذ لك شور عشان تنزل بعدين روح للمستشفى .. اخذت جوالي قلت : ولا انا اقول لعمي ياسر يجي يوديك .
مسك يدي قال : لا لا مايحتاج مستشفى . بقوم اتحمم وتنزل ان شاء الله .

نزلنا تحت ومهند يكح وباين انه كثير تعبان .. قال : انا بروح لابوي وانتي حضري لي انا وياك غدا .

رحت للمطبخ وحضرت الغدا وفي قلبي مليون وجع .. وفي راسي مليون سؤال .. وقدامي دهاليز وخوف وظلمه ومتاهات مااقدر اخطي فيها خطوة لحد مااتتضح الأمور .
شفت رانيا اللي دوبها وصلت مع زوج امها وهي تبكي ومنهارة وتقول : ديمه لاترضين لاتوافقين ابوي يقول ديمه طيبه وبنت اصول وبتوافق .
لفت فيني الأرض قلت : رانيا اش قاعده تقولين انتي وليه تبكين كذا وو
قاطعتني قالت : ديمه ابوي بيغصب مهند يتزوج بنت سعود ويبيه يملك اليوم لأن سعود واهله في ابها ..
كنت احس الدنيا تلف فيني وطاحت الكاسة من يدي قبل مااحطها في الصينيه قلت بصوت يرتجف : رانيا عمي ليه يسوي فيني كذا .
: ابوي يقول انه خطب لعمي لمن كنتي في سوريا وماعاد يقدر يتفشل مع الرجال .
شفت مهند واقف عند الباب ويطالعني بقلق شكلي يكسر الخاطر .. انا منهارة من الداخل والخارج والدنيا صارت في عيني اضيق من ثقب ابرة . رحمتك يارب آخر كلمة قلتها قبل مااسمع الكلام اللي كان مهند بيقوله لي وهو جاي يمشي ناحيتي ..
صحيت وانا بسريري فوق شفت مهند عندي .. مسك يدي وضمها بين يدينه قال : ديمه
صديت عنه مااقدر اطالع فيه وهومكسوور ومهزوم ومغلوب على امره قلت بيأس : مهند برجع لجده .
:الحين نرجع بالسيارة يالله قومي
وقف مهند وقمت قرفانه احسني برجع .ورحت للحمام على طول .
لحقني مهند للحمام وانا استفرغ وجاب لي كاس مويه .. شربت وانا احسني دايخة ومو قادرة اركز بشي ... اعطيته الكاس قلت بضعف : الحين بروح لجده يالله مهند مااقدر استنى هنا .
: يالله ياعمري رتبي شنطتك
: مهند تعبانه مو قادرة امشي ناد على الشغالة ترتبها لي
: خلاص عمري البسي عبايتك حتى لاتبدلين روحي بالبيجامه عادي وانا ارتب لك الشنطه . تبين مستشفى ؟
:لا بسسس ا ا اتصل على خالي سامي ولا ماجد واحد منهم يجي ياخذني .
: ليه ..؟ ديمه اش قصدك
: ماابغاك تسافر وانت تعبان وكمان عشان ابووك ..
انهرت ابكي عند مهند وهو حضني على صدره ورفع راسي
: ديمه ابغاك تثقين بمهند فاهمه ..؟ بعدين محد موديك غيري وانا مافيني الا العافية وانتي عند اهم من ابوي واهلي كلهم .
:ابوك بيزعل منك .. لايامهند
وبسرعه رحت للحمام وحاولت استفرغ مرة ثانيه ماقدرت لأن معدتي فارغه
مسكني مهند قال : اوديك للطبيب يمكن جايك برد
: لا... بس بس اللي صار موترني .. طالعت بعيونه وعيوني كلها دموع وقلت :ومتعبني يامهند .
: لا تتعبين نفسك ديمه خلاص خليك مرتاحه وطمني بالك والخرابيط هذي لايمكن اسكت عليها
: خايفه من زعل اهلك عليك بسببي .
: ماراح يزعلون ولا راح يصير شي .
: مهند اهون علي تاخذها ولا يصير بينك وبين اهلك شي
: الحين لاتفكرين بالموضوع هذا يالله البسي عبايتك .
دخلت الحمام غسلت ولبست عبايتي ونزلت بمساعدة مهند وخرجت من دون مااكلم احد ولا حتى هو
في الطريق كان اغلب وقت مهند ساكت وانا احسني بس ابغى ارجع ..
اشترينا اكل ،فطاير وعصير وجاب لي مهند بسكوت يقول كويس للغثيان والاستفراغ .
وصلنا جده بعد حوالي خمس ساعات اغلبها قضيتها بالنوم بس ماكنت مرتاحه ابداً
دخلت البيت حقنا وشالني مهند لحد مادخلنا جناحنا لأني مااقدر امشي احس مافيني قوة .
اخذت شور بسرعه خفت ادوخ ولا يغمى علي
انا كثير مكتئبة .. كلام عمي شكله سبب لي صدمة نفسيه او عصبية .. مهند بموقف لايحسد عليه وانا اكثر منه .
لبست تنورة سكري حرير كلوش وقصيرة .. ولبست بلوزة بنية كمان حرير .. طويله وبدون اكمام .. ولبست صندل ناعم بخيوط تتربط على الساق .. بسرعه لبست وانا منهكه ولفيت شعري ومكسته بشباصة وحطيت قلوس بني وبودرة خفيفه وبلاشر وشادو بني .. وحطيت كحل من داخل ومسكرة لأني عيوني تعبانه وماابغى احد ينتبه لي
دخل علي مهند لابس الروب حق الحمام بعد مااخذ شور واستغرب اني كنت لابسه قال : بتروحين مكان ..؟
: بروح لبيت خالي
: وليه ..؟
: مهند اشبك بعيد على اهلي ولا نسيت
سكت بعد مااخذ نفس عميق وبان عليه الارتياح وقرب مني قال : ديمه
: مهند والله عارفة اش حتقول ماراح اتكلم وراح ارجع معاك لاتخاف .. مو انت قلت خليك واثقة فيني ..
: الا وانا عند كلامي .
: خلاص ماراح اقلق ولا راح افكر بهذا الموضوع .... ابتسمت له وكملت ...... اطمن حبيبي .
قرب مهند مني وحضني وضمني بقوة على صدره وباس راسي قال : محد يقدر يفرق بيني وبينك لاتخافين
: قول الله يستر
: الله يستر ياعمري بس انتي لاتشيلين هم ولاتفكرين كثير
: ابشر حبيبي ... يالله البس خلنا نروح عند خالي
: يالله

رحنا لخالي وكلهم لاحظوا اني تعبانه وانا تحججت اني تعبانه من السفر .. رحت جلست عند هدى قعدت تسولف علي وانا ساكته وصدقت ان السفر بالسيارة متعبني لأني مو متعودة على المشاوير الطويله بالسيارة ...!
: ديمه ترى بناخذ غرفتك من زمان وهي عاجبتني بحطها لياسمين
: افا ياهدى بتاخذون غرفتي كأنكم ماصدقتوا على الله متى اخرج من البيت
: ههههههههههههههههههه لاوالله مو قصدي بس عاد انتي منتي محتاجتها
: من قال الا بحتاجها اش دراك
: شو قصدك يابنت ؟ الله لايقوله وعساك ماتحتاجين تجين الا زيارة وترجعين ؟
: طيب انا اقصد انو يمكن اجيكم زيارة واطول عندكم .
: اوف ليه لايكون صاير بينك وبين زوجك شي
: لاوالله مهند شايلني على كفوف الراحة بس ... تنحنحت لأني حسيتني متورطة قلت : احم احم بس الزمن محد يضمنه .
: ديوم شو هالكلام لاتقولين كذا ..
: هذي الدنيا مانضمنها ياستي.. وغرفتي اتركيها لي
: بنت صدقتي اني بقرب من غرفتك امزح والله .. بعدين اكثر لاكثر الله في بيتنتا الغرف .. وغرفتك موجودة لك بأي وقت .
: هدى والله اعصابي تعبانه
: ديمه قولي صاير شي
: استني ياهدى كلها اسبوع واقولك على كل شي بس هدى الله يخليك خالي لاتتكلمين معاه بشي عني
: ولا يهمك بس اوعديني أي شي يصير معاك تقولين لي .. ديمه احنا اهلك لاتسكتين على الظلم فاهمه
: ماني ساكته ياهدى وتأكدي اذا صار لي شي بقولك على طول بس خالي
قاطعتني : هذا بيني وبينك خالك اذا ماتبينه يعرف ماراح يعرف
سمعت خالي ينادي : ديمه
وقفت بكسل وبملل ورحت عنده : هلا خالي
: كلمي زوجك
رحت عند مهند قال : تحسين بشي الحين ؟
: لا الحمد لله احسن .. انت اللي كيفك تكح ؟ حرارتك ارتفعت ..
: انا بخير ياعمري بس يالله بنمشي وترى بنمر على المستشفى عشان نشوف اش فيك .
:لا مستشفى لا الله يخليك مافيني شي .. استنى اجيب عبايتي وشنطتي واجي
رجعت عند هدى وانا احسني دايخه وتعبانه واخذت عبايتي وشنطتي
: ديمه والله بدري بعدين انتي تعبانه قولي له يخليك هنا الليلة
: مهند ماعنده احد في البيت اهله لسه في ابها .. مستحيه منه اتركه لوحده
: طيب كلمينا وياليت تمرين مستشفى تشوفين شوفيك انتي مااكلتي وطول الوقت باين انك تعبانه
: صدقيني من السفر ومن القرف اللي شفته في ابها
: ياربي احس فيك شي .. ديوم ضروري تكلميني
: اوكي يالله اشوفك على خير
سلمت على هدى وخرجت لخالي في الحديقه وسلمت عليه وخرجت مع مهند
اخذني مهند للبيت وجلسنا بجناحنا بعد مابدلت ولبست بيجامه شورت قصير وبدي لونها زهري

باقى شوي

راح انزلة بكرة باذن الله

chokeran ketire habibeti 3ela lkissa
ya rire tekamliha fe akerab wakete
chokeran

هلا coucou_rose
انتي الوحيده اللي رديتي:woo:

وراح انزلها عشان خاطرك:biggrin:

كان مهند جالس على الكنبة الطويلة وانا ممدة بنجنبه وراسي على افخاذه
هو بعالمه وهمه وانا مو بعيده عنه بس كل واحد يفكر بطريقته .... رفعت راسي وطالعت بوجهه كان مسرح وهو يمسح بيده على راسي : مهند ابوك ماكلمك
: الا دق علي وانا عند ناصر قلت له اني بجده
: زعل منك
:...................
: ماابغاه يزعل منك
: فكري بنفسك لاتفكرين بالناس
: بس هذولا اهلك
: وانتي اهلي ودنيتي ومستقبلي وسعادتي وابوي مصيره يرضى بس انتي اذا زعلتك اعرفك ماراح ترضين بسهولة
حاولت اخفف عن مهند وابتسمت له : حرام عليك ماقد تعبتك عشان تراضيني
: ماتعبتيني بس عذبتيني
: مهند لاتخليني اسب نفسي الحين
سحبني من يديني وحطني كلي في حضنه قال : سبيني انا ولاتسبين نفسك فاهمه ترى مااسمح لك .
:هههههههههههههه طيب حبيبي ممكن تغير لي جو النكد هذا .. ترى مشتهيه انبسط معاك اليوم .
فتحنا التلفزيون وحطينا على مسرحيه تفرجنا عليها وضحكنا منها وكل واحد فينا يضحك على الثاني مسوي نفسه مبسوط وهو غرقان هموم .
مر علينا اسبوع متوترين خاصة بعد أي مكالمة من عمي اللي كان يخاصم مهند فيها بعد كذا طنش مهند وماعاد يرد عليه ..وانا حالتي النفسية مرة سيئة وأثرت على اكلي وشهيتي ومزاجي ومعدتي كل شوي ارجع . ومهند يقول بوديك الطبيب وانا اقول لا هذا بس لأني حساسة ومااتحمل مواجهة المواقف بقوة .
اليوم نمنا متأخرين بعد الساعه 8 الصباح وماصحينا الا الساعه 4 العصر على صوت رانيا وهي عند الباب تنادي مهند
: عمي افتح ابغى اشوفك مشتاقة لك .
لبست روبي على طول وقمت افتح لها صوتها مو طبيعي باين انها تبكي
اول مافتحت لها طاحت بحضني وهي منهارة : ديمه ماعليك منهم والله ماياخذها مهند . انا شفتها مرة بشعه . حتى امي الجوهرة ماحبتها وتقول فرق بينها وبين ديمه . والله لاموت مهند حرام ياخذ هنادي .. وانتي ياديمه حرام تنقهرين لاااا مهند ماياخذها .
: رنو حبيبتي وش فيك تعالي تعالي .. وهدي نفسك
صحى مهند على اصواتنا وجانا بسرعه وعيونه فيها نوم : خير رانيا ليه تبكين ومتى جيتوا
: الحين جينا انا خليتهم يجون عشان خايفه عليكم
اخذها مهند بجنبه قال :هدي نفسك بعدين تخافين علينا ليه احنا صغار
: لا بس ابوي يقول لازم يروح يخطبها اليوم ولا بكره لأنه اتفق مع ابوها .
: اها من قال لك هالكلام
: هنادي بنفسها لأن ابوي عزمهم في بيتنا وسوينا لهم عشا وقالت لريم بكل وقاحه ان خطوبتها بعد يومين في جده .. بس انا قلت لها ان مهند الحين ماخذ ديمه وراحوا يتمشوون ويقضون العيد بعيد عن الناس .
: ههههههههههههههههههههههه ماعليك منهم رانيا قومي غسلي وجهك ولاتصيرين ضعيفه .
كنت واقفه متجمده اجل خلاص ابوه قرر واعطى كلمة للرجال .
الحين بس عرفت تفسير الكابوس هذاك اللي عكر علي نومتي لمن كنت بسوريا بأحلى ايام قضيتها مع مهند .
كانت دموعي تنزل وانا ارتجف التفت مهند علي بعد مافقد صوتي ووقف بسرعه : ديمه لاتفكرين بهالخرابيط
: م م م ه ن د سمعت ابوك اعطى كلمة للرجال وانت تعرف ابوك
: لاتخافين انا مو بنت يجبرني ابوي على شي ماابيه .. واعلى مافي خيله يركبه
: لااااااااا لاتقول كذا عن ابوك مهما كان هذا ابوك .
وقفت رانيا وجات عندي وحضنتني قالت : ديمه لاتسكتين ،، قولي ماارضى مهند يتزوج الغبيه هذيك ،، ابوي يحبك راح يوقف المهزلة هذي اذا شاف ردة فعلك لأنك انتي الأهم .
: لا يارانيا حياة مهند عندي اهم وش راح نستفيد اذا اخوان فاطمة صدقوا اختهم وامهم وتهوروا بدافه الحمية والدفاع عن شرفهم وذبحوه
: لااااااااااااااااااااااااااااااااااا مهند مايصير له شي .ليه ياعمي صدقت الغبية فاطمة وزعلت ديمه خليت ابوي يروح يخطب لك .
: رنو هدي حالك حبيبتي وانا شوفيني قوية ماعليّ
: ديمه انتي مافيك تتحملين انا عارفه باين عليك تعبانه شوفي وجهك كيف اصفر وذبلانه ديمه انا احبك انتي وعمي مهند مااحب اشوفكم زعلانين .
: رنو هدي نفسك وتعالي غسلي وجهك وبكلمك برواق
اخذتها للحمام وانا اصلاً دايخه ابغى استند على احد من اللي فيني احسني قرفانه وطفشانه ومتضايقه من كل الدنيا
غسلت وجهها ودقيت على الشغالات يجيبون قهوة وشاهي للجناح حقي واستأذنت من رانيا بروح ابدل ملابسي
دخلت بسرعه وأخذت شور ولبست بنطلون ابيض وبدي احمر وصليت العصر بعدين خرجت عندها كانت جالسه عند التلفزيون وجهها مورم وباين عليها انها مانامت
: شو يارنو..؟ ليه وجهك كذا ..؟
: مانمت طول الليل من امس ابكي
: ليه كذا بس .. شوفيني انا اللي كل شي بيصير على راسي نمت وشبعانه نوم وماسويت بنفسي زيك
: ديمه انتي مو فاهمتني .. انا مااحب الزعل .. وانا احبك انتي وعمو مهند .. انتي زيي ماعندك ام وماعندك ابو .. وبنفس الوقت كنتي مدلله ببيت اهلك صح ولا لا
: هههههههههههههههههههه صح بس انتي احسن مني بأشياء اقولك عليها ..؟
: قولي
: انتي الحين صغيرة وانا قدامك مثل تقدرين تتفوقين علي وتصيرين احسن مني .. وانتي عندك عايلة تدخلين تلاقين ريم وتعتبرينها اختك .. تحصلين جدتك اللي هي امك انا يارنو عشت من اربع سنوات الين 14 سنه لوحدي ادخل البيت انا وخالي هو يدخل ينام وانا اجلس اذاكر ولا العب لوحدي الين يصحى خالي احيانا يخرجني واحيانا يذاكر لي .. كبرت ماعندي احد يعلمني ..
صحيح جدتي كنت اروح لها بنهاية الأسبوع بس مو دايماً ومااجلس عندها الا نص الاربعا ويوم الخميس وكله تدلعني وتأكلني بس ماكانت تقول لي على الأشياء اللي احتاجها تدرين يارانيا اني عشت لوحدي وتعلمت اكثر شي من خالي كم سنه .كنت احتاج امي كنت احتاج اخت تكون عندي كنت احتاج اخوان لي كنت ابغى ارجع للبيت الاقي احد ينتظرني انا وخالي ماتحقق لي هذا الشي الا لمن خالي تزوج بس تعرفين الوحده اذا تزوجت ماتبغى احد يشاركها في بيتها وانا هذا اللي صار لي في البداية بس بعدين عرفتني هدى وانا عرفتها اكثر وعرفت اش تبغى بالضبط يعني فهمتها وحبينا بعض وتأقلمنا على بعض ... انتي يارنو ترجعين تلاقين جدتك قلقانه عليك جدك نفس الشي يرحبون ويهلون فيك .. وتلاقين ريم تشاركك بتفاصيل حياتك الخاصة كأخت كبيرة لك .. ومتى مااشتقتي لامك رحتي وشفتيها وجلستي معاها .
بعدين يارانيا انتي ماحسيتي بحنان ابوك ابوك مات وانتي صغيره .. صحيح شي يحزن ويقهر .. بس مو زي اذا كنتي تشوفينه باستمرار واذا كان يحن عليك زي ابوي الله يرحمه .. ابوي يارانيا لو اكلمك عنه سنتين ماوصلت لك قد ايش كان يدلعني ويحن علي ويحسسني بغلاي وأهميتي عنده .. ابوي كان محسسني اني اهم انسان بالوجود عنده ..
مااقدر اتكلم عنه عشان مااكدر عليك وعلي واحنا مو ناقصين .. انا فقدت ابوي وانا بظروف سيئة جداً ومريت ببلاوي يارانيا غير عنك انتي هنا موفر لك كل شي تشوفين امك وجدتك ام امك .. وهنا جدتك لابوك شايلتك على كفوف الراحه
صحيح ربي ماياخذ الا يعطي واخذ منا واعطاني الحمد لله بس لازم نصير قوويات انا وانتي لازم مانخلي الظروف تهزمنا ودموعنا تغلبنا لايارانيا خليك قوية وواجهي المواقف غصب .. انتي مريتي بظروف صعبه وتحملتيها وماخليتيها تأثر عليك معناتها انتي بنت قوية .. ممممم رنو نصيحة لاتخلين احد يشفق عليك لأنك يتيمه ترى هذا احساس مو حلو ..
: ديمه ياعمري انتي مرة قوية كل هذا عشتيه وتحملتيه
: هههههههههههههههههه ومع هذا الحمد لله انا في نعمه انحسد عليها عندي خالي عن ام واب وعيلة كامله .. وعندي مهندي حبيبي وزوجي واهلي عوضني عن كل المآسي اللي عشتها في حياتي ونساني كل شي سيء مر علي .
ماحسيت الا بيدين مهند من وراي ولفها على صدري وهو واقف ورى الكنبه .. انحرجت من رانيا قلت : يوه مهند متى جيت مو كنت تتحمم
: اووهووو من زمان وانا هنا .. تحممت وخرجت وسمعت
رفعت له راسي وانا اضحك قلت : ليه ماتكلمت نبهتنا انك هنا ..؟
قرب مني قال بهمس : مستمتع وماحبيت اخرب علي
حاولت افك يدينه من صدري لأني انحرجت من رانيا بس مارضي قلت : بالله احد يستمتع بكلامي هذا ؟
: انا استمتع .. حر .. مزاجي وكيفي ..!
: ههههههههههههههههههه طيب تعال اجلس الحين تجي القهوة
جلس مهند مقابل لي انا ورانيا ومسك التلفون قال: خلوني اطلب لكم شي تاكلونه مشتهين شي معين ولا على ذوقي ..؟
قالت رانيا :مممممممم اطلب من كنتاكي
: وانتي ديمه
ترددت ماني مشتهيه شي : ممممممممممم مافي بالي شي .. آكل على ذوقك ..بس كنتاكي لا ماابغى اطلب لرانيا .
: اوكي
طلب من كنتاكي اربع وجبات احتياطاً اذا احد جانا وطلب من بيتزا هت اربعه بيتزا حجم وسط عشان الشغالات كمان ياكلون مساكين توهم جوا من السفر ..

جلسنا نتقهوى بعد شوي دخلت علينا خالتي وقمت سلمت عليها في البداية دمعت عيونها بس لمن شافتنا رايقين ضحكت معانا وجلست تتقهوى ..
وصلنا الأكل ورحت ناديت ريم لقيتها متحممه وتبغى تنام بس جبتها غصب عنها
كانت ريم بتقول لي شي بس قلت لها لاتتكلم الحين انا رايقه وماابغى اسمع شي ينكد علينا .
دخلنا انا وريم واعطيتها وجبة كنتاكي لأنها وجبتها المفضلة .. وصلت البيتزا وأكلنا انا ومهند منها كنت جيعانه بس بجد معدتي مرة تعبانه احسني ابغى ارجع وارتعش .
قمت بشويش ماحبيت اقلقهم علي ودخلت الحمام ورجعت كل اللي اكلته الله يعزكم ورجعت جلست معاهم
قال مهند :تعالي كملي اكل
: لا الحمد لله خلاص شبعت
قال بصوت واطي محد يسمعه غيري : وش فيك انتي وجهك ليه اصفر . ترى اليوم باخذك عند الدكتور .
: مهند والله مافيني شي بس تعرف .... وسكت
سكت مهند على طول عرف اني متضايقه من الموضوع اللي صاير حديث الساعه في البيت واني اداري واسوي نفسي عادي .
دق جوال مهند كان ابوه : هلا والله يبه ................... الحمد لله على سلامة الوصول ................... انا في بيتي والوالده عندي والبنات ............................ الله يحييك ننتظرك
اشر لي مهند وقمت لبست جاكيت على البدي حقي وناديت الشغالات يجهزن القهوة والشاهي وقمنا كلنا دخلنا المجلس حق الحريم اللي بجناحي
دخل عمي علينا وسلمنا عليه انا ومهند وجلس بصدر المجلس وقمت صبيت له القهوة وانا احسني تعبانه وادوخ .. حسيت وجهي يتعرق والدنيا تسود بوجههي .. جلست قبل اصب لمهند ولا لاحد ومسكت راسي قلت لريم بشويش : ريومه صبي القهوة عني مصدعه مافيني اوقف
قامت ريم صبت القهوة وشفت مهند التفت علي مستغرب وحسيته عرف اني خايفه من عمي وكلامه اللي راح يقوله .
قال عمي : ديمه انتي فهمتي الموضوع يبه وهذا مو بيدينا يعني مانبيك تزعلين وتأكدي انك بنتي مثل ريم وسميرة ورانيا والبيت هذا بيتك واحنا لوبيدنا ماخلينا هالشي يصير بس انا شفت ان مهند تعب وتغير حاله وانتي الله يهديك طولتي عند جدتك قلت اكيد مامنها رجا وخطبت لمهند من واحد معروف في السوق والله يابنتي لو غيره لاعتذر منه بس المشكله هذا مستحين منه ووو ..
كنت ساكته ماادري اضحك من النكته اللي قاعدين يقولونها ولا ابكي من القهر وان محد حاس فيني ولا اتكلم واقول رأيي واعبر عن قهري ..
تكلم مهند : يبه بعد اذنك انا من قبل قلت لكم محد له علاقة فيني ولحد يتدخل انت قمت بتكحلها عميتها يايبه .. اعتقد مايرضيك اني اعيش تعيس طول عمري وانت بيدك تعذبني وتحرمني السعادة .
: افا يامهند هذا كلامك عني
: انت تدري اني اذا فكرت اخطب البلوة هذي معناتها تدمير حياتي
: مهند البنت بنروح نخطبها الليلة ابيك تعطيها حقوقها وديمة بنت اصول ماتخلي زوجها وبيتها عشان حرمة .. وهي تدري انها غلطة غلطتها يوم جزمت انها ماراح ترجع لك ..
: لو سمحت يبه الكلام هذا منتهي زواج ماني متزوج والموضوع حله بطريقتك اعتذر من الرجال وقول الله يرزق بنتك
:هذا سعود ال.... مو أي واحد اعتذر منه وتدري اني اذا اعتذرت منه وقلت ماعاد نبي بنتكم انه بيسكت ولابيخلينا في حالنا .. بعدين ديمه عاقلة وحكيمه وتعرف الاصول والواجب وتقدر خوفي عليكم وعلى حلالكم من بطش سعود .
وقفت قلت وانا ارتعش : بكيفك ياعمي انا ماراح اعترض على شي انت وولدك احرار في اللي تسوونه .
خرجت وانا مو قادرة اسند طولي الأرض تلف فيني وقرفانه ابغى اخرج من هنا بروح لاي مكان بعيد عن هنا .
لحقتني خالتي بعد ماتمددت بسريري قالت : ديمه يمه فيك شي ؟
: لاياخالتي مافيني غير القهر والحسرة .
: والله ماني راضيه وادري ان مهند يتعذب مثلك واكثر بس والله ماياخذها مهند عليك وراسي يشم الهوا
: خالتي علاقة ولدك في ابوه عندي بالدنيا كلها حتى لو ضحيت بحياتي معاه والحرمة بدالها حرمه بس الأهل محد يعوضهم مثل ماقلت لولدك ..
شفت خالتي انهارت وبكت .. قمت جلست عندها قلت : مو قصدي انكد عليك ياخالتي بس هذا النصيب والقدر والقسمه ليه نعترض
:انتي اللي محد يعوضك ياديمه بس الله يوفقك ولايقهرك ويرزقك وسامحيني ياديمه
قطع علينا مهند لمن دخل وقال : يمه روحي شوفي ابوي وفكيني من شره
قامت خالتي وانا رجعت تمددت على السرير وقرب مهند مني قال : ديمه لاتعتقدين اني بسوي اللي يبيه ابوي.
: اذا ماسويته راح تقهر ابوك ويغضب عليك .
: لاتفكرين بالموضوع هذا راح ينتهي بإذن الله قريب .
: لا يامهند لازم افكر وهالمرة بواقعيه اكثر .
: ديمه انتي تعبانه اوديك مستشفى
: لا مافيني شي وروح لابوك لاتتركه لوحده
: ديمه عمري لاتكبتين بقلبك تكلمي قولي شي .
: مهند خلني لوحدي لوسمحت ..!
خرج مهند من عندي وسمعت صوت ابوه ارتفع يقول الحين ادخل البس و الحقني و انا تحت انتظرك
دخل مهند ولبس قلت : فين
ناظر فيني قال بسكت ابوي كم يوم لاتخافين ماراح اتزوجها لو اشنق نفسي .. لبس ثوبه واخذ شماغه وخرج
خرجت لريم اللي كانت منهارة تبكي ورانيا مو هنا قلت : شو فيه ..؟
: مهند غصبه ابوي يروحون يخطبون الحين
: ها ..؟ الحين ..؟ طيب ومهند ..؟
دق جوالي شفت الرقم كان مهند : هلا
: ديمه لاتخافين انا على وعدي اقسم بالله مااملك عليها لو تنطبق السما على الأرض بس ابي اهجد ابوي كم يوم وعشان نرتاح شويه .
: لاتزعل مني يامهند
: شو تقولين انتي ؟
: مع السلامه حبيبي .
قفلت قبل يرد ووقفت بس دخت ورجعت جلست على الكنبة وقامت ريم عندي قلت وديني غرفتي الله يخليك
: ياويلي كل ماشفناكم مبسوطين يجي شي ينكد عليكم
: حسبي الله ونعم الوكيل
رحت لغرفتي وكانت ريم تبغاني اتمدد بس قلت تعالي ساعديني بروح لبيت خالي مااقدر اشوف مهند وهو جاي من عندهم .. طالعتها قلت : يمكن يشوفها .
: شوفيك مستحيل يطلب يشوفها ومهند اكيد بيسكت ابوي بعدين يبطل منها .
حتى ولو انا اصلاً مااتحمل اجلس دقيقه وحده وخلاص ياريم انا واخوك شكل نصيبنا مو لبعض كل المشاكل اللي صارت بينا تقول ان فيه خلل ومو لازم نستمر مع بعض عشان نرتاح كلنا .
فتحت شنطتي وحطيت اغلب اغراضي المهمه فيها قلت لريم : امانه اذا زوجة مهند بتسكن هنا لاتخلين لها شي بغرفتي اخاف يمكن بكرة تتبلاني بشي وتخلي اغراضي دليل ضدي .. لأني قد سمعت عن هنادي بلاوي . ب ماابي اتكلم عليها .
: تخسي ماتدخل بيتك وانتي مصيرك بترجعين وهذي والله والله ياديمه ماتدخل بيتنا بعد اليوم ولا نخلي مهند ياخذها حتى لو سكت وملك . انا شفتها لمن عزمهم ابوي جوالين كلها تدق بشكل خيالي حتى مااستحت منا .. وغير كذا حرمه كبيرة اكبر من مهند . وماتحترم امي تناظرها بنص عين .. تحسب احنا اللي ميتين عليها .
طالعت ريم قلت : مالقى ابوك من بيم خلق الله الا هنادي سعود ..
يووه فشيلة لو يعرفون الناس انه ماخذها . حرام وربي حرام ياريم . كان دور له وحده احسن من هذي .
شفت دموع ريم تنزل وماردت علي شكلها مفجوعه من كلامي وخوفي على مهند واني ماارضى انه ياخذ وحده سمعتها كذا .
اتصلت على سواق خالي وقال انه بيجي بعد ساعه بعدين اتصلت على هدى قلت لها ترتب غرفتي واني بجي اجلس عندهم كم يوم .. ماردت هدى لأنها فهمت اني زعلانه وبجلس عندهم .
خرجت بعد مااخذوا الشغالات شنطتي الكبيرة وخالتي كانت مقفلة عليها بغرفتها تقول ريم انها منهارة وتبكي على مهند وحياته اللي خربها ابوه بيده .
اما رانيا مقفلة عليها من قبل مااخرج ماادري كيف وضعها الحين .
جلست بالحديقه استنى السواق ودق جوالي كان مهند رديت على طول كنت ابغاه يقول خلاص رفضت ، خلاص تفاهمنا ، بطلوا ، ابوي كلمهم ، ابغى حل للموضوع من مهند ماابغى اتركه كأني بخلي قلبي هنا ،، بخلي روحي وأروح لبيت خالي بدون روح بدون حياة ، بدون قلب لأني علقته مع مهند ومشيت ...
: الو
: هلا عمري كيفك الحين ؟
: ..............
: ديمه بجيك اشرح لك كل شي .. ادري اني خذلتك وجاريت ابوي بس والله انه عشان افتك من وجع الراس وافكك . بعدين اهم شي انه مو ارتباط رسمي
: مهند انت اللي سامحني
: شو قصدك ..؟
: مع السلامه مهند .
: الو ... الوو
قفلت ودق مرة ثانيه مارديت .. قفلت جوالي وجا السواق على طول ودخل شنطتي السيارة وركبت معاه رحت لبيت خالي
دخلت البيت وخليت الشغالات يجيبن لي شنطتي فوق لأنها مرة كبيرة ولازم ثنتين يشيلنها
سلمت على هدى وعيالها وانا دايخه مااشوف قالت هدى : ديمه تعالي اجلسي وقولي لي اش صار وليه شنطتك هالكبر
: خلاص ياهدى بجلس هنا
: شو صار ؟
: مهند خطب اليوم .
: شووووووو .؟
: اللي سمعتيه ابوه خطب لمن كنت في سوريا يحسبني ماراح ارجع له وحن على ولده .. ويقول الحين متورط مع الرجال اللي خطب بنته ومستحي يقول مانبي بنتكم .
: وببساطه يهدم حياتك وحياة ولده عشان مستحي .
: بعدين هدى انا الحين كثير تعبانه بروح ارتاح .
لحقتني لغرفتي ونزلت عبايتي ورميت نفسي على سريري
بكيت هالمرة براحتي بكيت بكيت بكيت الين احسني ماعدت قادرة اتنفس
اتذكر ان هدى كانت عندي وتحاول تهديني بس انتبهت بعد كذا اني لوحدي بغرفتي